သတင်းနှင့် လှုပ်ရှားမှုများ

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင် အနေဖြင့် စားသုံးသူပြည်သူများ ဘေးအန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရမှု ရှိစေရေးတို့အတွက် (၃.၄.၂၀၂၃)ရက်နေ့ နံနက် (၁၀:၃၀)နာရီ အချိန်တွင်  ထုတ်ကုန်များ ထုတ်လုပ်သည့် လုပ်ငန်းရှင်များ နှင့် စက်ရုံအတွင်းရှိ အလုပ် သမားများအား ကျွန်းလှမြို့ပေါ်ရှိ “ပေါ်ဦး” သောက်ရေသန့်စက်ရုံ သို့ ကျွန်းလှမြို့နယ် စီမံအုပ်ချုပ်ရေးအဖွဲ့ မှ ဒုတိယ ဦးစီးမှူး ဦးအောင်မျိုးသန့် ၊ မြို့နယ်စည်ပင်သာယာရေးအဖွဲ့ မှ ဒုတိယ ဦးစီးမှူး ဦးမင်းကျော့မောင် တို့နှင့် စားသုံးသူရေးရာဦးစီးဌာန၊ ကျွန်လှမြို့နယ်တာဝန်ခံ (အကြီးတန်းစာရေး)ဒေါ်ဝေဝေအောင်တို့သည် လုပ်ငန်းရှင်နှင့် စက်ရုံရှိအလုပ်သမားများအား တွေ့ဆုံ၍ စားသုံးသူအကာအကွယ်ရေး အသိပညာ ပေးဟောပြောပွဲကျင်းပခဲ့ပါသည်။

          အဆိုပါ အသိပညာပေးဟောပြောရာတွင် “ပေါ်ဦး” သောက်ရေသန့် လုပ်ငန်းရှင်အား စားသုံးသူအကာကွယ်ပေးရေး ဥပဒေပါ စီးပွားရေးလုပ်ငန်းရှင်၏ အဓိပ္ပါယ်ဖွင့်ဆိုချက်များ ၊ စီးပွားရေးလုပ်ငန်းရှင်၏တာဝန်များနှင့် လိုက်နာရမည့်အချက်များ၊ ဥပဒေအခန်း(၁၈)ပါ ကုန်အညွှန်းအမှတ်အသား ဖေါ်ပြခြင်းနှင့် စပ်လျဉ်း၍ မြန်မာနိုင်ငံ စားသုံးသူ ကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာထည့်သွင်းဖော်ပြသော  ကုန်ပစ္စည်းများကိုသာ ထုတ်လုပ်ဖြန့်ဖြူးရောင်းချရန် ၊ ကုန်စည်ထုတ်လုပ်သည့် စီးပွားရေးလုပ်ငန်းရှင်များအနေဖြင့် ကုန်အညွှန်းအမှတ်အသားနှင့် ပတ်သက်၍ ဌာန၏ အတည်ပြုချက် ရယူနိုင်ရေးဆောင်ရွက်ကြရန် နှင့်  အလုပ်သမားများအား စားသုံးသူဥပဒေပါ စားသုံးသူ၏ အဓိပ္ပါယ်ဖွင့်ဆိုချက်၊ စားသုံးသူအခွင့်အရေးများနှင့် စားသုံးသူများ လိုက်နာဆောင်ရွက်ရမည့် အချက်များ၊ စားသုံးသူနစ်နာဆုံးရှုံးမှုရှိပါက တိုင်ကြားနိုင်ပါကြောင်း ၊ ဌာန၏ Website ၊ Facebook Page၊ DOCA Myanmar (Mobile App)၊ မိမိတို့ဌာနခရိုင်ဦးစီးမှူးရုံး စားသုံးသူ သတင်းပြန်ကြားရေးနှင့် စားသုံးသူတိုင်ကြားမှုလက်ခံဆောင်ရွက်ရေးစင်တာ(CICC) နှင့် Call Center No. 1535 တို့မှတဆင့် ဆက်သွယ်တိုင်ကြားနိုင်ပါကြောင်း အကျယ်တဝင့် ရှင်းလင်းပြောကြားခဲ့ပြီး လက်ကမ်းစာစောင်များအား ဖြန့်ဝေပေးခဲ့ပါသည်။

