သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ စားသုံးသူပြည်သူများ အနေဖြင့်ကုန်စည်(သို့မဟုတ်) ဝန်ဆောင်မှုများနှင့် စပ်လျဉ်း၍  စားသုံးသူ ၏အခွင့်အရေးနှင့် အကျိုးစီးပွားကိုကာကွယ်ပေးခြင်းဆိုင်ရာ အသိပညာများ သိရှိနားလည်လာ စေရန်ရည်ရွယ်ပြီး ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၊ ရေဖြူတွင်းကျေးရွာ၌  အောက်တိုဘာလ(၁၇)ရက်နေ့၊ နံနက်(၁၀:၀၀)နာရီအချိန်တွင် စားသုံးသူကာကွယ်ရေး အသိပညာပေး ဟောပြောပွဲအား ကျေးရွာအုပ်ချုပ်ရေးမှူးရုံး၌ ကျင်းပပြုလုပ်ခဲ့ကြောင်း သိရသည်။

       အဆိုပါ ဟောပြောပွဲတွင် ကော့မှူးမြို့နယ်၊ စားသုံးသူရေးရာဦးစီးဌာန မြို့နယ်တာဝန်ခံ ဦးတင်မင်းက စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန အနေဖြင့် စားသုံးသူကာကွယ်ရေးဥပဒေကို (၂၀၁၉)ခုနှစ်၊ မတ်လ (၁၅)ရက်နေ့တွင် ပြည်ထောင် စုလွတ်တော်ဥပဒေအမှတ်(၉)အရ အတည်ပြုပြဌာန်းခဲ့ပြီး ဥပဒေတွင်ပါရှိသော စားသုံးသူ ကာကွယ်ရေးဆိုင်ရာ ကုန်စည်(သို့မဟုတ်)ဝန်ဆောင်မှုနှင့် စပ်လျဉ်း၍ စားသုံးသူပြည်သူများ၏ အကျိုးစီးပွားကို ကာကွယ်ပေးခြင်းနှင့် စားသုံးသူနှင့်စီးပွားရေးလုပ်ငန်းရှင်တို့ကြား ကော်မရှင်နှင့် ကော်မတီအဆင့်ဆင့်တို့မှ သတ်မှတ်ဆောင်ရွက်ပေးသည့် မျှတမှုရှိသော လုပ်ငန်းသုံးများ အကြောင်း စားသုံးသူ၏အခွင့်အရေးနှင့်တာဝန်များ စီးပွားရေးလုပ်ငန်းရှင်များ၏တာဝန်များ ဥပဒေတွင်ပါဝင်သော ကုန်အညွှန်းအမှတ်အသားဖော်ပြခြင်းဆိုင်ရာ ကုန်စည်ထုတ်ပိုးမှုအပြင် အဆင်ပေါ်၌ စာသားဖြင့်ရေးသားဖော်ပြရာတွင် သတ်မှတ်ထားသော အချက်များအား မြန်မာ ဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့မဟုတ်) တစ်ခုထက်ပို၍ တွဲလျက် ဖြစ်စေ မဖြစ်မနေ ရေးသားဖော်ပြပါရှိရမည့် အချက်များအား အကျယ်တဝင့်ရှင်းလင်းဆွေးနွေးခဲ့ ပြီး စားသုံးသူကာကွယ်ရေး အသိပညာပေးဟောပြောခဲ့ကြောင်း သိရှိရပါသည်။

DOCA(ရန်ကုန်)

