ပြည်တွင်းကုန်သွယ်မှုသတင်း

ရှမ်းပြည်နယ်(တောင်ပိုင်း)မှ ထွက်ရှိသော ဟင်းသီးဟင်းရွက်၏ (၇၀)ရာခိုင်နှုန်းကို မြန်မာ တစ်နိုင်ငံလုံးတွင် ဖြန့်ဖြူးရောင်းချလျက်ရှိရာ အောက်တိုဘာလအတွင်းတွင် ရန်ကုန်၊ မန္တလေး၊ မော်လမြိုင်၊ နေပြည်တော်၊ ပြည် ၊ သာစည်၊ ပဲခူး၊ မုံရွာ၊ စစ်တွေ ၊ တပ်ကုန်း မြို့များသို့ ပြောင်း တစ်ပိဿာလျှင် အမြင့်ဆုံးလက်ကားဈေး (၆၅၀)ကျပ် (၁၃၇၁)တန်၊ ကြက်သွန်ဖြူ တစ်ပိဿာလျှင် (၂၈၀၀)ကျပ်ဖြင့် (၁၁၃၇)တန်၊ အာလူး တစ်ပိဿာလျှင် အမြင့်ဆုံးဈေး(၂၈၀၀)ကျပ်ဖြင့် (၂၅၆၀)တန်၊ ဂေါ်ဖီထုပ် တစ်ပိဿာလျှင် အမြင့်ဆုံးဈေး(၃၃၀)ကျပ်(၂၄၉၄)တန်၊ ပန်းမုံလာ တစ်ပိဿာလျှင် အမြင့်ဆုံးဈေး(၄၅၀)ကျပ်ဖြင့် (၈၄၅)တန်၊ ချင်း တစ်ပိဿာလျှင် အမြင့်ဆုံးဈေး(၅၅၀)ကျပ်ဖြင့် (၆၄၀)တန်၊ နနွင်း တစ်ပိဿာလျှင် အမြင့်ဆုံးဈေး(၂၅၀၀)ကျပ်ဖြင့် (၂၄၃)တန်၊ ချင်းခြောက် တစ်ပိဿာလျှင် အမြင့်ဆုံးဈေး(၂၂၀၀)ကျပ်ဖြင့် (၂၉၂)တန်၊ ရွှေပဲ တစ်ပိဿာလျှင် အမြင့်ဆုံးဈေး(၄၅၀၀)ကျပ်ဖြင့် (၃၂၇)တန်၊ မုန်ညှင်းဖြူ တစ်ပိဿာလျှင် အမြင့်ဆုံးဈေး(၁၂၀၀)ကျပ်ဖြင့် (၆၄၀)တန်၊ ခရမ်းသီး တစ်ပိဿာလျှင် အမြင့်ဆုံးဈေး(၇၅၀)ကျပ်ဖြင့် (၄၆၇)တန်၊ ခရမ်းချဉ်သီး တစ်ပိဿာလျှင် အမြင့်ဆုံးဈေး(၇၀၀) ကျပ်ဖြင့် (၃၀၂)တန်၊ မုန်လာဥနီ တစ်ပိဿာလျှင် အမြင့်ဆုံးဈေး(၈၀၀)ကျပ်ဖြင့် (၄၅၁)တန် အရောင်းအဝယ်ဖြစ်ခဲ့ပါသည်။
အောက်တိုဘာလအတွင်း ပြောင်းသီးနှံမှာ ပြောင်းသစ်ပေါ်ချိန်ဖြစ်သည့်အတွက် ဈေးကွက်သို့ ဝင်ရောက်မှုများပြီး ဈေးအနည်းငယ်ကျဆင်းခဲ့ပြီး အာလူးသီးနှံမှာ ယခုနှစ်တွင် သွင်းအားစုဈေးနှုန်းများ မြှင့်တက်လာခြင်း၊ စိုက်ပျိုးမှုနည်းပါးလာခြင်းနှင့် ပစ္စည်းပြတ်လပ်သည့် အခြေအနေတို့ကြောင့် ဈေးနှုန်းများဆက်တိုက်မြှင့်တက်ခဲ့ပါသည်။ အခြားသီးနှံများမှာ ပုံမှန်အတိုင်း အရောင်းအဝယ်ဖြစ်ခဲ့ပါသည်။ ကုန်စည်စီးဆင်းမှုအနေနဲ့ကတော့ ကုန်စုံကားကြီး၊ ကားငယ်များဖြင့် နေ့စဉ် ဒေသစုံသို့ စီးဆင်းခဲ့ကြောင်း အောင်ပန်းဈေးကွက်မှ သတင်းရရှိခဲ့ပါသည်။
