သတင်းနှင့် လှုပ်ရှားမှုများ

       ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်ရှိ စက်ဆီ/ချောဆီအရောင်းဆိုင်များ တွင် စက်ဆီ၊ ချောဆီ တင်သွင်း၊ထုတ်လုပ်ဖြန့်ဖြူးရောင်းချခြင်း အတုအပတရားမဝင်ရောင်းချခြင်း၊ ကုန်အညွှန်းအမှတ်အသားပြည့်စုံခြင်း ရှိ/မရှိ ကို စားသုံးသူရေးရာဦးစီးဌာန မြို့နယ်ဦးစီးမှူး ဦးအောင်လွင်နှင့် ဝန်ထမ်းများသည် (၂၄.၁.၂၀၂၃) နေ့ (၀၉:၃၀) နာရီအချိန်တွင် ညောင်တုန်းမြို့အတွင်း စက်ဆီ၊ ချောဆီအရောင်းဆိုင်(၅)ဆိုင်သို့ ကွင်းဆင်း၍ ဈေးကွက်စောင့်ကြည့်စစ်ဆေးခဲ့ကြပါသည်။

       ထိုသို့ ကွင်းဆင်းစစ်ဆေးရာတွင် ညောင်တုန်းမြို့ စက်ဆီ၊ချောဆီအရောင်းဆိုင်များတွင် အတုအပ များပြုလုပ်၍ တင်သွင်းဖြန့်ဖြူးရောင်းချခြင်း၊ ပြန်လည်ပြုပြင်ပြီး သုံးစွဲရန်မသင့်သော အရည် အသွေး ညံ့သည့် စက်ဆီ၊ ချောဆီများကို တရားဝင်ခွင့်ပြုချက်လိုင်စင်မရှိဘဲ ပြုလုပ်ရောင်းချခြင်း၊ စားသုံး သူကာ ကွယ်ရေး(၂၀၁၉) ဥပဒေအရ ကုန်အညွှန်းအမှတ်မသား ပြည်စုံစွာဖော်ပြပါဝင်ခြင်း ရှိ/မရှိ ကို စစ်ဆေး ခဲ့ကြရာ ညောင်တုန်းမြို့အတွင်းတွင် တရားမဝင်စက်ဆီ၊ချောဆီများ ရောင်းချခြင်းကို မတွေ့ရှိရဘဲ ဆိုင်ရှင်များအား တရားမဝင်စက်ဆီ၊ ချောဆီများနှင့် ဆင်တူယိုးမှား အတုအပများ၊ ပြန်လည်ပြုပြင်၍ ဈေးကွက်အတွင်း ရောင်းချခြင်းမပြုလုပ်ကြပါရန် ပညာပေးခဲ့ကြပြီး ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

        ကချင်ပြည်နယ်ဈေးကွက်အတွင်း ကုန်စည်နှင့်ဝန်ဆောင်မှုများလုံခြုံစိတ်ချရမှုရှိစေရေး ကုန်အ ညွှန်းအမှတ်အသားနှင့် သက်ဆိုင်သည့်အချက်အလက်များ သိရှိစေရေးအတွက်  စားသုံးသူရေးရာဦးစီး ဌာန၊  ကချင်ပြည်နယ်ဦးစီးမှူးရုံးမှ  ဦးဇေယျာအောင်(ဦးစီးအရာရှိ)သည်   25.1.2023  ရက်နေ့ နံနက် 11:00နာရီ အချိန်တွင်  ပြည်နယ်ဦးစီးမှူးရုံး၌ မြစ်ကြီးနားမြို့၊ ကြက်ပေါင်ခြံရပ်ကွက်မှ ဝီဖိုးယုအမှတ်တံဆိပ် သောက်ရေသန့် ထုတ်လုပ်သူလုပ်ငန်းရှင် ဦးသန့်ဇင်ဦးနှင့်တွေ့ဆုံဆွေးနွေးခဲ့ပါသည်။