            ရန်ကုန်တိုင်းဒေသကြီး၊ တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ လမ်းညွှန်မှု အရ အလုံခရိုင်၊ မရမ်းကုန်းခရိုင်၊ ကျောက်တံတားခရိုင် တရားမဝင်ကုန်သွယ်မှုတိုက်ဖျက် ရေးအထူးအဖွဲ့ အတွင်းရေးမှူး စားသုံးသူရေးရာဦးစီးဌာန၊ အနောက်ပိုင်းခရိုင်ဦးစီးမှူး ဦးအောင်တင်စိုး ဦးဆောင်သော ပူးပေါင်းအဖွဲ့သည် ၁၇.၁၀.၂၀၂၅ ရက်နေ့တွင် ကမ်းရိုးတန်းသွား ရေယာဉ်များ ဆိုက်ကပ်သည့် ဆိပ်ကမ်းများဖြစ်သော ဗားကရာဆိပ်ကမ်းနှင့် ဘုရင့်နောင် ဆိပ်ကမ်းအား အကောက်ခွန်ဦးစီးဌာန၊ စားသုံးသူရေးရာဦးစီးဌာန၊ အထွေထွေအုပ်ချုပ်ရေး ဦးစီးဌာန၊ စိုက်ပျိုးရေးဦးစီးဌာန၊ မြန်မာ့ဆိပ်ကမ်း အာဏာပိုင်၊ အမှတ်(၃)ရေကြောင်းရဲတပ်ဖွဲ့ စသည့် ပူးပေါင်းအဖွဲ့များဖြင့် ပူးပေါင်း၍ ရေယာဉ်များ တွင်တင်ဆောင်ထားသော တင်ဆောင်ကုန်များအား ရှောင်တခင်ဝင်ရောက်စစ်ဆေးခဲ့ပြီး လက်နက် ခဲယမ်းများတင်ဆောင်မှု မရှိစေရေးအတွက် ရဲတပ်ဖွဲ့နှင့်ပူးပေါင်း၍ စစ်ဆေးမှုများ ပြုလုပ်ခဲ့ကြောင်း သိရှိရပါသည်။

DOCA (ရန်ကုန်)

     ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ် အခြေခံပညာအထက်တန်းကျောင်း (ကွမ်းမိုးဒိန်း)၌ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ စာဖတ်ရှိန်မြှင့်တင်ရေးလှုပ်ရှားမှု အခမ်းအနားတွင် စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံ ဒေါ်ကျော့ကေခိုင်သည် စားသုံးသူကာကွယ်ရေး အသိပညာပေး ဟောပြောခြင်းကို အောက်တိုဘာလ(၁၇)ရက်နေ့၊ နံနက်(၁၀:၀၀)နာရီ အချိန်တွင် ပြုလုပ်ခဲ့ကြောင်း သိရှိရပါသည်။

     ထိုအသိပညာပေး ဟောပြောပွဲတွင် အ.ထ.က (ကွမ်းမိုးဒိန်း) ကျောင်းအုပ်ဆရာမကြီးက အဖွင့်အမှာစကားပြောကြားခြင်း၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်ခင်နှင်းဝေက ကျောင်းသား၊ ကျောင်းသူများ စာပေဗဟုသုတများ ဖတ်ရှု့လေ့လာခြင်း ရရှိလာ မည့် အသိပညာများ စာပေဗဟုသုတများ ဖတ်ရှု့လေ့လာခြင်းဖြင့် စားသုံးသူရေးရာဦးစီးဌာန မြို့နယ်တာဝန်ခံ ဒေါ်ကျော့ကေခိုင်က စားသုံးသူကာကွယ်ရေးဥပဒေပြဌာန်းထားခြင်းနှင့် ဥပဒေ ပါ စားသုံးသူများ၏ အခွင့်အရေးနှင့်တာဝန်များအား ရှင်းလင်းခြင်းနှင့် Online မှ ဈေးဝယ်လျှင် စိစစ်သင့်သည့် အချက်များအကြောင်းအား အသိပညာပေးခြင်းနှင့် စားသုံးသူရေးရာဦးစီးဌာန၏ လုပ်ငန်းများအား လေ့လာသိရှိလိုပါကဌာန၏ Website ဖြစ်သော www.doca.gov.mmသို့ ဝင်ရောက်ဖတ်ရှု့လေ့လာနိုင်ကြောင်းနှင့် စားသုံးသူများ ကုန်စည်နှင့်ဝန်ဆောင်မှု ဝယ်ယူသုံးစွဲ ရာတွင် နစ်နာမှုများရှိခဲ့လျှင် အလွယ်တကူဖုန်းဖြင့် တိုင်ကြားနိုင်သော စားသုံးသူရေးရာဦးစီးဌာန ၏ Call Center No. (1535)သို့ ဆက်သွယ်တိုင်ကြားနိုင်ကြောင်း အသိပညာပေးခဲ့ကြောင်း သိရှိ ရပါသည်။

