သတင်းနှင့် လှုပ်ရှားမှုများ

     ကျန်းမာရေးဝန်ကြီးဌာနနှင့်  စားသုံးသူရေးရာဦးစီးဌာနတို့သည် အရည်အသွေးစစ်မှန်ကောင်းမွန်ပြီး ဘေးဥပဒ် အန္တရာယ်ကင်းရှင်းကာ အကျိုးအာနိသင်ရှိသော ကျန်းမာရေးသုံးဆေးအမျိုးမျိုးနှင့် တိုင်းရင်းဆေးဝါး များကို အများပြည်သူတို့ သုံးစွဲနိုင်ရန် စဉ်ဆက်မပြတ် စနစ်တကျစစ်ဆေးလျက်ရှိပါသည်။

     ၂၂-၈-၂၀၂၅ ရက်နေ့ နံနက် ၁၀နာရီအချိန်က မအူပင်ခရိုင်စားသုံးသူရေးရာဦးစီးဌာန၊ မြို့နယ် ကျန်းမာရေးဦးစီးဌာနတို့သည် မြို့နယ် စည်ပင်သာယာရေးအဖွဲ့၊ မြို့နယ်တိုင်းရင်းဆေးပညာဦးစီးဌာနတို့နှင့်အတူ ပန်းတနော်မြို့နယ်အတွင်း ဆေးဆိုင်(၈)ဆိုင်တွင် ရောင်းချနေသော ဆေးအမျိုးမျိုးနှင့် တိုင်းရင်းဆေးများကို စစ်ဆေးခဲ့ရာ ဆေးရောင်းချခွင့် လိုင်စင်သက်တမ်းကို ကြည့်ရှု့စစ်ဆေးခြင်း ဈေးကွက်အတွင်း ၂၀၂၅ခုနှစ် တားမြစ်ဆေးဝါးများ ရောင်းချခြင်း ရှိမရှိကို စစ်ဆေးခြင်း၊ ဈေးများတွင် စားသုံးသူရေးရာဦးစီးဌာန၏ ညွှန်ကြားချက်အမှတ်(၂/၂၀၁၉) ကုန်စည်အုပ်စု(င) ကုန်အညွန်းအမှတ်အသား ပါဝင်မှုအား စစ်ဆေးခြင်း၊ သက်တမ်းလွန်ကုန်စည်များရောင်းချမှု ရှိမရှိစစ်ဆေးခြင်း မှတ်ပုံတင်ပါရှိသော်လည်း မှတ်ပုံတင်စဉ် ဖော်ပြထားသည့် ဖော်စပ်နည်းနှင့်အညီ ထုတ်လုပ်ခြင်း စံမညီဆေးဝါးများ၊  တိုင်းရင်းဆေးများ သတ်မှတ်ချက် နှင့်အညီ ထုတ်လုပ်ကုန်စည်များ ဟုတ်/မဟုတ်ကို စစ်ဆေးခြင်း၊ ဈေးကွက်အတွင်း ဆေးများပြတ်လပ်မှု ရှိမရှိနှင့် ဈေးနှုန်းမှန်ကန်တည်ငြိမ်စေရေးကိုလစဉ် စစ်ဆေးဆောင်ရွက်ခြင်းဖြစ်ကြောင်း ပန်းတနော်မြို့နယ်အတွင်း သတ်မှတ်ချက်များအတိုင်း ရောင်းချနေကြောင်း စစ်ဆေးရေးအဖွဲ့ထံမှ သိရပါသည်။

DOCA(ဧရာဝတီ)

     မအူပင်မြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ ပူးပေါင်း၍ စားသုံးသူအသိပညာပေး Talk Show ကို (၂၀-၈-၂၀၂၅) နေ့ နံနက် ၉ နာရီက ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လုထုအခြေပြုဗဟိုဌာန၊ (Community Centre) ခန်းမ၌ ပြုလုပ်ခဲ့သည်။

     ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိက ဆွေးနွေးပွဲ Talk Show ကျင်းပရခြင်း၏ ရည်ရွယ်ချက်များကို ရှင်းလင်းဆွေးနွေးပြီး မအူပင်မြို့နယ် စားသုံးသူရေးရာဦးစီးဌာနမှ ဦးစီးအရာရှိ ဦးအောင်ဇော်ဦးက စားသုံးသူ ရေးရာ အကာကွယ်ပေးရေးနှင့် စားသုံးသူ များ၏ အခွင့်အရေးဆိုင်ရာများကို ရှင်းလင်း ဆွေးနွေးရာတွင် စားသုံးသူများအနေဖြင့် ကုန်စည်စီးနှင့် ဝန်ဆောင်မှုများနှင့် ပတ်သက်၍ ဝယ်ယူစားသုံးရာတွင် နစ်နာဆုံးရှုံးမှု မဖြစ်ပေါ်စေရေးအတွက် စားသုံးသူတွေရပိုင်ခွင့်နှင့် အခွင့်အရေးများကို အပြည့်အဝရရှိစေရေးကို တိုင်ကြားမှု လက်ခံဆောင်ရွက်ရေး (Consumer-Call Center) ကို ဖွင့်လှစ်ထား လျက်ရှိပြီး တိုင်ကြားလာပါက စားသုံးသူ ကာကွယ်ရေးဥပဒေနှင့် အညီ လက်ခံကာ စိစစ်ဆောင်ရွက်ပေးလျက်ရှိကြောင်း၊ လုပ်ငန်းရှင်များ အနေဖြင့်လည်း မိမိတို့ရဲ့ကုန်စည်ကို တင်သွင်းထုတ်လုပ်  ဖြန့်ဖြူးရောင်းချပါက စားသုံးသူကာကွယ်ရေး ဥပဒေမှာ ပြဋ္ဌာန်းထားတဲ့ကုန် အမှတ်အညွှန်းနှင့် ကိုက်ညီစေဖို့လိုကြောင်း ဆွေးနွေးပြောကြားခဲ့သည်။

