သတင်းနှင့် လှုပ်ရှားမှုများ

         စားသုံးသူရေးရာဦးစီးဌာန၊ ချင်းပြည်နယ်ဦးစီးမှူးရုံးမှ ဒေါ်သူဇာမြင့်(ဦးစီးမှူး)၊ ဦးကီးအောင်လိန်း(ဒု-ဦးစီးမှူး)၊ ဦးသိန်းထိုက်အောင်(ဒု-ဦးစီးမှူး)၊ မြို့နယ်အထွေအထွအုပ်ချုပ်ရေးဦးစီးဌာနမှ ဦးကျော်ဝင်းထွဋ်(ဒု-ဦးစီးမှူး)နှင့် မြို့နယ်စည်ပင်သာယာရေးအဖွဲ့မှ ဦးဟုန်းကီးထွန်း(အငယ်တန်းအင်ဂျင်နီယာ-၄) တို့သည် ၂၀၂၃ ခုနှစ်၊ ဇူလိုင်လ ၁၂ ရက်နေ့၊ နံနက်(၁၀:၃၀)အချိန်တွင် ဟားခါးမြို့၊ ပြည်တော်သာရပ်ကွက်ရှိ ကုန်စုံဆိုင်များကို ကွင်းဆင်းစစ်ဆေးခဲ့ပါသည်။

        ထိုသို့ကွင်းဆင်းစစ်ဆေးရာတွင် ကုန်စုံဆိုင်ရောင်းချနေသူများအနေဖြင့် စားသုံးသူပြည်သူများကို ရုပ်ပိုင်းဆိုင်ရာဖြစ်စေ၊ စိတ်ပိုင်းဆိုင်ဖြစ်စေ  ထိခိုက်နစ်နာစေမည့် ကုန်စည်နှင့်ဝန်ဆောင်မှု မျိုးတို့ကို ရှောင်ကြဉ်ရမည်ဖြစ်ကြောင်း၊ ကုန်ပစ္စည်းများဖြန့်ဖြူးရောင်းချရာတွင် မြန်မာဘာသာနှင့်တွဲလျက် အခြားဘာသာဖြင့် အများပြည်သူသိရှိနားလည်အောင် သိသာထင်ရှားစွာဖော်ပြပေးရမည်ဖြစ်ကြောင်း၊ ကုန်ပစ္စည်းများမှာယူရာတွင်လည်း ကုန်အညွှန်းအမှတ်အသား ပါရှိသည့် ကုန်စည်များကိုသာ ဦးစားပေးရောင်းချရမည်ဖြစ်ကြောင်း၊ မိမိတို့ဦးစီးဌာနများအနေဖြင့် အများပြည်သူအပေါ် ဘေးအန္တရာယ်ဖြစ်စေသော တရားမဝင်ကုန်ပစ္စည်းများ ဝင်ရောက်လာမှုရှိပါက  ကုန်ပစ္စည်းဖြန့်ဖြူးရောင်းချသူများကိုလည်း အချိန်နှင့်တပြေးညီ အသိပေးဆောင်ရွက်လျက်ရှိပါကြောင်းနှင့် သက်ဆိုင်ရာဌာနများက သတ်မှတ်ထားသည့် လမ်းညွှန်ကြားချက်များကို ပူးပေါင်းလိုက်နာဆောင်ရွက်ပေးကြရန် ရှင်းလင်းမှာကြားခဲ့ပါသည်။

DOCA(ချင်း)

   ရခိုင်ပြည်နယ် စားသုံးသူရေးရာဦးစီးဌာန၊ ကျောက်ဖြူခရိုင်ဦးစီးမှူးနှင့် ဝန်ထမ်းများသည် ၂၀၂၃ ခုနှစ်   ဇူလိုင်လ (၁၁) ရက်နေ့၊နေ့လယ်(၁၃:၃၀)အချိန်တွင် ကျောက်ဖြူမြို့ သဗ္ဗာန်ချောင်းကမ်းနားလမ်းရှိ ကြံတိုင်းအောင်ရောင်းဝယ်ရေးကုမ္ပဏီ၏ လက်လီ/လက်ကား ကုန်မျိုးစုံအရောင်းဆိုင်လုပ်ငန်းရှင်နှင့် တွေ့ဆုံ၍ စားသုံးသူကာကွယ်ရေး ဥပဒေပြဌာန်းချက်ပါ စီးပွားရေးလုပ်ငန်းရှင်များလိုက်နာရန် အချက်အလက်များကို  ရှင်းလင်း ဆွေးနွေးဆောင်ရွက်ခဲ့ပါသည်။  

