သတင်းနှင့် လှုပ်ရှားမှုများ

      ၂၀၂၅ ခုနှစ်၊ ဇူလိုင်လ (၂၂)ရက်နေ့၊ နံနက် (၁၀:၃၀)အချိန်တွင် တာချီလိတ်မြို့၊ စားသုံးသူရေးရာဦးစီးဌာန၊ မြို့နယ်ဦးစီးမှူးရုံးမှ စစ်ဆေးရေးမှူး ဦးမြင့်နောင်(ဦးစီးမှူး)နှင့် တာဝန်ရှိသူများသည် တာချီလိတ်မြို့၊ ဝမ်ကောင်းဈေးအတွင်းရှိ Online စနစ်ဖြင့် အထည်အမျိုးမျိုး ရောင်းချသည့် လုပ်ငန်းအား ကွင်းဆင်းစစ်ဆေးခြင်းလုပ်ငန်း ဆောင်ရွက်ခဲ့ပါသည်။

          ထိုသို့ ကွင်းဆင်းစစ်ဆေးရာ၌ တာဝန်ရှိသူများသည် Online စနစ်ဖြင့် ရောင်းဝယ်မှု ပြုလုပ် ရာတွင် သက်ဆိုင်ရာဌာန၏ ထောက်ခံချက်မှတ်ပုံတင်ပြုလုပ်၍ စနစ်တကျဖြန့်ဖြူး ရောင်းဝယ်မှု ပြုလုပ်ရန်၊ အရေးကြီးကုန်စည်နှင့် ဝန်ဆောင်မှုဥပဒေပါအတိုင်း လိုက်နာဆောင်ရွက်ရန်နှင့် စားသုံးသူကာကွယ်ရေးဥပဒေ အခန်း (၁၀)ပါ “စီးပွားရေးလုပ်ငန်းရှင်၏တာဝန်များ”ကို လိုက်နာ ဆောင်ရွက်ရန် အသိပညာပေးခြင်းလုပ်ငန်းများ ဆောင်ရွက်ခဲ့ပါသည်။

DOCA(ရှမ်း)

          ဖျာပုံခရိုင်၊ ဘိုကလေးမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဇူလိုင်လ(၁၈) ရက်နေ့၊ နံနက် (၁၀:၃၀) နာရီအချိန်တွင် ဘိုကလေးမြို့၊ ရွှေဝါထွန်းလမ်း၊ (၄) ရပ်ကွက်ရှိ “ဒေါ်အေးအေးခိုင်” ဂျုံခေါက်ဆွဲလုပ်ငန်းသို့ ကွင်းဆင်းစိစစ်ခဲ့ကြပါသည်။

          ဂျုံခေါက်ဆွဲ လုပ်ငန်းအနေဖြင့် တစ်နေ့ထုတ်လုပ်မှုမှာ ဂျုံခေါက်ဆွဲ (၂၅) ပိဿာ ထုတ်လုပ်လျက်ရှိပြီး (၁) ပိဿာလျှင် လက်လီ/ လက်ကား (၅၈၀၀- ၆၀၀၀) ကျပ်နှုန်းဖြင့် ရောင်းချပေးလျက်ရှိပါသည်။ မိသားစုဝင် (၂) ဦးဖြင့် တစ်ပိုင်တစ်နိုင် ဘိုကလေးမြို့နယ်အတွင်းရှိ “ဒေါ်အေးအေးခိုင်” ဂျုံခေါက်ဆွဲလုပ်ငန်းသို့ လုပ်ကိုင်လျက်ရှိပြီး ဈေးကွက်အနေဖြင့် ဒေသအတွင်း၌သာ ရောင်းချလျက်ရှိပါသည်။ ထို့နောက်မြို့နယ်တာဝန်ခံမှ ထုတ်လုပ်သော ကုန်စည်နှင့်ပက်သက်၍ အရည်အသွေးပြည့်မီစေရေးနှင့် စားသုံးသူများ ဝယ်ယူစားသုံးရာတွင် ဘေးဥပဒ် မဖြစ်စေရေးအတွက် သန့်ရှင်းသပ်ရပ်စွာ ထုတ်လုပ်နိုင်မှုရှိ/ မရှိနှင့် အလေးချိန်အချိန်အတွယ် ပြည့်မီမှန်ကန်စွာ ရောင်းချနေမှု အခြေအနေတို့ကို ထုတ်ကုန်လုံခြုံစိတ်ချရမှုရှိစေရေးနှင့် MSMEs လုပ်ငန်းဖွံ့ဖြိုးတိုးတက်ရေး ကွင်းဆင်းစိစစ်ခဲ့ကြောင်း သတင်းရရှိပါသည်။

