သတင်းနှင့် လှုပ်ရှားမှုများ

          ခရိုင်အဆင့် Covid-19 ကာကွယ်ထိန်းချုပ်ရေးနှင့်အရေးပေါ်တုံ့ပြန်ရေးလုပ်ငန်းဆပ်ကော်မတီ အလိုက် တာဝန်များခွဲဝေပေးအပ်ခဲ့ရာ ဗန်းမော်ခရိုင် စားသုံးသူရေးရာဦးစီးဌာနမှ ခရိုင်ဦးစီးမှူး ဦးအောင်ကျော်ဦး(လက်ထောက်ညွှန်ကြားရေးမှူး)အနေဖြင့်ကော်မတီများတွင် ပူးပေါင်းပါဝင်ဆောင်ရွက်လျက်ရှိပါသည်။

          ထိုသို့ဆောင်ရွက်လျက်ရှိရာ Covid-19 ကာလအတွင်း ဗန်းမော်ခရိုင်၌ အစိုးရဌာန(၇)ခုဖြင့်ဖွဲ့ စည်းထားသော စက်ရုံ၊အလုပ်ရုံများစစ်ဆေးရေးကော်မတီရှိ ပူးပေါင်းစစ်ဆေးရေးအဖွဲ့သည် (၁၄.၁၂.၂၀၂၀) မှ(၁၇.၁၂.၂၀၂၀)ရက်နေ့ထိ ဗန်းမော်မြို့နယ်အတွင်းရှိ နေမင်းဆီစက်၊ ဦးကောင်းဆီစက်၊ D-1 အဆင့်မြင့် ကားပြုပြင်ရေး(ကားလေးဝပ်ရှော့)၊ Vision Fund Myanmar Company Ltd များသို့ ကျန်းမာရေးနှင့် အားကစားဝန်ကြီးဌာနမှ ထုတ်ပြန်ထားသော Covid-19 ဆိုင်ရာလိုက်နာရမည့် (A, B, C) စည်းကမ်း သတ်မှတ်ချက်များကို ယခင်ပုံမှန်စစ်ဆေးစဉ် ဆောင်ရွက်ရန်လိုအပ်သည်များ မှာကြားထားမှုအပေါ်လိုက်နာဆောင်ရွက်မှု ရှိ/မရှိကို သတ်မှတ်စည်းကမ်းချက်များနှင့်အညီစစ်ဆေးခြင်း၊ အဆင့်သတ်မှတ်ချက်များနှင့်ညီသော စက်ရုံ၊အလုပ်ရုံများကို (A) အဆင့်သို့တိုးမြှင့်ပေးခြင်း၊ အဆင့်သတ်မှတ်ချက်များနှင့်မညီသော စက်ရုံ၊အလုပ်ရုံများကို (B,C)သို့လျှော့ချခြင်းတို့ကို ရှောင်တခင်စစ်ဆေးခြင်းများ ဆောင်ရွက်ခဲ့ပြီး မိမိဌာနမှလည်း ဌာနလုပ်ငန်းတာဝန်များဖြစ်သော စားသုံးသူကာကွယ်ရေးဥပဒေ၂၀၁၉ အခန်း(၁၈)ပါ ကုန်အညွှန်းအမှတ်အသားဖော်ခြင်းနှင့်စပ်လျဉ်း၍ ကုန်စည်များထုတ်လုပ်ရောင်းချပါက ထုတ်ပြန်ထားသောဥပဒေနှင့်အညီ ကုန်အညွှန်းအမှတ်အသားများ ပြည့်စုံစွာ ထည့်သွင်းဖော်ပြပေးရမည် ဖြစ်ကြောင်းတို့ကို ရှင်းလင်းဆွေးနွေးပြောကြားတို့ကို ဆောင်ရွက်ခဲ့ပါသည်။

စားသုံးသူရေးရာဦးစီးဌာန

ကချင်ပြည်နယ်

      ၂၀၂၀ ပြည့်နှစ်၊ ဒီဇင်ဘာလ ၁၄ ရက်နေ့တွင် မြို့နယ်အထွေထွေအုပ်ချုပ်ရေးဦးစီးဌာန၊ မြိတ်ခရိုင်စားသုံးသူရေးရာဦးစီးဌာန၊ ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ် ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့မှ မြိတ်မြို့နယ်အတွင်းရှိ Stay at Home သတ်မှတ်ထားခြင်းမရှိသော မြို့နယ်များတွင် ဖွင့်လှစ်ရောင်းချခွင့်ပြုခဲ့သည့် စားသောက်ဆိုင် နှင့်လက်ဖက်ရည်ဆိုင်များအား ကျန်းမာရေးဆိုင်ရာညွှန်ကြားချက်များအတိုင်း လိုက်နာဆောင်ရွက် မှုရှိ/မရှိနှင့် စစ်ဆေးရန်ကျန်ရှိသောဆိုင်များအား ပြန်လည်ရောင်းချခွင့်ပေးနိုင်ရန်အတွက် ကွင်းဆင်း စစ်ဆေးခဲ့ကြပါသည်။

