သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊ ဓနုဖြူမြို့နယ်တွင် အသေးစား၊ အလတ်စား  ပြည်စုံအောင် ပဲမုန့်လုပ်ငန်းကို အမှတ် ၁၃ရပ်ကွက် အောင်ဇေယျာလမ်းတွင် ထုတ်လုပ်ဖြန့်ဖြူးရောင်းချလျက်ရှိကြောင်း သိရသည်။ ပိုင်ရှင်မှာ ဦးရှင်းသန့်ကို ဖြစ်ပြီး လုပ်ငန်းကို လုပ်သား ၅ဦးဖြင့် လုပ်ကိုင်လျက်ရှိကြောင်း သိရသည်။ 

      ပဲမုန့်လုပ်ငန်း ထုတ်လုပ်မှုအဆင့်ဆင့်နှင့် ဖြန့်ဖြုူမှုကို လုပ်ငန်းရှင်နှင့် တွေ့ဆုံ၍ လေ့လာခဲ့ရာ ပါဝင်ပစ္စည်းများမှာ ကိတ်၊ ဂျုံ၊ သကြား၊ ကုလားပဲခြမ်း၊ ကပ်စေးနှဲ၊ ကုန်ကြမ်းများကို ဓနုဖြူမြို့နယ်အတွင်း အလွယ်တကူ ဝယ်ယူရရှိ သည်။ ပြုလုပ်ပုံမှာ ကုလားပဲခြမ်းကို ပြုတ်၍ စက်နဲမွေပြီး သကြား ကပ်စေနဲ့ ထည့်ရပြီး ဆီအနည်းငယ်ထည့်ရသည်။ ဂျုံနှင့် ပဲနှစ်ကို လုံး၍ မီးဖုတ်ဖိုထဲသို့ထည့်ကာ မုန့်ပြုလုပ်ကြောင်း ၁နှစ် ရင်းနှီးမြုပ်နှံမှု မှာ (၁၂၀)သိန့် ခန့် ကုန်ကျကြောင်း လုပ်ငန်းရှင်မှ ရှင်းပြသည်။ ၁နှစ်ထုတ်လုပ်မှု ၃၆၀၀၀ ဗူး ရရှိပြီး ၁ဗူးလျှင် ပဲမုန့် ၁၁ခုပါ စက္ကူဗူးထုတ်ပိုးခြင်း၊ ၅ခုပါ ပဲမုန့် ထုပ်ပိုးကြောင်း သိရသည်။

   ဈေးနှုန်း အနေဖြင့် ၁၁ခုပါပဲမုန့်  ၁ဗူးလျှင် ၄၃၀၀ ကျပ်၊ ပဲမုန့် ၅ခုပါ ကော်ဗူးဖြင့် ၂၂၀၀ကျပ် ရောင်းချသည်။ နေ့စဉ် ထုတ်လုပ်ရောင်းချနေပြီး ၁နေ့လျှင် ၂သိန်း ဝန်းကျင် အကျိုးအမြတ်ကျန်ရှိ၍ ၁နှစ် လျှင် ၇၂၀ သိန်း နီးပါး အကျိုးအမြတ် ကျန်ရှိကြောင်း သိရသည်။ ပဲမုန့်လုပ်ငန်းသည် ကုန်အညွှန်းအမှတ်အသား တင်ပြထားပြီးဖြစ်ပြီး ဒေသတွင်းရောင်းချခြင်း၊  ရန်ကုန်နှင့် ၊ ဟင်္သတဘက်သို့ ဖြန့်ဖြူးသော ကိုယ်စားလှယ်ရှိကြောင်း သိရသည်။ 

DOCA(ဧရာဝတီ)

       မအူပင်ခရိုင်၊ ဓနုဖြူမြို့နယ်မှ အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ၊ ရေနံထွက်ပစ္စည်း ကြီးကြပ်စစ်ဆေးရေးဦးစီးဌာန၊ စားသုံးသူရေးရာဦးစီးဌာနတို့ ပူးပေါင်း၍ (၁၃-၈-၂၀၂၅) ရက်နေ့ နေ့လယ် (၁၃:၀၀)နာရီအချိန်က မြို့နယ်တွင် စက်သုံးဆီဆိုင်များ ဈေးနှုန်းမှန်ကန်စေရေး၊ စက်သုံးဆီ အရည်အသွေး ကောင်းမွန်စေရေးဦ စက်သုံဆီးပြတ်လပ်မှု မရှိစေရေးတို့အတွက် ရှောင်တခင်စစ်ဆေးခဲ့ကြောင်း သိရသည်။

