“ကော့မှူးမြို့နယ်၌ ဆောင်းသီးနှံ မတ်ပဲစံပြကွက် မျိုးစေ့ချစိုက်ပျိုးပွဲ အခမ်းအနားကျင်းပခြင်း”

ကော့မှူးမြို့နယ်၊ ဒီဇင်ဘာလ (၂၃) ရက်

         ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်အတွင်းရှိ ဆောင်းသီးနှံမတ်ပဲ စံပြကွက်မျိုးစေ့ချပွဲ အခမ်းအနားကို  ဒီဇင်ဘာလ (၂၃)ရက်နေ့၊ နံနက်ပိုင်း (၉:၀၀)နာရီတွင်  မကျီးကန်ရပ်ကွက်၊ ကွင်းအမှတ်(၃၉၃)လာပကိန်းကွင်း၊ ဦးပိုင်အမှတ်(၁၀/၁) တောင်သူဦးအောင်မိုး ၏ လယ်ယာမြေ (၃)ဧက၌ ကျင်းပခဲ့ကြောင်း သိရပါသည်။

      ထိုမတ်ပဲမျိုးစေ့ချစိုက်ပျိုးခြင်းအခမ်းအနားတွင် မြို့နယ်ဆည်မြောင်းဦးစီးဌာနမှ ဦးစီးအရာရှိ ဦးဝင်းနိုင်ဦးက မတ်ပဲသီးနှံစိုက်ပျိုးရေးနည်းစနစ်ကောင်းများ၊ စိုက်ပျိုးနိုင်သော မြေ အမျိုးအစားများ၊ မျိုးရွေးချယ်ခြင်း၊ စိုက်ချိန်၊ စိုက်စံနစ်၊ မျိုးစေ့ချစိုက်ပျိုးခြင်း၊ မျိုးစေ့ကြဲစိုက်ပျိုးခြင်း၊ စိုက်ကြောင်းအတိမ်အနက်၊ သွင်းအားစုထည့်သွင်းအသုံးပြုခြင်း၊ အပင်ပြုစုစောင့်ရှောက်ခြင်းနှင့် အပင်ငယ်စဉ်မှိုရောဂါဖြစ်ပွားတတ်မှု၊ ပိုးသတ်ဆေးစနစ်တကျအသုံးပြုရမည့် နည်းလမ်းများ၊ ရိတ်သိမ်းချိန်တွင်အလေအလွင့်နည်းပါးအောင် လုပ်ဆောင်ရမည့်နည်းလမ်းများ ရှင်းလင်းဆွေးနွေး အသိပညာပေးပြောကြားခဲ့ပြီး အခမ်းအနားသို့တက်ရောက်လာကြသော ဌာနဆိုင်ရာတာဝန်ရှိသူများ က (၃)ဧကအား အတန်းလိုက်စနစ်တကျ မျိုးစေ့ချစိုက်ပျိုးနေမှုအခြေအနေအား ကြည့်ရှု့အားပေးခဲ့ ကြောင်း သိရပါသည်။

    မတ်ပဲမျိုးစေ့ချအခမ်းအနားသို့ ခေတ္တမြို့နယ်စီမံအုပ်ချုပ်ရေးအဖွဲ့ ဥက္ကဌနှင့်အဖွဲ့ဝင်(၂)၊ ဒုတိယမြို့နယ်စီမံအုပ်ချုပ်ရေးမှူးနှင့်ဝန်ထမ်းများ၊ မြို့နယ်ရဲတပ်ဖွဲ့မှ စခန်းမှူး၊ မြို့နယ်စီမံကိန်း ဦးစီးဌာနမှ ဦးစီးမှူး၊ မြန်မာ့လယ်ယာဖွံ့ဖြိုးရေးဘဏ်မန်နေဂျာ၊ မြို့နယ်သမဝါယမဦးစီးဌာနမှ ဦးစီးမှူး၊ မြို့နယ်ကျေးလက်ဖွံ့ဖြိုးရေးဦးစီးဌာနမှဦးစီးမှူး၊ မြို့နယ်ဆည်မြောင်းဦးစီးမှူး၊ မြို့နယ် ငါးလုပ်ငန်းဦးစီးဌာနမှဦးစီးမှူး၊ တိရစ္ဆာန်ကုသရေးနှင့်မွေးမြူရေးဦးစီးဌာနမှဦးစီးမှူး၊ မြို့နယ် လယ်ယာစီမံခန့်ခွဲ ရေးနှင့်စာရင်းအင်းဦးစီးဌာနမှဦးစီးမှူး၊ မြို့နယ်မီးသတ်ဦးစီးဌာနမှဦးစီးမှူးနှင့် စားသုံးသူရေးရာဦးစီး ဌာနမှမြို့နယ်တာဝန်ခံနှင့် ရပ်ကွက်/ကျေးရွာအုပ်ချုပ်ရေးမှူးများ၊ ဒေသခံ တောင်သူများတက်ရောက်ခဲ့ကြောင်းသိရပါသည်။

DOCA (YGN)