      ထိုသို့ကွင်းဆင်းစစ်ဆေးရာတွင် မြိတ်မြို့နယ်အတွင်း စားသောက်ဆိုင်နှင့်လက်ဖက်ရည်ဆိုင် (၃၆၆)ဆိုင်အား အဖွဲ့သုံးဖွဲ့ခွဲ၍ ကွင်းဆင်းစစ်ဆေးခဲ့ပြီး (A)အဆင့်ရရှိသည့်ဆိုင်(၂၈၅)ဆိုင်အား ဆိုင်ထိုင်ရောင်းချခွင့်ပြုခဲ့ကြောင်း သတင်းရရှိခဲ့ပါသည်။

တနင်္သာရီတိုင်းဒေသကြီး

စားသုံးသူရေးရာဦးစီးဌာန

          စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ယင်းမာပင်ခရိုင်ဦးစီးမှူးရုံးမှ ဝန်ထမ်းများ သည် ၂၀၂၀ပြည့်နှစ်၊ ဒီဇင်ဘာလ(၈)ရက်နေ့တွင် ပုလဲမြို့နယ်၊ လိန်ကုန်းကျေးရွာရှိ ကုန်မျိုးစုံ ဆိုင်(၈)ဆိုင်များသို့ မြို့နယ်အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ မြန်မာနိုင်ငံ ရဲတပ်ဖွဲ့၊ ပြည့်သူ့ကျန်းမာရေးဦးစီးဌာန၊ ရပ်ကျေးဥက္ကဌ၊ ရပ်ကျေးစာရေးများနှင့် ပူးပေါင်း၍ အခန်း(၁၈)ပါ ကုန်အညွှန်းအမှတ်အသားပါ ဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာ ပါရှိမှသာ ရောင်းချရမည်ဖြစ်ကြောင်း၊ ရှင်းလင်း ဆွေးနွေးပြောကြားခဲ့ပြီး စားသုံးသူကာကွယ်ရေး ဥပဒေ အခန်း(၁၈)ပါ ကုန်အညွှန်းအမှတ်အသားပါ ဖော်ပြချက် လက်ကမ်းစာစောင်များ ဖြန့်ဝေပေးခဲ့ပါသည်။

          ဆက်လက်၍ သက်ဆိုင်ရာမိတ်ဖက်ဌာနများနှင့်ပူးပေါင်းပြီး ရွာသာကျေးရွာရှိ ကုန်မျိုးစုံဆိုင်များတွင် အခန်း(၁၈)ပါ ကုန်အညွှန်းအမှတ်အသားပါ ဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာ ပါရှိမှသာ ရောင်းချရမည်ဖြစ်ကြောင်း၊ ထုတ်ကုန်လုံခြုံစိတ်ချရမှုရှိစေရန်နှင့် စားသုံးသူပြည်သူများ ဘေးဥပဒ်အန္တရာယ် ကင်းရှင်းမှုရှိစေရေးအတွက် ကုန်စည်များတွင် ကုန်အညွှန်းအမှတ်အသားဖော်ပြရာ၌ မြန်မာဘာသာနှင့် ပြည့်စုံမှန်ကန်စွာ ဖော်ပြခြင်းသောကုန်စည်များကိုသာ ရောင်းချရန်နှင့်နှင့် သက်ဆိုင်ရာဌာနများမှ တားမြစ်ထားသော ကုန်ပစ္စည်းများ ရောင်းချခြင်းမပြုစေရေး အသိပညာပေးဆွေးနွေးခဲ့ပြီး လက်ကမ်းစာစောင်များ ဖြန်ဝေခဲ့ကြောင်း သတင်းရရှိပါသည်။