စားသုံးသူရေးရာဦးစီးဌာန(ရှမ်းပြည်နယ်)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် ကုန်သွယ်မှုဖြင့် တိုင်းပြည်စီးပွားရေးဖွံ့ဖြိုးတိုးတက်အောင်ဆောင်ရွက်လျက်ရှိသည့်အားလျော်စွာ ပို့ကုန်ပမာဏတိုးမြှင့်တင်ပို့နိုင်ရေးနှင့် ပို့ကုန်အမယ်သစ်များ ရှာဖွေတင်ပို့နိုင်ရေးတို့ကို ဆောင်ရွက်လျက်ရှိပါသည်။ နယ်စပ်ကုန်သွယ်ရေးပိုင်းတွင် ရှမ်းပြည်နယ်အနေဖြင့် ရှမ်းပြည်နယ်(မြောက်ပိုင်း) မူဆယ်(၁၀၅)မိုင်နှင့် ရှမ်းပြည်နယ်(အရှေ့ပိုင်း)တာချီလိတ်နယ်စပ်တို့တွင် ကုန်သွယ်မှုများစွာ လုပ်ဆောင်လျက်ရှိရာ ရှမ်းပြည်နယ်(မြောက်ပိုင်း)နယ်စပ် ကုန်သွယ်ရေးစခန်း မူဆယ်(၁၀၅)မိုင်၏ ဇွန်လပထမပတ်အတွင်း ကုန်သွယ်မှုအခြေအနေများမှာ ဖရဲသီး တစ်ပိဿာလျှင် အနိမ့်ဆုံးဈေး ၄၀၅ ကျပ်မှ အမြင့်ဆုံးဈေး ၂၀၂၄၅ ကျပ်ဖြင့် တန်ချိန်ပေါင်း (၆၈၉၄)တန် ကိုလည်းကောင်း၊ သရက်သီး တစ်ပိဿာလျှင် ၄၀၅ ကျပ်မှ ၂၂၂၇ ကျပ်ဖြင့် တန်ချိန်ပေါင်း (၂၆၄၃) တန် ကိုလည်းကောင်း၊ ဆန် တစ်တင်းလျှင် ၁၉၄၀၇ ကျပ်မှ ၁၉၇၄၅ ကျပ်ဖြင့် တန်ချိန်ပေါင်း (၆၉)တန်ကိုလည်းကောင်း၊ ပဲတီစိမ်းတစ်တင်းလျှင် ၃၄၁၀၉ကျပ်မှ ၃၆၇၃၄ကျပ်ဖြင့် တန်ချိန်ပေါင်း (၆၈၄၁.၂) တန် ကိုလည်းကောင်း၊ ဆန်ကွဲတစ်တင်းလျှင် ၁၄၅၁၈ ကျပ်မှ ၁၉၉၁၄ကျပ်ဖြင့် တန်ချိန်ပေါင်း (၄၂၅၆.၅)တန် တင်ပို့နိုင်ခဲ့ပါသည်။   

          မြေပဲဆံတစ်တင်းလျှင် ၃၆၈၃၃ကျပ်မှ ၄၀၅၁၈ကျပ်ဖြင့် (၁၀၃၈.၅)တန်ကိုလည်းကောင်း ပဲယင်းတစ်တင်း လျှင် ၂၃၆၁၇ကျပ်မှ ၂၂၆၂၄၂ကျပ်ဖြင့် (၅၀၈.၅)တန်ကိုလည်းကောင်း၊ ပဲကြီးတစ်တင်းလျှင် ၂၄၈၅၅ကျပ်မှ ၂၆၈၇၉ ကျပ်ဖြင့် (၃၃)တန်ကိုလည်းကောင်း၊ သကြားတစ်ပိဿာ ၁၄၁၇ကျပ်မှ ၁၄၂၉ကျပ်ဖြင့် (၆၈.၅)တန်ကိုလည်းကောင်း၊ မတ်ပဲတစ်တင်းလျှင် ၃၄၁၀၉ကျပ်မှ ၃၆၇၃၄ကျပ်ဖြင့် (၃၂)တန်ကိုလည်းကောင်း၊ ပဲပုပ်စေ့တစ်တင်းလျှင် ၂၁၈၄၃ကျပ်မှ ၂၃၈၂၃ကျပ်ဖြင့် (၁၃၄)တန်ကိုလည်းကောင်း၊ ကြက်သွန်နီ တစ်ပိဿာ ၅၈၈ ကျပ်မှ ၇၀၀ကျပ်ဖြင့် (၂၃၀၉.