သတင်းနှင့် လှုပ်ရှားမှုများ

    ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ် ရပ်ကွက်များတွင် စားသုံးဆီရောင်းချနေသော ဆိုင်များသို့ ဧပြီလ (၁)ရက်နေ့၊ နေ့လယ် (၁၁:၃၀)နာရီအချိန်တွင် ဈေးနှုန်းအခြေအနေအား ကွင်းဆင်းစစ် ဆေးခဲ့ကြောင်း သိရသည်။

    ထိုသို့ ဈေးကွက်အတွင်း ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာန မြို့နယ်တာဝန်ခံ ဒေါ်စန်းစန်းမော်မှ စားသုံးဆီ သတ်မှတ်ရည်ညွှန်းဈေးအပေါ်နှစ်ရာခိုင်နှုန်းအမြတ်နှင့် သယ်ယူစရိတ်ပေါင်း ထည့်၍ သင့်တင့်မျှတသော ဈေးနှုန်းဖြင့် ဖြန့်ဖြူးရောင်းချကြရန်၊ မသမာသောနည်းဖြင့် ဈေးနှုန်းကစားရန် ရည်ရွယ်ချက်ဖြင့် စားသုံးဆီများအား သိုလှောင်ထားပြီး ဈေးနှုန်းမြှင့်တင် ရောင်းချခြင်း မပြုလုပ်ကြရန်၊ ရပ်ကွက်/ကျေးရွာများသို့ စာအုပ်စနစ်ဖြင့် အိမ်ထောင်စုအလိုက် ရောင်းချရာတွင်လည်း အလေးမှန်ဈေးမှန် ဖြင့်ရောင်းချကြရန်နှင့် ထိုသို့ပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင် ရွက်မည်ဖြစ်ကြောင်း ဆီရောင်းချသည့် လုပ်ငန်းရှင်များအား အသိပညာပေး ဆွေးနွေးခဲ့ကြောင်း သိရသည်။

DOCA(ရန်ကုန်)

   ဧပြီလ(၂)ရက်နေ့၊ နံနက်(၁၀:၀၀) နာရီအချိန်တွင် ရန်ကုန်တိုင်းဒေသကြီး၊ ကမာရွတ် ခရိုင်ဗဟန်းမြို့နယ်ရှိ စားအုန်းဆီလက်လီလက်ကား အရောင်းဆိုင်များသို့ စားသုံးသူရေးရာဦးစီးဌာန၊ ရန်ကုန်အနောက်ပိုင်းခရိုင်ဦးစီးမှူးရုံး၏ ညွှန်ကြားမှုနှင့်အညီ အနောက်ပိုင်းခရိုင် ဦးစီးမှူးရုံးမှ ဝန်ထမ်းများသည် စားသုံးသူများနေ့စဉ် စားသုံးလျှက်ရှိသော စားအုန်းဆီလက်လီ လက်ကား ပြန်လည်ရောင်းချဖြန့်ဖြူရောင်းချပေးနေမှု အခြေအနေအား ကွင်းဆင်းစိစစ်ကြပ်မတ် စစ်ဆေးခဲ့ကြောင်း သိရှိရပါသည်။

