သတင်းနှင့် လှုပ်ရှားမှုများ

             စားသုံးသူရေးရာဦးစီးဌာန၊ ဟင်္သာတခရိုင်ဦးစီးမှူးရုံးမှ မြို့နယ်(၆)မြို့နယ်နှင့် Onlineစနစ် ဖြင့် ဆောင်ရွက်သော ဝန်ထမ်းစွမ်းဆောင်ရည်မြှင့်တင်ရေး သင်တန်းကို (၂၅.၄.၂၀၂၅)ရက်နေ့ နံနက် (၁၀:၀၀)နာရီအချိန်တွင် စားသုံးသူရေးရာဦးစီးဌာနမှ အမှုထမ်း(၁၉)ဦးကို လူ့စွမ်းအားအရင်းအမြစ်များတိုးတက်လာစေခြင်း၊ ဌာန၏လုပ်ငန်းဆောင်ရွက်ချက်များ လွယ်ကူလျင်မြန် သွက်လက်လာစေရန် ရည်ရွယ်ခြင်း၊ မိမိတို့ဆောင်ရွက်နေသော ဌာနခွဲများ၏ လုပ်ငန်းစဉ်များကို အခြေခံကျောင်းသား/ ကျောင်းသူ၊ တက္ကသိုလ်ကျောင်းသား/ ကျောင်းသူများ၊ ကျေးလက်နေပြည်သူများ၊ မြို့ပြနေပြည်သူများ၊ ဌာနဆိုင်ရာဝန်ထမ်းများ၊ စီးပွားရေးလုပ်ငန်းရှင်များအား၊ အသိပညာပေးဆွေးနွေးခြင်း၊ လုပ်ငန်းစဉ်များကို ချပြရှင်းလင်း ဟောပြောနိုင်ရေးကိုရည်ရွယ်၍ ဆောင်ရွက် ခဲ့ပါသည်။

          အဆိုပါဝန်ထမ်းစွမ်းဆောင်ရည်မြှင့်တင်ရေးသင်တန်းကိုနံနက်(၁၀:၀၀)နာရီခန့်အချိန်တွင်စတင် ဖွင့်လှစ်ခဲ့ပြီး စားသုံးသူရေးရာဦးစီးဌာန၊ ဟင်္သာတခရိုင်ဦးစီးမှူးဦးဇော်မင်းက ဝန်ထမ်းများ ၏စွမ်းဆောင် ရည်မြင့်မားလာစေရေးအတွက် ရုံးလုပ်ငန်းဆိုင်ရာတာဝန်ဝတ္တရားများနှင့် အသိ ပညာများ   အမြဲ မပြတ် ကြိုးစားသင်ယူလေ့လာရန်လိုအပ်ကြောင်းကိုလည်းကောင်း၊ ဒု-ခရိုင်ဦးစီးမှူး ဦးမောင်မောင်မြတ်ခိုင်က  Barcode ဆိုသည်မှာခေါင်းစဉ်ဖြင့် ကုန်စည်အမျိုးအစားအလိုက် မည်သည့်ကုန်ပစ္စည်းဆိုသည်ကို ဖော်ညွှန်းသည့် Liscense Plates တစ်ခုဖြစ်ကြောင်း၊ Barcode တွင်ပါဝင်သည့် သတင်းအချက်အလက် များအား အကျယ်တဝင့် ရှင်းလင်းဆွေးနွေးခြင်း၊ ဦးစီးအရာရှိ ဦးအောင်မျိုးထိုက်မှ  စားသုံးသူအခွင့် အရေးများအကြောင်း၊  ဦးစီးအရာရှိ ဦးဝင်းအောင်မှ စားသုံးသူကာကွယ်ရေး ဥပဒေ စတင်ဖြစ်ပေါ်လာပုံ အကြောင်း၊ ငွေစာရင်းတာဝန်ခံ ဦးရဲမြင့်ထွန်းမှ ဝန်ထမ်းများ ခရီးသွားလာစရိတ်တောင်းခံခွင့်နှင့် ပတ်သတ်၍ ရှင်းလင်းဆွေးနွေးခဲ့ကြောင်း သိရှိရပါသည်။ အဆိုပါသင်တန်းသို့ ဟင်္သာတခရိုင်ဦးစီးမှူးရုံးမှ ဝန်ထမ်း(၁၉)ဦး တက်ရောက်ခဲ့ကြောင်း သတင်းရရှိပါသည်။