     ထိုသို့ ဆွေးနွေးရာတွင် ခရိုင်ဦးစီးမှူး ဦးအေးကျော်(လ/ထ-ညွှန်မှူး)က စီးပွားရေးလုပ်ငန်းရှင် ဆိုသည်မှာ ကုန်စည်ကိုထုတ်လုပ်ခြင်း၊ သိုလှောင်ခြင်း၊ သယ်ယူပို့ဆောင်ခြင်း၊ ဖြန့်ဖြူးခြင်း၊ ပြုပြင်ထုတ်လုပ်ခြင်း၊ ပြည်ပသို့တင်ပို့ခြင်း၊ ပြည်တွင်းသို့တင်သွင်းခြင်း၊ ပြန်လည်ရောင်းချခြင်း၊ ဝန်ဆောင်မှုပေးခြင်းကိုဖြစ်စေ၊ ကြော်ငြာလုပ်ငန်းလုပ်ကိုင်ခြင်းကိုဖြစ်စေ၊ တစ်ဦးချင်းသော်လည်းကောင်း၊ အဖွဲ့အစည်းနှင့်သော်လည်းကောင်း ဆောင်ရွက်သူကိုဆိုလိုကြောင်း၊ ဝန်ဆောင်မှုပေးခြင်းနှင့် စပ်လျဉ်း၍ အချက်အလက်များကို စားသုံးသူသိရှိစေရန်ကြိုတင်အသိပေးခြင်း၊ မှန်ကန်သောသတင်း အချက်အလက်နှင့်ပြည့်စုံသော ဝန်ဆောင်မှုအဆင့်အတန်းနှင့်အညီပြည့်ဝစွာပေးခြင်း၊ စားသုံးသူ၏ လိုအပ်ချက်နှင့်ကိုက်ညီမှုရှိခြင်း၊ အာမခံထားသောအချိန်ကာလအတွင်း ပြီးမြောက်အောင် ဆောင်ရွက်ပေးခြင်း၊ စားသုံးသူနှင့်သဘောတူညီထားသည့် ဝန်ဆောင်မှုတန်ဖိုးအတိုင်း ပေးအပ်စေခြင်း ‌စသည့် အချက်အလက်များကို ရှင်းလင်းဆွေးနွေးခဲ့ပြီး စားသုံးသူကာကွယ်ရေးဆိုင်ရာအသိပညာပေး လက်ကမ်းစာစောင်များကို ဖြန့်ဝေပေးခဲ့ကြောင်း သတင်းရရှိပါသည်။

DOCA(ရခိုင်)

  ရခိုင်ပြည်နယ်၊ စားသုံးသူရေးရာဦးစီးဌာန၊ မြေပုံမြို့နယ်တာဝန်ခံ ဦးစံညွှန့်(ဦးစီးမှူး) နှင့် ဝန်ထမ်းများသည် (၁၂-၇-၂၀၂၃) ရက်နေ့၊ မွန်းတည့် (၁၂:၀၀) နာရီအချိန်တွင် မြေပုံမြို့၊ မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ မြို့နယ်ဦးစီးမှူးရုံး၌ ဖွင့်လှစ်ပို့ချနေသော “ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်းသင်တန်း” သို့ တက်ရောက်နေကြသော ကျေးရွာ (၇) ရွာ မှ ကော်မတီဝင် စုစုပေါင်း (၄၉) ဦးနှင့် ၎င်းဌာနမှ ဝန်ထမ်း (၅)တို့အပါအဝင် စုစုပေါင်း (၅၄) ဦးကို  စားသုံးသူကာကွယ်ရေးအသိပညာပေးခဲ့ပါသည်။

