သတင်းနှင့် လှုပ်ရှားမှုများ

           (၂၂.၁၀.၂၀၂၅)ရက်နေ့ နေ့လည် (၁:၀၀)နာရီအချိန်တွင် စားသုံးသူရေးရာဦးစီးဌာန၊ မြောက် ပိုင်းခရိုင်ဦးစီးမှူးရုံး၊ မှော်ဘီမြို့နယ်ခွဲရုံးမှ ဒေါ်ဖြူဖြူမြင့်၊ ဒုကြီးကြပ်ရေးမှူးသည် မှော်ဘီမြို့နယ်၊ လှပဒါးကျေးရွာရှိ စားအုန်းဆီအရောင်းဆိုင်သို့ ကွင်းဆင်းစစ်ဆေးခဲ့ပါသည်။

          ထိုသို့စစ်ဆေးခဲ့ရာတွင် ဆိုင်ရှင်ဒေါ်ဇင်မာမြင့်အား စားသုံးသူပြည်သူများသို့ အိမ်ထောင်စု အလိုက် ဆီဝယ်ယူခွင့်စာအုပ်များဖြင့် ဆီရောင်းချမှုအခြေအနေ၊ သတ်မှတ်ရည်ညွှန်းဈေးထက် ဈေးနှုန်းမြှင့်တင်ရောင်းချမှုမရှိစေရေး၊ ဆီဖြန့်ဖြူးရောင်းချရာတွင် အိမ်ထောင်စုများသို့ ကျယ်ကျယ် ပြန့်ပြန့်ရာနှုန်းပြည့်မီအောင် ရောင်းချပေးစေရေး သတ်မှတ်ကာလအတွင်း သတ်မှတ်ပမာဏကို သတ်မှတ်ဈေးနှုန်းဖြင့် အရည်အသွေး၊ အလေးချိန်ပြည့်ဝစွာ ပြည်သူများသို့ ဖြန့်ဖြူးရောင်းချစေရေး တို့ကို အသိပေးပြောကြားခဲ့ကြောင်း သိရှိရပါသည်။

 DOCA (ရန်ကုန်)

     (၂၂.၁၀.၂၀၂၅)ရက်နေ့ နေ့လည်(၂:၃၀)နာရီအချိန်တွင် စားသုံးသူရေးရာဦးစီးဌာန၊ မြောက် ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၄)ဦးတို့သည် အမှတ်(၇၉)၊ ဦးရွှေဘင်လမ်း၊ စက်မှုဇုန် (၁)၊ လှိုင်သာယာ(အရှေ့ပိုင်း)မြို့နယ်ရှိ ဝင်းဝင်းဖယောင်းတိုင်စက်ရုံသို့ သွားရောက်၍ ကုန်အညွှန်း အမှတ်အသားဖော်ပြခြင်းနှင့်စပ်လျဉ်း၍ အသိပညာပေးဆွေးနွေးခြင်းလုပ်ငန်းများ ဆောင်ရွက်ခဲ့ပါ သည်။

      ထိုသို့ဆွေးနွေးခဲ့ရာတွင် ဝင်းဝင်းဖယောင်းတိုင်စက်ရုံမှ မန်နေဂျာ ဒေါ်နွေးနွေးဝင်းပါ ဝန်ထမ်းများအား စားသုံးသူရေးရာဦးစီးဌာနမှ ဦးသက်ပိုင်စိုး၊အကြီးတန်းစာရေးက ဌာနဖြစ်ပေါ်လာပုံ၊ ဌာနအဆင့်ဆင့်ပြောင်းလဲလာပုံ၊ အခန်း(၁၈)ပါ ကုန်အညွှန်းအမှတ်အသားနှင့် ပတ်သက်သည့်အချက်များ၊ လိုက်နာမှုမရှိပဲ ဖောက်ဖျက်ကျူးလွန်ခဲ့လျှင် ချမှတ်ခံရမည့်ပြစ်မှု၊ ပြစ်ဒဏ်များနှင့် စီးပွားရေးလုပ်ငန်း ရှင်၏တာဝန်များကို အကျယ်တဝင့်ပြောကြားခဲ့ပြီး ဆွေးနွေးပွဲသို့ (၅)ဦးတက်ရောက်ခဲ့ပြီး ဆွေးနွေးပွဲကို နေ့လည်(၂:၄၅)နာရီအချိန်တွင် ရုပ်သိမ်းခဲ့ ပါသည်။

