သတင်းနှင့် လှုပ်ရှားမှုများ

     မွန်ပြည်နယ်၊ ဘီးလင်းမြို့နယ် စီမံအုပ်ချုပ်ရေးအဖွဲ့မှ ဦးဆောင်ကျင်းပသော (ပထမအကြိမ်) ဘီးလင်းမြို့နယ်လုံးဆိုင်ရာ အသံမစဲမဟာပဌာန်းကျမ်းမြတ် ရွတ်ဖတ် ပူဇော်ပွဲ ဖွင့်ပွဲအခမ်းအနားကို ၃.၄.၂၀၂၅ ရက်နေ့ နံနက်ပိုင်းက ဘီးလင်းမြို့နယ်၊ ဘိုးရာဇာရပ်ကွက် သာသနာ့ဗိမာန်တော်၌ ကျင်းပပြုလုပ်ခဲ့သည်။

          ရှေးဦးစွာ အခမ်းအနားသို့ ကြွရောက်တော်မူလာကြသော ဆရာတော်၊ သံဃာတော် များနှင့် တက်ရောက်လာကြသော ဧည့်ပရိတ်သတ်များက နမောတဿ သုံးကြိမ်ရွတ်ဆို၍ အခမ်းအနားကို ဖွင့်လှစ်ခဲ့ပြီး ဆရာတော်ကြီးများက ဘုရားပင့်ခြင်း၊ နတ်များပင့်ဖိတ်ခြင်း တို့ကို ဆောင်ရွက်ခဲ့ကြသည်။

ဆက်လက်၍ မင်းကျောင်း ကျောင်းတိုက် ဆရာတော် ဘဒ္ဒန္တအာစာရ (သာသနဓဇ ဓမ္မာစရိယ)ထံမှ ဧည့်ပရိတ်သတ်များက ငါးပါးသီလခံယူခဲ့ကြသည်။ အဆိုပါ မြို့နယ်အဆင့် အသံမစဲမဟာပဌာန်းမြတ် ရွတ်ဖတ်ပူဇော်ပွဲကို နိုင်ငံတော် ဗဟိုသံဃာ့ဝန် ဆောင်ဆရာတော် ဘီးလင်းမြို့ငြိမ်းချမ်းရိပ်မြုံ စာသင်တိုက်ဆရာတော် ဘဒ္ဒန္တကောဝိဒ၊ မြို့နယ်ဩဝါဒစရိယလေသာ ကျောင်းတိုက်ဆရာတော် ဥူးကောဝိဒ၊ မြို့နယ်သံဃာ့ နာယက ဆရာတော် ဒေါက်တာပညာသာမိ တို့အပါအဝင် ပင့်ဖိတ်သံဃာ (၃၅)ပါး၊ မြို့နယ် စီမံအုပ်ချုပ်ရေးအဖွဲ့ ဥက္ကဌ ဦးစည်သူအောင်နှင့်အဖွဲ့ဝင်များ၊ ဌာနဆိုင်ရာဝန်ထမ်းများ တက်ရောက်ခဲ့ကြပြီး သံဃာတော်များမှ ဧပြီလ ၃ ရက်နေ့မှ ၉ ရက်နေ့အထိ (၇) တိုင်တိုင် အသံမစဲမဟာပဌာန်းမြတ် ရွတ်ဖတ်ပူဇော်ခြင်းနှင့် ဘီးလင်းမြို့ပေါ်ရပ်ကွက်ရှိ လမ်းများ တွင်လည်း ကားများဖြင့် အသံမစဲမဟာပဌာန်း ရွတ်ဖတ်ပူဇော်ခြင်းများကို လိုက်လံ ရွတ်ဖတ်ပူဇော်သွား မည်ဖြစ်ကြောင်း သိရသည်။

DOCA(မွန်)

    တနင်္သာရီတိုင်းဒေသကြီး၊ မြိတ်မြို့အတွက် စားအုန်းဆီများကို ရန်ကုန်မြို့ဆီကုမ္ပဏီများမှ ဖြန့်ခွဲရောင်းချပေးလျက်ရှိရာ Global Good Pure Group ကုမ္ပဏီမှ ထုတ်ယူခဲ့သော စားအုန်းဆီပေပါ(၇၈)ပေပါသည် (၁.၄.၂၀၂၅)ရက်နေ့တွင် ယာဉ်အမှတ်(5S-9017)ဖြင့် မြိတ်မြို့ သို့ ရောက်ရှိလာခဲ့ကြောင်းသိရှိရပါသည်။ ၎င်းစားအုန်းဆီများကို ရည်ညွှန်း‌စျေး၊ သယ်ယူပို့ ဆောင်ကုန်ကျစရိတ်နှင့် ၂% အမြတ်တို့ဖြင့် လက်လီဆိုင်များသို့ ခွဲဝေရောင်းချပေးသွားမည် ဖြစ်ကြောင်း၊ လက်လီဆိုင်များမှ စားသုံးသူ ပြည်သူများသို့ ခွဲဝေဖြန့်ဖြူး ရောင်းချပေးသွားမည် ဖြစ်ကြောင်း သိရှိရပါသည်။

