သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူး ဦးသန်းဦးနှင့် ကရင်ပြည်နယ်ပုဂ္ဂလိကစက်မှု လုပ်ငန်းကြီးကြပ်ရေးအဖွဲ့ဝင်များသည် ၁၅-၂-၂၀၂၃ ရက်နေ့ ၀၉ ၀၀ နာရီအချိန်တွင် စက်မှုမှတ်ပုံတင် သက်တမ်းတိုးမြှင့်ရန်အတွက် လျှောက်ထားလာသော ကရင်ပြည်နယ် ဘားအံစက်မှုဇုံ(၂) ရှိ ရွှေသံလွင် ဟိုင်းဝေးကုမ္မဏီလီမိတက်၏ ဘီယာ၊ အချိုရည်၊ အချိုမှုန့် ထုတ်လုပ်ခြင်းလုပ်ငန်းသို့ မြေပြင်လုပ်ငန်း ဆောင်ရွက်မှုအခြေအနေများကို ကွင်းဆင်းစစ်ဆေးခဲ့ကြောင်းသိရသည်။

          ထိုသို့ကွင်းဆင်းစစ်ဆေးဆောင်ရွက်ရာတွင် ပြည်နယ်အဆင့်ဌာနဆိုင်ရာများဖြစ်သော စက်မှုကြီး ကြပ်ရေးနှင့် စစ်ဆေးရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ ပြည်နယ်ကျန်းမားရေးဦးစီးဌာန၊ အလုပ်ရုံနှင့်အလုပ်သမားဥပဒေ စစ်ဆေးရေးဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာန၊ စားသုံးသူ ရေးရာဦးစီးဌာန၊ ပြည်တွင်းအခွန်များဦးစီးဌာနတို့ မှ သက်ဆိုင်ရာဌာနများ၏ လုပ်ထုံးလုပ်နည်းများနှင့် အညီဆောင်ရွက်နေမှု ရှိ/မရှိ စစ်ဆေးဆောင်ရွက်ခဲ့ပြီးတွေ့ရှိချက်များမှ လိုအပ်သည်များ လိုက်နာ ဆောင်ရွက်နိုင်ရေး မှာကြားခဲ့ကြောင်းသိရသည်။

          ကရင်ပြည်နယ်ပုဂ္ဂလိက စက်မှုလုပ်ငန်းကြီးကြပ်ရေးအဖွဲ့အနေဖြင့် ကရင်ပြည်နယ်အတွင်SMEs အသေးစား၊ အငယ်စား၊ အလတ်စားလုပ်ငန်းများ ဖွံ့ဖြိုးတိုးတက်စေရေးနှင့် စက်မှုလုပ်ငန်းများ စက်မှုလုပ်ငန်းမှတ်ပုံတင်နိုင်ရေးအတွက် အလေးပေးဆောင်ရွက်လျက်ရှိပြီး ၂၀၂၂-၂၀၂၃ဘဏ္ဍာရေးနှစ် အတွင်း စက်မှုလုပ်ငန်းမှတ်ပုံတင်အတွက် လုပ်ငန်းသစ် ၉၀ ခု လျာထားချက်အပေါ် ဆောင်ရွက်နိုင်မှု ၉၉ ခု ရှိခဲ့ပြီး လျာထားချက်အပေါ် အမှန်ဆောင်ရွက်နိုင်မှု ၁၁၀% ဖြစ်ကာ၊ သက်တမ်းတိုး ဆောင်ရွက်ရန်အတွက် လုပ်ငန်း၁၀၀၅ခုအပေါ် ၈၄၀ခုထိဆောင်ရွက်ထားနိုင်ပြီး လျာထားချက်အပေါ် အမှန်ဆောင်ရွက်နိုင်မှု ၈၃.၅၈ %ထိ ဖြစ်ကြောင်းနှင့်၂၀၂၂-၂၀၂၃ဘဏ္ဍာနှစ်အတွက် လျာထားချက်များ ပြည့်မီကျော်လွန်စေရေးအတွက် ကရင်ပြည်နယ်အတွင်းရှိ စက်မှုလက်မှုလုပ်ငန်းများသို့ ကွင်းဆင်း ဆောင်ရွက်လျက်ရှိကြောင်း သိရသည်။