DOCA(ဧရာဝတီ)

     သမဝါယမနှင့် ကျေးလက်ဖွံ့ဖြိုးရေးဦးစီးဌာနမှ ဖွင့်လှစ်သော စွမ်းဆောင်ရည်မြှင့်တင်ရေး သင်တန်းတွင် မအူပင်ခရိုင်၊ စားသုံးသူရေးရာဦးစီးဌာနမှ ဒေါ်ခိုင်ခိုင်လင်း ဒု-ဦးစီးမှူးက စားသုံးသူကာကွယ်ရေးသိကောင်း စရာအကြောင်းကို ၂၀၂၅ခုနှစ် ဩဂုတ်လ ၂၀ ရက်နေ့က ဌာနဆိုင်ရာ(၁၈)ဦးအား အသိပညာပေး ဟောပြောခဲ့ကြောင်း သိရသည်။

    ဟောပြောရာတွင် မအူပင်ခရိုင်စားသုံးသူရေးရာဦးစီးဌာနမှ ၊ စားသုံးသူကာကွယ်ရေး ဥပဒေအကြောင်း ကို ဘာသာရပ်တစ်ခုအနေဖြင့် သင်ကြားဖို့ချခဲ့ပြီး စားသုံးသူရေးရာဦးစီးဌာန ဖြစ်ပေါ်လာပုံ၊ စားသုံးသူ ကာကွယ်ရေး ဥပဒေ ပြဌာန်ချက်နှင့်၊ ပြင်ဆင်ရေးဆွဲအတည်ပြုပြဌာန်း ခဲ့ပုံအဆင့်ဆင့်ကိုလည်းကောင်း၊ ဦးစီးဌာန ၏ ဥပဒေဖြင့် ကုန်စည်၊ ဝန်ဆောင်မှုများကို အမိန့်၊ ညွှန်ကြားချက် ထုတ်ပြန် မှုများ၊ ဈေးကွက်စောင့်ကြည့် စစ်ဆေးရာတွင် စစ်ဆေးရေးအရာရှိ ခန့်အပ်ခြင်း တာဝန်များအကြောင်းကိုလည်းကောင်း၊ စားသုံးသူအခွင့် အရေးထိခိုက်နစ်နာပါက  တိုင်ကြားနိုင်သည့် နည်းလမ်း ၇မျိုးအကြောင်း ကိုလည်းကောင်း၊ ကုန်အညွှန်းအမှတ်အသားအကြောင်း၊ အရေးကြီးကုန်စည် ဝန်ဆောင်မှု ဥပဒေများအကြောင်း၊ အွန်လိုင်းမှတ်ပုံ တင်လုပ်ငန်း ဆောင်ရွက်ခြင်းအကြောင်း၊  ဥပဒေ၏ တားမြစ်ချက်၊ ပြစ်မှု ပြစ်ဒဏ်များအကြောင်းကို အကျယ်တဝင့် ရှင်းလင်းအသိပညာပေးခဲ့ကြောင်း သိရပါသည်။

DOCA(ဧရာဝတီ)

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် မြောင်းမြမြို့နယ် တာဝန်ခံ ဦးလှထွဠ်ဦး သည် (၂၂.၈.၂၀၂၅)ရက်နေ့ နံနက်(၁၀:၀၀)အချိန်တွင် ပြန်ကြားရေးနှင့်ပြည်သူ့ဆက်ဆံရေး ဦးစီးဌာနတို့နှင့် ပူးပေါင်း၍ စားသုံးသူပြည်သူများအား မြောင်းမြမြို့နယ်၊ ပြန်ကြားရေးနှင့်ပြည်သူ့ဆက်ဆံရေး ဦးစီးဌာန၊ လူထုအခြေပြု Community Centre ခန်းမတွင် စားသုံးသူအသိပညာပေး Talk Show ပြုလုပ်ခဲ့ပါသည်။