           အသိပညာပေးဟောပြောပွဲသို့ စက်ရုံပိုင်ရှင်နှင့် စက်ရုံ အလုပ်သမား(၁၀)ဦး တက်ရောက်ခဲ့ကြောင်း သတင်းရရှိခဲ့ပါသည်။

DOCA(စစ်ကိုင်း)       

   စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင်သည် (၆.၄.၂၀၂၃) ရက်နေ့၊ (၁၁:၀၀) နာရီအချိန်တွင် မိုးညှင်းမြို့၊ သာစည်ရပ်ကွက်ရှိ လက်လီ၊လက်ကား ဖြန့်ဖြူးရောင်းချသော ကုန်စုံဆိုင်သို့ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ စားသုံးသူကာကွယ်ရေးဥပဒေ(၂၀၁၉)ပါ ပြဌာန်းချက်များနှင့်ကိုက်ညီမှု ရှိ/မရှိ ‌ဈေးကွက်စောင့်ကြည့်စစ်ဆေးခဲ့ပါသည်။

      ထိုသို့ ဈေးကွက်စောင့်ကြည့်စစ်ဆေးခဲ့ရာ Nabiti (ချောကလက်ဝေဖာ) အမှတ်တံဆိပ်ပါ အသင့်စားမုန့်ထုပ်တွင် ကုန်စည်အမျိုးအစားအလိုက်သတ်မှတ်ချက်များနှင့်အညီ မြန်မာဘာသာဖြင့် သိသာထင်ရှားစွာဖော်ပြရမည့် ကုန်စည်၏ အမျိုးအမည်၊ အရွယ်အစား၊ အရေအတွက်၊ အသားတင်ပမာဏနှင့်သုံးစွဲပုံနည်းလမ်းများကို ဖော်ပြထားခြင်းရှိ/မရှိ ဈေးကွက်စောင့်ကြည့်စစ်ဆေးခြင်း လုပ်ငန်းများဆောင်ရွက်ခဲ့ပြီး လုပ်ငန်းရှင်များအနေဖြင့်လည်း ကုန်အညွှန်းအမှတ်အသားဖော်ပြချက်များနှင့် ကိုက်ညီမှုရှိသည့် ကုန်စည်များကိုသာဈေးကွက်တွင် ဖြန့်ဖြူးရောင်းချရန် ဆွေးနွေးခဲ့ပါသည်။

DOCA(ကချင်)

       စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဝန်ထမ်းများသည် ၃၀-၃-၂၀၂၃ ရက်နေ့၊ နံနက် (၁၀:၁၅) နာရီအချိန်တွင် သာကေတမြို့နယ်၊ အမှတ်(၂)ဈေး၌ စားသုံးသူကာကွယ်ရေးခေါင်းစဉ်ဖြင့် ဟောပြောကျင်းပခဲ့ပါသည်။

