သတင်းနှင့် လှုပ်ရှားမှုများ

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှု၊ ပခုက္ကူခရိုင်ဦးစီးမှူး၏ အနီးကပ်ကြီးကြပ်မှုဖြင့် ဆိပ်ဖြူမြို့နယ်တာဝန်ခံ ဦးဇော်နေလင်းနှင့်ဝန်ထမ်းသည် မိတ်ဖက်ဌာနများဖြစ်သော မြို့နယ်အထွေထွေအုပ်ချုပ် ရေးဦးစီးဌာန၊ ပညာရေးဦးစီးဌာန၊  မြို့နယ်ဥပဒေရုံး၊ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီး ဌာန၊ မြန်မာနိုင်ငံရဲတပ်ဖွဲ့တို့နှင့်ပူးပေါင်း၍ (၉.၇.၂၀၂၄)ရက်နေ့၊ နံနက်(၀၉း၀၀)နာရီအချိန်တွင် ဆိပ်ဖြူ မြို့၊ အခြေခံပညာအထက်တန်းကျောင်း၊ နဝရတ်ခန်းမ၌  ကျောင်းသား၊ ကျောင်းသူ(၁၅၂)ဦးတို့ အား စားသုံးသူကာကွယ်ရေးဆိုင်ရာ အသိပညာပေးဟောပြောပွဲကျင်းပ ပြုလုပ်ခဲ့ကြောင်းသိရှိရပါသည်။

    အဆိုပါဟောပြောပွဲတွင် မြို့နယ်စီမံအုပ်ချုပ်ရေးမှူး ဦးစည်သူနေမျိုးနှင့် မြို့နယ်ပညာရေးမှူး ဦးမြင့်ဦးတို့က အဖွင့်အမှာစကားပြောကြားခဲ့ပြီး မြို့နယ်တာဝန်ခံဦးဇော်နေလင်းက အသိပညာပေးဆွေးနွေးရာတွင် ဌာန၏သမိုင်းကြောင်း၊ မျှော်မှန်းချက်၊ ရည်မှန်းချက်များ၊ ဌာနပေါ်ပေါက်လာပုံ၊ ဌာနမှ ယခုလက်ရှိ ဆောင်ရွက်နေသည့် လုပ်ငန်းစဉ်များနှင့် စားသုံးသူ ကာကွယ်ရေးဥပဒေပါ အကြောင်းအရာ များ၊ ဥပဒေပါရည်ရွယ်ချက်များ၊ စားသုံးသူအခွင့်ရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန် များ၊ ပြစ်မှုပြစ်ဒဏ် များ၊ စီမံခန့်ခွဲရေးနည်းလမ်းအရ အရေးယူနိုင်သည့် အကြောင်းအရာများအား စားသုံး သူများအနေဖြင့် ကုန်စည်နှင့်ဝန်ဆောင်မှုများကို ဝယ်ယူအသုံးပြုရာတွင် နစ်နာဆုံးရှုံးမှုများ ရှိခဲ့လျှင် စားသုံးသူသတင်း ပြန်ကြားရေးနှင့် လက်ခံဆောင်ရွက်ရေးစင်တာ (CICC)ရုံးများ ဖွင့်လှစ်ထား ရှိကြောင်း၊ နစ်နာမှုများရှိခဲ့လျှင် တိုင်ကြားနိုင်ကြောင်း၊ Facebook စာမျက်နှာ DOCA Myanmar Mobile Application နှင့် Consumer Call Center (1535)တွင်လည်း တိုင်ကြားနိုင်ကြောင်း၊ တိုင်ကြားမှုများ ကိုလည်း စေ့စပ်ညှိနှိုင်းဖြေရှင်းဆောင်ရွက် ပေးလျက်ရှိကြောင်းနှင့် တိုင်ကြားနိုင်သူများအကြောင်း တို့ကိုလည်း  အသေးစိတ်ရှင်းလင်းဆွေးနွေးခဲ့ကြောင်းသိရှိရပါသည်။

    ဆက်လက်ပြီး ဒုတိယရဲမှူး ဦးခင်မောင်ဇော်က ယာဉ်စည်းကမ်း၊ လမ်းစည်းကမ်းများအကြောင်း၊ မြို့နယ်ဥပဒေအရာရှိ ဒေါ်ထူးမြတ်သူဇာက ယာဉ်အန္တရာယ်ကင်းရှင်းရေးဥပဒေအကြောင်း၊ မြို့နယ် ပြန်ဆက်မှ ဦးစီးအရာရှိ ဒေါ်နန္ဒာလှိုင်က မူးယစ်ဆေးဝါးအန္တရာယ် အသိပညာပေးခြင်း အကြောင်းတို့ကို အသေးစိတ် ရှင်းလင်းဆွေးနွေးခဲ့ကြောင်း သိရှိရပါသည်။

