သတင်းနှင့် လှုပ်ရှားမှုများ

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် ဌာန၏လုပ်ငန်းတာဝန်များအပြင် လိုအပ်ပါက သက်ဆိုင်ရာမိတ်ဘက်ဌာနများနှင့် ပူးပေါင်း၍ စစ်ဆေးခြင်းများ ဆောင်ရွက်လျက်ရှိပါသည်။ (၁၄.၅.၂၀၂၅)ရက်နေ့၊ နံနက်(၀၉:၃၀)နာရီအချိန်တွင် ရွှေဘိုခရိုင်စားသုံးသူရေးရာဦးစီးဌာနမှ ဒု-ခရိုင်ဦးစီးမှူးနှင့် ထုတ်ကုန်လုံခြုံစိတ်ချရမှုဌာနခွဲတာဝန်ခံတို့ သည် ရွှေဘိုမြို့နယ်စီမံအုပ်ချုပ်ရေးအဖွဲ့မှ ဖွဲ့စည်းတာဝန်ပေးအပ်သည့် ရွှေဘိုမြို့နယ်စိုက်ပျိုးရေးဦးစီးဌာန၊  မြို့နယ်ပြည်သူ့ကျန်းမာရေဦးစီးဌာန၊ မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်စည်ပင် သာယာရေးကော်မတီတို့နှင့်ပူးပေါင်း၍ ရွှေဘိုမြို့၊ အမှတ်(၇)ရပ်ကွက်၊ ဈေးတောင်ဘက်ရှိ စိုက်ပျိုးရေးသုံး ဓါတ်မြေဩဇာနှင့် ပိုးသတ်ဆေးအရောင်းဆိုင်များအား ရှောင်တခင်စစ်ဆေးခဲ့ကြပါသည်။

   ထိုသို့စစ်ဆေးရာတွင် တရားမဝင်ပိုးသတ်ဆေး၊ ပေါင်းသတ်ဆေးများ သိုလှောင်ရောင်းချခြင်းရှိ/မရှိ CAP သက်တမ်းလွန်ခြင်းရှိ/မရှိ၊ အရောင်းဆိုင်မှတ်တမ်းထားရှိခြင်းရှိ/မရှိ၊ လက်အိတ်နှင့် Mask တပ်ဆင်ထားခြင်းရှိ/မရှိ၊ ရောင်းချခွင့်လိုင်စင်အား စနစ်တကျချိတ်ဆွဲထားခြင်းရှိ/မရှိ၊ လေဝင်၊ လေထွက် ကောင်းမွန်မှုရှိ/မရှိ၊ ဆိုင်အတွင်း အစားအသောက်များ စားခြင်းရှိ/မရှိ၊ ဆေးကြောရန်ဘေစင်များ ထားရှိမှု ရှိ/မရှိတို့အား စစ်ဆေးပြီး အသိပညာပေးဆွေးနွေးခြင်းများ ဆောင်ရွက်ခဲ့ကြကြောင်း သတင်းရရှိပါသည်။

DOCA(စစ်ကိုင်း)

   ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်တွင် ၂၀၂၅ ခုနှစ်၊ ဧပြီလ ၁၀ ရက်နေ့က စားသုံးသူကာကွယ်ရေး အသိပေညာပေး Talk Show ကို  မွန်းလွဲပိုင်း ၁၄:၀၀ နာရီ အချိန်တွင် ဓနုဖြူမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန(Community Center) ခန်းမ၌ ကျင်းပပြုလုပ်ခဲ့သည်။