    အဆိုပါဟောပြောပွဲတွင် စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ဦးနေလင်း (ဒု-ကြီးကြပ်ရေးမှူး)က စားသုံးသူကာကွယ်ရေးဥပဒေ(၂၀၁၉)ပါ ရည်ရွယ်ချက်၊ စားသုံးသူများ၏ အခွင့်အရေးနှင့် တာဝန်များကို သိရှိစေရေး အသိပညာပေးဆွေးနွေးခြင်းဖြစ်ကြောင်း၊ မိမိတို့ဦးစီးဌာနအနေဖြင့် ကုန်စည် သို့မဟုတ် ဝန်ဆောင်မှု လုံခြုံ\စိတ်ချရမှုရှိစေရေးအတွက် သက်ဆိုင်ရာအစိုးရဌာနများ၊ အစိုးရအဖွဲ့အစည်းများနှင့် ပူးပေါင်းဆောင်ရွက်ရပါကြောင်း၊ ကုန်စည်နှင့် ဝန်ဆောင်မှုများနှင့်ပတ်သက်၍ နစ်နာဆုံးရှုံးမှု၊ အငြင်းပွားမှုများရှိပါက လူ ကိုယ်တိုင်သော်လည်းကောင်း၊ လူထုဆက်သွယ်ရေးနည်းလမ်းတစ်ခုခုဖြင့်သော်လည်းကောင်း၊  သက်ဆိုင်ရာဦးစီးမှူးရုံးများသို့ သက်သေခံ အထောက်အထားနှင့်တကွ တိုင်ကြားနိုင်ကြောင်းနှင့် ဥပဒေပါ ပြစ်မှု/ပြစ်ဒဏ်များအကြောင်းတို့ကို အသေးစိတ်ရှင်းလင်ဆွေးနွေးခဲ့ပါကြောင်း သိရှိရပါသည်။   အဆိုပါဟောပြောပွဲအား နေ့လယ် (၁၁:ဝဝ) နာရီတွင် ရုပ်သိမ်းခဲ့ပြီး ဟောပြောပွဲတက်ရောက်သူ (၁၈) ဦးခန့်ရှိကြောင်း သိရပါသည်။

DOCA(ရန်ကုန်)

        စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ဝန်ထမ်းများသည် ၂၈-၃-၂၀၂၃ ရက်နေ့၊ နံနက်(၁ဝ:၃၀)နာရီအချိန်တွင် သင်္ဃန်းကျွန်းမြို့နယ်၊ သုဝဏ္ဏဈေး၌ ဈေးသူ/ဈေးသားများကို စားသုံးသူကာကွယ်ရေး အသိပညာပေးဟောပြောပွဲ ဆောင်ရွက်ခဲ့ပါသည်။

      အဆိုပါဟောပြောပွဲတွင် စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ဒေါ်မိုးမိုးကြည် (ဌာနခွဲစာရေး)က စားသုံးသူကာကွယ်ရေးဥပဒေ(၂၀၁၉)တွင် အခန်း ၂၅ ခန်းနှင့် ပုဒ်မ ၈၄ ခု ပါဝင်ကြောင်း၊ အခန်း (၂) ဥပဒေ၏ ရည်ရွယ်ချက်များ၊ အခန်း (၅) ဦးစီးဌာန၏ လုပ်ပိုင်ခွင့်နှင့် လုပ်ငန်းတာဝန်များ၊ အခန်း (၉) စားသုံးသူ၏အခွင့်အရေးနှင့် တာဝန်များ၊ အခန်း (၁၀) စီးပွားရေးလုပ်ငန်းရှင်၏ တာဝန်များ စသည်တို့ကို သိရှိနားလည်ပြီး လိုက်နာဆောင်ရွက်ကြရန်၊ ဈေးအတွင်းရှိ ဈေးရောင်းချသူများဘက်က ကြည့်လျှင် စီးပွားရေးလုပ်ငန်းရှင်ဟု ယူဆ၍ရသောကြောင့် မိမိဆိုင်တင်ရောင်းချသော ကုန်စည်နှင့် ပတ်သက်၍ အရည်အသွေး၊ အချိန်အတွယ်ပမာဏနှင့် အလေးချိန်မှန်ကန်မှုရှိရှိ ရောင်းချကြရန်၊ ဘေးအန္တရာယ်ကင်းရှင်းသော ကုန်စည်များသာ ဆိုင်တင်ရောင်းချကြရန်၊ ဟင်းသီးဟင်းရွက်ဆီများ ရောင်းချရာတွင် ကုန်စည်၏ အမျိုးအမည်ဖော်ပြရာ၌ (ဟင်းသီးဟင်းရွက်ဆီ) စားအုန်းဆီ/ အဆင့်မြင့်စားအုန်းဆီဟု ရေးထားသော ဆီဘူးများကိုသာ ဝယ်ယူရောင်းချကြရန်နှင့် ဥပဒေပါ ပြစ်မှု/ပြစ်ဒဏ်များအကြောင်းတို့ကိုပါ သိရှိနားလည်လိုက်နာကြစေရန်တို့အား အကျယ်တဝင့် ရှင်းလင်းဟောပြောပေးခဲ့ပြီးနောက် ဟောပြောပွဲကို နေ့လယ် (၁၁:၁၅) နာရီတွင် ရုပ်သိမ်းကာ ဟောပြောပွဲတက်ရောက်သူ (၂၅) ဦး ခန့်ရှိကြောင်း သိရှိရပါသည်။