DOCA(မွန်)

    တနင်္သာရီတိုင်းဒေသကြီး၊ မြိတ်မြို့တွင် ခရိုင်စီမံအုပ်ချုပ်ရေးအဖွဲ့၏ ဦးဆောင်မှုဖြင့် စားသုံးသူရေးရာဦးစီးဌာနနှင့်အတူ ဌာနဆိုင်ရာများပူးပေါင်း၍ ၂၀၂၄ခုနှစ်၊ ဇူလိုင်လ(၁၁)ရက်နေ့၊ နံနက်(၀၇း၀၀) နာရီအချိန်တွင် မြိတ်မြို့၊ ရှားတောဝရပ်၊ နဂါးရစ်တောင်ကျောင်းလမ်းတွင် ပြည်သူများအား စျေးနှုန်းသက်သာစွာဖြင့် ဝယ်ယူနိုင်ရေး အခြေခံစားသောက်ကုန်များအား ရောင်းချခဲ့ကြပါသည်။ အဆိုပါ အခြေခံစားသောက်ကုန်များ ရောင်းချရာတွင် ဆန်၊ ဆီ၊ ဆား၊ ငရုတ်၊ကြက်ဥ၊ ကြက်သွန်၊ ချဉ်ပေါင်၊ အာလူးများပါဝင်ပြီး စျေးနှုန်းသက်သာစွာဖြင့် ရောင်းချခဲ့ကြောင်း သတင်းရရှိပါသည်။

DOCA(တနင်္သာရီ)

          ဧရာဝတီတိုင်းဒေသကြီး၊ ဖျာပုံခရိုင်စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်း တို့သည် ၂၀၂၄ ခုနှစ်၊ ဇူလိုင်လ ( ၅ ) ရက်နေ့၊ နံနက်(၁၀:၀၀)နာရီအချိန်တွင်ဖျာပုံမြို့ အ.လ.က ( ၂ ) ကျောင်း၌ ဆရာ/ဆရာမ  ( ၄ ) ဦးနှင့် ကျောင်းသား/သူ ( ၂၂၇ ) ဦးတို့အား မြို့နယ်တာဝန်ခံ ဦးမင်းဇော်က စားသုံးသူကာကွယ်ရေး အသိပညာပေးဟောပြောခြင်းကိုဆောင်ရွက်ခဲ့ပါသည်။

          အဆိုပါဟောပြောပွဲတွင် မြို့နယ်တာဝန်ခံက စားသုံးသူကာကွယ်ရေး၏ အဓိပ္ပာယ်ဖွင့်ဆို ချက်နှင့်  အစားအသောက်များ ဝယ်ယူရာတွင် ကုန်အညွန်းအမှတ်အသားများကို  သေချာစွာစိစစ် ပြီးဝယ်ယူကြရန် ၊ စားသုံးသူကာကွယ်ရေးဥပဒေ ပုဒ်မ (၄၃) ပါ ကုန်အညွန်းအမှတ်အသားများအား အကျယ်တဝင့်  ရှင်းလင်းဟောပြောကာ စားသုံးသူအနေဖြင့်  နစ်နာဆုံးရှုံးမှုရှိခဲ့လျှင် တိုင်ကြားမှု လက်ခံဆောင်ရွက်ရေးစင်တာ (CICC)များ ဖွင့်လှစ်ထားရှိပြီး call center  (1535) သို့ ခေါ်ဆို တိုင်ကြားနိုင်ကြောင်း ဟောပြောခဲ့ပြီး ဆက်လက်၍ ကျောင်းစာကြည့်တိုက်တွင် ထားရှိလေ့လာ နိုင်ရန်  “စားသုံးသူကာကွယ်ရေးစာအုပ် နှင့် လက်ကမ်းစာစောင်” များကို ကျောင်းအုပ်ဆရာမကြီး အား ပေးအပ်ခဲ့ကြောင်း သိရှိရသည်။

DOCA(ဧရာဝတီ)

    စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသ ကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ အနီးကပ်ကြီးကြပ်မှုဖြင့်  ဦးစီးမှူး ဦးမြတ်မင်း၊ ဒုတိယဦးစီးမှူး ဒေါ်မြင့်မြင့်သန်းနှင့် ဒေါ်လှိုင်ဥမ္မာဦးတို့သည်  (၉.၇.၂၀၂၄)ရက်နေ့၊ နံနက် (၀၉း၀၀)နာရီအချိန်တွင် ပခုက္ကူမြို့၊ အမှတ်(၄) အခြေခံပညာမူလတန်းလွန်ကျောင်း၌ ကျောင်းသား၊ ကျောင်းသူ (၁၅၆)ဦး၊ ဆရာ၊ ဆရာမ(၁၀)ဦး၊ စုစုပေါင်း(၁၆၆)ဦးတို့အား စားသုံးသူကာကွယ်ရေးဆိုင်ရာ အသိပညာပေးဟောပြောပွဲ ကျင်းပပြုလုပ်ခဲ့ကြောင်းသိရှိရပါသည်။