    အဆိုပါ ဟောပြောပွဲတွင် စားသုံးသူရေးရာဦးစီးဌာန မြို့နယ်တာဝန်ခံက  စားသုံးသူကာကွယ်ရေးနှင့်ပတ်သက်၍ စားသုံးသူရေးရာဦးစီးဌာန၏ ဆောင်ပုဒ်(Motto) “စားသုံးသူ အခွင့်အရေးဦးစားပေး”နှင့် မျှော်မှန်းချက်၊ ရည်မှန်းချက်များကို ချပြဆွေးနွေးပြီး စားသုံးသူများအနေဖြင့် မိမိတို့၏ စားသုံးသူအခွင့်အရေးများဆုံးရှုံးမှုမရှိစေရေးနှင့် ဘေးအန္တရာယ်ကင်းရှင်းစေရေး အတွက် ကုန်စည်(သို့မဟုတ်)ဝန်ဆောင်မှုကို ဝယ်ယူအသုံးပြုရာတွင် သိရှိလိုသည့် သတင်းအချက် အလက်များအား စီးပွားရေးလုပ်ငန်းရှင်များသို့ မေးမြန်းပြီးမှ ဝယ်ယူသုံးစွဲကြရန်၊ စားသုံးသူကာကွယ်ရေးဥပဒေ (၂၀၁၉)၊အခန်း(၁၈)၊ ပုဒ်မ(၄၁)အရ ကုန်အညွှန်းအမှတ်အသားများ ပြည့်စုံစွာဖော်ပြပါရှိသော  ကုန်စည်များကိုသာ ဝယ်ယူသုံးစွဲကြရန်နှင့် စားသုံးသူအခွင့်အရေး ဆုံးရှုံးမှုများ ဖြစ်ပေါ်လာပါက စားသုံးသူရေးရာဦးစီးဌာန၏ Call Center 1535 သို့လည်းကောင်း၊ ဦးစီးဌာန၏ Website www.doca.gov.mm နှင့် DOCA Myanmar Mobile Application တို့တွင်လည်းကောင်း ဆက်သွယ် တိုင်ကြားနိုင်ပါကြောင်း ချပြအသိပညာပေးဟောပြောခဲ့ကြောင်း သိရှိရပါသည်။

DOCA(ရခိုင်)

  ၂၀၂၃ခုနှစ် ၊ ဇူလိုင်လ ၁၁ရက်နေ့၊ နံနက်(၀၉း၀၀)တွင် ထားဝယ်မြို့၊ အမှတ်(၃)အခြေခံပညာ  အထက်တန်းကျောင်းတွင် တနင်္သာရီတိုင်း‌ဒေသကြီး၊စားသုံးသူရေးရာဦးစီဌာန၊ အစားအသောက်နှင့်ဆေးဝါးကွပ်ကဲရေး ဦးစီးဌာနတို့ ပူးပေါင်း၍ စားသုံးသူကာကွယ်ရေးဥပဒေအကြောင်း သိကောင်းစရာများကို ဟောပြောဆွေးနွေးပွဲ ကျင်းပပြုလုပ်ခဲ့ပါသည်။

  ထိုသို့ကျင်းပပြုလုပ်ရာ၌ အမှတ်(၃)အခြေခံပညာအထက်တန်းကျောင်း၊ ကျောင်းအုပ်ဆရာကြီးက အဖွင့်အမှာစကားပြောကြားပြီးနောက် စားသုံးသူရေးရာဦးစီးဌာနမှ ဦးစီးအရာရှိ‌  ဒေါ်အေးအေးလွင်က စားသုံးသူကာကွယ်ရေးဥပဒေကို ကျယ်ကျယ်ပြန့်ပြန့် သိရှိနိုင်စေရေးအတွက် စားသုံးသူအခွင့်အရေးနှင့်စားသုံးသူ၏တာဝန်များ၊ စီးပွားရေးလုပ်ငန်းရှင်၏တာဝန်များ စားသုံးသူပြည်သူများ ကုန်စည်နှင့်ဝန်ဆောင်မှုများကို ဝယ်ယူသုံးဆောင်ရာတွင် ဘေးအန္တရာယ် ကင်းရှင်းစေရေး၊ စားသုံးသူ၏ နစ်နာဆုံးရှုံးမှုများအတွက် တိုင်ကြားနိုင်သည့် နည်းလမ်းများစသည့် စားသုံးသူကာကွယ်ရေး ဥပဒေအကြောင်း  သိကောင်းစရာများကို လည်းကောင်း၊ အစားအသောက်နှင့်ဆေးဝါးကွပ်ကဲရေးဦးစီးဌာနမှ ဦးစီးအရာရှိ ဦးတင်မောင်ထွေးက အန္တရာယ်ကင်းသော အစားအစာများ ဖြစ်ပေါ်စေ‌‌ရေးအတွက် ဆောင်ရွက်ရမည့် အချက်(၅)ချက်အကြောင်း ဆွေးနွေးဟောပြော ခဲ့ကြပြီး လက်ကမ်းစာစောင်များကိုလည်း   ဖြန့်ဝေပေးခဲ့ပါ သည်။