DOCA(ရန်ကုန်)

      ရန်ကုန်တိုင်းဒေသကြီး၊ တောင်ပိုင်းခရိုင်ဦးစီးမှူးရုံး၊ သန်လျင်မြို့နယ်မှ ဒုတိယခရိုင်မှူး နှင့်ဝန်ထမ်းများသည် ၂၀၂၅ ခုနှစ်၊အောက်တိုဘာလ(၁၈)ရက်နေ့၊ နေ့လယ်  (၁၄:၀၀)နာရီ အချိန်တွင် Online Sale မှတ်ပုံတင်လက်မှတ် လျှောက်ထားသည့် Star City CL 10, 418, မြို့ဟောင်းအရှေ့ရပ်ကွက်ရှိ FRANKIE & CO.BABY BOUTIQUE လုပ်ငန်းနှင့် အိမ်အမှတ်(၈)၊ ဇီးကုန်း(ခ)လမ်းမကြီး၊ မြို့ဟောင်းအရှေ့ရပ်ကွက်ရှိ MT Beauty Product လုပ်ငန်းများသို့ မြေပြင်ကွင်းဆင်းစစ်ဆေးခဲ့ကြောင်း သိရှိရသည်။

       အဆိုပါ ကွင်းဆင်းစစ်ဆေးမှုတွင် စစ်ဆေးရေးမှူးက Online Sale လုပ်ငန်းဆောင်ရွက်နေ သည့် ပိုင်ရှင်များနှင့် တွေ့ဆုံကာ Online Sale မှတ်ပုံတင်လက်မှတ်လျှောက်ထားစဉ်က အချက် အလက်များနှင့် ယခုလက်ရှိမြေပြင်တွင်ရှိသည့် အချက်အလက်များ ကိုက်ညီမှုရှိ/မရှိ ကွင်းဆင်း စစ်ဆေးခြင်းဖြစ်ကြောင်း ကွင်းဆင်းစစ်ဆေးသည့် အချက်(၁၈)ချက် ပြည့်စုံမှန်ကန်မှသာလျှင် Online Sale မှတ်ပုံတင်လက်မှတ် ထုတ်ပေးဖြစ်ရာ အဆိုပါ အချက်အလက်များ ပြည့်စုံရန် လိုအပ်ကြောင်း၊ Online Sale လုပ်ငန်းအမျိုးအစားအလိုက် မှတ်ပုံတင်ကြေးနှုန်းထားများနှင့် မှတ်ပုံတင်လက်မှတ် ရယူခြင်းမရှိဘဲ လုပ်ငန်းဆောင်ရွက်နေကြောင်း စစ်ဆေးတွေ့ရှိပါက လုပ်ငန်းတာဝန်များအလိုက် တရားစွဲဆို အရေးယူဆောင်ရွက်သွားမည်ဖြစ်ကြောင်း အသိပညာ ပေးဟောပြောခဲ့ကြောင်း သိရှိရသည်။

DOCA(ရန်ကုန်)

    ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် စားသုံးသူအသိပညာပေးဟောပြောပွဲများကို တောင်ပိုင်း ခရိုင်ဦးစီးမှူးရုံး၏ ညွှန်ကြားချက်နှင့်အညီ လစဉ်အပတ်စဉ် ဆောင်ရွက်လျက်ရှိရာ  အောက်တို ဘာလ(၁၇)ရက်နေ့၊ နေ့လယ် (၁၄:၃၀)နာရီအချိန်တွင် အမက ထန်းပင်ကုန်းကျောင်းသို့ ဆက်စပ် ဌာနများနှင့်ပူးပေါင်း၍ စားသုံးသူကာကွယ်‌ရေး အသိပညာပေးဟောပြောခြင်းများ ဆောင်ရွက်ခဲ့ ကြောင်း သိရှိရသည်။