စစ်ကိုင်းတိုင်းဒေသကြီး

စားသုံးသူရေးရာဦးစီးဌာန

       စစ်ကိုင်းတိုင်းဒေသကြီး၊ ကောလင်းခရိုင်၊ ဝန်းသိုမြို့ရှိ နမ်းခမ်းဈေးတွင် သုံးစွဲရန်မသင့်သော ကုန်စည်များ ရောင်းချခြင်း မရှိစေရေးနှင့် ကိုဗစ်-၁၉ ကာလအတွင်း အရေးကြီးကုန်စည်များအား ဈေးနှုန်းမြှင့်တင်ရောင်းချမှု မရှိစေရေးအတွက် ၂၀၂၀ ပြည့်နှစ် ဒီဇင်ဘာလ(၁၅)ရက်နေ့တွင် စားသုံးသူရေးရာဦးစီးဌာန ခရိုင်ဦးစီးမှူးနှင့်အဖွဲ့၊ မြို့နယ်အထွေထွေအုပ်ချုပ်ရေးဦးစီဌာန၊ စည်ပင်သာယာရေးကော်မတီ၊ မြို့နယ်မီးသတ်ဌာနများဖြင့် ဈေးအတွင်းရှိ ဆိုင်များအား ပူးပေါင်းစစ်ဆေးခဲ့ပါသည်။

     ထိုသို့စစ်ဆေးရာတွင် အခြေခံစားသောက်ကုန်များအား ဈေးနှုန်းမြှင့်တင်ရောင်းချခြင်း မပြုရန်၊ သက်တမ်းလွန်ကုန်စည်များအား ရောင်းချခြင်းမပြုရန်၊ FDA မှ ထုတ်ပြန်ထားသော တားမြစ်ကုန် ပစ္စည်းများ မရောင်းချကြရန်နှင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားများနှင့်အညီ ထုတ်လုပ် ရောင်းချကြရန် အသိပညာပေး ပြောကြားခဲ့ပြီး ကုန်အညွှန်း အမှတ်အသားဖော်ပြခြင်းနှင့် ပတ်သက်သည့် လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

စစ်ကိုင်းတိုင်းဒေသကြီး

စားသုံးသူရေးရာဦးစီးဌာန

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးဌာန၊ စစ်ကိုင်းတိုင်းဒေသကြီး၊ ဒု-တိုင်းဒေသကြီးဦးစီးမှူး၊ ကန့်ဘလူခရိုင်၊ ခရိုင်ဦးစီးမှူးနှင့် မြို့နယ်တာဝန်ခံတို့နှင့်ပူးပေါင်း၍ လုပ်ငန်းညှိနှိုင်းအစည်းအဝေးကို ၂၀၂၀ ပြည့်နှစ် ဒီဇင်ဘာလ (၁၅)ရက်နေ့တွင်Virtual meeting စနစ်ဖြင့် ပြုလုပ်ခဲ့ပါသည်။

          အစည်းအဝေးတွင် ဒု-တိုင်းဒေသကြီးဦးစီးမှူး ဦးကျော်ဝင်းမှ ၂၀၂၀-၂၀၂၁ ဘဏ္ဍာနှစ် ပထမ (၃) လပတ် လက်ရှိလုပ်ငန်းဆောင်ရွက်မှုအခြေအနေများနှင့် ဆက်လက်ဆောင်ရွက်သွားရမည့် လုပ်ငန်းလျာထားချက်များအပေါ် ရှင်းလင်းညွှန်ကြားခဲ့ပြီး၊ကန့်ဘလူခရိုင်၊ ခရိုင်ဦးစီးမှူး ဦးဇော်မင်းသိန်းမှ မိမိတို့ ခရိုင်အတွင်းရှိ မြို့နယ်များလုပ်ငန်းဆောင်ရွက်မှုအခြေအနေနှင့် ဌာနခွဲအလိုက် လုပ်ငန်းဆောင်ရွက် ပြီးစီးမှု အခြေအနေများ၊ ဆက်လက်ဆောင်ရွက်ရမည့် လုပ်ငန်းလျာထားချက်များကို ညှိနှိုင်းဆွေးနွေးခဲ့ပြီး လုပ်ငန်းဆောင်ရွက်ရာတွင် လိုအပ်ချက်များ၊ အခက်ခဲများကို တင်ပြခဲ့ရာ တိုင်းဒေသကြီးဦးစီးမှူးရုံးမှ တာဝန်ရှိသူများက ညှိနှိုင်းဖြည့်ဆည်းပေးခဲ့ပါကြောင်း သတင်းရရှိပါသည်။  

စစ်ကိုင်းတိုင်းဒေသကြီး
စားသုံးသူရေးရာဦးစီးဌာန