 DOCA (ရန်ကုန်)

        (၂၁.၁၀.၂၀၂၅) ရက်နေ့ နေ့လည်(၁:၀၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၄)ဦးတို့သည် လှိုင်သာယာ(အရှေ့ပိုင်း) မြို့နယ်ရှိ အမှတ်(၁၃၅/၁၃၆)၊ သံချပ်ဝန်ဦးညွန့်လမ်း၊ စက်မှုဇုန်(၁)၊ စားတော်ကဲခေါက်ဆွဲစက်ရုံ၌ ထုတ်လုပ် လျက်ရှိသော Wah-Lah ခေါက်ဆွဲအမျိုးမျိုးအား ဈေးကွက်မရောက်မီ အသိပညာပေးဆွေးနွေးခြင်း လုပ်ငန်းများ ဆောင်ရွက်ခဲ့ပါသည်။

               ထိုသို့ဆွေးနွေးခဲ့ရာတွင် စားတော်ကဲခေါက်ဆွဲစက်ရုံမှ မန်နေဂျာ ဒေါ်မေဖြူကျော်ပါ ဝန်ထမ်းများအား စားသုံးသူရေးရာဦးစီးဌာနမှ ဒေါ်နီလာဝင်း၊ ဦးစီးမှူးက စားသုံးသူကာကွယ်ရေး ဥပဒေပါ အခန်း(၁၈)တွင် ဖော်ပြထားသော ကုန်အညွှန်းအမှတ်အသားဖော်ပြခြင်းဆိုင်ရာ အချက်များ ပုဒ်မ (၆၇)အရ ကုန်စည်(သို့မဟုတ်)ဝန်ဆောင်မှုကို ထုတ်လုပ်ခြင်း၊ ကုန်သွယ်ခြင်း(သို့မဟုတ်)ရောင်းချ ခြင်းမပြုလုပ်ရသည့်အချက်များ၊ ပုဒ်မ(၆၈)တွင် ပုဒ်မ(၄၃)ပါ ပြဌာန်းချက်များနှင့်ကိုက်ညီမှုမရှိသော ကုန်စည်များကို ရောင်းချခြင်းမပြုရန်နှင့်ပုဒ်မ(၇၃)အရ တားမြစ်ချက်တစ်ရပ်ရပ်ကို ဖောက်ဖျက်ကျူး လွန်ကြောင်း ပြစ်မှုထင်ရှားစီရင်ခြင်းခံရလျှင် ထောင်ဒဏ်၊ ငွေဒဏ်များချမှတ်နိုင်ကြောင်း ဆွေးနွေးဟောပြောခဲ့ပြီး ဆွေးနွေးပွဲသို့ (၆)ဦး တက်ရောက်ခဲ့ပြီး ဆွေးနွေးပွဲကို (၁:၂၀)အချိန်တွင် ရုပ်သိမ်းခဲ့ပါ သည်။

  DOCA (ရန်ကုန်)

         (၂၁.၁၀.၂၀၂၅) ရက်နေ့ နေ့လည် (၁:၃၅) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၄) ဦးတို့သည် အမှတ်(၁၃၅/၁၃၆)၊ သံချပ် ဝန်ဦးညွန့်လမ်း၊ စက်မှုဇုန်(၁)လှိုင်သာယာ(အရှေ့ပိုင်း)မြို့နယ်ရှိ စားတော်ကဲခေါက်ဆွဲစက် ရုံသို့ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ဈေးကွက်မရောက်မီ စောင့်ကြည့်စစ် ဆေး ခြင်းလုပ်ငန်းများ ဆောင်ရွက်ခဲ့ပါသည်။