DOCA(တနင်္သာရီ)

   စားသုံးသူရေးရာဦးစီးဌာနသည် စားသုံးသူများအတွက် ဘေးအန္တရာယ်ကင်းစေရန်နှင့် ဘေးအန္တရာယ်ကင်းသောစားသောက်ကုန်များ ရွေးချယ်ဝယ်ယူစားသောက်နိုင်စေရန်  အတွက် ၂၀၂၅ခုနှစ်၊ ဧပြီလ(၂)ရက်နေ့တွင် မြိတ်မြို့၊ ဆိပ်ငယ်ရပ်၊ ကမ်းနားလမ်းရှိ ခရိုင်စားသုံးသူရေးရာ ဦးစီးဌာနတွင် လင်းအမှတ်တံဆိပ် ဘက်စုံသုံးဆပ်ပြာဆီလုပ်ကိုင်လျက်ရှိသော လုပ်ငန်းရှင်နှင့် တွေ့ဆုံပြီး ကုန်အညွှန်းအမှတ်အသားပြည့်စုံစွာပါရှိနိုင်ရေး အသိပညာပေးဆွေးနွေးပြောကြား ခဲ့ကြောင်း သတင်းရရှိပါသည်။

အသိပညာပေး ဆွေးနွေးပြောကြားရာတွင် စားသုံးသူကာကွယ်ရေးဥပဒေပါ ကုန်အညွှန်း အမှတ်အသားဖော်ပြချက်များနှင့်စပ်လျဉ်း၍ ဖော်ပြသင့်သောအချက်များ၊ အလေးချိန်ဂရမ်များ အား မြန်မာဘာသာဖြင့်ဖော်ပြရမည်ဖြစ်ကြောင်းအစရှိသဖြင့် ရှင်းလင်းပြောကြားခဲ့ပြီး စီးပွားရေး လုပ်ငန်းရှင်များ လိုက်နာရန်အချက်အလက်တို့ကို ရှင်းလင်းပြောကြားခြင်းနှင့် အသိပညာပေး လက်ကမ်း စာစောင်ဖြန့်ဝေပေးခြင်းများ ဆောင်ရွက်ခဲ့ကြောင်း သတင်းရရှိပါသည်။

DOCA(တနင်္သာရီ)

       ၂၀၂၅ ခုနှစ်၊ ဧပြီလ ၃ ရက်နေ့ ၊ နံနက် ၉း၀၀ နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီး၊ ထားဝယ်မြို့မှစစ်ဆေးရေးအရာရှိနှင့် ဝန်ထမ်းများသည် အစားအသောက် နှင့်ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာန၊ စည်ပင်သာယာရေး အဖွဲ့တို့နှင့်အတူ ထားဝယ်မြို့ပေါ်ရှိ ကုန်စုံဆိုင်များအား စျေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

          အဆိုပါ စျေးကွက်စောင့်ကြည့်စစ်ဆေးရာတွင် စားသုံးသူပြည်သူများ‌ ဘေးအန္တရာယ်ကင်းရှင်းစွာ ဝယ်ယူသုံးစွဲနိုင်စေရေးအတွက် ဦးစားပေးကုန်စည်များမှ စစ်ဆေးရန်လျာထားသည့် အသင့်စား မုန့်အမျိူးမျိုး၊ သောက်ရေသန့်အမျိုးမျိူး၊  အချိုရည်အမျိုးမျိုးတို့အား စျေးကွက်အတွင်း ရောင်းချ လျက်ရှိရာ မြန်မာဘာသာနှင့်ဖြစ်စေ၊ အခြားဘာသာတစ်ခုခုနှင့်ဖြစ်စေတွဲလျက် ဖော်ပြထားသော ကုန်အညွှန်းအမှတ်အသားများပြည့်စုံမှန်ကန်စွာပါရှိမှုရှိ/မရှိစစ်ဆေးခြင်း၊ သက်တမ်းလွန်စားသောက် ကုန်ပစ္စည်းများ ရောင်းချနေမှုရှိ/မရှိ စစ်ဆေးခြင်း၊ သက်ဆိုင်ရာဌာနဆိုင်ရာများ၏ ထောက်ခံချက် များမပါရှိသော တရားမဝင်ကုန်ပစ္စည်းများ ရောင်းချမှုများ ရှိ/မရှိ စစ်ဆေးခြင်းများ ဆောင်ရွက်ခဲ့ ကြောင်း သိရှိရပါသည်။