DOCA ( KAYIN)

        စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ ဦးဘောမ်ဇုန်း(ရုံးအုပ်)သည် 14.2.2023 ရက်နေ့၊ 1၁:00 နာရီအချိန်တွင် မြစ်ကြီးနားမြို့၊ တပ်ကုန်းရပ်ကွက်ရှိ ကုန်မျိုးစုံလက်လီရောင်းချသော စီးပွားရေးလုပ်ငန်းရှင်နှင့် တွေ့ဆုံဆွေးနွေးခဲ့ပါသည်။

      တွေ့ဆုံဆွေးနွေးရာတွင် ဦးဘောမ်ဇုန်း(ရုံးအုပ်)က စားသုံးသူကာကွယ်ရေးဥပဒေပါ စီးပွားရေး လုပ်ငန်းရှင်ဆိုသည်မှာ  ကုန်စည်ကိုထုတ်လုပ်ခြင်း၊ ဖြန့်ဖြူးခြင်း၊  သိုလှောင်ခြင်း၊ သယ်ယူပို့ဆောင် ခြင်း၊ ရောင်းချခြင်း၊ ပြုပြင်ထုတ်လုပ်ခြင်း၊ ပြည်ပသို့တင်ပို့ခြင်း၊ ပြည်တွင်းသို့တင်သွင်းခြင်း၊ ပြန်လည် ရောင်းချခြင်းကိုဖြစ်စေ၊ ထောက်ပံ့ပေးကမ်းခြင်းကိုဖြစ်စေ၊ ဝန်ဆောင်မှုပေးခြင်းကိုဖြစ်စေ၊ ကြော်ငြာ လုပ်ငန်းလုပ်ကိုင်ခြင်းကိုဖြစ်စေ တစ်ဦးချင်းသော်လည်းကောင်း၊ အဖွဲ့အစည်းနှင့်သော်လည်းကောင်း ဆောင်ရွက်သူကိုဆိုလိုကြောင်း၊ စီးပွားရေးလုပ်ငန်းရှင်၏ တာဝန်များဖြစ်သည့် ကုန်စည် သို့မဟုတ် ဝန်‌ဆောင်မှု၏ အာမခံချက်၊ သတ်မှတ်ချက်များနှင့်စပ်လျဉ်း၍ ရိုးရှင်းမှန်ကန်သော သတင်းအချက် အလက်များပေးခြင်း၊ စားသုံးသူကိုခွဲခြားမှုမရှိဘဲ ဖြောင့်မတ်မှန်ကန်စွာဆက်ဆံခြင်း၊ စီးပွား‌ရေးလုပ်ကိုင်ရာတွင်စီးပွား‌‌ရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာဆောင်ရွက်ခြင်း၊ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ ထပ်မံပေးချေရမည့်တန်ဖိုးကို စားသုံးသူက ဝယ်ယူ အသုံးမပြုမီ သိရှိစေရန် အတိအလင်းဖော်ပြပေးခြင်း၊ စားသုံးသူနစ်နာဆုံးရှုံးမှု ဖြစ်ပွားစေမည့် ကုန်စည် သို့မဟုတ်ဝန်ဆောင်မှုကို တိုက်ရိုက်ရောင်းချခြင်း သို့မဟုတ်သွယ်ဝိုက်ရောင်းချခြင်းတို့ကို ရှောင်ကျဉ်ခြင်း၊ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ ကတိပြုထားသော အာမခံချက်နှင့် ကိုက်ညီမှု မရှိပါက ကတိပြုထားသည့်အတိုင်း တာဝန်ယူဆောင်ရွက်ပေးခြင်းနှင့် ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်နှင့်အညီ သိသာထင်ရှားစွာ ဖော်ပြရမည့်အချက်(၈)ချက်တို့ကို ရှင်းလင်းဆွေးနွေးခဲ့ပြီး ကုန်အညွှန်းအမှတ်အသားဖော်ပြခြင်း ဆိုင်ရာအသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်းသိရှိရပါသည်။

DOCA(ကချင်)