        ထိုသို့ဆောင်ရွက်ခဲ့ရာတွင် စားတော်ကဲခေါက်ဆွဲစက်ရုံမှ မန်နေဂျာ ဒေါ်မေဖြူကျော်၊ မြို့နယ် စည်ပင်သာယာအုပ်ချုပ်ရေးမှူးရုံးမှ ဦးခင်ဇော်အောင်၊ လက်ထောက်အုပ်ချုပ်ရေးမှူးတို့မှ ပူးပေါင်း ပါဝင်လျက် စားတော်ကဲခေါက်ဆွဲစက်ရုံမှ ထုတ်လုပ်သော ကုန်စည်(၁၄)မျိုးတို့တွင် စားသုံးသူ ကာကွယ်ရေးအခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ ပုဒ်မ(၄၃)အရ၊ ပုဒ်မ (၄၁)၊ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြခြင်းဆိုင်ရာ မြန်မာဘာသာနှင့် အခြားဘာသာတစ်ခု(သို့)တခုထက်ပို၍တွဲလျက်ဖြစ်စေ၊ အလေးချိန်ကိုလည်း မြန်မာဘာသာဖြင့် ဖော်ပြထားကြောင်း စစ်ဆေးတွေ့ရှိရပြီး စီးပွားရေးလုပ်ငန်းရှင်အား ယခုကဲ့သို့ကုန်ပစ္စည်းများ ထုတ်လုပ်ရောင်းချရန် ပြောကြားခဲ့ကြောင်း သိရှိရပါသည်။

  DOCA (ရန်ကုန်)

       ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်ရပ်ကွက်၊ ကျေးရွာအုပ်စုများရှိ ဆန်စက်များ၏ ဆန်စပါးကြိတ်ခွဲထုတ်လုပ်မှုနှင့် ဆန်စပါးလက်ကျန်အခြေအနေအား အောက်တို ဘာလ(၁၆)ရက်နေ့၊ နံနက်(၀၉:၀၀)နာရီအချိန်တွင် စာရင်းကောက်ယူမြေပြင်ကွင်းဆင်း စစ်ဆေး ခဲ့ကြောင်း သိရသည်။

    ထိုသို့ကွင်းဆင်းစစ်ဆေးခဲ့ရာတွင်စစ်ဖက်ဆိုင်ရာလုံခြုံရေးတပ်ဖွဲ့၊သတင်းရဲတပ်ဖွဲ့၊အထူးစုံစမ်းစစ်ဆေးရေးဦးစီးဌာန၊ စားသုံးသူရေးရာဦးစီးဌာနတို့မှ တာဝန်ရှိသူများ ပူးပေါင်းအဖွဲ့ ဖြင့် တောင်ပိုင်းရပ်ကွက်၊ ဖရုံချောင်းကျေးရွာ၊ ထမ္မနိုင်ကျေးရွာ၊ ဝါးဘလောက်သောက်ကျေးရွာ၊ သခွပ်ပင်ကျေးရွာများမှ ဆန်စပါးကြိတ်ခွဲထုတ်လုပ်ဖြန့်ဖြူးရောင်းချလျက်ရှိသော ဆန်စက်ပိုင်ရှင် စီးပွားရေးလုပ်ငန်းရှင်များအနေဖြင့် စက်မှုဝန်ကြီးဌာန၊ စက်မှုကြီးကြပ်ရေးနှင့်စစ်ဆေးရေးဦးစီး ဌာန၊ ပုဂ္ဂလိကစက်မှုလုပ်ငန်းမှတ်ပုံတင်သက်တမ်းတိုးဆောင်ရွက်ထားမှုအခြေအနေ၊ MyRoသို လှောင်ရုံမှတ်ပုံတင်သက်တမ်းတိုးဆောင်ရွက်မှု အခြေအနေနှင့် ဆန်စပါးကြိတ်ခွဲထုတ်လုပ်နိုင်မှု အခြေအနေ၊ ဆန်နှင့်ဆန်ထွက်ပစ္စည်းလက်ကျန်၊ စပါးအမျိုးအစားအလိုက် လက်ကျန်များအား စာရင်းကောက်ယူမြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)