DOCA (ဧရာဝတီ)

     စားသုံးသူရေးရာဦးစီးဌာနသည် ကုန်စည်များ ဘေးအန္တရာယ်ကင်းစွာ အသုံးပြုနိုင်ရန်အတွက် စစ်ဆေးဆောင်ရွက်သလို၊ ဝန်ဆောင်မှု လုပ်ငန်းများကို စားသုံးသူများက  အသုံးပြုခြင်းကြောင့် ဝန်ဆောင်မှု လုပ်ငန်းများ တန်ဖိုးနှင့်အညီ စားသုံးသူက အသုံးပြုနိုင်ရန် စစ်ဆေးခြင်း၊ အသိပညာပေးခြင်းများကို ဆောင်ရွက်လျက်ရှိသည်။

   ဓနုဖြူမြို့နယ်၊ စားသုံးသူရေးရာဦးစီးဌာနမှ တာဝန်ရှိသူများသည် စားသုံးသူပြည်သူများ လိုအပ်ချက်အရ ဝန်ဆောင်မှု လုပ်ငန်းများကို အသုံးပြုသည့်အခါ အဆင်ပြေချောမွေ့စွာ တန်ဖိုးနှင့်အညီ အသုံးပြုနိုင်ရန်အတွက် (၁-၈-၂၀၂၅) ရက်နေ့ နေ့လယ်  (၁၃:၀၀)နာရီက အိုးရှင်း စားသောက်ဆိုင် BAK စားသောက်ဆိုင်၊ ကောင်းမှကောင်း၊ အဆွေတော် စားသောက်ဆိုင် တာဝန်ခံနှင့် မြို့နယ်ဦးစီးမှူးရုံးတွင် တွေ့ဆုံ၍ စားသောက်ဆိုင်ဝန်ဆောင်မှု လုပ်ငန်းလုပ်ဆောင်ရာတွင် စားသုံးသူစိတ်ကျေနပ်မှု ရှိစေရန် ဝန်ဆောင်မှုပေးနိုင်ရန်ကိုလည်းကောင်း၊ မိမိဝန်ဆောင်မှုများကို စားသုံးသူကြိုတင်သိရှိနိုင်ရန်၊ မှန်ကန်သောသတင်း အချက်အလက်နှင့်အညီ ဝန်ဆောင်မှု အဆင့်အတန်း ညီမျှရန်၊ အာမခံချက်နှင့်ကိုက်ညီရန်၊ အချိန်ကာလတစ်ခုအတွင်း ပြီးမြောက်စွာ ဝန်ဆောင်မှုပေးရန်၊ စားသုံးသူသဘောတူညီသော ဝန်ဆောင်မှု တန်ဖိုးအတိုင်း’ ပေးအပ်ရန်ကိုလည်းကောင်း၊ ဝန်ဆောင်ခနှင့် တန်ဖိုးအခွန်အခများကို စားသုံးသူအား ကြိုတင်အသိပေး ကြော်ငြာထားရန်တို့ကိုလည်းကောင်း အသိပေးပြောကြားခဲ့ပြီး လိုက်နာဆောင်ရွက်ခြင်း မရှိပါက ပြစ်မှု၊ ပြစ်ဒဏ်များအရ အရေးယူဆောင်ရွက်မည်ဖြစ်ကြောင်း ကို ဆိုင်တာဝန်ခံများ သိရှိနိုင်ရန် ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

   ဧရာဝတီတိုင်းဒေသကြီး၊ ပန်းတနော်မြို့နယ်၌ စျေးကွက်အတွင်း ရောင်းချလျက်ရှိသော ပြည်တွင်းထုတ် ခေါက်ဆွဲခြောက်၊ အာဟာရဖြည့်စွပ်အစာ၊ အပါအဝင်အခြားစားသုံးကုန်ပစ္စည်းများကို (၁-၈-၂၀၂၅) နေ့လယ် (၁၃:၃၀)အချိန်က အနောက်ပိုင်းရပ်ကွက် ကုန်စုံဆိုင်များအား  ကွင်းဆင်းကြည့်ရှုစစ်ဆေးခဲ့ကြကြောင်း သိရသည်။