      ထိုသို့တွေ့ဆုံဆွေးနွးရာတွင် 2019 စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များဖြစ်သည့် ကုန်စည်သို့မဟုတ်ဝန်ဆောင်မှု၏အာမခံချက်၊သတ်မှတ်ချက်များနှင့်စပ်လျဉ်း၍ ရိုးရှင်းမှန်ကန်သော သတင်းအချက်အလက်များပေးခြင်း၊စားသုံးသူနစ်နာဆုံးရှုံးမှုဖြစ်ပွားစေမည့် ကုန်စည်သို့မဟုတ်ဝန်ဆောင်မှုကို တိုက်ရိုက်ရောင်းချခြင်း သို့မဟုတ် သွယ်ဝိုက်ရောင်းချခြင်းကို ရှောင် ကြဉ်ခြင်း၊ ကုန်စည်၏အရည်အသွေး၊ စားသုံးသူဘေးအန္တရာယ်ကင်းရှင်းစေရေး၊ကုန်အညွှန်းအမှတ် အသားပါ အချက်အလက်၊ ကြော်ငြာ၊ကမ်းလှမ်းချက်သို့မဟုတ် အရောင်းမြှင့်တင်ခြင်းတွင်ပါဝင်သော ဖော်ပြချက်နှင့်ကိုက်ညီမှုရှိခြင်း စသည့်အာမခံချက်ပေးရမည့်အချက်များ၊ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ အစားအသောက်ကုန်စည်အုပ်စုတွင်ပါဝင်သည့် သောက်ရေသန့်အမျိုးမျိုးတွင် အမျိုးအမည်၊ အရွယ်အစား၊ အရေအတွက်နှင့်အသားတင်ပမာဏ၊ ထားသိုသိမ်းဆည်းမှုအညွှန်း တို့ကို မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ သိသားထင်ရှားစွာဖော်ပြရန်နှင့်စားသုံးသူကာကွယ်ရေးဥပဒေပြဌာန်းချက်ပါ ပြစ်မှုပြစ်ဒဏ်များအကြောင်းတို့ကို အသိပညာပေးဆွေးနွေးခဲ့ပြီး ကုန်အညွှန်းအမှတ်အသားဖော်ပြခြင်း ဆိုင်ရာ လက်ကမ်းစာစောင်များ ဖြန့်ဝေပေးခဲ့ပါသည်။

DOCA(ကချင်)

      စားသုံးသူရေးရာဦးစီးဌာန မွန်ပြည်နယ်ဦးစီးမှူးရုံးမှ ဝန်ထမ်းများသည် ၂၀၂၃ ခုနှစ် ဇန်နဝါရီလ ၂၄ ရက်နေ့၊ နံနက် ၁၁:၅၀ နာရီအချိန်တွင် ချောင်းဆုံမြို့ အ - ထ - က(ခွဲ) ကရင်ဝင်းစိန် ကျောင်း၌ မုန့်ဈေးတန်းစစ်ဆေးဆောင်ရွက်ခဲ့ကြောင်းသိရပါသည်။

        စားသုံးသူရေးရာဦးစီးဌာနမှ ဝန်ထမ်းများနှင့် ချောင်းဆုံမြို့ အ - ထ - က(ခွဲ) ကရင်ဝင်းစိန်ကျောင်းရှိ ကျောင်းအုပ်ဆရာမကြီးနှင့်အတူ ကျောင်းသား/သူများ  ဘေးကင်းလုံခြုံမှုရှိစေရေး ကျောင်းမုန့်ဈေးတန်းစစ်ဆေးခဲ့ရာတွင်   ကုန်စည်များပေါ်တွင် ကုန်အညွှန်းအမှတ်အသားဖော်ပြမှုရှိ/မရှိ၊ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲ၊ ဖော်ပြသည့်အမှတ်အသား ထင်ရှားမှုရှိ/ မရှိ၊  ကုန်စည်များကို ရောင်းချရာတွင် ဘေးအန္တရာယ်ဖြစ်စေသည့်အစားအစာများ ရောင်းချမှုရှိ/ မရှိ၊ စားသုံးသူတို့အား လိမ်လည်လှည့်ဖြားမှုမရှိစေရန် ကျောင်းဈေးသည်များကိုလည်း အသိပညာပေးခြင်း၊ သတိပေးခြင်းနှင့် လိုက်နာရမည့်အချက်တို့အား ရှင်းလင်းဆောင်ရွက်ခြင်းပြုလုပ်ခဲ့ကြောင်း၊ ယခုတွေ့ရှိမှုအရ ရောင်းချလျက်ရှိသည့် အ - ထ - က(ခွဲ) ကရင်ဝင်းစိန် ကျောင်းရှိ ကျောင်းမုန့်ဈေးတန်းစစ်ဆေးခဲ့ရာတွင် သန့်ရှင်း၍ ကုန်အညွှန်းအမှတ်အသားပြည့်စုံစွာဖော်ပြထားသည့် ကုန်စည်များသာရောင်းချကြောင်းသိရှိရပါသည်။