      အခမ်းအနားသို့ အမှတ်(၃)အခြေခံပညာအထက်တန်းကျောင်း၊ ကျောင်းအုပ်ဆရာကြီးနှင့် ဆရာမများ ၊ ကျောင်းသား/ကျောင်းသူများ၊ အင်အား(၁၄၀)ဦးခန့် တက်ရောက်ခဲ့ပြီး အခမ်းအနားကို နံနက် (၁၁း၀၀) နာရီတွင်  ရုပ်သိမ်းခဲ့ကြောင်း သိရှိရပါသည်။

DOCA(တနင်္သာရီ)

    စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးမှ (၁၄-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် “ထွဋ်ခေါင်မြန်မာ” ကိုယ်ပိုင်အထက်တန်းကျောင်း၌ စားသုံးသူကာကွယ်ရေးအသိပညာပေးဟောပြောဆွေးနွေးပွဲအခမ်းအနားကို ကျင်းပပြုလုပ်ခဲ့ပါသည်။

    စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးမှ ဒုတိယတိုင်းဒေသကြီးဦးစီးမှူး ဦးရဲမျိုးလွင်က အဖွင့်အမှာစကားပြောကြားခဲ့ပြီးနောက် ဦးစီးမှူး ဦးတင်ချစ်ကောင်းက စားသုံးသူကာကွယ်ရေးအသိပေးဟောပြောဆွေးနွေးရာတွင် စားသုံးသူ၏အဓိပ္ပါယ်ဖော်ပြချက်နှင့် စားသုံးသူအခွင့်အရေး (၈) ချက်တို့ကို ကျောင်းသား/ကျောင်းသူများနားလည်သဘောပေါက်စေမည့် ဥပမာများဖြင့် ရှင်းလင်းဟောပြောခဲ့ပါကြောင်း၊ စားသုံးသူများအနေဖြင့် အခွင့်အရေး (၈) ချက်ရှိသကဲ့သို့ တာဝန် (၄) ချက်လည်းရှိပါကြောင်း၊ တာဝန်များကိုလည်းလိုက်နာရမည်ဖြစ်ပါကြောင်း၊ ကျောင်းသား/ကျောင်းသူများအား အသုံးအဆောင်ပစ္စည်းများနှင့် အစားအသောက်များဝယ်ယူရာတွင် ကုန်အညွှန်းအမှတ်အသားနှင့်ပတ်သက်ပြီး ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲ၊ ပါဝင်ပစ္စည်းများ၊ သုံးစွဲပုံနည်းလမ်းများကို အဓိကထားကြည့်ရှု၍ ဝယ်ယူသင့်ပါကြောင်း၊ ဟောပြောဆွေးနွေးခဲ့သည့်အကြောင်းအရာများကို မိဘ၊ ညီအစ်ကိုမောင်နှမများကိုလည်း ပြန်လည်မျှဝေပေးစေချင်ပါကြောင်း ပြောကြားခဲ့ပြီး  တက်ရောက်လာကြသည့် ဆရာ/ဆရာမများ၊ ကျောင်းသား/‌ကျောင်းသူများအား အသိပညာပေးလက်ကမ်းစာစောင်များဖြန့်ဝေပေးခဲ့ပါသည်။

      ဆက်လက်၍ “ထွဋ်ခေါင်မြန်မာ” ကိုယ်ပိုင်အထက်တန်းကျောင်းတည်ထောင်သူ ဦးဒီးကားက ယခုကဲ့သို့ လာရောက်ဟောပြောပေးခဲ့ခြင်းမှတစ်ဆင့် ကျောင်းသား/ကျောင်းသူများအနေဖြင့် အသိပညာဗဟုသုတများစွာရရှိမည်လို့လည်းမျှော်လင့်ပါကြောင်း၊ လာရောက်ဟောပြောပေးသည့် တာဝန်ရှိသူများကိုလည်း အထူးကျေးဇူးတင်ရှိပါကြောင်း ပြောကြားခဲ့ပြီးနောက် ဒုတိယတိုင်းဒေသကြီးဦးစီးမှူးနှင့် တာဝန်ရှိသူများသည် ကျောင်းမုန့်ဈေးတန်းသို့သွားရောက်၍ ကွင်းဆင်းစစ်ဆေးခဲ့ကြောင်းသိရှိရပါသည်။

DOCA(မန္တလေး)