သတင်းနှင့် လှုပ်ရှားမှုများ

           မွန်ပြည်နယ် ၊ ဘီလင်းမြို့နယ်   စားသုံးသူရေးရာဦးစီးဌာန မြို့နယ်တာဝန်ခံရုံးမှ မြို့နယ်တာဝန်ခံနှင့်ဝန်ထမ်းများသည် ဘီလင်းမြို့နယ် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနနှင့်ပူး ပေါင်း၍ ၂၀၂၃ခုနှစ် ဇန်နဝါရီလ ၂၄ ရက်နေ့တွင်   ပြန်ကြားရေးနှင့်ပြည်သူ့ဆက်ဆံရေးဦးစီးဌာန (ဘီလင်း)ခန်းမတွင်စားသုံးသူအကာကွယ်ပေးရေးအသိပညာပေး ( Talk Show ) ပြုလုပ်၍ ဟောပြောဆွေးနွေးခဲ့ ကြောင်းသိရပါသည်။

          ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာ၊ ဘီးလင်းမြို့နယ်ရုံးမှ ဦးစီးအရာရှိက အသိပညာပေးဆွေးနွေးပွဲ Talk Show ပြုလုပ်ရခြင်း၏ ရည်ရွယ်ချက်အားရှင်းလင်းပြောကြားခဲ့ပြီး စားသုံးသူရေးရာဦးစီးဌာန၊ မြိုနယ်တာဝန်ခံရုံး(ဘီလင်း)မှ မြို့နယ်တာဝန်ခံ ဒေါ်ဇင်ဖြူဝင်း(ဦးစီးမှူး)မှ ဌာန၏သမိုင်းကြောင်း၊ မျှော်မှန်းချက်၊ ရည်မှန်းချက် လုပ်ငန်းတာဝန်များကိုရှေးဦးစွာရှင်းလင်း၍ စားသုံးသူတိုင်းအခွင့်အရေးရရှိပြီး ထိုအခွင့်အရေးများ ဆုံးရှုံးနစ်နာမှုဖြစ်ပေါ်လာပါက မိမိတို့ဌာနသို့ တိုင်ကြားနိုင်ကြောင်း၊ တိုင်ကြားနိုင်သည့်နည်းလမ်း၊ ဆက်သွယ်ရမည့်လိပ်စာနှင့်ဌာနမှလက်ခံ ဆောင်ရွက်ပုံအဆင့်ဆင့်တို့ကို ဆွေးနွေးပြီး စားသုံးသူ အကာကွယ်ပေးရေးဥပဒေအရ တားမြစ်ချက်များကိုဖောက်ဖျက်ကျုးလွန်ပါက အရေးယူနိုင်သည့် ပြစ်မှု၊ ပြစ်ဒဏ်များကို ဆွေးနွေးပြီးနောက် ဒေါ်နော်အေးမို့မို့ (အကြီးတန်းစာရေး)မှ စီးပွားရေး လုပ်ငန်းရှင်များလိုက်နာရမည့်တာဝန်နှင့် စားသုံးသူအကာကွယ်ပေးရေးဥပဒေအခန်း(၁၈)၊ပုဒ်မ(၄၁) ပါကုန်အညွှန်းအမှတ်အသားနှင့်ဆိုင်သောအချက်အလက်များကို ရှင်းလင်းဆွေးနွေးကာ စားသုံးသူနှင့်စီးပွားရေးလုပ်ငန်းရှင်များအကြား မျှတသောအခွင့်အရေးရရှိစေရန် စားသုံးသူရေးရာဦးစီးဌာနမှ လုပ်ငန်းတာဝန်များ ဆောင်ရွက်နေကြောင်း ဟောပြောဆွေးနွေးခဲ့သည်ဟုသတင်းရရှိပါသည်။

DOCA(မွန်)

       ဧရာဝတီတိုင်းဒေသကြီး၊ မြောင်းမြခရိုင်၊ မြောင်းမြမြို့နယ်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့် စားသုံးသူရေးရာဦးစီးဌာနတို့ပူးပေါင်း၍ (၂၃-၁-၂၀၂၃)ရက်နေ့ ညနေ (၁၄:၀၀)နာရီအချိန်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမတွင် စားသုံးသူအသိပညာပေး Talk Show ပြုလုပ်ခဲ့ပါသည်။

