သတင်းနှင့် လှုပ်ရှားမှုများ

    မြိတ်ခရိုင်စားသုံးသူရေးရာဦးစီးဌာနသည် ၂၀၂၅ခုနှစ်၊ သြဂုတ်လ(၁၉)ရက်နေ့တွင်  မြိတ်မြို့ပေါ်ရှိ အိမ်ဆောက်ပစ္စည်းအရောင်းဆိုင်သို့သွားရောက်၍ စျေးနှုန်းတည်ငြိမ်စေရေး ဘိလပ်မြေစျေးနှုန်းနှင့် ပစ္စည်းဝင်ရောက်နေမှုအခြေအနေများအား ကွင်းဆင်းခဲ့ကြပါသည်။ ကွင်းဆင်းစစ်ဆေးရာတွင်  ကျန်ရှိသော လက်ကျန်ဘိလပ်မြေအခြေအနေ၊ ပစ္စည်းဝင်ရောက် နေမှုအခြေအနေနှင့် ‌စျေးနှုန်းများအားမေးမြန်းခဲ့ပြီး ဒေသတွင်းဖြစ်သင့်ဖြစ်ထိုက်သော စျေးနှုန်းများဖြင့် ရောင်းချစေရေးပြောကြားခဲ့ကြောင်း သိရှိရပါသည်။ လက်ရှိ မြိတ်မြို့တွင် ဘိလပ်မြေတစ်အိတ်လျှင် ၂၈၀၀၀ ကျပ်ဖြင့် ရောင်းချလျက်ရှိပါသည်။

DOCA(တနင်္သာရီ)

       ၂၀၂၅ ခုနှစ်၊ သြဂုတ်လ ၁၉ ရက်နေ့၊ နေ့လယ် (၁၃:၀၀) နာရီအချိန်တွင် စားသုံးသူရေးရာဦးစီး ဌာန၊ တနင်္သာရီတိုင်းဒေသကြီး၊ ထားဝယ်မြို့မှ စစ်ဆေးရေးအရာရှိနှင့်ဝန်ထမ်းများသည် အထွေထွေ အုပ်ချုပ်ရေးဦးစီးဌာန၊ အထူးစုံစမ်းစစ်ဆေး‌ရေးဦးစီးဌာန၊ စည်ပင်သာယာရေးအဖွဲ့တို့နှင့်အတူ ထား ဝယ်မြို့ပေါ်ရှိ ရွှေဆိုင်များအား ကွင်းဆင်းစစ်ဆေးခြင်း ဆောင်ရွက်ခဲ့ပါသည်။

          ကွင်းဆင်းစစ်ဆေးရာတွင် ရွှေစျေးနှုန်းများ စျေးနှုန်းမှန်ကန်စွာ ရောင်းချမှုအခြေအနေများ၊ အလေး ချိန်ပြည့်မှီ မှန်ကန်စွာရောင်းချနေမှု ရှိ/မရှိ စစ်ဆေးခြင်း၊ သတ်မှတ်ရည်ညွှန်းစျေးနှုန်းအား အတိုင်း ရောင်းချနေမှုများရှိ/မရှိ စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

   ၂၀၂၅ ခုနှစ်၊ သြဂုတ်လ ၁၉ ရက်နေ့ ၊နံနက် (၉း၀၀) နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီး၊ ထားဝယ်မြို့မှ စစ်ဆေးရေးအရာရှိနှင့်ဝန်ထမ်းများသည် အစားအသောက်နှင့်ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာန၊ စည်ပင်သာယာရေးအဖွဲ့တို့နှင့်အတူ ထားဝယ်မြို့၊ အထက(၄) ကျောင်းမုန့်စျေးတန်းများအား စျေးကွက်စောင့်ကြည့်စစ်ဆေးခြင်း ဆောင် ရွက်ခဲ့ပါသည်။

