သတင်းနှင့် လှုပ်ရှားမှုများ

          ၂၀၂၅ ခုနှစ်၊ မတ်လ (၁၅) ရက်နေ့မှာ ကျရောက်တဲ့ “ကမ္ဘာ့စားသုံးသူအခွင့်အရေးများနေ့” (World Consumer Rights Day) အထိမ်းအမှတ်အခမ်းအနားသို့ မန္တလေးတိုင်းဒေသကြီး အစိုးရအဖွဲ့၊ ဝန်ကြီးချုပ်နှင့်တကွ မန္တလေးတိုင်းဒေသကြီးအစိုးရအဖွဲ့ဝင် ဝန်ကြီးများ၊ မန္တလေး တိုင်းဒေသကြီးစားသုံးသူရေးရာကော်မတီ၊ ဥက္ကဌနှင့် အဖွဲ့ဝင်များ၊ တိုင်းဒေသကြီးအဆင့် ဌာန ဆိုင်ရာများနှင့် အသင်းအဖွဲ့အသီးသီးမှ တာဝန်ရှိသူများ၊ မန္တလေးသူနာပြုတက္ကသိုလ်၊ စိုက်ပျိုးရေး သိပ္ပံနှင့် အ.ထ.က(၁၄) တို့မှ ဆရာ/ ဆရာမများနှင့် ကျောင်းသား/ ကျောင်းသူများ၊ စုစုပေါင်း (၃၀၀)ဦး တက်ရောက်ခဲ့ကြပါသည်။

မန္တလေးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးအောင်က အဖွင့်အမှာစကား ပြောကြားခြင်း၊ စီးပွားရေးရာဝန်ကြီး၊ ဦးသိန်းဌေးက စားသုံးသူကာကွယ်ရေးဆိုင်ရာ လုပ်ငန်း ဆောင်ရွက်မှုအခြေအနေများ ရှင်းလင်းပြောကြားခဲ့ပြီး စားသုံးသူရေးရာဦးစီးဌာန၊ မန္တလေးတိုင်း ဒေသကြီးစီးမှူးရုံး၊ တိုင်းဒေသကြီးဦးစီးမှူး ဦးဇေယျာဆွေက စားသုံးသူကာကွယ်ရေးဥပဒေ အကြောင်းသိကောင်းစရာများ၊ မန္တလေးတိုင်းဒေသကြီး၏  လုပ်ငန်းဆောင်ရွက်မှုအခြေအနေများ၊ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြချက်များ၊ အွန်လိုင်းစနစ်ဖြင့် ရောင်းချခြင်း (Online Sales) လုပ်ငန်းများမှတ်ပုံတင်လက်မှတ် လျှောက်ထားခြင်းနှင့်ပတ်သက် ၍ ရှင်းလင်းတင်ပြခဲ့ပြီး "စောင့်ရှောက်ဝိုင်းကူ စားသုံးသူ" တေးသီချင်းဖြင့် စားသုံးသူရေးရာ ဦးစီးဌာန၊ မန္တလေးတိုင်းဒေသကြီးဦးစီးမှူးရုံးမှ လှပျိုဖြူများက ကပြဖျော်ဖြေခြင်း၊ စားသုံးသူကာ ကွယ်ရေးဆိုင်ရာ အသိပညာပေး Video Clip ပြသခြင်း၊ မှတ်တမ်းတင်ဓာတ်ပုံ ရိုက်ကူးခြင်းများ ပြုလုပ်ခဲ့ပါသည်။

          ဆက်လက်၍ မန္တလေးသူနာပြုတက္ကသိုလ်၊ စိုက်ပျိုးရေးသိပ္ပံနှင့် အ.ထ.က (၁၄) တို့မှ ကျောင်းသား/ကျောင်းသူများမှ ဉာဏ်စမ်းပဟေဠိ ဖြေဆိုခြင်းနှင့် ဉာဏ်စမ်းပဟေဠိ ဖြေဆိုသူ များအား ဆုချီးမြှင့်ပေးအပ်ခဲ့ကြောင်း သိရှိရပါသည်။

DOCA(မန္တလေး)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဒုတိယခရိုင်ဦးစီးမှူးနှင့်ဝန်ထမ်းများသည် ခရိုင်ဦးစီးမှူး၏လမ်းညွှန်မှုဖြင့် ထုတ်ကုန်များလုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်းအမှတ်အသားများ ပြည့်စုံစွာ ထည့်သွင်းဖော်ပြထားခြင်း ရှိ/မရှိ၊ စားသုံးသူများ နေ့စဉ်အသုံးပြုလျက်ရှိသော ကုန်စည်နှင့်ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရေး၊ ကုန်စည်များကို သတ်မှတ်စံချိန်စံညွှန်းများ၊ ညွှန်ကြားချက်များနှင့်ကိုက်ညီမှုရှိ/မရှိ ဈေးကွက်မရောက်မီ ဈေးကွက်စောင့်ကြည့်စစ်ဆေးခြင်းများ ဆောင်ရွက်လျက်ရှိပါသည်။ ဈေးကွက်မရောက်မီစောင့်ကြည့်စစ်ဆေးရာတွင် မိတ်ဖက်ဌာနဆိုင်ရာများ နှင့်ပူးပေါင်း၍ ဆောင်ရွက်လျက်ရှိပါသည်။