  အဆိုပါဆွေးနွေးပွဲတွင် ဓနုဖြူမြို့နယ် ပြန်ကြား‌ရေးနှင့် ပြည့်သူဆက်ဆံရေးဦးစီးဌာန မှ  မြို့နယ်ဦးစီးမှူးက စားသုံးသူကာကွယ်ရေးလုပ်ငန်းဆောင်ရွက်မှုအခြေအနေများကို မေးမြန်းရာ ဓနုဖြူမြို့နယ် စားသုံးသူရေးရာဦးစီးဌာနမှ ဦးခိုင်လွှမ်းမိုး က စားသုံးသူ‌ရေရာဦးစီးဌာနအကြောင်း၊ စားသုံးသူကာကွယ်ရေးဥပဒေ (၂၀၁၉) ပါ အခန်း(၇) စားသုံးသူရေးရာကော်မတီဖွဲ့စည်းခြင်း နှင့် လုပ်ငန်းတာဝန်များအကြောင်းကို အများပြည်သူ သိရှိနိုင်ရန် ရှင်းလင်းပြောကြားခဲ့ရာ တိုင်း‌ဒေသကြီးသို့မဟုတ် ပြည်နယ်စားသုံးသူရေးရာကော်မတီ၊ ပြည်ထောင်စုနယ်မြေ စားသုံးသူရေးရာကော်မတီ နှင့် ကော်မတီများဖွဲ့စည်းရာတွင်လဲ ကော်မတီ ဥက္ကဌ နှင့် အဖွဲ့ဝင်ဦးရေ ငါးဦးမှ ကိုးဦးအထိ ‘မ’ ဂဏန်းဖြင့် ဖွဲ့စည်းရမည် ဖြစ်ကြောင်းနှင့် အခန်း (၈) စားသုံးသူရေးရာ ကော်မတီ၏ လုပ်ပိုင်ခွင့်နှင့်လုပ်ငန်းတာ ဝန်များ မှ စားသုံးသူကာကွယ်ရေးလုပ်ငန်းများဆောင်ရွက်ရန် သက်ဆိုင်ရာအစိုးရဌာန ၊ အစိုးရအဖွဲ့အစည်းများနှင့် ပူးပေါင်းဆောင်ရွက်ခြင်း၊ အငြင်းပွားမှုနှင့် စပ်လျဉ်း၍ ဖြေရှင်းရန်လိုအပ်ပါက သက်ဆိုင်ရာ အစိုးရဌာန၊ အစိုးရအဖွဲ့များ၏ အကြံဉာဏ်များ ရယူခြင်း၊ နစ်နာဆုံးရှုံးမှုဖြစ်စေနိုင်သည့်ကုန်စည် နှင့် ဝန်ဆောင်မှုများကိုစုံစမ်းနိုင်ရန် စုံစမ်းစစ်ဆေးရေး အဖွဲ့ များအားတာဝန်ပေးခြင်း၊ စီးပွားရေးလုပ်ငန်းရှင် မှ လိုက်နာရန်ပျက်ကွက်ကြောင်းတွေ့ရှိပါက ပုဒ်မ ၅၃ တွင်ဖော်ပြထားသည့် စီမံခန့်ခွဲရေးဆို်ငရာ အမိန့်တစ်ရပ်ကိုဖြစ်စေ၊တစ်ရပ်ထက်ပို၍ဖြစ်စေ ချမှတ်ခြင်း၊ပုဒ်မ-၅၂ အရ အယူခံမှုကို အဆုံးအဖြတ်‌ပေးခြင်း၊ကော်မတီသို့တင်ပြခြင်း နှင့် ကော်မတီက အခါအားလျှော်စွာ ပေးအပ်သော တာဝန်များကိုဆောင်ရွက် ခြင်းတို့ကို အသိပညာပေး ဆွေးနွေးခဲ့ကြသည်။

စားသုံးသူ‌ရေးရာဦးစီးဌာန အနေဖြင့် ပြည်သူများ အသိပညာဗဟုသုတများရရှိစေရန်အတွက် အသိပညာပေးဆွေးနွေးပွဲများ၊‌ဟောပြောပွဲများ၊ ပြပွဲ များဆောင်ရွက်လျှက်ရှိကြောင်းနှင့် စားသုံးသူကာကွယ်ရေးနှင့် စပ်လျဉ်း၍ သိလိုသည်များကို အလွယ်တကူမေးမြန်းနိုင်သော  Consumer Call Center အကြောင်း ကို အသေးစိတ်ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

       စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးမှ ခရိုင်ဦးစီးမှူးနှင့် မုံရွာမြို့နယ်တာဝန်ခံသည် စားသုံးသူကာ ကွယ်ပေးရေး၊ အသိပညာများတိုးပွားရရှိစေရေး အသိပညာပေးဟောပြောပွဲ အခမ်း အနားကို မေ လ ၁၅ ရက် နံနက် (၁၀:၀၀) နာရီအချိန်က မုံရွာမြို့၊ ခရိုင်ပြန်ကြားရေးနှင့် ပြည်သူ့ ဆက်ဆံရေးဦးစီးဌာနတွင် ကျင်းပပြုလုပ်သည့် ဂျပန်စကားပြောသင်တန်း၌ စားသုံးသူကာကွယ်ရေး အသိပညာပေး ဟောပြောပွဲကျင်းပပြုလုပ်ခဲ့ရာသင်တန်း ဆရာ/ဆရာမများနှင့် သင်တန်း သား/သူ စုစုပေါင်း ( ၃၅) ဦး တက်ရောက်ခဲ့ကြကြောင်း သိရပါသည်။