DOCA(မွန်)

            စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်ဦးစီးမှူးရုံးမှ ဒု-ခရိုင်ဦးစီးမှူး ဦးမျိုးဝင်းနှင့်အဖွဲ့သည် (၁၉.၁.၂၀၂၃)နှင့် (၂၀.၁.၂၀၂၃)ရက်နေ့ နံနက်(၁၀:၀၀)အချိန်တွင် မကွေးမြို့ပေါ်၌ ဈေးကွက်အတွင်း အများပြည်သူ သုံးစွဲလျက်ရှိသည့် အိမ်သုံးဆိုလာပြားများ ရောင်းချရာတွင် သင့်တင့်မျှတသော ‌စျေးနှုန်းဖြစ်စေရေးနှင့် အများပြည်သူထိခိုက် နစ်နာမှုမရှိစေရေးအတွက် ရောင်းချလျက်ရှိသည့် ဆိုလာနှင့် ဆက်စပ်ပစ္စည်းများ (Solar panel, Solar Invertor, Solar Battery) အရောင်းဆိုင်(၆)အား ကွင်းဆင်း၍ ဈေးနှုန်းများနှင့် ရောင်းချမှုအခြေအနေများအား လေ့လာခဲ့ပါသည်။ ထို့အတူ မြို့နယ်တာဝန်ခံများမှလည်း(၁၉.၁.၂၀၂၃)နှင့်(၂၀.၁.၂၀၂၃) ရက်နေ့များတွင် ချောက် မြို့နယ်တွင်(၂)ဆိုင်၊ ရေနံချောင်းမြို့နယ်တွင်(၁)ဆိုင်၊ တောင်တွင်းကြီးမြို့တွင်(၂)ဆိုင်၊ မြို့သစ်မြို့ တွင်(၁)ဆိုင်၊ နတ်မောက်မြို့ တွင်(၁)ဆိုင် စုစုပေါင်း (၇)ဆိုင်အား ကွင်းဆင်းလေ့လာခဲ့ကြောင်း သိရှိရပါသည်။

          မကွေး/ချောက် ခရိုင်အတွင်း၌ ဆိုလာနှင့်ဆက်စပ်ပစ္စည်းထုတ်လုပ်သည့် ကုမ္ပဏီများမရှိဘဲ၊ အိန္ဒိယနှင့်တရုတ်နိုင်ငံမှ တင်သွင်းသော ဆိုလာနှင့် ဆက်စပ်ပစ္စည်းများသာ ဆိုင်တင်ရောင်းချကြောင်း၊ ဆိုလာပြားများအား ဌာနဆိုင်ရာများမှ လျှပ်စစ်မြစ်ရေတင်နှင့် စိုက်ပျိုးရေးသုံးလုပ်ငန်းများတွင်သာ မြင်းကောင်ရေများသော ပစ္စည်းများအသုံးပြုခြင်း၊ တစ်ချို့စီးပွားရေးလုပ်ငန်းရှင် အနည်းစုမှသာ (Air Con) တစ်ကောင်ခွဲအထိ သုံးစွဲနိုင်သည့် ဆိုလာပြားများ အသုံးပြုကြ၍ ဝယ်မည့်သူ သေချာမှသာ မှာယူပေးကြောင်း သိရှိရပြီး စျေးကွက်အတွင်းဖြစ်ပေါ်နေသော စျေးနှုန်း များမှာ အိန္ဒိယနိုင်ငံထုတ် TATA (60W) ဆိုလာပြားတစ်ချပ်လျှင် ဝယ်စျေးကျပ်(၆၅၀၀၀)အား ကျပ်( ၆၈၀၀၀)ဖြင့် ရောင်းချ၍ အမြတ်(၃၀၀၀)ကျပ်ခန့်ရရှိကြောင်း ၊ 81 (150W) ဆိုလာတစ်ချပ်လျှင် ဝယ်စျေး(၂၇၅၀၀၀)ကျပ်အား (၂၇၈၀၀၀)ကျပ်ဖြင့် ရောင်းချ၍ အမြတ်(၃၀၀၀)ကျပ်ခန့် ရရှိကြောင်း၊ တရုတ်နိုင်ငံထုတ် Solar အားသွင်းမီးသီးများအား ဝယ်ရင်းစျေးအပေါ် အမြတ်ကျပ်(၇၀၀-၈၀၀-၁၀၀၀-၁၅၀၀)ခန့်သာ ပစ္စည်းအမျိုးအစားပေါ်မူတည်၍  အမြတ်အနည်းငယ်တင်၍သာ ‌ရောင်းချကြောင်း လုပ်ငန်းရှင်များထံမှ သိရှိရပြီး မကွေး/ချောက်ခရိုင်အတွင်း၌ ကျေးလက်ဒေသ၏ (၆၀) ရာခိုင်နှုန်းခန့် လျှပ်စစ်မီးရရှိနေပြီဖြစ်၍ Solar ပြားများကို တစ်ဆိုင်လျှင်  တစ်လပျမ်းမျှ (၃)ချပ် ခန့်သာရောင်းချရကြောင်းနှင့် ယခုအချိန်တွင် တရုတ်နိုင်ငံထုတ် Solar အားသွင်းမီးသီးများသာ အရောင်းအဝယ်ဖြစ်နေကြောင်း သိရှိရပါသည်။