          ပခုက္ကူဒုတိယခရိုင်ဦးစီးမှူးနှင့် ဝန်ထမ်းများ သည် FDA၊ မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၇.၃.၂၀၂၅)ရက်နေ့တွင် ပခုက္ကူမြို့ပေါ်ရှိ ပဲကြော်၊ ပဲလှော်လုပ်ငန်းရှင်များမှ ထုတ်လုပ်သည့် ကုန်စည်များတွင် ကုန်အညွှန်းအမှတ် အသားဖော်ပြခြင်းနှင့်စပ်လျဉ်း၍ ဈေးကွက်မရောက်မီ စောင့်ကြည့်စစ်ဆေးခြင်း လုပ်ငန်းဆောင်ရွက်ခဲ့ပါသည်။ ထိုသို့ဆောင်ရွက်ရာတွင် ၎င်းကုန်စည်(၂)မျိုး၏ ထုတ်ပိုးမှုပေါ်တွင် ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေး ကော်မရှင်က ထုတ်ပြန်ထားသည့် ညွှန်ကြားချက်အမှတ်(၂/၂၀၁၉)နှင့်အညီ ကိုက်ညီမှုရှိကြောင်း စိစစ်တွေ့ရှိရသည်။ ထို့နောက် ဒု-ခရိုင် ဦးစီးမှူးမှ စားသုံးသူကာကွယ်ရေးဥပဒေ အခန်း(၁၀)ပါ စီးပွားရေးလုပ်ငန်းရှင်၏တာဝန်များ၊ အခန်း(၁၁)ပါ ကုန်စည်နှင့်စပ်လျဉ်း၍ အာမခံချက်ပေးခြင်း ဆိုင်ရာအချက်အလက်များအကြောင်းအား ဆွေးနွေးခဲ့ပြီး အလုပ်ရုံ၏ လုပ်ငန်းလည်ပတ်နေမှုအား ကြည့်ရှု့စစ်ဆေးခဲ့ကြောင်း သိရသည်။

DOCA(မကွေး)

၁၁.၃.၂၀၂၅ ရက်နေ့၊ နံနက် (၀၉:၀၀) နာရီအချိန်တွင် မွန်ပြည်နယ်၊ မော်လမြိုင်မြို့၊ ပြည်နယ်ခန်းမ၌ ကျင်းပပြုလုပ်သော ကမ္ဘာ့စားသုံးသူအခွင့်အရေးများနေ့အခမ်းအနားသို့ မွန်ပြည်နယ်ဝန်ကြီးချုပ် ဦးအောင်ကြည်သိန်း၊ ပြည်နယ်တရားသူကြီးချုပ်၊ ပြည်နယ်အစိုးရ အဖွဲ့ဝင်ဝန်ကြီးများ၊ ပြည်နယ်စားသုံးသူရေးရာကော်မတီအဖွဲ့ဝင်များ၊ ပြည်နယ်အဆင့်ဌာန ဆိုင်ရာများ၊ လုပ်ငန်းရှင်များ၊ စားသုံးသူရေးရာဦးစီးဌာနမှ ဝန်ထမ်းများ၊ ဖိတ်ကြားထားသော ဧည့်သည်တော်များ စုစုပေါင်း (၃၀၀) ဦး တက်ရောက်ခဲ့ကြောင်း သိရပါသည်။

အခမ်းအနားတွင် ပြည်နယ်ဝန်ကြီးချုပ် ဦးအောင်ကြည်သိန်းမှ အဖွင့်အမှာစကား ပြောကြားခဲ့ပြီး စားသုံးသူကာကွယ်ရေးဆိုင်ရာ Video Clip ပြသခြင်း၊ စားသုံးသူရေးရာဌာန ဝန်ထမ်းများမှ “စောင့်ရှောက်ဝိုင်းကူစားသုံးသူ” သီချင်းဖြင့် သီဆိုဖျော်ဖြေဧည့်ခံခြင်း၊ ပြည်နယ် ဝန်ကြီးချုပ်၊ ပြည်နယ်တရားသူကြီးချုပ်၊ ပြည်နယ်အစိုးရအဖွဲ့ဝင်ဝန်ကြီးများ၊ ပြည်နယ် စားသုံးသူရေးရာကော်မတီအဖွဲ့ဝင်များမှ မှတ်တမ်းတင်ဓာတ်ပုံများ ရိုက်ကူးခဲ့ကြပြီး တက်ရောက်လာသော ဧည့်သည်တော်များအား လက်ဖက်ရည်နှင့်မုန့်များဖြင့် ဧည့်ခံကျွေးမွေး ကာ အခမ်းအနားကို နေ့လည် (၁၁:၀၀) နာရီအချိန်တွင် ပြီးဆုံးခဲ့ကြောင်း သိရှိရပါသည်။