    အဆိုပါ စျေးကွက်စောင့်ကြည့်စစ်ဆေးရာတွင် စားသုံးသူပြည်သူများနှင့်ကျောင်းသား/ကျောင်း သူများ ဘေးအန္တရာယ်ကင်းရှင်းစွာ ဝယ်ယူသုံးစွဲနိုင်စေရေးအတွက် စျေးကွက်အတွင်း ရောင်းချလျက် ရှိရာ မြန်မာဘာသာနှင့်ဖြစ်စေ၊ အခြားဘာသာတစ်ခုခုနှင့်ဖြစ်စေတွဲလျက်ဖော်ပြထားသော ကုန်အ ညွှန်းအမှတ်အသားများ ပြည့်စုံမှန်ကန်စွာပါရှိမှုရှိ/မရှိ စစ်ဆေးခြင်း၊ သက်တမ်းလွန် စားသောက်ကုန် ပစ္စည်းများ ရောင်းချနေမှုရှိ/မရှိ စစ်ဆေးခြင်း၊ သက်ဆိုင်ရာဌာနဆိုင်ရာများ၏ ထောက်ခံချက်များ မပါရှိသော တရားမဝင်ကုန်ပစ္စည်းများ ရောင်းချမှုများ ရှိ/မရှိ စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

    စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်း ကုန်သွယ်မှုဖွံ့ဖြိုးတိုးတက်ရေးလုပ်ငန်းများကိုပါဆောင်ရွက်လျက်ရှိရာ သီးနှံစိုက်ပျိုးထုတ်လုပ်သူ တောင်သူများ၊ မျိုးကောင်းမျိုးသန့်ရရှိရေး၊ သွင်းအားစုများ ရာသီချိန်အမီ သက်သာသော ဈေးနှုန်း ဖြင့် ရရှိရေး စိုက်စနစ်များ၊ သီးနှံဈေးကွက်တည်ငြိမ်ရေးနှင့် စိုက်ပျိုးစရိတ်ချေးငွေများရရှိရေး အတွက် စိုက်ပျိုးထုတ်လုပ်သူ တောင်သူအစုအဖွဲ့များကို ဖွဲ့စည်းနိုင်ရေး ဆောင်ရွက်လျက်ရှိပါသည်။

          စားသုံးသူရေးရာဦးစီးဌာန၊ပြည်ခရိုင်ဦးစီးမှူးနှင့် ပြည်မြို့နယ်တာဝန်ခံတို့သည်(၁၃.၈.၂၀၂၅)     ရက်နေ့၊ နံနက် (၁၀:၀၀)နာရီအချိန်တွင် ပြည်မြို့နယ်၊ ဝါးရုံဆိပ်အုပ်စု၊ လျှော်ထုံးကျေးရွာရှိ မြေပဲစိုက်ပျိုးထုတ်လုပ်သူတောင်သူများနှင့် တွေ့ဆုံ၍ အစုအဖွဲ့ ဖွဲ့စည်းခြင်းဖြင့် ရရှိနိုင်သည့် အကျိုး ကျေးဇူးများအား ရှင်းလင်းဆွေးနွေးရာ တောင်သူများမှ အစုအဖွဲ့ ဖွဲ့စည်းပေးရန် အဆိုပြု တင်ပြ သည့်အတွက် လျှော်ထုံးကျေးရွာ၊ မြေပဲစိုက်ပျိုးသူ အစုအဖွဲ့အား တောင်သူ (၁၅)ဦးပါကော်မတီကို ဖွဲ့စည်းပေးခဲ့ကြောင်း သိရှိရပါသည်။

DOCA(ပဲခူး)

           စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်ချက်အရ စားသုံးသူများ အားလုံးသည် ကုန်စည်နှင့် ဝန်ဆောင်မှုများအသုံးပြုရာတွင် ဘေးအန္တရာယ်ကင်းရှင်းစွာသုံးစွဲနိုင်ရေး အတွက် ခရိုင်အတွင်းရှိ  ထုတ်လုပ်လျှက်ရှိသော ကုန်စည်များနှင့်စပ်လျဉ်း၍ အာမခံချက်ပေးခြင်းနှင့် ကုန်အညွှန်းအမှတ် အသားများ ပြည့်စုံမှန်ကန်စွာဖေါ်ပြမှုရှိစေရေး ရည်ရွယ်၍ ဆောင်ရွက်လျှက် ရှိရာ ၂၀၂၅ ခုနှစ်၊ ဩဂုတ်လ (၁)ရက်မှ (၁၅)ရက်နေ့အတွင်း၌  ပြည်ခရိုင်တွင် ဆက်သွယ်ရေးအင်တာနက်(ဝန်ဆောင်မှု)လုပ်ငန်းရှင်များ၊ ပြည်မြို့နယ်တွင် မြို့သစ်(၄)လမ်းထိပ်၊ ဒေါ်ခင်မို့မို့ဝင်း၏ “အောင်မေတ္တာ”ဆန်ရောင်းဝယ်ရေးလုပ်ငန်းသို့လည်းကောင်း၊ မြို့မဈေးကြီး(၁)ရုံ ရှိ ဒေါ်ညွန့်ညွန့် ဆီဆိုင်သို့လည်းကောင်း၊ ရွှေကူရပ်ကွက်၊ လမ်းရှည်လမ်းရှိ ဒေါ်ပြုံးပြုံးအေး ဆီရောင်းဝယ်ရေးလုပ်ငန်းသို့လည်းကောင်း၊ မြို့သစ်ရပ်ကွက်၊ ဘုရင့်နောင်လမ်းရှိ “ရွှေဖလား” ဆန်ဆိုင်သို့လည်းကောင်း၊ ရွှေတောင်မြို့နယ်တွင် နွားမယံအုပ်စု၊ ပုရပိုက်တန်းကျေးရွာရှိ၊ ဒေါ်ခိုင်မေသင်း၏ “မြသော်တာ”အသင့်စားနန်းကြီးသုပ် လုပ်ငန်းသို့လည်းကောင်း၊ ပန်းတောင်းမြို့ နယ်တွင် ဆင်တဲကျေးရွာရှိ “ဒေါ်ရင်မြိုင်”ဆန်ဆိုင်သို့လည်းကောင်း၊ ဥသျှစ်ပင်ဈေးရှေ့ရှိ ဦးအောင်နိုင်ဖြူ၏ “သန်းကြွယ်”ဆန်ရောင်းဝယ်ရေးလုပ်ငန်း၊ ဥသျှစ်ပင်၊ ရွှေပင်ရပ်ကွက်ရှိ ဦးမျိုးနိုင်ဦး၏ “လာဘ်မိုးပွင့်” အိမ်ဆောက်ပစ္စည်းအရောင်းဆိုင် သို့လည်းကောင်း၊ လဲကျေးရွာရှိ ဒေါ်သိမ့်သိမ့်စန်းဌေး၏ “ရတနာ”စိုက်ပျိုးရေးပစ္စည်းဆိုင်သို့လည်းကောင်း၊ ပေါက်ခေါင်းမြို့ တွင် အမှတ်(၅)ရပ်ကွက်ရှိ ဦးသက်ဇော်အောင်၏ “ချမ်းမြေ့ပါစေ”ဣစ္ဆိတံလုပ်ငန်းသို့လည်းကောင်း၊ သက်ဆိုင်ရာမြို့နယ် တာဝန်ခံနှင့် ဝန်ထမ်းများသည် သွားရောက်၍ မိမိတို့ ဖြန့်ဖြူးရောင်းချ လျက်ရှိသောကုန်စည်များတွင် အရည်အသွေး၊ အလေးချိန်၊ အချိန်အတွယ်၊ ပမာဏနှင့် အမျိုးအစားများ မှန်ကန်စွာဖြန့်ဖြူး ရောင်းချမှုရှိစေရေး၊ စီးပွားရေးကျင့်ဝတ်၊ စည်းကမ်း နှင့်အညီ ထုတ်လုပ် ရောင်းချ မှုရှိစေရေး၊ ကုန်စည်အလိုက် ဖေါ်ပြရမည့် ကုန်အညွှန်း အမှတ်အသား များ၊ ပြည့်စုံမှန်ကန်စွာ ဖေါ်ပြ မှုရှိစေရေး လိုက်နာဆောင်ရွက်ကြရန်နှင့် နောက်ပိုင်း ကာလများတွင် ကွင်းဆင်းစစ်ဆေးမှုများနှင့် အတူ အရေးယူဆောင်ရွက်မှုများပြုလုပ် ဆောင်ရွက်သွားမှာဖြစ်သည့် အတွက် စီးပွားရေးလုပ်ငန်းရှင်များအနေဖြင့် အထူးအလေးထား လိုက်နာ ဆောင်ရွက်ကြရန် ရှင်းလင်းဆွေးနွေး ပြောကြားခဲ့ကြောင်း သတင်းရရှိပါသည်။

DOCA(ပဲခူး)