          စစ်ဆေးရာတွင် စူပါအောင်ဆီဆိုင်၊ UNT ဆီဆိုင်၊ ထွန်းဆီဆိုင် များတွင်  ခွင့်ပြုထုတ်ပေးသည့် စက်သုံးဆီ အမျိုးအစားနှင့် ပမာဏများအတိုင်း အရောင်းဆိုင်သို့ ဆီဘောက်ဆာကားများ အမှန်ရောက်ရှိခြင်း ရှိ/ မရှိ၊ သတ်မှတ်အရည်အသွေးနှင့် အခြင်အတွယ် ကိုက်ညီမှန်ကန်မှု ရှိ/ မရှိ၊ ရည်ညွှန်း ဈေးနှုန်းများအတိုင်း ရောင်းချခြင်း ရှိ/ မရှိ၊ မီးဘေးအန္တရာယ် ကာကွယ်ရေးကိစ္စရပ်များ ကြိုတင် ဆောင်ရွက်ထားခြင်း ရှိ/ မရှိတို့ကို စစ်ဆေးခဲ့ပြီး စက်သုံးဆီပြတ်လပ်မှု မဖြစ်ပေါ်စေရေး၊ ဆီသိုလှောင်ထား ရှိမှုအခြေအနေ၊ မီးဘေး လုံခြုံစိတ်ချရမှု ရှိ/မရှိ၊ မီဘေးကြိုတင်ကာကွယ်ရေးပစ္စည်များ စနစ်တကျ စီစဉ်ဆောင်ရွက်ထားမှု ရှိ/မရှိတို့အား လိုက်လံကြည့်ရှုစစ်ဆေးပြီး ဒေသခံပြည်သူများ စက်သုံးဆီ အဆင်ပြေစွာ ဝယ်ယူ သုံးစွဲနိုင် စေရန်အတွက် စက်သုံးဆီအရောင်းဆိုင်များ ပုံမှန်အတိုင်း ဖွင့်လှစ်ရောင်းချ နိုင်ရေး အလေးထား ဆောင်ရွက်သွားရန်တို့ကို လုပ်ငန်းရှင်များအား ဆွေးနွေး မှာကြားခဲ့ သည်။ ဓနုဖြူမြို့ အတွင်းရှိ စက်သုံးဆီ အရောင်းဆိုင်များက ဒေသခံပြည်သူများ စက်သုံးဆီ အဆင်ပြေစွာ ဝယ်ယူနိုင်ရေး ပုံမှန်ဖွင့်လှစ် ရောင်းချပေးလျက်ရှိကြောင်း သတင်းရရှိသည်။

DOCA(ဧရာဝတီ)

      စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူးရုံးမှ တာဝန်ရှိသူများသည် ဆန်ဆိုင်လုပ်ငန်းရှင်များ MyRo မှတ်ပုံတင်ခြင်းဆိုင်ရာ ကိစ္စရပ်နှင့် စပ်လျဉ်း၍ မှန်ကန်သော သတင်းအချက်အလက်များကို သိရှိနိုင်ရန်နှင့် လုပ်ငန်းရှင်များ စီးပွားရေးကျင့်ဝတ်နှင့်အညီ လုပ်ကိုင်ဆောင်ရွက်နိုင်ရေး ဒေသတွင်း ထုတ်ကုန်များ လွပ်လပ်စွာ ရောင်းဝယ်နိုင်ရေးအတွက် ၁၃-၈-၂၀၂၅ ရက်နေ့ နေ့လယ် (၁၄:၀၀)နာရီအချိန်က မြို့နယ်စားသုံးသူရေးရာဦးစီးဌာန ရုံးခန်းမ တွင် ဆွေ့ဆုံရှင်းလင်းဆွေးနွေးကြောင်း သိရသည်။