    အဆိုပါဟောပြောပွဲတွင် ကျောင်းအုပ်ဆရာမကြီးက ကြိုဆိုနှုတ်ခွန်းဆက်အဖွင့်အမှာစကား ပြောကြားခဲ့ပြီး ဦးစီးမှူး ဦးမြတ်မင်းက အသိပညာပေးဆွေးနွေးရာတွင် ဌာန၏သမိုင်းကြောင်း၊ မျှော်မှန်းချက်၊ ရည်မှန်းချက်များ၊ ဌာနမှယခုလက်ရှိဆောင်ရွက်နေသည့် လုပ်ငန်းများနှင့် စားသုံးသူကာကွယ်ရေး ဥပဒေပါ အကြောင်းအရာများ၊ ဥပဒေပါရည်ရွယ်ချက်များ၊ စားသုံးသူအခွင့်ရေးနှင့်တာဝန်များ၊  စီးပွားရေးလုပ်ငန်းရှင်၏တာဝန်များ၊ ပြစ်မှုပြစ်ဒဏ်များ၊ စီမံခန့်ခွဲရေးနည်းလမ်းအရ အရေးယူနိုင်သည့် အကြောင်းအရာများအား အသေးစိတ်ရှင်းလင်း ဆွေးနွေးခဲ့ကြောင်းသိရှိရပါသည်။

     ဆက်လက်ပြီး ဒုတိယဦးစီးမှူး ဒေါ်မြင့်မြင့်သန်းက စားသုံးသူ ကုန်စည်၊ ဝန်ဆောင်မှု၊ စီးပွားရေးလုပ်ငန်းရှင်တို့၏ အဓိပ္ပါယ်ဖွင့်ဆိုချက်ကို ရှင်းလင်းဆွေးနွေးပြီး၊ စားသုံးသူကာကွယ်ရေး ဥပဒေပါ အခန်း (၁၈)ပုဒ်မ(၄၁၊ ၄၂)ပါ ကုန်အညွှန်းအမှတ်အသားနှင့်စပ်လျဉ်းသည့် အကြောင်းအရာများ စားသုံးသူ ပြည်သူများ ကုန်စည်များကို ဝယ်ယူသုံးစွဲရာတွင် ကုန်အညွှန်းအမှတ်အသားပြည့်စုံသည့် ကုန်စည် များကို ဝယ်ယူစားသုံးသင့်သည့်အချက်များနှင့် ကုန်စည်တွင် မြန်မာဘာသာဖြင့်ဖြစ်စေ၊ မြန်မာဘာသာ နှင့်အခြားဘာသာတစ်ခုနှင့် သို့မဟုတ် တစ်ခုထက်ပို၍ တွဲလျက်ဖြစ်စေ၊ ရေးသားဖော်ပြထားသော ကုန်စည်ကိုသာ ရွေးချယ်ဝယ်ယူသုံးစွဲရန်နှင့် စားသုံးသူများ ဝယ်ယူသုံးစွဲရာတွင် အမှန်တကယ်နစ်နာဆုံးရှုံးမှုများဖြစ်ပေါ်ပါက ပြန်လည်ကုစားခွင့်များရရှိရန် စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ(CICC)ရုံး ဖွင့်လှစ်ထားရှိကြောင်း၊ အငြင်းပွားမှုများဖြစ်ပေါ်လာပါက စားသုံးသူနှင့်စီးပွားရေးလုပ်ငန်းရှင်အကြား စေ့စပ်ညှိနှိုင်းဖြေရှင်း ဆောင်ရွက်ပေးလျက်ရှိကြောင်း အသေးစိတ်ရှင်းလင်းဆွေးနွေးခဲ့ပါသည်။

     ဒုတိယဦးစီးမှူး ဒေါ်လှိုင်ဥမ္မာဦးကဆွေးနွေးရာတွင် ကုန်စည်များဝယ်ယူသုံးစွဲရာ၌ သတိပြုရမည့်အချက်များ စားသုံးသူများ ထိခိုက်နစ်နာဆုံးရှုံးမှုနှင့်စပ်လျဉ်း၍ တိုင်ကြားမည့်သူများ တိုင်ကြားနိုင်ရန်နှင့် စားသုံးသူကိစ္စများ တိုင်ကြားမေးမြန်းဆွေးနွေးရန်အတွက် မည်သူမဆို၊ မည့်သည့်ဖုန်းနံပါတ်နှင့်မဆို ခေါ်ဆို၍ ဆွေးနွေးဆောင်ရွက်နိုင်ကြောင်း၊ အကျယ်တစ်ဝင့်ဆွေးနွေးခဲ့ပြီး ကျောင်းသား၊ ကျောင်းသူ များအား ရှင်းလင်းဆွေးနွေးခဲ့သည့် အကြောင်းအရာများထဲမှ အမေးအဖြေများပြုလုပ်၍ ပြန်လည်ဖြေဆိုနိုင်သည့် ကျောင်းသား၊ ကျောင်းသူများအား ဆုချီးမြှင့်ပေးခဲ့ပြီး ဆရာ၊ ဆရာမနှင့်ကျောင်းသား၊ ကျောင်းသူများအား  စားသုံးသူကာကွယ်ရေး အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မွန်)