     အဆိုပါ ကွင်းဆင်းကြည့်ရှုစစ်ဆေးမှုသည်စျေးကွက်အတွင်းတွင် စားသုံးသူပြည်သူများသို့ ရောင်းချလျက်ရှိသော စားသုံးကုန်ပစ္စည်းများကုန်ညွှန်းအမှတ် ပြည့်စုံမှန်ကန်စေရေးနှင့် ကုန်ထုတ်လုပ်ခွင့်ဆိုင်ရာထောက်ခံချက်များရှိ မရှိကို ကွင်းဆင်းကြည့်ရှုစစ်ဆေးခြင်း၊ စားသုံးသူရေးရာဦးစီးဌာနမှ သတ်မှတ်ထုတ်ပြန်ထားသော ကုန်စည်အုပ်စု ၈မျိုး မြန်မာလို ကုန်အညွှန်းဖော်ပြရာတွင် လွယ်ကူစွာ ဖော်ပြရန် ညွှန်ကြားချက် (၂/၂၀၁၉) ကို ရှင်းလင်းခြင်း၊ သက်တမ်းလွန် ခြေက်ဆွဲခြောက်ထုတ်များရောင်းချခြင်း မပြုရန်၊ ထုတ်ကုန်များသည် စားသုံးသူများအတွက် ဘေးအန္တရာယ်ိမရှိကို စျေးကွက်အတွင်းစောင့်ကြည့် စစ်ဆေးခြင်းဖြစ်ကြောင်း သိရသည်။

  ယင်းကွင်းဆင်းစစ်ဆေးမှုကို မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ပြည်သူ့ကျန်းမာရေးနှင့် ကုသရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် မြို့နယ်စားသုံးသူရေးရာဦးစီးဌာနမှ ဝန်ထမ်းများပူးပေါင်း ဆောင်ရွက်ခဲ့ခြင်းဖြစ်ကြောင်း သိရသည်။

DOCA(ဧရာဝတီ)

      စားသုံးသူရေးရာဦးစီးဌာနသည် ကုန်စည်များ ဘေးအန္တရာယ်ကင်းစွာ အသုံးပြုနိုင်ရန်အတွက် စစ်ဆေးဆောင်ရွက်သလို၊ ဝန်ဆောင်မှု လုပ်ငန်းများကို စားသုံးသူများက  အသုံးပြုခြင်းကြောင့် ဝန်ဆောင်မှု လုပ်ငန်းများ တန်ဖိုးနှင့် အညီ စားသုံးသူက အသုံးပြုနိုင်ရန် စစ်ဆေးခြင်း၊ အသိပညာပေးခြင်းများကို ဆောင်ရွက်လျက်ရှိသည်။

     ပန်းတနော်မြို့နယ်၊ စားသုံးသူရေးရာဦးစီးဌာနမှ တာဝန်ရှိသူများသည် စားသုံးသူပြည်သူများ လိုအပ်ချက်အရ ဝန်ဆောင်မှု လုပ်ငန်းများကို အသုံးပြုသည့်အခါ အဆင်ပြေချောမွေ့စွာ တန်ဖိုးနှင့်အညီ အသုံးပြုနိုင်ရန်အတွက် (၂-၈-၂၀၂၅) ရက်နေ့ နံနက်(၁၀:၀၀)နာရီက ခိုင်ခိုင်ကျော် ထမင်းဆိုင်၊ ခေးခေးလေး ထမင်းဆိုင်၊ ကေခိုင်ဦး ထမင်းဆိုင် မှ ဆိုင်တာဝန်ခံများနှင့် တွေ့ဆုံ၍ ဝန်ဆောင်မှု ကဏ္ဍနှင့် ပတ်သက်၍ လုပ်ငန်းများ ရောင်းချရာတွင် သတ်မှတ်စည်းကမ်းများနှင့်အညီ လိုက်နာဆောင်ရွက်ရန်ကို အသိပညာပေး စစ်ဆေးဆောင်ရွက်ခဲ့ကြသည်။