DOCA(ဧရာဝတီ)

    ၂၀၂၅ခုနှစ်၊ ဇူလိုင်လ(၂၅)ရက်နေ့တွင် စားသုံးသူရေးရာဦးစီးဌာန၊ အထူးစုံစမ်းစစ်ဆေးရေး ဦးစီးဌာန၊ ပြည်သူ့ကျန်းမာရေးဦးစီးဌာန နှင့် ဗဟိုစာရင်းအင်းအဖွဲ့များပါဝင်သော ကုန်စျေးနှုန်း တည်ငြိမ်ရေးအဖွဲ့ဝင်များမှ မြိတ်မြို့၊ ထားဝယ်စုရပ်တွင်ရောင်းချလျက်ရှိသော ဆေးဆိုင်များအား ဘေးအန္တရာယ်ကင်းသောဆေးဝါးများ ရောင်းချနေခြင်း ရှိ/မရှိနှင့် ဆေးဝါးစျေးနှုန်းတည်ငြိမ်စေရေး ကွင်းဆင်းစစ်ဆေးခဲ့ကြကြောင်းသိရှိရပါသည်။

     ထိုသို့ကွင်ဆင်းစစ်ဆေးရာတွင် ကုန်စျေးနှုန်းတည်ငြိမ်ရေးအဖွဲ့ဝင်များမှ ယနေ့ဖြစ်ပေါ်နေ သောစျေးနှုန်းနှင့်ပတ်သက်၍ မေးမြန်ခဲ့ပြီး ဆေးဝါးဝင်ရောက်နေမှုအခြေအနေ၊ ဘေးအန္တရာယ်ရှိ သောဆေးဝါးများရောင်းချနေခြင်းရှိ/မရှိနှင့် သက်တမ်းလွန်ဆေးဝါးများရောင်းချခြင်းမရှိစေရေး စစ် ဆေးခဲ့ကြောင်း သိရှိရပါသည်။

DOCA(တနင်္သာရီ)

     စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၅ ခုနှစ်၊ ဇူလိုင်လ (၂၂) ရက်နေ့ နံနက် (၁၀ : ၃၀ ) အချိန်တွင် လွိုင်ကော်မြို့ပေါ်ရှိ ဆေးနှင့်ဆေးဝါးဆက်စပ်ပစ္စည်း အရောင်းဆိုင်များသို့  ဈေးနှုန်းမြှင့်တင်ရောင်းချခြင်း၊ ဆေးနှင့်ဆေးပစ္စည်းများ ပြတ်လပ်ခြင်း၊ စပ်ဆေးများရောင်းချခြင်း ရှိ/ မရှိ ၊ သက်တမ်းလွန်ဆေးဝါးများ ရောင်းချနေမှု ရှိ/ မရှိ စစ်ဆေး ခြင်းတို့ကို မိတ်ဖက်ဌာနများနှင့်ပူးပေါင်း၍ ဈေးကွက်စောင့်ကြည့်စစ်ဆေးခြင်းကို ဆောင်ရွက် ခဲ့ပါသည်။

     ထိုသို့ ဈေးကွက်စောင့်ကြည့်စစ်ဆေးခဲ့ရာတွင် ဆေးဆိုင်များ၌ အိမ်သုံးဆေးဝါးများ နှင့်ဆေးဝါးဆက်စပ်ပစ္စည်းများပြတ်လပ်မှုမရှိကြောင်း၊ သက်တမ်းလွန်ဆေးဝါးများရောင်းချ ခြင်းမရှိကြောင်း၊ ဆေးဝါးများဈေးနှုန်းမြှင့်တင်ရောင်းချခြင်းမရှိဘဲ ဈေးကစားခြင်းအလို့ငှာ သိုလှောင်ထားခြင်းလည်းမရှိကြောင်း၊  ဆေးများကို ရန်ကုန်မြို့၊ မန္တလေးမြို့၊ တောင်ကြီးမြို့၊ အောင်ပန်းမြို့တို့တွင် ဖြန့်ဖြူးရောင်းချနေသောကုမ္ပဏီများထံမှ မှာယူရောင်းချကြောင်း စစ် ဆေးတွေ့ရှိရပြီး ဆေးဆိုင်လုပ်ငန်းရှင်များအနေဖြင့် အစားအသောက်နှင့် ဆေးဝါးကွပ်ကဲရေး ဦးစီးဌာန၏ ဆေးဝါးမှတ်ပုံတင်ပါရှိသော ဆေးဝါးများသာဝယ်ယူရောင်းချကြရန် အသိပညာ ပေးဈေးကွက်စောင့်ကြည့်စစ်ဆေးဆောင်ရွက်ခဲ့ကြောင်းသတင်းရရှိပါသည်။