DOCA(တနင်္သာရီ)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်း ဒေသကြီးဦးစီးမှူး၏ လမ်းညွှန်မှုဖြင့် စားသုံးသူရေးရာဌာနခွဲ တာဝန်ခံသည် (၁.၄.၂၀၂၅)ရက်နေ့ နံနက် (၁၀:၃၀)နာရီအချိန်တွင် မုံရွာမြို့၊ ရက်ကန်းသင်တန်းကျောင်း၌ ဖွင့်လှစ်သည့် အခြေခံ စက်ချုပ်သင်တန်း၌ အွန်လိုင်းစနစ်ဖြင့် ရောင်းချခြင်း၊ Online Sale လုပ်ငန်းများ မှတ်ပုံတင် လျှောက်ထားခြင်းဆိုင်ရာ  အသိပညာပေးဟောပြောခဲ့ပါသည်။

          အဆိုပါ  ဆွေးနွေးပွဲတွင် စားသုံးသူရေးရာဦးစီးဌာန၊ စားသုံးသူရေးရာဌာနခွဲ တာဝန်ခံ ဦးစီးအရာရှိ ဒေါ်အေးမြင့်ငြိမ်းသည် Online Sale လုပ်ငန်းများ မှတ်ပုံတင်လျှောက်ထားခြင်းနှင့် ပတ်သက်၍ ရှင်းလင်းပြောကြားခဲ့ရာ အွန်လိုင်းစနစ်ရောင်းချခြင်းလုပ်ငန်းကို  အရေးကြီး ဝန်ဆောင်မှု လုပ်ငန်းအဖြစ် သတ်မှတ်သည့် အမိန့်အကြောင်း၊ ကုန်စည်နှင့်ဝန်ဆောင်မှုလုပ်ငန်းကို အွန်လိုင်း စနစ်ဖြင့် အရောင်းအဝယ် လုပ်ကိုင်နေသူ မည်သူမဆို မှတ်ပုံတင်လျှောက်ထားရရှိပြီးမှသာ လုပ်ကိုင် ရမည်ဖြစ်ကြောင်း၊ အွန်လိုင်းစနစ်ဖြင့် ရောင်းချခြင်းလုပ်ငန်းကို ဆောင်ရွက်လိုသူများအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေး ဦးစီးဌာနက သတ်မှတ်ထားသော လျှောက်လွှာပုံစံများတွင် ဖြည့်သွင်းပြီး အွန်လိုင်း(Online)စနစ်ဖြင့် ဦးစီးဌာနသို့ လျှောက်ထားရမည် ဖြစ်ကြောင်း၊ အွန်လိုင်း(Online) မှတ်ပုံတင်လျှောက်ထားရာတွင် အမျိုးအစား (၂)မျိုးရှိပြီး အမျိုးအစား(၁) ကုမ္ပဏီ(သို့မဟုတ်) စီးပွားရေးအဖွဲ့အစည်းအတွက်ဖြစ်ပြီး၊ အမျိုးအစား (၂)မှာ လူပုဂ္ဂိုလ်တစ်ဦးချင်းအတွက် ဖြစ်ကြောင်း၊ မှတ်ပုံတင်လျှောက်ထားရာတွင် ပေးသွင်းရမည့် မှတ်ပုံတင်ကြေးများ၊ လိုအပ်သည့်အချက်အလက်များ၊ လိုက်နာဆောင်ရွက်ရမည့် စည်းကမ်း ချက်များ၊ သက်တမ်းတိုးကြေးများ၊ ပြင်ဆင်ချက် တစ်ချက်ပြင်ဆင်လိုလျှင် သတ်မှတ်ထားသည့် ပြင်ဆင်ကြေးများအကြောင်းနှင့် မှတ်ပုံတင်လက်မှတ်ရရှိထားပြီး ရောင်းချနေသူများအတွက် ရရှိ နိုင်မည့် အခွင့်အရေးများအကြောင်းတို့ကို စားသုံးသူပြည်သူ စုစုပေါင်း(၂၀)ဦး တို့အား အကျယ်တဝင့် ရှင်းလင်းပြောကြားခဲ့ကြောင်းနှင့် သိလိုသည်များ မေးမြန်းခြင်းကို ပြည်လည် ဖြေကြားပေးခဲ့ပြီး ဆောင်ရွက်ရမည့်အချက်များ၊ မှတ်ပုံတင်လက်မှတ်ရရှိသူ၏ အခွင့်အရေးနှင့် တာဝန်များ၊ Online မှတဆင့်ဝယ်ယူရာတွင် လိမ်လည်မှုမခံရအောင် သိရှိရမည့်အချက်များကို  ရှင်းလင်းဆွေးနွေး အသိ ပညာပေးခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိပါသည်။

DOCA(စစ်ကိုင်း)