     စားသောက်ဆိုင်လုပ်ငန်းရှင်များသည် တည်ဆဲကုန်သွယ်လုပ်ငန်းခွန်စည်းမျဉ်းများအရ  ပြဋ္ဌာန်းချက်နှင့်အညီ အခွန်အမှတ်တံဆိပ်ကပ်နှိပ်ထားသည့် ပြေစာဖြင့် ရောင်းရငွေနှင့်အတူ ကျသင့်ကုန်သွယ်လုပ်ငန်းခွန်ကို စားသုံးသူများထံမှ တစ်ပါတည်းကောက်ခံရာတွင် ကြိုတင်အသိပေး ဆောင်ရွက်ရန် တာဝန်ရှိသကဲ့သို့ ကောက်ခံရရှိသော ထိုကုန်သွယ်လုပ်ငန်းခွန်များကို သက်ဆိုင်ရာဦးစီးဌာနမှူးရုံးသို့ ပေးသွင်းရန် တာဝန်ရှိကြောင်း၊ စားသုံးသူဝယ်ယူအသုံးပြုရန် ဝယ်ယူသော ကုန်စည်တန်ဖိုးများကို မြင်သာစွာ ဖော်ပြထားန်ကိုလည်းကောင်း၊ စားသောက်ဆိုင်များတွင် စားသုံးသူများအနေဖြင့် စားသောက်ဆိုင်သို့ ကျသင့်ငွေပေးချေချိန်တွင် အခွန်အမှတ်တံဆိပ်ကပ်ထားသော ပြေစာကိုတောင်းယူခွင့်ရှိကြောင်းကိုလည်းကောင်း စားသောက်ဆိုင်များကလည်း စားသုံးသူက တောင်းခံသည်ဖြစ်စေ၊ မတောင်းခံသည်ဖြစ်စေ၊ အခွန်အမှတ် တံဆိပ်ကပ်နှိပ်ထားသောပြေစာများကိုသာ ထုတ်ပေးခြင်းဖြင့်လည်းကောင်း ပူးပေါင်းပါဝင် လိုက်နာ ဆောင်ရွက်ရန် အသိပေးပြောကြား ဆွေးနွေးကြောင်း သိရသည်။

DOCA(ဧရာဝတီ)

               ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် လပွတ္တာမြို့နယ်တာဝန်ခံ ဦးမြင့်ဌေးနှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၂၉.၇.၂၀၂၅)ရက်နေ့၊ နံနက်(၁၁း၃၀) နာရီအချိန်တွင် လပွတ္တာမြို့နယ် (၃)ရပ်ကွက်အတွင်းရှိ လက်လီ/ လက်ကားရောင်းချနေသော ဒေါ်တင်အေးဆန်ဆိုင်အား သတ်မှတ်ရည်ညွှန်းဈေး ဖြင့် ရောင်းချမှုရှိ/ မရှိ ကွင်းဆင်းစစ်ဆေးခဲ့ပါသည်။

            ထိုသို့ကွင်းဆင်းဆောင်ရွက်ရာတွင် လပွတ္တာမြို့နယ်တာဝန်ခံမှ လပွတ္တာမြို့နယ်(၃)ရပ်ကွက်အတွင်းရှိ လက်လီ/လက်ကား ရောင်းချနေသောဒေါ်တင်အေး ဆန်ဆိုင်တွင် MRS မှသတ်မှတ်ထားသော ရည်ညွှန်းဈေးအတိုင်း ရောင်းချပေးနေပြီး ဆန်ဆိုင်ပိုင်ရှင်အား ဆန်ရောင်းချနေမှုနှင့် ပတ်သတ်၍ စားသုံးသူပြည်သူများအား ဈေးနူန်းမြှင့်တင် ရောင်းချခြင်းမပြုရန်၊ သတ််မှတ်ဈေးနူန်းဖြင့်သာရောင်းချကြရန်၊ ဈေးနူန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် ဆန်သိုလှောင်ထားရှိခြင်းများတွေ့ရှိပါက အရေးကြီးကုန်စည်နှင့်ဝန်ဆောင်မှု ဥပဒေအရ အရေးယူ ဆောင်ရွက်သွားမည် ဖြစ်ကြောင်းဆန်ဆိုင်ပိုင်ရှင်များအား ရှင်းလင်းဆွေးနွေး ပြောကြားခဲ့ကြောင်း သိရှိရပါသည်။

DOCA (ဧရာဝတီ)