DOCA(ကယား)

     စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၅ခုနှစ်၊ ဇူလိုင်လ(၂၂)ရက်နေ့၊ နံနက် (၁၀:၀၀)နာရီအချိန်တွင် စားသုံးသူရေးရာဦးစီးဌာနမှ ဝန်ထမ်း(၃)ဦးသည် လွိုင်ကော်မြို့ ပေါ်ရှိ ဘူးသွင်းဆီအမျိုးမျိုး ရောင်းချနေသော ကုန်စုံဆိုင်များသို့ ဟင်းသီးဟင်းရွက်ဆီ               (Vegetable Oil, Cooking Oil)နှင့်စပ်လျဉ်း၍ ကုန်အညွှန်းအမှတ် အသားဖော်ပြရာတွင် စီးပွားရေးလုပ်ငန်းရှင်များ လိုက်နာဆောင်ရွက်ရန် စီးပွားရေးနှင့်ကူးသန်းရောင်းဝယ်ရေးဝန်ကြီး ဌာန၏ ညွှန်ကြားချက်အမှတ်( ၁/၂၀၂၁ ) နှင့်ကိုက်ညီမှု ရှိ/မရှိ သက်ဆိုင်ရာမိတ်ဖက်ဌာနများ နှင့်ပူးပေါင်း၍ ဈေးကွက်စောင့်ကြည့်စစ်ဆေး ဆောင်ရွက်ခဲ့ပါသည်။

     ထိုသို့ ဈေးကွက်စောင့်ကြည့်စစ်ဆေးရာတွင် လွိုင်ကော်မြို့ပေါ်ရှိ ကုန်စုံဆိုင်များ၌ ရောင်းချနေသော ဟင်းသီးဟင်းရွက်ဆီ( Vegetable Oil, Cooking Oil )များသည် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ ညွှန်ကြားချက်အမှတ်( ၁/၂၀၂၁ )ပါ ကုန်အညွှန်းအမှတ် အသားသတ်မှတ်ချက်နှင့် ကိုက်ညီမှုရှိကြောင်း စစ်ဆေးတွေ့ရှိရပြီး ကုန်စုံဆိုင်ပိုင်ရှင်များအနေဖြင့်  ဈေးကွက်အတွင်းဖြန့်ဖြူးရောင်းချသည့် စားသုံးဆီများတွင် ပင်ရင်းပါဝင်ပစ္စည်းများကိုအခြေခံ သော ကုန်စည်၏အမျိုးအမည်ကို မြန်မာဘာသာဖြင့်ဖော်ပြထားပြီး ကုန်စည်များ၏ အသား တင်ပမာဏနှင့် အရွယ်အစားတို့ကို မြန်မာအလေးချိန်ယူနစ်ဖြစ်သော ပိဿာ၊ ကျပ်သား တို့ဖြင့် တိကျစွာဖော်ပြထားသည့် စားသုံးဆီများကိုသာ တင်သွင်းရောင်းချကြရန်၊ သက်ဆိုင်ရာဌာန၏ ထောက်ခံချက်ပါရှိသော စားသုံးဆီဘူးများကိုသာ ရောင်းချကြရန်နှင့် စီးပွားရေးလုပ်ကိုင်ရာတွင်  စီးပွားရေးကျင့်ဝတ်၊ စည်းကမ်းများနှင့်အညီ ဖြောင့်မတ်မှန်ကန်စွာဆောင်ရွက်ကြရန် အသိပညာပေး ကွင်းဆင်းစစ်ဆေး ဆောင်ရွက်ခဲ့ကြောင်း သတင်းရရှိပါသည်။

DOCA(ကယား)