     အခမ်းအနားတွင် စားသုံးသူရေးရာဦးစီးဌာန၊ ခရိုင်ဦးစီးမှူးရုံးမှ မုံရွာမြို့နယ်တာဝန်ခံက  မိမိတို့ ဝန်ကြီးဌာနနှင့် ဦးစီးဌာနတို့၏ လုပ်ငန်း ဆောင်ရွက်ချက်များကို မိတ်ဆက်အမှာစကားပြောကြားခြင်း၊ စားသုံးသူကာကွယ်ရေးဥပဒေပါ စားသုံးသူများအခွင့်အရေးနှင့် တာဝန်များ၊  စီးပွားရေးလုပ်ငန်း ရှင်များ၏ တာဝန်များ၊ ကုန်စည်နှင့်ဝန်ဆောင်များအပေါ် စီးပွားလုပ်ငန်းရှင်က အာမခံချက်ပေးရမည့်အချက်များ၊ ကုန်စည်နှင့်ဝန်ဆောင်မှုများအပေါ် စားသုံးသူများက တောင်းဆိုနိုင်သည့် အခွင့်အရေးများပြောကြားခဲ့ပြီး ခရိုင်ဦးစီးမှူးက စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ပြည့်စုံသည့် စားသောက်ကုန်များ ထုတ်လုပ်သင့်ကြောင်း၊ စားသုံးသူများတိုင်ကြားရမည့် နည်းလမ်းများနှင့် လူကိုယ်တိုင်သော်လည်းကောင်း၊ ဖုန်းဖြင့်လည်းကောင်း တိုင်ကြားနိုင်ကြောင်းနှင့် တိုင်ကြားမှုများအပေါ်ဌာနမှ ဖြေရှင်းဆောင်ရွက်ခဲ့သည့် အမှုတွဲများအကြောင်း၊ အွန်လိုင်းစနစ်ဖြင့် ရောင်းချခြင်း လုပ်ငန်းများမှတ်ပုံတင်ခြင်းအကြောင်းများ အသိပညာပေးဟောပြောဆွေးနွေးခဲ့ကြောင်း သိရှိရပါသည်။

      ထို့နောက် တက်ရောက်လာသည့် သင်တန်းသူ/သားများက စားသုံးသူကာကွယ်ပေးရေး ဥပဒေပါ အကြောင်းအရာများ၊ အွန်လိုင်းစနစ်ဖြင့် ရောင်းချခြင်းလုပ်ငန်းများနှင့် ပတ်သက်၍ သိလို သည့် မေးမြန်းချက်များအပေါ် တာဝန်ရှိသူများက အပြန်အလှန်ရှင်းလင်း ဆွေးနွေးခဲ့ကြပြီး လက်ကမ်း စာစောင်များဖြန့်ဝေခြင်းများ ဆောင်ရွက်ခဲ့ကြောင်းသိရှိရပါသည်။

DOCA(စစ်ကိုင်း)

    ဧရာဝတီတိုင်းဒေသကြီး၊ ဖျာပုံခရိုင် ၊ဖျာပုံမြို့နယ် စားသုံးသူရေးရာဦးစီးဌာန မြို့နယ်တာဝန်ခံ နှင့် ဝန်ထမ်းတို့သည် ၂၀၂၅ ခုနှစ်၊ ဧပြီလ ၈ ရက်နေ့၊ (၁၀:၀၀) နာရီအချိန်တွင် (၁၆) ရပ်ကွက်ရုံး၌ ရပ်ကွက်နေပြည်သူများအား စားသုံးသူကာကွယ်ရေး အသိပညာပေး ဟောပြောခဲ့ပါသည်။