     စားသုံးသူရေးရာဦးစီးဌာန၊ မုံရွာခရိုင်ဦးစီးမှူးနှင့်မြို့နယ်တာဝန်ခံ ဝန်ထမ်း(၂)ဦးတို့သည် (၁၃-၂-၂၀၂၃) ရက်နေ့၊ နံနက်(၁၁)နာရီအချိန်တွင် မုံရွာမြို့၊ ဆူးလေကုန်းရပ်ကွက်ရှိ ခရိုင်ဆီကုန် သည်နှင့်ဆီလုပ်ငန်းရှင်များအသင်း အတွင်းရေးမှူး၊တင်ဝင်းပွဲရုံပိုင်ရှင် ဦးတင်ဝင်းနှင့် တွေ့ဆုံဆွေးနွေးခဲ့ကြပါသည်။

       ထိုသို့ တွေ့ဆုံဆွေးနွေးရာတွင် အတွင်းရေးမှူးက ခရိုင်ဆီကုန်သည်အသင်းကို (၃၀-၃-၂၀၁၇) ခုနှစ်တွင် အသင်းဝင်(၁၃)ဦးဖြင့် စတင်တည်ထောင်ခဲ့ကြောင်း၊ အသင်းဝင်ဆီကုန်သည်များအနေဖြင့် မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်း၏ လမ်းညွှန်ချက်များနှင့်အညီ လုပ်ငန်းများကို ပုံမှန်ဆောင်ရွက်လျက်ရှိကြောင်း၊ တိုင်းဒေသကြီး/ပြည်နယ်အလိုက် ရရှိသော စားအုန်းဆီခွဲတမ်းများကိုလည်း စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ကော်မတီက တစ်ပတ်တခါထုတ်ပြန်လျက်ရှိသော အခြေခံလက်ကားရည်ညွှန်းဈေးများအတိုင်း စားသုံးသူပြည်သူများအတွက် သင့်လျော်သောဈေးနှုန်းဖြင့် ဝယ်ယူရရှိနိုင်ရေးအတွက် (၂၉-၈-၂၀၂၂) ရက်နေ့မှစ၍ ယနေ့အထိ ဈေးကားများဖြင့် ရပ်ကွက်များအလိုက် လှည့်လည်ရောင်းချပေးလျက်ရှိပါကြောင်း၊ ခရိုင်ဆီအသင်းတွင်အသင်းဝင်ဦးရေ (၁၄)ဦးရှိပြီး (၂)ဦးမှာ လျှောက်ထားဆဲဖြစ်ကြောင်းနှင့် မိမိတို့ဒေသတွင်းစားအုန်းဆီပြတ်လပ်မှုမရှိစေရေး၊ ဖူလုံစေရေးနှင့် ဈေးနှုန်းကြီးမြင့်မှုမရှိစေရေး မြန်မာနိုင်ငံဆီအသင်း၏လမ်းညွှန်ချက်များနှင့်အညီ ဆက်လက်ကြိုးပမ်းဆောင်ရွက်သွားမည်ဖြစ်ပါကြောင်းတို့ကို မေးမြန်းဆွေးနွေးခဲ့ပါသည်။

DOCA(စစ်ကိုင်း)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများကို စီမံချက်များနှင့်ပြည့်မီအောင်ဆောင်ရွက်လျက်ရှိရာ ရွှေဘိုခရိုင်စားသုံးသူရေးရာဦးစီးဌာနမှ ဒု-ခရိုင်ဦးစီးမှူးနှင့် စားသုံးသူရေးရာဌာနခွဲတာဝန်ခံတို့သည် (၁၄-၂-၂၀၂၃)ရက်နေ့ နံနက်(၁၀:၃၀)နာရီအချိန်တွင် ရွှေဘိုမြို့၊ အမှတ်(၉)ရပ်ကွက်ရှိ ဆပ်ပြာဆီရောင်းဝယ်ရေးလုပ်ငန်းရှင်နှင့် တွေ့ဆုံဆွေးနွေးခဲ့ပါသည်။