DOCA(မွန်)

စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး ကန့်ဘလူမြို့နယ်တာဝန်ခံရုံးသည် တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် စားသုံးသူကာကွယ်ရေး လုပ်ငန်းများကို ဆောင်ရွက်လျက်ရှိကြောင်း၊ တာဝန်ခံ ဦးမျိုးဝင်းသန်းသည် ၂၀၂၅ ခုနှစ်၊ မတ်လ ၁၀ ရက် မွန်းလွဲ(၁၄:၀၀)နာရီအချိန်တွင် ကန့်ဘလူခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန Community Centre ခန်းမတွင် ခရိုင်ပြန်/ဆက်ဦးစီးဌာနနှင့် စားသုံးသူရေး ရာဦးစီးဌာနတို့ပူးပေါင်း၍ ကမ္ဘာ့စားသုံးသူအခွင့်အရေးများနေ့ အထိမ်းအမှတ် အသိပညာပေး Talk Show ပြုလုပ်ခဲ့ကြောင်း သိရသည်။

ကန့်ဘလူမြို့နယ်တာဝန်ခံ ဦးမျိုးဝင်းသန်းက “ကမ္ဘာ့စားသုံးသူအခွင့်အရေးများနေ့” အခမ်း အနားကို နှစ်စဉ်မတ်လ(၁၅)ရက်နေ့ရောက်တိုင်း ကမ္ဘာ့နိုင်ငံအသီးသီးမှာကျင်းပကြသလို၊ မြန်မာ နိုင်ငံမှာလည်း ၂၀၁၆ ခုနှစ်မှစတင်၍ နှစ်စဉ်ကျင်းပလျက်ရှိကြောင်း၊ ယခုနှစ် ကမ္ဘာ့စားသုံးသူအခွင့် အရေးများနေ့ အထိမ်းအမှတ်ဆောင်ပုဒ်မှာ “လူနေမှုဘဝအစဉ်တည်တံ့ဖို့ မျှတအသွင်ကူးပြောင်းစို့” ဖြစ်ကြောင်း၊ ဆောင်ပုဒ်၏ရည်ရွယ်ချက်များအကြောင်း ၊ ကမ္ဘာ့စားသုံးသူအခွင့်အရေး များနေ့ကို ကျင်းပရတဲ့ရည်ရွယ်ချက်ကိုလည်းကောင်း၊ စားသုံးသူကာကွယ်ရေးဥပဒေပါ စားသုံးသူအခွင့်အရေး များတွင် ပါဝင်သည့် “ကောင်းမွန်သာယာသောလူနေမှုအဆင့်အတန်းနှင့် ပတ်ဝန်းကျင်တွင်နေထိုင် နိုင်ခွင့်” ဆိုသည့်အတိုင်း ရရှိခံစားနိုင်စေရန် ယနေ့မှစ၍ စားသုံးသူပြည်သူများ၊ စီးပွားရေးလုပ်ငန်း ရှင်များကလည်း  စားသုံးသူရေးရာဦးစီးဌာနနှင့်အတူ ပူးပေါင်းပါဝင် ဆောင်ရွက်ကြရန် လိုအပ် ကြောင်း အသိပညာပေး ဆွေးနွေးပြောကြားခဲ့ကြောင်း သိရသည်။

DOCA(စစ်ကိုင်း)

                   ကလေးမြို့၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးတွင် ဌာနဆိုင်ရာ ဝန်ထမ်းများအား ( ၁၁.၃.၂၀၂၅ )ရက်နေ့၊ နံနက်( ၁၁: ၃၀ )အချိန်၌ ကမ္ဘာ့စားသုံးသူအခွင့်အရေးများ နေ့အထိမ်းအမှတ်အဖြစ် စားသုံးသူရေးရာဦးစီးဌာန၊ ခရိုင်ဦးစီးမှူး ဒေါ်သန်းသန်းဝင်း ဦးဆောင်၍ ဝန်ထမ်းများနှင့်အတူ ဟောပြောပွဲကျင်းပပြုလုပ်ခဲ့ပါသည်။