DOCA (ရန်ကုန်)

      ၂၀၂၃ခုနှစ်၊ ဧပြီလ (၅)ရက်နေ့၊ နံနက်ပိုင်း (၀၉:၃၀)နာရီအချိန်တွင် စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူးနှင့်တာဝန်ရှိသူများသည် အစားအသောက်နှင့်ဆေးဝါးကွပ်ကဲရေးဦးစီးဌာန၊ ခရိုင်ကျန်းမာရေးနှင့် မြို့နယ်စည်ပင်သာရေးဦးစီးဌာနတို့နှင့် ပူးပေါင်း၍ ကျိုင်းတုံမြို့၊ မြို့မဈေးအတွင်းရှိ ဆေးနှင့်ဆေးဝါးပစ္စည်းအရောင်းဆိုင်(၆)ဆိုင်အား တရားဝင်မှတ်ပုံတင်ထားခြင်းမရှိသော Crestor၊ Vaxigrip Tetra၊ Peditral အမှတ်တံဆိပ်ဆေးနှင့်ဆေးဝါးပစ္စည်း အတုအပများအား ဈေးကွက်အတွင်း ဖြန့်ဖြူးရောင်းချခြင်းရှိ/မရှိ  ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

     ထိုသို့ဈေးကွက်စောင့်ကြည့်စစ်ဆေးခြင်း ဆောင်ရွက်ရာတွင် ကျန်းမာရေးဝန်ကြီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာနက ထုတ်ပြန်ထားသည့် တရားဝင်မှတ်ပုံတင် ထားခြင်းမရှိသော Crestor၊ Vaxigrip Tetra၊ Peditral ဆေးဝါးများအား အဆိုပါဆေးနှင့် ဆေးပစ္စည်းအရောင်းဆိုင်(၆)ဆိုင်တွင်  ဖြန့်ဖြူးရောင်းချခြင်းမရှိပါကြောင်း စစ်ဆေးတွေ့ရှိရပါသည်။ 

   ဆက်လက်၍ စစ်ဆေးရေးမှူးနှင့်တာဝန်ရှိသူများသည် ဆေးနှင့်ဆေးပစ္စည်းအရောင်းဆိုင်များအား ကျန်းမာရေးဝန်ကြီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၏ အသိအမှတ်ပြုဆေးဝါးများကိုသာ ရောင်းချကြရန်၊ ထုတ်လုပ်/တင်သွင်းသည့် ကုမ္ပဏီ၏ဆေးဝါးမှတ်ပုံတင်အမှတ်၊ Import Registration No.(IR)များ ဖော်ပြထားသောဆေးနှင့် ဆေးပစ္စည်းများကိုသာ ရောင်းချကြရန်၊ ဆေးဝါးရောင်းခွင့်လိုင်စင်များ သက်တမ်းတိုးကြရန်နှင့်  စားသုံးသူကာကွယ်ရေးဥပဒေ(၂၀၁၉)၊ အခန်း(၁၀)ပါ "စီးပွားရေးလုပ်ငန်းရှင်၏ တာဝန်များ”ကို သိရှိလိုက်နာဆောင်ရွက်ကြစေရန် အသိပညာပေးဆွေးနွေးခြင်းလုပ်ငန်းများ ဆောင်ရွက်ခဲ့ပါသည်။

DOCA(ရှမ်း)