သတင်းနှင့် လှုပ်ရှားမှုများ

              စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် မိတ်ဘက်ဌာနဆိုင်ရာများနှင့်ပူးပေါင်း ၍(၂၁.၂.၂၀၂၅)ရက်နေ့၊ နံနက်(၀၉:၃၀) နာရီအချိန်တွင် ဇလွန်မြို့ပေါ်ရပ်ကွက်ရှိ  စတိုးဆိုင်များတွင် ရောင်းချသော အသင့်စားခေါက်ဆွဲခြောက်ထုပ်မှုန့်များအား ထုတ်ကုန်လုံခြုံစိတ်ချရမှုရှိစေရေး ဈေးကွက်စောင့်ကြည့် စစ်ဆေးခြင်းကိုဆောင်ရွက်ခဲ့ပါသည်။

            ထိုသို့ကွင်းဆင်းစစ်ဆေးခဲ့ရာတွင်  စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ဓါတ်မတည့်‌ကြောင်းဖော်ပြချက်၊ သတိပေးချက်နှင့် ကျန်းမာရေးဆိုင်ဘေးထွက် ဆိုးကျိုး ဖော်ပြခြင်းရှိ/မရှိ၊ သက်ဆိုင်ရာဌာနများ၏ ထောက်ခံချက် ဖော်ပြထားမှုရှိ/မရှိ တို့ကို စစ်ဆေးခဲ့ပြီး၊ မြန်မာနိုင်ငံ စားသုံးသူကာကွယ်ရေး ကော်မရှင်မှ ထုတ်ပြန် ကြော်ငြာထားသော ညွှန်ကြားချက် အမှတ် (၂/၂၀၁၉) နှင့်အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များကိုသာရောင်းချရန်၊ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့)တစ်ခုထက် ပို၍တွဲလျက်ဖြစ်စေ၊ ရေးသားဖော်ပြရမည်ဖြစ်ကြောင်း အသိပညာပေးပြောကြားခဲ့ပြီး ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

စားသုံးသူရေးရာဦးစီးဌာန၊ ရန်ကုန်အနောက်ပိုင်းခရိုင်ဦးစီးမှူးရုံးမှ ဦးစီးမှူး ဦးကျော်ခိုင်နှင့် ဝန်ထမ်းများသည် ၂၄.၂.၂၀၂၅ ရက်နေ့တွင် မရမ်းကုန်းမြို့နယ် ဘုရင့်နောင်ပွဲရုံဝင်းအတွင်းရှိ ဆ-၄၄၊ ပိတောက်လမ်းရှိ စိန်ကျွန်းဆန်ပွဲရုံ နှင့်        ဆ-၃၄၂၊ ပိတောက်လမ်းရှိ ငွေပဒေသာဆန်ပွဲရုံတို့အား (၁၀:၀၀) အချိန်တွင် ဘုရင့်နောင်ဈေးစည်ပင်မှ ဦးနန္ဒအောင်နှင့် အမှတ်(၁) ရပ်ကွက် အုပ်ချုပ်ရေး မှူးရုံးမှ ဦးကျော်မင်းနိုင်နှင့် ပူးပေါင်းပြီး ဆန်ရောင်းချမှု အခြေအနေများကို ကွင်းဆင်းစစ်ဆေး အသိပညာပေးမှုများအား ဆောင်ရွက်ခဲ့ကြောင်းသိရှိရပါသည်။

ထိုသို့  ကွင်းဆင်းအသိပညာပေးရာတွင် ဆန်ဆိုင်များရှိ ရောင်းချနေသော ဆန်များသည် မြန်မာနိုင်ငံဆန်စပါးအသင်းချုပ်မှ သတ်မှတ်ထားသော ရည်ညွှန်းဈေးနှုန်းများအတိုင်း ရောင်းချခြင်း ရှိ/မရှိနှင့် ဆန်ဈေးနှုန်းကြီးမြင့်မှု မဖြစ်ပေါ်စေရေးအတွက် ဈေးကစားရန်အလို့ငှာ ဆန်များသိုလှောင် ထားခြင်းရှိ/မရှိတို့ကို စစ်ဆေးခဲ့ကြပြီး လိုက်နာမှုမရှိသော လုပ်ငန်းရှင်များကို အရေးကြီးကုန်စည်နှင့် ဝန်ဆောင်မှုဥပဒေအရ အရေးယူခံရမည်ဖြစ်ကြောင်း အသိပညာပေးဆောင်ရွက်ခဲ့ကြောင်း သိရှိရပါ သည်။