    ထိုသို့ဈေးကွက်အတွင်း ကွင်းဆင်းစစ်ဆေးခဲ့ရာတွင် ဗဟန်းမြို့နယ်စည်ပင်သာယာရေး အဖွဲ့ မြို့မဈေးတာဝန်ခံ ဦးတက်တိုး၊ စားသုံးသူရေးရာဦးစီးဌာနမှ မြို့နယ်တာဝန်ခံ တို့ပူးပေါင်း၍ စည်ပင်သာယာမြို့မဈေး အတွင်း/အပြင်ရှိ ကုန်ခြောက်ဆိုင်များ စားအုန်းဆီ လက်လီလက်ကား ‌ဖြန့်ဖြူးရောင်းချပေးလျက်ရှိသော ဆီအရောင်းဆိုင်များဖြစ်သည့် ဗဟန်းဈေးအတွင်းရှိ ဆီရောင်း ချသူ စီးပွားရေးလုပ်ငန်းရှင်များနှင့် တွေ့ဆုံကာ စားအုန်းဆီဖြန့်ဖြူးရောင်းချသည့် ကုမ္ပဏီအမည် ခွဲတမ်းရရှိသည့် စားအုန်းဆီပေပါဖြန့်ဖြူးရောင်းချပေးသည့် စားအုန်းဆီပေပါပိဿာနှင့် ရောင်းချသည့်လက်လီ/လက်ကား‌ဈေးနှုန်းတို့အား စာရင်းကောက်ယူခဲ့ပြီး သတ်မှတ်အခြေခံ လက်ကား ရည်ညွှန်းဈေးအပေါ် (၂%) နှစ်ရာခိုင်နှုန်း ထက်မပိုသော ဈေးနှုန်းဖြင့် ပြန်လည်ဖြန့်ဖြူးရောင်းချ ကြရန်နှင့် ဈေးကစားရန်ရည်ရွယ်ချက်ဖြင့် သိုလှောင်ထားခြင်းမပြုလုပ်ကြရန် စားသုံးသူကာကွယ်ရေး အသိပညာပေးပြောကြားခဲ့ပြီး ဈေးကွက်ကွင်းဆင်းစိစစ် ကြပ်မတ်စစ်ဆေးခဲ့ကြောင်း သိရှိရပါသည်။

DOCA(ရန်ကုန်)

    (၁.၄.၂၀၂၅)ရက်နေ့ နေ့လယ် (၁၂:၃၀)အချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင် ဦးစီးမှူးရုံးမှ ဝန်ထမ်းများသည် ထန်းတပင်မြို့နယ်အတွင်းရှိ စိုက်ပျိုးရေးသုံး ဓါတ်မြေဩဇာအမျိုးမျိုး ရောင်းချသည့်ဆိုင်များသို့ ကွင်းဆင်းစစ်ဆေးခဲ့ပါသည်။

    ထန်းတပင်မြို့နယ်၊ ဘုရင့်နောင်လမ်းမကြီး၊ (၁)ရပ်ကွက်ရှိ “စိမ်းလဲ့ဝေ”စိုက်ပျိုးရေးဆေး ဓါတ်မြေဩဇာလက်လီ/လက်ကားရောင်းဝယ်ရေးသို့ ကွင်းဆင်းစစ်ဆေးခဲ့ရာ အပင်သုံးဆေးဝါး၊ ပိုးသတ်ဆေး၊ အပင်အားဆေး၊ ပေါင်းသတ်ဆေး၊ ပုလဲဓါတ်မြေဩဇာ၊ ရွှေကောမက်၊ ဖြိုးမောက်အစ ရှိသည့်ပစ္စည်းများအရောင်းအဝယ် ပုံမှန်သာရှိကြောင်း၊ စိုက်ပျိုးရာသီ (၅)လပိုင်းလောက်မှ အရောင်းသွက်ကြောင်း ကွင်းဆင်းစစ်ဆေးချက်အရ သိရှိရပါသည်။

DOCA(ရန်ကုန်)

     (၁.၄.၂၀၂၅)ရက်နေ့ နံနက်(၁၁:၀၀)အချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင် ဦးစီးမှူးရုံးမှ ဒုခရိုင်ဦးစီးမှူး ဦးမျိုးအေးပါ(၄)ဦးတို့သည် ဈေးတာဝန်ခံပူးပေါင်းပါဝင်လျက် မြို့မဈေး အတွင်းရှိဆန်ဆိုင်များတွင် လက်ရှိဖြစ်ပေါ်နေသည့်ဆန်ဈေးကွက်အခြေအနေများအား ကွင်းဆင်း စစ်ဆေးခြင်းဆောင်ရွက်ခဲ့ပါသည်။