    ထိုသို့ဟောပြောဆွေးနွေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးမှူးမှ စားသုံးသူအသိပညာပေး Talk Show ပြုလုပ်ရခြင်း၏ရည်ရွယ်ချက်အားရှင်းလင်းပြောကြားပြီး စားသုံးသူရေးရာ ဦးစီးမှုးရုံးမြို့နယ်တာဝန်ခံမှဌာန၏ မျှော်မှန်းချက်၊ ရည်မှန်းချက်များရှေ့ဆက်လုပ်ဆောင်ရမည့် လုပ်ငန်းတာဝန်များ အားဦးစွာရှင်းလင်းပြောကြားခဲ့ပါသည်။ ပြီးနောက် Online Shopping မှတ်ပုံတင် လျှောက်ထားရန်အတွက် ကုမ္ပဏီဖြစ်ပါကကုမ္ပဏီမှတ်ပုံတင်လက်မှတ် SMES မှတ်ပုံတင်လက်မှတ်များ တင်ပြရန်လိုအပ်ပြီး တစ်ဦးချင်း ဖြစ်ပါကတင်ပြရန်မလိုအပ်ပါကြောင်း ရောင်းချမည့်ဆိုင်လိပ်စာမှန်ကန် ကြောင်းရပ်ကွက်ထောက်ခံစာနှင့် ရဲစခန်းထောက်ခံစာ၊ လိုင်စင် ဓာတ်ပုံ၊ Online Sale Owner ၏မှတ်ပုံတင်၊ နေထိုင်ကြောင်းလိပ်စာမှန်ကန်ကြောင်း၊ ရပ်ကွက်ထောက်ခံစာ၊ ရဲစခန်းထောက်ခံစာ၊ Online Sale Logo များပြင်ဆင်ထားရန်လိုအပ်ကြောင်း Online Sale လျှောက်ထားရာတွင် email သို့မဟုတ် Mobile Phone Number ဖြင့် Sing Up (Register) ပြုလုပ်၍ဆောင်ရွက်ရမည်ဖြစ်ကြောင်း အွန်လိုင်းစနစ်ဖြင့် မှတ်ပုံတင် နိုင်ကြောင်း နှင့် www.eComreg.gov.mm မှတစ်ဆင့် မှတ်ပုံတင်လျှောက်ထားနိုင်ကြောင်း Online Shopping မှတ်ပုံတင်လျှောက်ထားမှုမရှိပဲ Online မှရောင်းဝယ်ခြင်းများစစ်ဆေးတွေ့ရှိပါကအရေးကြီး ကုန်စည်နှင့်ဝန်ဆောင်မှုဥပဒေ ပုဒ်မ(၅)အရ အရေးယူခံရမည့် အကြောင်းအရာများအား သိပညာပေး ဟောပြော  ဆောင်ရွက်ခဲ့ကြောင်း သိရှိရပါသည်။

(DOCA ဧရာဝတီ)

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန လပွတ္တာခရိုင် လပွတ္တာမြို့နယ်တာဝန်ခံ ဦးမြင့်ဌေး သည် (၂၂.၈.၂၀၂၅) ရက်နေ့၊ နံနက် (၁၁:၀၀)နာရီအချိန်တွင် လပွတ္တာမြို့နယ် အမှတ်(၂)ရပ်ကွက် နိဗ္ဗာန်လမ်းရှိ မိသားစု မုန့်မျိုးစုံလုပ်ငန်းအား ကုန်အညွှန်းအမှတ်အသားပြည့်စုံမှု ရှိ/မရှိ ကွင်းဆင်းစစ်ဆေးခဲ့ပါသည်။

      ထို့သို့ကွင်းဆင်းစစ်ဆေးရာတွင်လပွတ္တာမြို့နယ်တာဝန်ခံမှ အမှတ်(၂)ရပ်ကွက်နိဗ္ဗာန်လမ်းရှိ မိသားစု မုန့်မျိုးစုံ လုပ်ငန်းတွင် MSMEs လုပ်ငန်းဖွံ့ဖြိုးတိုးတက်စေရေးအတွက် ထုတ်လုပ်လျက်ရှိသော ကုန်ပစ္စည်းများ၏ ထုတ်လုပ်မှုနှင့် ကုန်ကြမ်းရရှိမှု ဈေးနှုန်းဈေးကွက်အခြေအနေများ၊ သန့်ရှင်းမှုရှိစေရေး၊ အစရှိသည်များအား မေးမြန်းဆွေးနွေးခဲ့ပြီး ထုတ်ကုန်များတွင် ကုန်အညွှန်းအမှတ်အသား ပြည့်စုံ စွာဖော်ပြထားနိုင်ခြင်းအတွက် ၂၀၁၉ စားသုံးသူကာကွယ်ရေး ဥပဒေအခန်း(၁၈)ပါ ကုန်အညွှန်းအမှတ်အသား ဖော်ပြခြင်းဆိုင်ရာ ပုဒ်မ(၄၁)ပါ ပုဒ်မခွဲ(၈) ချက်အား ရှင်းလင်း ဆွေးနွေးခဲ့ပါသည်။ အသေးစား၊ အလတ်စား၊ အငယ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးနှင့် ပတ်သက်သောလုပ်ငန်းရှင် ပြည်သူများသိသင့် သိထိုက်သည့် အကြောင်းအရာများကိုလည်း ရှင်းလင်းပြောကြားခဲ့ကြောင်း သိရှိရပါသည်။

(DOCA ဧရာဝတီ)