DOCA(ရန်ကုန်)

            စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးသည် (၂၁.၂.၂၀၂၅)ရက်နေ့ ၊ နံနက် (၀၈:၃၀)နာရီအချိန်တွင် သက်ဆိုင်ရာဌာနဆိုင်ရာများနှင့် ပူးပေါင်း၍ မြန်အောင်မြို့နယ်အတွင်းရှိ စားအုန်းဆီ လက်လီ၊လက္ကား ရောင်းချလျက်ရှိသော စားအုန်းဆီအရောင်း ဆိုင်များအား ဈေးနှုန်း မြှင့်တင်ရောင်းချမှု ရှိ/မရှိ ရှောင်တခင် ဈေးကွက်စောင့်ကြည့်စစ်ဆေးခြင်းကို  ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးရာတွင်ပူးပေါင်းအဖွဲ့အနေဖြင့်စားအုန်းဆီဖြန့်ဖြူးရောင်းချမှုနှင့်စပ်လျဉ်း ၍ သတ်မှတ်ရည်ညွှန်းဈေးအတိုင်း ရောင်းချမှုရှိ/မရှိ၊ ပြည်သူများလက်ဝယ်သို့ အမှန်တစ်ကယ် ရောင်း ချမှု ရှိ/မရှိ၊ ရောင်းချမှုစာရင်းဇယားများ ပြည့်စုံစွာထားရှိခြင်း ရှိ/မရှိ စသည်တို့ကို စစ်ဆေးခဲ့ပြီး၊ စားသုံးသူများထံသို့ ဖြန့်ဖြူးရောင်းချရာတွင်လည်း  အဆင့်အလိုက်(၂)% အမြတ်ထက်ကျော်လွန်၍ ရောင်းချမှုမရှိကြောင်း၊ ရောင်းချမှုလက်ခံဘောက်ချာများထားရှိခြင်း၊ သတ်မှတ်ရည်ညွှန်း ဈေးဖြင့်သာ ရောင်းချခြင်း၊ အခြား မသမာသော နည်းလမ်းများသုံး၍ ရောင်းချမှုမရှိခြင်းနှင့် ဈေးကစားရန်ရည်ရွယ်ပြီး သိုလှောင်ထားခြင်းများ မရှိကြောင်းတွေ့ရှိရပြီး၊ ကုန်စုံဆိုင်အမည်နှင့် ဈေးနှုန်း၊ နေ့စွဲပါ ဗွီနိုင်းပိုစတာများအား အများမြင်သာသောနေရာတွင်ချိတ်ဆွဲထားမှု ရှိ/မရှိတို့အား ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် ၂၁.၂.၂၀၂၅ ရက်နေ့ နေ့လည်(၂:၂၅)အချိန်တွင် လှိုင်သာယာမြို့နယ်စည်ပင်သာယာအုပ်ချုပ်ရေးမှူးရုံးမှ ဦးလင်းလင်းဦး ပူးပေါင်းပါဝင်၍ Top သီဟိုဠ်စေ့လုပ်ငန်းသို့ သွားရောက်၍ လုပ်ငန်းလည်ပတ်မှု၊ ထုတ်လုပ်ပုံအဆင့်ဆင့်နှင့် ဈေးကွက်ဖြန့်ဖြူးရောင်းချမှုအခြေအနေများအား ကွင်းဆင်းလေ့လာ ခဲ့ပါသည်။