       ထိုသို့ဟောပြောဆွေးနွေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ် ဦးစီးမှူးက  စားသုံးသူအသိပညာပေး Talk Show ပြုလုပ်ရခြင်း၏ ရည်ရွယ်ချက်အား ရှင်းလင်းပြောကြားခဲ့ပြီး၊ စားသုံးသူရေးရာဦးစီးဌာန မြို့နယ် ဦးစီးမှူး ဦးလှထွဋ်ဦးက ဌာန၏မျှော်မှန်းချက်၊ ရည်မှန်းချက်များ၊ ရှေ့ဆက်လက်ဆောင်ရွက်ရမည့် လုပ်ငန်းတာဝန်များအား ဦးစွာရှင်းလင်းပြောကြားခဲ့ပြီး၊ စစ်ဆေးရေးမှူး၏လုပ်ငန်းတာဝန်များအကြောင်း အသေးစိတ်ရှင်းလင်းဆွေးနွေးခဲ့ပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက ထုတ်ပြန်ထားသောစားသုံးသူကာကွယ်ရေး ဥပဒေ ၂၀၁၉ ပါပြဋ္ဌာန်းချက်များမှ အခန်း(၉)ပါ စားသုံးသူ၏အခွင့်အရေး(၈)ချက်နှင့်တာဝန် (၄)ချက်၊ အခန်း(၁၀)ပါစီးပွားရေးလုပ်ငန်းရှင်၏တာဝန်(၁၁)ချက်၊ အခန်း(၂၃)ပါ တားမြစ်ချက် များ၊ အခန်း(၂၄)ပါ ပြစ်မှုပြစ်ဒဏ်များ၊ အခန်း(၁၂)ပါကုန်စည်နှင့်စပ်လျဉ်း၍ အာမခံပေးထားမှု အပေါ် စားသုံးသူကတောင်းဆိုနိုင်သည့် အခွင့်အရေး(၄)ချက်၊ အခန်း(၁၃)ပါဝန်ဆောင်မှုနှင့် စပ်လျဉ်း၍ အာမခံပေးချက်(၅)ချက်၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၄၁ ပုဒ်မခွဲ(ခ) နှင့်(ဆ)တို့ပါ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့) တစ်ခုထက်ပို ၍တွဲလျက်ဖြစ်စေ၊ ရေးသားဖော်ပြရမည်ဖြစ်ပြီး၊ ကုန်စည်အမျိုးအစားအလိုက် သတ်မှတ်ထားသည့် ဥပဒေများနှင့်အညီ ဆောင်ရွက်ကြရန်၊ စီးပွားရေးလုပ်ငန်းရှင်များအနေဖြင့် ဥပဒေပါ အချက်အလက်များသိရှိလိုပါက စားသုံးသူရေးရာဦးစီးဌာန၊ ခရိုင်ဦးစီးမှူးရုံးတွင်လည်းကောင်း၊ စားသုံးသူရေးရာဦးစီးဌာန၊ ရုံးချုပ်၏ www.doca.gov.mm website တွင်လည်း ဝင်ရောက်လေ့လာကြည့်ရှုနိုင်ပါကြောင်း စားသုံးသူများနစ်နာမှုရှိလာပါက  စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ CICC သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ပါကြောင်း အသိပညာပေးဟောပြောဆွေးနွေးခဲ့ပါသည်။

DOCA(ဧရာဝတီ)

           (၂၆-၁-၂၀၂၃) ရက်နေ့၊ နံနက်(၁၀:၀၀) နာရီအချိန်တွင် ကရင်ပြည်နယ်စားသုံးသူရေးရာဦးစီးဌာန၊ ပြည်နယ်အစားအသောက်နှင့်ဆေးဝါးကွပ်ကွဲရေးဦးစီးဌာန၊ ပြည်နယ်အသေးစား စက်မှုလက်မှုလုပ်ငန်းဦးစီးဌာန၊ ပြည်နယ်စက်မှုကြီးကြပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ပြည်နယ်ပြည်သူ့ကျန်းမာရေးဦးစီးဌာနတို့နှင့်ပူးပေါင်း၍ ကရင်ပြည်နယ်၊ ဘားအံမြို့၊ အင်ကြင်းလမ်း၊ အမှတ်(၉)ရပ်ကွက်၌ ပေါင်မုန့်၊ ကိတ်မုန့်နှင့် မုန့်မျိုးစုံထုတ်လုပ်သော လုပ်ငန်းများသို့ ကွင်းဆင်းစစ်ဆေးခဲ့ကြောင်း သိရှိရပါသည်။