        ဆွေးနွေးရာတွင် မြို့နယ်ဦးစီးမှူးဦးအောင်လွင်က ဆန်ဆိုင်လုပ်ငန်းရှင် ၈ဦးနှင့် တွေ့ဆုံ၍ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနသည် ပြည်တွင်းဆန်စပါးဖူလုံရေး၊ ပြည်ပသို့ စနစ်တကျတင်ပို့ရောင်းချနိုင်ရေး၊ ဆန်စပါးစျေး ကွက်နှင့် စျေးနှုန်းတည်ငြိမ်မှန်ကန်စေရေးနှင့် ဆန်စပါးသိုလှောင်မှုအခြေအနေများကို စနစ်တကျ စာရင်းပြုစုမှတ်ပုံတင်ထားနိုင်ရေး၊ သိုလှောင်ရုံကုန်အပ်လက်မှတ်ကို အခြေပြုသည့် ငွေကြေး ထောက်ပံ့မှုစနစ်ကို ဖော်ဆောင်နိုင်ရေးတို့အတွက် ပြည်တွင်း၌ လုပ်ကိုင်ဆောင်ရွက်လျက်ရှိသည့် ဆန်စပါးသိုလှောင်ရုံ လုပ်ငန်းများ အနေဖြင့် စီးပွားရေးလုပ်ငန်းဆောင်ရွက်ရန်အလို့ငှာ ဆန်တန်ချိန် ၅၀ နှင့်အထက် သိုလှောင်ရုံ သို့မဟုတ် စပါးတင်း ၅၀၀၀နှင့်အထက် သိုလှောင်ရုံတစ်မျိုးမျိုးကို ပိုင်ဆိုင်သူသည်  www.myro.com.mm တွင် သတ်မှတ်ထားသည်နှင့်အညီ မှတ်ပုံတင် လျှောက် ထားရမည်ဖြစ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက “ ဆန်စပါးသို လှောင်ရုံ မှတ်ပုံတင်ခြင်းဆိုင်ရာအမိန့်”အား ၂၀၂၄ ခုနှစ်၊ အောက်တိုဘာလ ၂၄ ရက်နေ့တွင် အမိန့်အမှတ် ၈၂ / ၂၀၂၄ ဖြင့် ထုတ်ပြန်ထားပါသည်။

    ညောင်တုန်းမြို့နယ်အတွင်း ဆန်သိုလှောင်သူ လုပ်ငန်းရှင်များက မှတ်ပုံတင်ထားဆောင်ရွက်ပြီးဖြစ်ကြသည်။ မှတ်ပုံတင် သတ်တမ်း ၁နှစ် ပြည်မြောက်ပါကလည်း ထပ်မံသက်တမ်းတိုးလုပ်ငန်းကို ဆောင်ရွက်ရန် မှာကြား ဆွေးနွေးပြီး၊ ယနေ့အချိန်တွင် MyRo မှတ်ပုံတင်ခြင်းဆိုင်ရာ ကိစ္စရပ်နှင့် စပ်လျဉ်း၍ မဟုတ်မမှတ်သတင်းမှားများကို ဖြန့်ချီနေမှုကို မယုံကြည်ကြရန်နှင့် သိုလှောင်ရန် ပမာဏထက်ကျော်လွန်ပါက အရေးယူဆောင်ရွက်သွာမည်ဟူသော သတင်းမှာ မဟုတ်မမှန်ကြောင်းကို လုပ်ငန်းရှင်များ သိရှိနိုင်ရန် အကျယ်တဝင့်ရှင်းလင်း ဆွေးနွေးခဲ့ကြောင်း သိရပါသည်။

DOCA(ဧရာဝတီ)

    မအူပင်ခရိုင်၊ ညောင်တုန်းမြို့နယ်မှ အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ၊ ရေနံထွက်ပစ္စည်း ကြီးကြပ်စစ်ဆေးရေးဦးစီးဌာန၊ စားသုံးသူရေးရာဦးစီးဌာနတို့ ပူးပေါင်း၍ (၁၃-၈-၂၀၂၅) ရက်နေ့ နံနက် ၁၀နာရီအချိန်က မြို့နယ်တွင်း စက်သုံးဆီဆိုင်များ ဈေးနှုန်းမှန်ကန်စေရေး၊ စက်သုံးဆီ အရည်အသွေး ကောင်းမွန်စေရေးဦ စက်သုံဆီးပြတ်လပ်မှု မရှိစေရေးတို့အတွက် ရှောင်တခင်စစ်ဆေးခဲ့ကြောင်း သိရသည်။

         စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူး ဦးအောင်လွင်က Ok ဆီဆိုင်၊ UTT & Sons ဆီဆိုင်၊ DENKO ဆီဆိုင်၊ Energy ဆီဆိုင် များတွင် ရောင်းချသော စက်သုံဆီးများသတ်မှတ်ရက်အတွင်း ဆီကားများရောက်ရှိမရှိကို စစ်ဆေးခြင်း၊  ရောင်းချနေသော စက်သုံဆီအမျိုးအစားအလိုက်  သတ်မှတ်အရည်အသွေးနှင့် အခြင်အတွယ် ကိုက်ညီမှန်ကန်မှု ရှိ/ မရှိ၊ ရည်ညွှန်း ဈေးနှုန်းများအတိုင်း ရောင်းချခြင်း ရှိ/ မရှိ၊ မီးဘေးအန္တရာယ် ကာကွယ်ရေးကိစ္စရပ်များ ကြိုတင် ဆောင်ရွက်ထားခြင်း ရှိ/ မရှိတို့ကို စစ်ဆေးခဲ့ပြီး မြို့နယ်စက်သုံးဆီပြတ်လပ်မှု မဖြစ်ပေါ်စေရေး၊ ဆီသိုလှောင်ထား ရှိမှုအခြေအနေ၊ မီးဘေး လုံခြုံစိတ်ချရမှု ရှိ/မရှိ၊ မီဘေးကြိုတင်ကာကွယ်ရေးပစ္စည်များ စနစ်တကျ စီစဉ်ဆောင်ရွက်ထားမှု ရှိ/မရှိတို့အား လိုက်လံကြည့်ရှုစစ်ဆေးပြီး ဒေသခံပြည်သူများ စက်သုံးဆီ အဆင်ပြေစွာ ဝယ်ယူ သုံးစွဲနိုင် စေရန်အတွက် စက်သုံးဆီအရောင်းဆိုင်များ ပုံမှန်အတိုင်း ဖွင့်လှစ်ရောင်းချ နိုင်ရေး အလေးထား ဆောင်ရွက်သွားရန်တို့ကို လုပ်ငန်းရှင်များအား ဆွေးနွေး မှာကြားခဲ့ပြီး ဆီလက်ကျန်နှင့် နေစဉ်ဈေးနှုန်းများကို စာရင်းကောက်ယူ၍ စစ်ဆေးဆောင်ရွက်ခဲ့ကြောင်း သတင်းရရှိပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံနှင့် ဝန်ထမ်းများသည်(၁၂.၈.၂၀၂၅) ရက်နေ့ ၊နေ့လယ် (၁၃:၀၀)အချိန်တွင် အင်္ဂပူမြို့၊ အမှတ်(၁)ရပ်ကွက်၊ ကန်သာယာလမ်းရှိ စားသုံးသူရေးရာ ဦးစီးဌာန မြို့နယ်တာဝန်ခံရုံး၌ ကုန်စုံဆိုင်လုပ်ငန်းရှင်များအား စားသုံးသူကာကွယ်ရေး အသိပညာ ပေးဟောပြောခြင်းဆောင်ရွက်ခဲ့ပါသည်။

    ဟောပြောပွဲတွင် မြို့နယ်တာဝန်ခံ ဦးဘိုဘိုက စားသုံးသူကာကွယ်ရေးဥပဒေပါ စားသုံးသူ အခွင့်အရေးနှင့်တာဝန်များအကြောင်း၊ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ် အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ(၄၁) ပုဒ်မခွဲ(ခ)နှင့်(ဆ) တို့ ပါ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြား ဘာသာ တစ်ခု(သို့မဟုတ်)တစ်ခုထက်ပို၍တွဲလျက်ဖြစ်စေရေးသားဖော်ပြရမည့် အကြောင်း၊ကုန်စည် (သို့မဟုတ်) ဝန်ဆောင်မှုကို ဝယ်ယူအသုံးပြုခြင်းကြောင့် ဖြစ်ပေါ်လာသည့် နစ်နာဆုံးရှုံးမှုများနှင့် စပ်လျဉ်း၍ ကုစားခွင့်ရရှိခြင်းများအကြောင်း၊ ပြစ်မှုနှင့်ပြစ်ဒဏ်များအကြောင်း စသည်တို့ကို အသိပညာပေးဟောပြောခဲ့ပြီး တက်ရောက်လာသူများမှလည်း သိလိုသည်များကို မေးမြန်း၍ အပြန်အလှန် ဆွေးနွေးခဲ့ကြကြောင်း သိရှိရပါသည်။

 (DOCA ဧရာဝတီ)