၂၀၀၅ ခုနှစ်တွင် လုပ်သားဦးရေ အနည်းငယ်ဖြင့်သာ စတင်လည်ပတ်ခဲ့ပြီး ယခုအချိန်တွင် လုပ်ငန်းမှာ အောင်မြင်ဖြစ်ထွန်းလာသောကြောင့် ကျား(၃၀)၊ မ(၂၂၀)ဦးခန့်ဖြင့် တိုးချဲ့လုပ်ကိုင်လည် ပတ်လျက်ရှိပြီး ပါကင်ပိတ်စက်၊ အခွံချွတ်စက်ဖြင့် လုပ်ကိုင်လျက်ရှိရာ သီဟိုဠ်စေ့အမျိုးအစား(၆)မျိုး ထုတ်လုပ်ပြီး တစ်နေ့ပျမ်းမျှထုတ်လုပ်မှုမှာ သီဟိုဠ်ဆံယို (၂၄၀)ဂရမ်ပါ တစ်ပါကင်ဗူး (၁၀)ပါကင်၊ သီဟိုဠ်စေ့(အခွံမပါ) (၃၀၀)ဂရမ်ပါ တစ်ပါကင် (၃၀)ဗူး (၅)ပါကင်၊ သီဟိုဠ်စေ့ဆားလှော် (အခွံပါ) (၃၀၀)ဂရမ် တစ်ပါကင် (၃၀)ဗူး (၂)ပါကင်၊ သီဟိုဠ်စေ့ဆားလှော်(အခွံမပါ) (၁၅၀)ဂရမ်ပါ တစ်ပါကင် (၂၄)ထုပ် (၁)ပါကင်၊ နှမ်းထန်းလျက် သီဟိုဠ်စေ့ (၇၀)ဂရမ်ပါ တစ်ပါကင်(၂၄)ထုပ် (၁)ပါကင်နှင့် အုန်းထန်းလျက်သီဟိုဠ် (၇၀)ဂရမ်ပါ တစ်ပါကင်(၂၄)ထုပ် (၁)ပါကင် ထုတ်လုပ်လျက်ရှိပြီး Shopping Center များသို့ အဓိကတင်ပို့ရောင်းချလျက်ရှိကြောင်း လုပ်ငန်းမှာစဉ်ဆက်မပြတ်လုပ်ကိုင်နေရ၍ အဆင်ပြေ လျက်ရှိကြောင်း သိရှိရပါသည်။

DOCA(ရန်ကုန်)

မြောက်ပိုင်းခရိုင်၊ အင်းစိန်ဈေးအတွင်းရှိ အခြေခံစားသောက်ကုန်များ၏ နေ့စဉ်ဖြစ်ပေါ်နေ သောဈေးနှုန်းများကို ကောက်ယူ၍ ရန်ကုန်တိုင်းဒေသကြီးဦးစီးမှူးရုံးသို့ နေ့စဉ်ပေးပို့လျက်ရှိရာ ၂၄.၂.၂၀၂၅ ရက်နေ့ နံနက် (၉:၃၅)အချိန်တွင် မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် အင်းစိန်ဈေးစည်ပင်သာယာရေးအဖွဲ့နှင့်အတူ အင်းစိန်ဈေးအတွင်းရှိ ဈေးနှုန်းများကောက်ယူကာ ယခင်ဈေးနှင့်ယခုဈေးနှုန်း အတက်/အကျ အား ကွင်းဆင်းစုံစမ်းစစ်ဆေးခဲ့ပါသည်။

စာရင်းကောက်ယူခဲ့သည့် အခြေခံစားကုန်များတွင် ကြက်ဥ၊ အသား၊ ငါးဈေးနှုန်းမှာ ယခင် အတိုင်းဈေးတည်ငြိမ်နေပြီး ဘဲဥတစ်လုံးလျှင် (၃၀)ကျပ်ဈေးကျ၍ ကြက်သွန်ဖြူ၊ ကြက်သွန်နီ၊ ကုလားပဲ၊ မန်ကျီးသီးမှည့်နှင့် ဟင်းသီးဟင်းရွက်များမှာလည်း ရာသီပေါ် ပေါများ၍ ဈေးကျပြီး ဆန်နှင့်စားအုန်းဆီတို့မှာ သက်ဆိုင်ရာဌာန/အသင်းအဖွဲ့များမှ သတ်မှတ်ပေးထား သည့် ရည်ညွှန်းဈေးနှုန်းအပေါ် အခြေခံရောင်းချရသဖြင့် ဈေးကွက်အတွင်း ဈေးနှုန်း အဆမတန်ကြီးမြင့်မှုမရှိဘဲ စားသုံးသူများအနေဖြင့် ဈေးနှုန်းချိုသာစွာ ဝယ်ယူစားသုံး နိုင်ကြောင်း အမှန်တကယ်ဖြစ်ပေါ်နေသည့်ဈေးကွက် ဆိုင်ရာဈေးနှုန်း အခြေအနေများကို ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)