          ထိုသို့တွေ့ဆုံဆွေးနွေးရာတွင် ဒု-ခရိုင်ဦးစီးမှူး ဒေါ်နှင်းနှင်းခိုင်က ကုန်စည်ထုတ်လုပ်ဖြန့်ဖြူးရောင်းချသည့် စီးပွားရေးလုပ်ငန်းရှင်များအနေဖြင့် မိမိတို့ထုတ်လုပ်သည့်ကုန်စည်များအပေါ် တာဝန်ယူမှုများရှိရမည်ဖြစ်ကြောင်း၊ ၂၀၁၉ ခုနှစ်၊ မတ်လ(၁၅)ရက်နေ့တွင် ပြည်ထောင်စုလွှတ်တော် ဥပဒေအမှတ်(၉)ဖြင့် အတည်ပြုပြဋ္ဌာန်းခဲ့သည့်  စားသုံးသူကာကွယ်ရေးဥပဒေ အခန်း(၁၈)ပါအတိုင်း ကုန်စည်ထုတ်လုပ်ဖြန့်ဖြူးရောင်းချသည့် စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားများပြည့်စုံစွာထည့်သွင်းဖော်ပြ၍ ထုတ်လုပ်ဖြန့်ဖြူးရောင်းချကြရန်လိုအပ်သည့်အပြင် ဌာန၏အတည်ပြုချက် ရယူကြရန်လိုအပ်ပါကြောင်း၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)တွင် ကုန်စည်အုပ်စု(၈)ခုပါဝင်ပြီး ဆပ်ပြာရည်အမျိုးမျိုး၊ ဆပ်ပြာခဲအမျိုးမျိုးနှင့် ဆပ်ပြာမှုန့်အမျိုးမျိုးသည် လူသုံးကုန်ပစ္စည်းအုပ်စုတွင် ပါဝင်ကြောင်း၊ အဆိုပါကုန်စည်များတွင် ထည့်သွင်းဖော်ပြရမည့် ကုန်အညွှန်းအမှတ်အသားများကို အသေးစိတ်ရှင်းလင်းဆွေးနွေးခဲ့ပြီး မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက် အမှတ်(၂/၂၀၁၉)ပါအကြောင်းအရာများပါဝင်သည့် စားသုံးသူကာကွယ်ရေး အသိပညာပေးလက်ကမ်းစာစောင်များဖြန့်ဝေခဲ့ပါသည်။

DOCA(စစ်ကိုင်း)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကလေးဝမြို့ မြို့နယ်တာဝန်ခံ ဦးကျော်ကျော်မိုးသည် ဖေဖော်ဝါရီလ ( ၁၃ ) ရက်နေ့ နံနက်(၁၁:၀၀) နာရီအချိန်၌ “ဖူးဖူးဝေ” သောက်ရေသန့်လုပ်ငန်းရှင် ဦးမင်းမင်းထွန်းနှင့် သွားရောက်တွေ့ဆုံဆွေးနွေးခဲ့ပါသည်။

      တွေ့ဆုံဆွေးနွေးရာတွင် ကလေးဝမြို့နယ်တာဝန်ခံက ရေသန့်လုပ်ငန်းရှင် ဦးမင်းမင်းထွန်းအား သောက်ရေသန့်များထုတ်လုပ်ဖြန့်ဖြူးရောင်းချရာတွင် အရည်အသွေးပြည့်မီ၍ စားသုံးသူများ ဘေးအန္တရာယ်ကင်းရှင်းစွာသုံးစွဲနိုင်ရေး၊ ရေသန့်ဘူးများကို သန့်ရှင်းသပ်ရပ်စွာထည့်သွင်းအသုံးပြုရန်နှင့် ရေသန့်ဘူးများပေါ်တွင် ကုန်အညွန်းအမှတ်တံဆိပ်များကို ပြည့်စုံစွာဖော်ပြပေးရန်၊ ကုန်အညွှန်းအမှတ်အသားနှင့်ပတ်သက်၍ တိကျမှန်ကန်စွာထည့်သွင်းဖော်ပြရမည့်အချက်များ၊ စီးပွားရေးလုပ်ငန်းရှင်များက လိုက်နာရမည့်အချက်များအကြောင်းကိုး အသိပညာပေးဆွေးနွေးခဲ့ပါသည်။

DOCA(စစ်ကိုင်း)