သတင်းနှင့် လှုပ်ရှားမှုများ

          (၁၆.၁၀.၂၀၂၅) ရက်နေ့ နံနက်(၁၀:၀၀)အချိန်တွင် စားသုံးသူရေးရာဦးစီးဌာန၊ တိုက်ကြီး ခရိုင်၊ တိုက်ကြီးမြို့နယ်ခွဲရုံးမှ မြို့နယ်ခွဲတာဝန်ခံ ဦးရှင်းခန့်ကိုကိုသည် တိုက်ကြီးမြို့နယ်၊ ဗောဓိကုန်း ရပ်ကွက်ရှိ  ဆယ်အိမ်မှူးရုံးခန်းတွင် အွန်လိုင်းစနစ်ဖြင့် ရောင်းချခြင်းလုပ်ငန်းနှင့် ပတ်သက်၍ အသိ ပညာပေးဟောပြောဆွေးနွေးခဲ့ပါသည်။

          ထိုသို့ဆွေးနွေးခဲ့ရာတွင် ဦးရှင်းခန့်ကိုကိုက စားသုံးသူအွန်လိုင်းစနစ်ဖြင့် ရောင်းချခြင်း လုပ်ငန်း အဓိပ္ပါယ်ကိုလည်းကောင်း၊ စားသုံးသူအခွင့်အရေးနှင့်တာဝန်များကိုလည်းကောင်း၊ အွန်လိုင်းစနစ်မှ ဈေးဝယ်ယူခြင်းအတွက် အားသာချက်၊ အားနည်းချက်များကိုလည်းကောင်း၊ အွန်လိုင်းရောင်းချမှု လုပ်ငန်းနှင့်စပ်လျဉ်း၍ စိစစ်သင့်သည့်အချက်များကိုလည်းကောင်း၊ သက်ဆိုင်ရာဌာနများမှ ဆောင်ရွက်မှုများကိုလည်းကောင်း၊ မှတ်ပုံတင်ထားသည့် အွန်လိုင်းရောင်းချမှုလုပ်ငန်းများမှ ဈေးဝယ် ယူခြင်းဖြင့် ရရှိလာမည့်အကျိုးရလဒ်များကို လည်းကောင်း၊ လိမ်လည်မှုပုံစံ(၂)မျိုးဖြင့် လိမ်လည်နိုင် ကြောင်း၊ တိုင်ကြားနိုင်သည့်နေရာများနှင့် တိုင်ကြားမှုကို ဖြေရှင်းပေးသည့်နည်းလမ်းများကို အကျယ် တဝင့်ဆွေးနွေးပြောကြားခဲ့ပြီး ဆွေးနွေးပွဲသို့ (၆)ဦးတက်ရောက်ခဲ့ပြီး (၁၀:၄၀)အချိန်တွင် ရုပ်သိမ်းခဲ့ ကြောင်း သိရှိရပါသည်။

     DOCA (ရန်ကုန်)

              စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံး၊ မှော်ဘီမြို့နယ်ခွဲရုံးမှ ဒေါ်ဖြူဖြူမြင့်၊ ဒုကြီးကြပ်ရေးမှူးသည် (၁၅.၁၀.၂၀၂၅)ရက်နေ့ နံနက်(၉:၁၅)နာရီအချိန်တွင် မှော်ဘီမြို့နယ်ရှိ Max စက်သုံးဆီဆိုင်အား စက်သုံးဆီအချင်အတွယ်ပြည့်ဝမှန်ကန်မှုရှိ/မရှိ သတ်မှတ်ရည်ညွှန်း ဈေးအတိုင်း ရောင်းချနေမှုရှိ/မရှိ စက်သုံးဆီပြတ်လပ်မှုရှိ/မရှိနှင့် စက်သုံးဆီလက်ကျန်အခြေအနေတို့ကို ကွင်းဆင်းစစ်ဆေးခြင်း ဆောင်ရွက်ခဲ့ပါသည်။