       ကွင်းဆင်းစစ်ဆေးရာတွင်ပြည်နယ်အသေးစားစက်မှုလက်မှုလုပ်ငန်းဦးစီးဌာနမှတာဝန်ရှိသူတစ်ဦးက ပေါင်မုန့်၊ ကိတ်မုန့် နှင့် မုန့်မျိုးစုံထုတ်လုပ်သောလုပ်ငန်းများတွင် လုပ်ငန်းလိုင်စင်မတင်ရသေးသော လုပ်ငန်းများကိုလုပ်ငန်းလိုင်စင်လုပ်ရမည်ဖြစ်ကြောင်း ရှင်းလင်းပြောကြားခဲ့ပြီး၊ ပြည်နယ်အစားအသောက်နှင့်ဆေးဝါးကွပ်ကွဲရေးဦးစီးဌာနက အစားအသောက်ထုတ်လုပ်မှုနှင့်ပတ်သက်၍ စားသုံးရန်အသင့်သည့်ဆိုးဆေးအကြောင်းကို အသေးစိတ်ရှင်းလင်းပြောကြား ခဲ့ပြီး၊ မြို့နယ်စည်ပင်သာယာရေးအဖွဲ့ အစားသောက် ထုတ်လုပ်သည့်နေရာတွင် သန့်ရှင်းမှုရှိ အောင်ထုတ်လုပ်ခြင်းနှင့် ဘေးပတ်ဝန်းကျင် သန့်ရှင်းမှုရှိအောင်ပြောကြားခဲ့ပြီး၊ ပြည်နယ် စားသုံးသူရေးရာဦးစီးဌာနက ပေါင်မုန့်၊ ကိတ်မုန့် နှင့် မုန့်မျိုးစုံထုတ်လုပ်သော လုပ်ငန်းများတွင် ကုန်အညွှန်မှတ်အသားပြညစုံပါဝင်မှုရှိစေရေး ကုန်အညွှန်းအမှတ်အသားအကြောင်းနှင့်လုပ်ငန်းရှင်များလိုက်နာရမည့် အချက်များကို အသေးစိတ်ရှင်းလင်း ပြောကြားခဲ့ကြောင်း သိရှိရပါသည်။

DOCA(ကရင်)