    ထိုသို့ စားသုံးသူအသိပညာပေးခြင်း ‌ဆောင်ရွက်ရာတွင် ကွမ်းခြံကုန်းမြို့နယ်ပြန်ကြားရေး နှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်နန့်ဆွေနွယ်ဦး မြို့နယ်တိုင်းရင်းဆေးပညာဦးစီး ဌာန လက်ထောက် တိုင်းရင်းဆေးမှူး ဒေါ်အေးမြတ်စိုး၊ မြို့နယ်စားသုံးသူရေးရာဦးစီးဌာန မြို့နယ် တာဝန်ခံ ဒေါ်နွယ်နွယ်အေးတို့သည် ပြန်ဆက်ဦးစီးဌာနမှ ဦး‌ဆောင်ပြုလုပ်သော နယ်လှည့်စာ ကြည့်တိုက်၊ နံရံကပ်စာစောင်၊ ဓာတ်ပုံပြပွဲ ဟောပြောပွဲများတွင် ပြန်ဆက်ဦးစီးဌာနမှ ဦးစီးအရာရှိ ဒေါ်နန့်ဆွေနွယ်ဦးက ကလေးများ အနေဖြင့် စာဖတ်ကြစေလိုကြောင်း၊ ကျောင်းစာအပြင် ပြင်ပ ဗဟုသုတများရရှိစေရန် ကျောင်းများတွင် ကျောင်းစာကြည့်တိုက်မှူးများသာရှိသည်ဖြစ်ရာ ဗဟု သုတစာအုပ်များအား လေ့လာဖတ်ရှု့ကြစေလိုကြောင်း ပြောကြားခြင်း၊ မြို့နယ်တိုင်းရင်းဆေး ပညာဦးစီးဌာန လက်ထောက်တိုင်းရင်းဆေးမှူး ဒေါ်အေးမြတ်စိုးမှ ပတ်ဝန်းကျင်တွင် ဆေးဖတ် ဝင်အပင်များရှိကြောင်း၊ ဆေးဖတ်ဝင်အပင်များမှ ကွမ်းရွက်၏ အသုံးဝင်ပုံများပြောကြားခြင်း၊ စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးက စားသုံးသူ၏ အဓိပ္ပါယ်၊ ကုန်စည်အဓိပ္ပါယ်၊ ဝန်ဆောင်မှု၏ အဓိပ္ပါယ်နှင့် ထုတ်ပိုးထားသော အစားအစာများဝယ်ယူရာတွင် ပါရှိရမည့် မြန်မာစာဖြင့် ရေးသားဖော်ပြရမည့် ကုန်အညွှန်းအမှတ်အသားများအကြောင်းတို့ကို ကလေးများ နည်းလည်နိုင်မည်ပုံစံဖြင့် ဟောပြောဆွေးနွေးခဲ့ကြသည်။

      အဆိုပါ အသိပညာပေး ဟောပြောပွဲတွင် ဆရာ/ဆရာမ၊ ကျောင်းသား/ကျောင်းသူ စုစု ပေါင်း(၇၃)ဦး တက်‌ရောက်ခဲ့ပြီး စားသုံးသူနစ်နာမှုရှိလျှင် တိုင်ကြားနိုင်သည့် Consumer Call Center (1535)လိုင်းခွဲ (၂)သို့ ကျောင်းအုပ်ဆရာမကြီး ဒေါ်စိန်စိန်မှ လက်တွေ့ခေါ်ဆို မေးမြန်းခဲ့ကြောင်း သိရှိရပါသည်။

DOCA(ရန်ကုန်)