             ထိုသို့စစ်ဆေးရာတွင် ပြည်လမ်း၊ မြို့မ(၁)ရပ်ကွက်၊ မှော်ဘီမြို့နယ်ရှိ Max ဆိုင်မှ တာဝန်ခံ ဦးဝင်းထွန်းသန်းမှ ပူးပေါင်းလျက် စက်သုံးဆီလက်ကျန်အနေဖြင့် စက်သုံးဆီများ လုံလောက်စွာ သိုလှောင်ထားရှိပြီး သတ်မှတ်ရည်ညွှန်းဈေးအတွင်းသာ ရောင်းချကာ အချင်အတွယ် ပြည့်ဝမှန်ကန် မှုရှိသည်ကို စစ်ဆေးတွေ့ရှိရပါသည်။ ဒေါ်ဖြူဖြူမြင့်၊ ဒုကြီးကြပ်ရေးမှူးမှ ဆိုင်တာဝန်ခံအား အချင်အတွယ်မှန်ကန်မှုရှိစေရေး အလေးထားရန်၊ သတ်မှတ်ရည်ညွှန်းဈေး အတွင်းသာ ရောင်းချရန် အသိပညာပေးဆောင်ရွက်ခဲ့ပါသည်။

DOCA (ရန်ကုန်)

            စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၄)ဦးတို့ သည် (၁၅.၁၀.၂၀၂၅)ရက်နေ့ (၁၂:၀၀)နာရီအချိန်တွင် မရမ်းကုန်းမြို့နယ်ရှိ ဆက်သွယ်ရေး ဝန်ဆောင်မှု လုပ်ငန်းတစ်ခုဖြစ်သော Myanmar Technology Gateway Co.,Ltd ဆက်သွယ်ရေး ဝန်ဆောင်မှုလုပ်ငန်းအား ကွင်းဆင်း၍ အသိပညာပေးဆောင်ရွက်ခဲ့ပါသည်။

         ဒေါ်နီလာဝင်း၊ ဦးစီးမှူးမှ ဆွေးနွေးရာတွင် စားသုံးသူကာကွယ်ရေးဥပဒေတွင် ဝန်ဆောင်မှုဆိုသည်မှာ လုပ်ငန်း(သို့မဟုတ်)ဝန်ဆောင်မှုအသွင်ဖြင့် စားသုံးသူ၏လိုအပ်ချက်ကို တန်ဖိုးဖြင့်ဖြစ်စေ၊ တန်ဖိုးမပါဘဲဖြစ်စေ ဖြည့်ဆည်းပေးသည့်ဆောင်ရွက်မှုကို ခေါ်ဆိုတာ ဖြစ်ကြောင်း၊ ဝန်ဆောင်မှုလုပ်ငန်းများ၏ အာမခံချက်နှင့်စပ်လျဉ်း၍ စားသုံးသူက တောင်းဆိုနိုင်သည့်အခွင့်အရေးများအပေါ် အာမခံချက်ပေးထားသည့်ကာလအတိုင်း ဝန်ဆောင်မှု ပေးရန် ပျက်ကွက်လျှင် ဝန်ဆောင်မှုပေးရန် ပျက်ကွက်ခဲ့မှုကြောင့် နစ်နာဆုံးရှုံးမှုများဖြစ်ခဲ့လျှင် ယင်းအတွက် လျော်ကြေးပေးရန် အာမခံထားသော အချိန်ကာလအတွင်း သဘောတူညီထား သော ဝန်ဆောင်မှုကို မရခဲ့လျှင် စားသုံးသူ၏ နစ်နာမှု အတွက် ကုစားခွင့်ပေးရန် စားသုံးသူမှ တောင်းဆိုပိုင်ခွင့်ရှိကြောင်းနှင့် စီးပွားရေးလုပ်ငန်းရှင်၏ တာဝန်များ၊ တားမြစ်ချက်များကို အသိပညာပေးဆွေးနွေးခဲ့ကြောင်း သိရှိရပါသည်။

  DOCA (ရန်ကုန်)