       အဆိုပါ အသိပညာပေးဟောပြောပွဲတွင် မြို့နယ်တာဝန်ခံ ဦးမင်းဇော်မှ စားသုံးရန် မသင့်သည့် အစားအစာများအကြောင်း၊ ကုန်ပစ္စည်းများကို ရွေးချယ်ဝယ်ယူစားသုံးရာ၌ ပါဝင်သည့် ကုန်အညွှန်း အမှတ်အသားကို သေချာစိစစ်ဖတ်ရှု ဝယ်ယူသုံးစွဲ ကြရန်နှင့် ကုန်ပစ္စည်း၏ ထုတ်လုပ်သည့်ရက်၊ သက်တမ်းကုန်ဆုံးသည့်ရက်၊ မြန်မာဘာသာဖြင့် ဖြစ်စေ၊တခြားဘာသာ တစ်ခုထက်ပို၍ တွဲလျက်ဖြစ်စေ ဖော်ပြထားခြင်း မရှိသော ကုန်ပစ္စည်း များကို မသုံးစွဲကြရန်၊ ဈေးကွက်အတွင်းရှိ စားသောက်ကုန်များကို ရွေးချယ်ဝယ်ယူ စားသောက်ကြရန်နှင့် စားဆီများကိုလည်း လျော့ချစားသောက်ခြင်းအားဖြင့် ကျန်းမာ ရေးအတွက်များစွာ အထောက်အကူ ဖြစ်ကြောင်းနှင့် မလိုလားအပ်သည့် ရောဂါများ ဖြစ်ပွားခြင်းမှ တားဆီးကာကွယ်နိုင်ကြောင်းနှင့် စားသုံးသူများနစ်နာဆုံးရှုံးမှုများ ဖြစ်ပေါ်လာ ပါက စားသုံးသူရေးရာဦးစီးဌာန၏ Call Centre 1535 သို့ ဆက်သွယ်တိုင်ကြားနိုင်ကြောင်း အသိပညာပေး ဟောပြောခဲ့မှု အပေါ် သတင်းရရှိပါသည်။

DOCA(ဧရာဝတီ)

  ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ခင်စန်းအေးနှင့် ဝန်ထမ်း တို့သည် ပြန်ကြားရေးနှင့်ပြည်သူ့ဆက်ဆံရေးဦးစီး ဌာန နှင့်ပူးပေါင်း၍ ၂၀၂၅ ခုနှစ်၊ ဧပြီလ (၉) ရက်နေ့၊ နံနက် (၁၀:၃၀) အချိန်တွင် စားသုံးသူကာကွယ်ရေး အသိပညာပေး Talk Show ကျင်းပပြုလုပ်ခဲ့ပါသည်။

    အဆိုပါ Talk Show တွင် မြို့နယ်တာဝန်ခံ ဒေါ်ခင်စန်းအေးက စားသုံးသူကာကွယ်ရေး ဥပဒေကို ၂၀၁၉ ခုနှစ်၊ မတ်လ တွင် စတင်ပြဌာန်းခဲ့ပြီး စားသုံးသူကာကွယ်ရေး ဆိုသည်မှာ ကုန်စည် သို့မဟုတ် ဝန်ဆောင်မှုနှင့် စပ်လျဉ်း၍ စားသုံးသူ၏အခွင့်အရေးနှင့် အကျိုးစီးပွားကို ကာကွယ်ပေးခြင်းနှင့် စားသုံးသူနှင့် စီးပွားရေးလုပ်ငန်းရှင်တို့အကြား ကော်မရှင်နှင့် ကော်မတီအဆင့်ဆင့်တို့မှ သတ်မှတ်ဆောင်ရွက်ပေးသည့် မျှတမှုရှိသော လုပ်ငန်းစဉ်ကို ဆိုလိုကြောင်း နှင့် စားသုံးသူ အမည်နှင့် အဓိပ္ပာယ်ဖွင့်ဆိုချက်အကြောင်း၊ စားသုံးသူ၏ အခွင့်အရေး(၈) ချက်နှင့် တာဝန်(၄) ချက်ရှိကြောင်း၊ နစ်နာဆုံးရှုံးမှု ဖြစ်ပေါ်လာပါက တိုင်ကြားနိုင်သည့် အခွင့်အရေးနှင့် နစ်နာဆုံးရှုံးမှုများအတွက် ကုစားမှုများ ရရှိနိုင်ကြောင်း အသိပညာပေး Talk Show ကျင်းပပြုလုပ်ခဲ့ကြောင်း သတင်းရရှိပါသည်။

DOCA(ဧရာဝတီ)