          အဆိုပါဟောပြောပွဲတွင် ကမ္ဘာ့စားသုံးသူအခွင့်အရေးများနေ့ဖြစ်ပေါ်လာပုံ၊ နှစ်စဉ် မတ်လ (၁၅)ရက်နေ့တွင် မြန်မာနိုင်ငံအနှံ့အပြား၌ စားသုံးသူရေးရာဦးစီးဌာနမှ ဟောပြောပွဲများကျင်းပပြုလုပ် ၍ အခမ်းအနားပွဲများဖြင့် ကျယ်ကျယ်ပြန့်ပြန့် ကျင်းပပြုလုပ်လာကြကြောင်းနှင့် စားသုံးသူ ရေးရာဦးစီးဌာနမှ လုပ်ငန်းရှင်များအနေဖြင့် စားသုံးသူကိစ္စရပ်များနှင့် ပတ်သက်၍ မေးမြန်းလိုပါက Consumer Call Center ( 1535 )သို့လည်းဆက်သွယ်၍ မေးမြန်းနိုင်ပါကြောင်း၊ ကုန်ပစ္စည်းများ ဝယ်ယူအသုံးပြုမည်ဆိုပါက ကုန်အညွှန်းအမှတ်အသား ပြည့်စုံမှသာ စိတ်ချယုံကြည်စွာ စားသုံးနိုင် မည်ဖြစ်သည့်အတွက် မိမိတို့ဝယ်ယူမည့် ပစ္စည်းများကို သေချာစွာစိစစ်၍ ဝယ်ယူအသုံးပြုကြရန် လိုအပ်ပါကြောင်း၊ ကုန်ပစ္စည်းများကို ဈေးကွက်ကျယ်ပြန့်စေရန်အတွက် ကြော်ငြာခြင်း၊ လှည့်လယ် ရောင်းချခြင်းများတွင် ရောင်းသူ၏ တိုက်တွန်းနှိုးဆော်ချက်ဖြင့် ဝယ်ယူခြင်းမပြုဘဲ မိမိတို့စိတ်ကြိုက် ရွှေးချယ်၍ဝယ်ယူရန် လိုအပ်ပါကြောင်း၊ ပြည်ပနိုင်ငံများမှမြန်မာနိုင်ငံအတွင်းသို့ တင်သွင်းလာသော ကုန်ပစ္စည်းများကို မြန်မာဘာသာဖြင့်ဖော်ပြရန် ညွှန်ကြားချက်အမှတ်၊ ၂/၂၀၁၉ ခုနှစ်၊ ဒီဇင်ဘာလ ၃ ရက်နေ့တွင် ထုတ်ပြန်ကြေညာခဲ့ပြီး ကုန်စည်အုပ်စုအလိုက် ပါဝင်ရမည့်အချက်အလက်များကို အသေးစိတ်ဖော်ပြပါရှိရမည်ဖြစ်သည့်အတွက် ဝယ်ယူအသုံးပြုသူများအနေဖြင့် မိမိတို့ဝယ်ယူသည့် ကုန်ပစ္စည်းများကို သတိပြု၍ဝယ်ယူအသုံးပြုကြရန်နှင့် ဝန်ဆောင်မှုကိစ္စရပ်များနှင့်ပတ်သက်၍ လုပ်ငန်းရှင်များဘက်မှ အာမခံချက်ပေးထားသည့် ရက်အကန့်အသတ်အတွင်းသာ အကြုံးဝင်ပြီး သတ်မှတ်ရက်ကျော်လွန်ပါက အသုံးမဝင်တော့ပါကြောင်း၊ အသုံးပြုသူများအနေဖြင့်လည်း ကုန်ပစ္စည်း ၏ဗူးခွံပေါ်နှင့် အတွင်းဗူးတွင်ပါဝင်သည့် လမ်းညွှန်ချက်များအတိုင်း လိုက်နာ ဆောင်ရွက်ရမည်ဖ ြစ်ပါကြောင်း၊ စားသုံးသူရေးရာဦးစီး ဌာန၏လုပ်ငန်းဆောင်တာများနှင့် ပတ်သက်၍ မိမိသိလိုသည့် အကြောင်းအရာများအား တယ်လီဖုန်း ဖြင့်ဖြစ်စေ၊ လူကိုယ်တိုင် လာရောက်၍ဖြစ်စေ မေးမြန်းနိုင်ပါ ကြောင်းနှင့် လိုအပ်သည်များကိုလည်း ကူညီဆောင်ရွက်ပေး သွားမည်ဖြစ်ကြောင်း ပြောကြား၍ အသိပညာပေးဟောပြောခြင်းကို (၁၂:၀၀)နာရီ အချိန်တွင် အခမ်းအနားပြီးဆုံးကြောင်း သတင်းရရှိရပါ သည်။

DOCA(စစ်ကိုင်း)