DOCA(မကွေး)

        ရခိုင်ပြည်နယ် စားသုံးသူရေးရာဦးစီးဌာန၊ မောင်တောခရိုင် ဘူးသီးတောင်မြို့နယ်တာဝန်ခံ ဦးကျော်လှိုင် (ဦးစီးမှူး)နှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့်ပူးပေါင်း၍     (၂၄-၁-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ဘူးသီးတောင်မြို့ မြို့မဈေးကြီးအတွင်း ဈေးဆိုင်များတွင် ရောင်းချနေသော စားသောက်ကုန်ပစ္စည်းများအား စားသုံးသူပြည်သူများ ဘေးအန္တရာယ်ကင်းရှင်းစွာဖြင့် ဝယ်ယူစားသုံးနိုင်ရေး ကုန်ပစ္စည်းများပေါ်၌ သတင်းအချက်အလက်များ ပြည့်စုံမှန်ကန်စွာဖော်ပြထားသော ကုန်ပစ္စည်းများကိုသာ ရွေးချယ်ဝယ်ယူသုံးစွဲနိုင်ရေး ရည်ရွယ်၍ ဈေးကွက်စစ်ဆေးဆောင်ရွက်ခဲ့ပါသည်။

       ထိုသို့ ကွင်းဆင်းစစ်ဆေးဆောင်ရွက်ရာတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးကျော်လှိုင် (ဦးစီးမှူး)မှ ဈေးဆိုင်ပိုင်ရှင်များအား ရောင်းချနေသော ကုန်စည်များသည် ဝယ်ယူ စားသုံးသူ မိဘပြည်သူများအား ဘေးဥပါဒ်မဖြစ်စေရေးအတွက် မိမိတို့နိုင်ငံမှ သက်ဆိုင်ရာဌာနများ၏ ထောက်ခံချက်ပါရှိမှု၊ ကုန်အညွှန်းအမှတ်အသားများကို မြန်မာဘာသာဖြင့်ဖြစ်စေ (သို့) မြန်မာဘာသာနှင့် အခြားဘာသာတွဲလျက်ဖော်ပြထားသော ကုန်စည်များကို ဦးစားပေးရောင်းချရန် လိုအပ်ပါကြောင်း၊ စားသုံးသူရေးရာဦးစီးဌာန၏ ၂၀၁၉ စားသုံးသူကာကွယ်ရေးဥပဒေအရ မည်သည့် စီးပွားရေးလုပ်ငန်းရှင်မဆို ကုန်ပစ္စည်းများတွင် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ ဖော်ပြရန်လိုအပ်ပြီး မြန်မာဘာသာ (သို့) မြန်မာဘာသာနှင့် အခြားဘာသာတွဲလျက်ဖော်ပြရမည်ဖြစ်သည့်အတွက် ရောင်းချသည့် ဈေးဆိုင်လုပ်ငန်းရှင်များအနေဖြင့်လည်း စားသုံးသူကာကွယ်ရေးဥပဒေ ပြဌာန်းချက်များအား လိုက်နာဆောင်ရွက်ရန် လိုအပ်ပါကြောင်း အသိပညာပေးပြောကြားပြီး ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါကြောင်း သတင်းရရှိပါသည်။

DOCA(ရခိုင်)