             ကျောက်ဆည်ခရိုင် ၊ စားသုံးသူရေးရာဦးစီးဌာနသည် စားသုံးသူများဘေးအန္တရာယ်ကင်းရှင်းစေရေး ၊ ထုတ်ကုန်များလုံခြုံစိတ်ချရမှုရှိစေရေးအတွက် စားသုံးသူကာကွယ်ရေးအသိပညာပေး ဟောပြောဆွေးနွေးပွဲကျင်းပခြင်းနှင့်စျေးကွက်စောင့်ကြည့်စစ်ဆေးခြင်းလုပ်ငန်းများအား စဉ်ဆက်မပြတ်ဆောင်ရွက်လျက်ရှိရာ (၂၆-၁-၂၀၂၃)ရက်နေ့တွင် ကျောက်ဆည်ခရိုင် ၊ စားသုံးသူရေးရာဦးစီးဌာန ၊ ခရိုင်ဦးစီးမှူးဦးဆောင်သော စစ်ဆေးရေးအရာရှိများသည် ကျောက်ဆည်မြို့နယ် ၊ တံစိုးကျေးရွာ၊ရွာပုလဲကျေးရွာနှင့်မိုးကြိုးကုန်းကျေးရွာများ၌ ကျေးရွာသူ၊ကျေးရွာသားများအား စားသုံးသူကာကွယ်ရေးဥပဒေနှင့်ပတ်သက်သည့်အကြောင်းအရာများဟောပြောဆွေးနွေးခဲ့ပါသည်။ရှေးဦးစွာ စားသုံးသူရေးရာဦးစီးဌာန၊ ခရိုင်ဦးစီးမှူး ဦးကျင်ဌေးက အဖွင့်အမှာစကားပြောကြားပြီး စားသုံးသူရေးရာဌာနခွဲတာဝန်ခံ ဦးဇော်မင်းလတ်(ဦးစီးမှူး) နှင့် ဦးစိုးမင်းထွန်း(ဒု-ဦးစီးမှူး)တို့က စားသုံးသူကာကွယ်ရေးဥပဒေပါအချက်များဖြစ်သည့် စားသုံးသူများ၏အခွင့်အရေး ၊ စီးပွားရေးလုပ်ငန်းရှင် များ၏တာဝန်၊ ကုန်စည်နှင့်ဝန်ဆောင်မှုနှင့်စပ်လျဉ်း၍အာမခံပေးထားမှုအပေါ် စားသုံးသူကတောင်းဆိုနိုင်သည့်အခွင့်အရေးများနှင့်စားသုံးသူများနစ်နာဆုံးရှုံးမှုများဖြစ်ပေါ်ပါကတိုင်းဒေသကြီး ၊ ပြည်နယ်များရှိ Consumer Information & Complaint Center (CICC)များ နှင့် Consumer Call Center  ဖြစ်သည့် 1535 သို့ ခေါ်ဆို၍ တိုင်ကြားနိုင်သည့်အပြင် စားသုံးသူရေးရာဦးစီးဌာန၏ Website ဖြစ်သော www.doca. gov.mmထဲသို့ဝင်ရောက်ပြီး တိုင်ကြားနိုင်ပါကြောင်း ဆွေးနွေးပြောကြားခဲ့ပြီး အသိပညာပေးဟောပြောဆွေးနွေးပွဲများသို့ ရွာပုလဲကျေးရွာတွင်(၁၀၀)ဦး ၊ တံစိုးကျေးရွာတွင်(၁၁၀)ဦး၊ မိုးကြိုးကုန်းကျေးရွာတွင်(၉၅)ဦး တက်ရောက်ခဲ့ပြီး တက်ရောက်လာသော ကျေးရွာသူ ၊ ကျေးရွာသားများအား စားသုံးသူကာကွယ်ရေးနှင့်ပတ်သက်သည့် လက်ကမ်းစာစောင် များဖြန့်ဝေခဲ့ပါသည်။ထို့နောက် ခရိုင်ဦးစီးမှူးဦးဆောင်သော စစ်ဆေးရေးအရာရှိများသည် ကျေးရွာအတွင်းရှိ စားသုံးသူပြည်သူများအား ကျောက်ဆည်ခရိုင် ၊ ဆီကုန်သည်နှင့်ဆီလုပ်ငန်းရှင်များ အသင်းမှစားအုန်းဆီများအား သက်သာသောစျေးနှုန်းများဖြင့်ရောင်းချနေမှုအား စျေးကွက်စောင့်ကြည့်စစ်ဆေးခဲ့ကြောင်း သတင်းရရှိပါသည်။

DOCA(မန္တလေး)

         ဧရာဝတီတိုင်းဒေသကြီး၊ဖျာပုံခရိုင်၊ဖျာပုံမြို့နယ်စားသုံးသူရေးရာဦးစီးဌာနမှ မြို့နယ်စစ်ဆေးရေးမှူး  ဦးမင်းဇော်ဦးဆောင်၍ ဝန်ထမ်းများနှင့်အတူ ဇန်နဝါရီလ (၂၃) ရက်န့၊ နေ့လည်(၁၃:၀၀) နာရီအချိန်တွင် ဖျာပုံမြို့တွင်းရှိ စက်ဆီ၊ ချောဆီအရောင်းဆိုင်များတွင် စက်ဆီ၊ချောဆီများအား   ရေသန့်ဘူးများ၊ပြည်တွင်းထုတ်ဘူးများ၊ တရားမဝင်တင်သွင်းသည့်ကုန်အမှတ်တံဆိပ်များနှင့်ဆင်တူ  ရိုးမှားကပ်နှိပ်၍ အရည်အသွေးစံမမီသည့် စက်ဆီချောဆီများ ရောင်းချမှုရှိ/မရှိကွင်းဆင်းစစ်‌ဆေးခဲ့ပါသည်။

     ယင်းသို့စစ်ဆေးရာ စက်ဆီချောဆီဆိုင်များတွင် စက်ဆီချောဆီများအား ‌ရေသန့်ဘူးများ ပြည်တွင်းထုတ်ဘူးများ တရားမဝင်တင်သွင်းသည့်ကုန်အမှတ်တံဆိပ်များနှင့်ဆင်တူရိုးမှားကပ်နှိပ် ၍အရည်အသွေးစံမမီသည့် စက်ဆီချောဆီများဖြန့်ဖြူးရောင်းချမှုမရှိကြောင်း၊ PPRT code များမှတ် ပုံတင်ထားသော စက်ဆီချောဆီများကိုသာ စစ်ဆေးတွေ့ရှိရကြောင်းသတင်းရရှိပါသည်။

DOCA(ဧရာဝတီ)