    ထန်းတပင်မြို့နယ်၊ မြို့မဈေးအတွင်းရှိ ဆန်ဆိုင်များတွင် ဆန်သိုလှောင်ထားရှိမှု၊ ဆန်လက်ကျန်အခြေအနေနှင့် သင့်တင့်မျှတသောဈေးနှုန်းများဖြင့် ရောင်းချနိုင်ရေးအတွက် လက်ရှိဖြစ်ပေါ်နေသည့်ဆန်ဈေးကွက်အခြေအနေများအား ကွင်းဆင်းစစ်ဆေးခဲ့ရာ မြို့မဈေး အတွင်းရှိ ဆန်ဆိုင်များ တွင် ရွှေဘိုပေါ်ဆန်းနှင့်ပေါ်ဆန်းဆန်ကို ကုန်စည်ဒိုင်မှ ဝယ်ယူရောင်းချလျက်ရှိပြီး ဆင်းသုခ၊ ဧည့်မထအစရှိသည့်ဆန်ကြမ်းများကို ဒေသထွက်ဝယ်ယူရောင်းချသည်ကို တွေ့ရှိရပါသည်။ ထို့နောက် စစ်ဆေးရေးမှူးနှင့်တာဝန်ရှိသူများက တန်ချိန်(၂၅)တန်နှင့်အထက် သိုလှောင်မှုရှိလျှင် MyRo တွင် မှတ်ပုံတင်ပြုလုပ်ကြရန်နှင့် မသမာသောနည်းလမ်းဖြင့် ဈေးကစားရန်အလို့ငှာ သိုလှောင်ခြင်းများ မပြုလုပ်ကြရန် အသိပညာပေးကွင်းဆင်း စစ်ဆေးခြင်းများ ဆောင်ရွက်ခဲ့ပါသည်။

DOCA(ရန်ကုန်)

    ၂.၄.၂၀၂၅ ရက်နေ့ နံနက်(၈:၀၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်တင်စိုးသည် မင်္ဂလာဒုံခရိုင်၊ ရွှေပြည်သာမြို့နယ်ရှိ မုတ္တမဆိပ်ကမ်းသို့ ဘိလပ်မြေတန်ချိန်(၃၁၀၀)ရောက်ရှိမှုအခြေအနေအား ကြည့်ရှုစစ်ဆေးခဲ့ ပါသည်။

   ထိုသို့ စစ်ဆေးရာတွင်  လက်ရှိ ပွင့်လင်းရာသီတွင် နိုင်ငံတစ်ဝန်းဆောက်လုပ်ရေး လုပ်ငန်းများ အရှိန်အဟုန်ဖြင့် ဆောင်ရွက်လျက်ရှိပြီး တည်ဆောက်မှုလုပ်ငန်းများအတွက် လိုအပ်သော ပြည်တွင်းဘိလပ်မြေလိုအပ်ချက်ကိုပြည့်မီစေရန်နှင့် ပြည်တွင်းထုတ်လုပ်မှုအား ဖြည့်တင်းပေးနိုင်ရန်အတွက် ပြည်ပမှဘိလပ်မြေများကို ပင်လယ်ရေကြောင်းနှင့် ကော့သောင်းနယ်စပ်ကုန်သွယ်ရေးစခန်းတို့မှ တင်သွင်းခွင့်ပြုထားခဲ့ခြင်းဖြစ်ပြီး ယခုအခါ၌ ကော့သောင်း နယ်စပ်ကုန်သွယ်ရေးစခန်းမှတစ်ဆင့် တင်သွင်းလာသော ဘိလပ်မြေ‌ရေယာဉ်သည် တန်ချိန် (၃၁၀၀) တင်ဆောင်လာပြီး ရန်ကုန်တိုင်းဒေသကြီး မင်္ဂလာဒုံခရိုင်၊ ရွှေပြည်သာမြို့နယ်ရှိ မုတ္တမဆိပ်ကမ်းသို့ ရောက်ရှိခဲ့ပြီး ဧပြီလ ၂ ရက်မှာ ဈေးကွက်အတွင်း ဆက်လက်ဖြန့်ဖြူးရောင်းချပေးရန် ဆောင်ရွက်လျက်ရှိကြောင်း သိရှိရပါသည်။

DOCA(ရန်ကုန်)