     မကွေးတိုင်းဒေသကြီး၊ မကွေးခရိုင်၊ မကွေးမြို့၊ ဆားရွှေကင်းရပ်ကွက်ရှိ အခြေခံပညာအလယ် တန်းကျောင်း(ခွဲ)(ကင်း)၌ (၁၀.၇.၂၀၂၄)ရက်နေ့၊ နံနက်(၀၉:၃၀)မှ(၁၁:၄၅)နာရီအချိန်အထိ ဟိုတယ်နှင့် ခရီးသွားလာရေးဝန်ကြီးဌာန၊ ပတ်ဝန်းကျင်ထိန်းသိမ်းရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်းပြီး အသိပညာပေးဆွေးနွေးပွဲဆောင်ရွက်ခဲ့ကြောင်း သိရှိရပါသည်။

     ဟိုတယ်နှင့်ခရီးသွားလာရေးဝန်ကြီးဌာနနှင့် ပတ်ဝန်းကျင်ထိန်းသိမ်းရေးဦးစီးဌာနတို့မှ အမှိုက်များစနစ်တကျစွန့်ပစ်တတ်ကျစေရေးသရုပ်ပြရှင်းလင်းဆွေးနွေးခဲ့ပြီး စားသုံးသူရေးရာဦးစီးဌာန၊ မကွေး မြို့နယ်တာဝန်ခံ ဦးမျိုးဝင်းမှ စားသုံးသူကာကွယ်ရေးဥပဒေ ၂၀၁၉ပါ အခြေခံကျောင်းသား၊ ကျောင်းသူများသိသင့်သော စားသုံးသူ၊ စီးပွား‌ရေးလုပ်ငန်းရှင်၊ စားသုံးသူကာကွယ်ရေး၏ အဓိပ္ပါယ်ဖွင့်ဆိုချက်များ၊ စားသုံးသူများရသင့်သည့် အခွင့်အ‌ရေး(၈)ချက်၊ လိုက်နာရမည့် တာဝန်(၄)ချက်နှင့် ကုန်စည်နှင့်အစားအစာများဝယ်ယူသုံးစွဲရာတွင် သတိပြုရမည့် ကုန်အညွှန်းအမှတ်အသားဆိုင်ရာ သတ်မှတ်ချက်များ၊ ဆီစားသုံးမှုများပြားပါက ကျန်းမာရေးကို ထိခိုက်နိုင်ကြောင်းနှင့် စားအုန်းဆီ၏ ဘေးထွက်ဆိုးကျိုးများအား ရှင်းလင်းဆွေးနွေးခဲ့ပါသည်။ အသိပညာပေးဆွေးနွေးပွဲသို့ အခြေခံပညာ အလယ်တန်းကျောင်း(ခွဲ) (ကင်း)မှ ကျောင်းအုပ်ဆရာကြီးနှင့် ဆရာ၊ ဆရာမ (၁၀)ဦး၊ ကျောင်းသား၊ ကျောင်းသူ (၁၅၀)ဦးတို့ တက်ရောက်ခဲ့ကြောင်းနှင့် ဌာနအလိုက် အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်းသိရှိရပါသည်။

      ဆက်လက်၍ ကျောင်းမုန့်စျေးတန်းရှိ ကျောင်းမုန့်စျေးသည် (၅)ဦးမှ ရောင်းချနေသော အစားအစာများ၌ အစားအသောက်နှင့်ဆေးဝါးကွပ်ကဲရေးဦးစီးဌာနမှ စားသုံးရန်မသင့် တားမြစ်ထားသောကုန်စည်များ ရောင်းချမှုရှိ/ မရှိ၊ သက်တမ်းလွန် မှိုတက်နေသောကုန်စည်များ၊ ကုန်အညွှန်းအမှတ်အသားဆိုင်ရာသတ်မှတ်ချက်များပြည့်စုံမှန်ကန်စွာ ဖော်ပြမထားသောကုန်စည်များရောင်းချမှုရှိ/ မရှိတို့အား စျေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

DOCA(မကွေး)