               စားသုံးသူရေးရာဦးစီးဌာနသည် စားသုံးသူများအသုံးပြုလျက်ရှိသည့် ကုန်စည်နှင့် ဝန်ဆောင်မှု များ အဆင်ပြေစေရန်အတွက် ဈေးကွက်စောင့်ကြည့်စစ်ဆေးခြင်းလုပ်ငန်းများအား စစ်ဆေးရေး အရာရှိများ ခန့်အပ်စစ်ဆေးဆောင်ရွက်လျက်ရှိရာ (၁၅.၁၀.၂၀၂၅)ရက်နေ့ နံနက်(၁၀:၃၀)နာရီ အချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၄)ဦးတို့သည် Bee Connect Myanmar Co.,Ltd သို့ သွားရောက်၍ ယနေ့ခေတ်သည် IT ခေတ်ဖြစ် သည့်အတွက် လှိုင်မြို့နယ်အတွင်းရှိ လိုင်စင်ရဆက်သွယ်ရေး အော်ပရေတာ (၁)ခုအား ဝန်ဆောင်မှု ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ ပါသည်။

                               ထိုသို့စစ်ဆေးရာတွင် လုပ်ငန်းတစ်ခုချင်းစီအလိုက် သတင်းအချက်အလက်များအား စားသုံး သူပြည်သူများသိရှိရန်အတွက် ဆိုရှယ်မီဒီယာများ၌ ဖော်ပြခြင်း၊ လက်ကမ်းစာစောင် များဖြန့်ဝေခြင်း၊ ဗွီနိုင်းများကပ်၍ကြော်ငြာခြင်း၊ ဆက်သွယ်ရေးညွှန်ကြားမှုဦးစီးဌာနမှ လိုင်စင်ရရှိထားသည့် လုပ်ငန်း ရှင်များနှင့်မိုဘိုင်းအော်ပရေတာများသို့ ညွှန်ကြားထားသည့်အချက် (၁၁)ချက်ကို အခြေခံ၍ စားသုံးသူ များသို့ ဆက်သွယ်ရေး(အင်တာနက်)ဝန်ဆောင်မှုနှင့် စပ်လျဉ်း၍ မှန်ကန်ရှင်းလင်းသည့် သတင်းအချက်အလက်များကို ကြိုတင်သတိပေးရန်နှင့် သတင်းအချက်အလက်ပေးထားသည့်အတိုင်း တာဝန်ယူဆောင်ရွက်ပေးစေရန် အဓိကထား စစ်ဆေးခဲ့ပြီး လိုက်နာမှုမရှိပါက စားသုံးသူကာ ကွယ်ရေးဥပဒေ၊ ဆက်သွယ်ရေးဥပဒေများဖြင့် အရေးယူသွားမည်ဖြစ်ကြောင်းကို အသိပညာပေး ဆွေးနွေးဆောင်ရွက်ခဲ့ကြောင်း သိရှိရပါသည်။

     DOCA (ရန်ကုန်)

          ပုသိမ်ခရိုင်၊ ပုသိမ်မြို့နယ်၊ စားသုံးသူရေးရာဦးစီးဌာနမှ ပုသိမ်မြို့နယ်တာဝန်ခံသည် (၁၃.၁၀.၂၅) ရက်နေ့တွင် ရေနံနှင့် ရေနံထွက်ပစ္စည်းကြီးကြပ်ရေးဦးစီးဌာနဦးဆောင်၍ အထွေထွေအုပ်ချုပ်ရေး ဦးစီးဌာန၊ မီးသတ်ဦးစီးဌာနတို့နှင့် ပူးပေါင်း၍ Black & White စက်သုံးဆီ အရောင်းဆိုင်သို့ စက်သုံးဆီများ အချိန်အတွယ် ပြည့်ဝမှန်ကန်စွာရောင်းချမှုရှိ/ မရှိ၊ မီးဘေးအန္တရာယ်ကင်းရှင်းရေးအတွက် မီးသတ်ဆေးဗူးများထားရှိခြင်းရှိ/ မရှိ၊ လျှပ်စစ်မီးကြိုးများ စနစ်တကျသွယ်တန်းထားရှိမှုရှိ/ မရှိတို့အား ကွင်းဆင်း စစ်ဆေးခဲ့ကြောင်း သိရှိရပါသည်။

DOCA (ဧရာဝတီ)