၄)တန်ကိုလည်းကောင်း၊ နှမ်းတစ်တင်းလျှင် ၄၅၄၄၂ကျပ်မှ ၄၇၂၃၀ကျပ်ဖြင့် (၁၀၈၀.၁)တန်ကိုလည်းကောင်း၊ ပဲနီကြားတစ်တင်းလျှင် ၂၀၉၉၂ကျပ်မှ ၂၆၂၄၂ကျပ်ဖြင့် (၁၇၅)တန်ကို လည်းကောင်း တင်ပို့နိုင်ခဲ့ပါသည်။ ထောပတ်ပဲတစ်တင်းလျှင် ၂၈၈၆၀ကျပ်မှ ၃၄၁၀၉ကျပ်ဖြင့် (၆၇)တန်ကို လည်းကောင်း၊ ပဲလွန်းဖြူတစ်တင်းလျှင် ၂၀၉၉၂ကျပ်မှ ၂၃၆၁၇ကျပ်ဖြင့် (၁၃၇)တန်ကိုလည်းကောင်း၊ ပဲတီစိမ်းခြမ်းတစ်တင်းလျှင် ၄၉၈၅၁ကျပ်မှ ၅၅၁၀၁ကျပ်ဖြင့် အသီးသီးတင်ပို့နိုင်ခဲ့ပြီး ယခုတစ်ပတ်မှာ ကျွဲ၊ နွား၊ ဆိတ်များကိုတော့ တိရစ္ဆာန် ကျန်းမာရေးစခန်း(AQC)တွင် ယာယီထိန်းသိမ်းထားရှိနေတာဖြစ်လို့ အရောင်းအဝယ် မရှိဘဲ မူဆယ်မြို့တွင်းရှိ ဆိတ်ခြံ(၇)ခြံတွင် ဆိတ်လက်ကျန်အနေဖြင့် (၆၃၅၀)ကောင်ရှိနေကြောင်း သတင်းရရှိပါတယ်။

ရှမ်းပြည်နယ်(DOCA)

          မော်လမြိုင်မြို့၏ ဇွန်လပထမအပတ်တွင်ဖြစ်ပေါ်နေသော အခြေခံစားကုန် ဈေးနှုန်းများမှာ ပေါ်ဆန်း (စပါး) တင်း (၁၀၀) လျှင် (၇၆၀၀၀၀) ကျပ်၊ ပေါ်ဆန်း (ဆန်) ၂၄ ပြည်ပါ တစ်အိတ်လျှင် (၃၄၅၀၀) ကျပ်၊ ဧည့်မထ (စပါး) တင်း (၁၀၀) (၆၄၄၀၀၀) ကျပ်၊ ဧည့်မထ (ဆန်) ၂၄ ပြည်ပါ တစ်အိတ် (၂၃၅၀၀) ကျပ်၊ စားအုန်းဆီ တစ်ပိဿာ (၃၈၀၀) ကျပ်၊ မြေပဲဆီ တစ်ပိဿာ (၈၅၀၀) ကျပ်၊ ကြက်သွန်နီ တစ်ပိဿာ (၆၀၀) ကျပ်၊ ကြက်သွန်ဖြူ (ရှမ်း) တစ်ပိဿာ (၃၅၀၀) ကျပ်၊ ကြက်သွန်ဖြူ (ကြူဂုတ်) တစ်ပိဿာ (၃၀၀၀) ကျပ်၊ မန်ကျည်းမှည့် တစ်ပိဿာ (၄၅၀၀) ကျပ်၊ ငရုတ်ခြောက် တစ်ပိဿာ (၆၀၀၀) ကျပ် ၊ ပဲနီလေး (မြန်မာ) တစ်ပိဿာ (၄၀၀၀) ကျပ်၊ ကုလားပဲခြမ်း တစ်ပိဿာ (၂၂၀၀) ကျပ်၊ မြေပဲဆံ တစ်ပိဿာ (၃၃၀၀) ကျပ်၊ မွေးမြူရေးကြက်သားတစ်ပိဿာ (၇၀၀၀) ကျပ်၊ ဝက်သား တစ်ပိဿာ (၁၀၀၀၀) ကျပ်၊ ဆိတ်သားတစ်ပိဿာ (၂၅၀၀၀) ကျပ်၊ အမဲသားတစ်ပိဿာ (၁၂၀၀၀) ကျပ်၊ ငါးကြင်း တစ်ပိဿာ (၈၀၀၀) ကျပ်၊ ငါးမြစ်ချင်း တစ်ပိဿာ (၅၀၀၀) ကျပ်၊ ကြက်ဥ/ဘဲဥ တစ်လုံးလျှင် (၁၅၀/၂၂၀) ကျပ်၊ ရာဘာ RSS 3 တစ်ပေါင်လျှင်(၉၁၀) ကျပ်၊ ရွှေ ၁၆’ (၁၅၅၀၀၀၀) ကျပ်၊ ရွှေ ၁၅’ (၁၄၈၀၀၀၀) ကျပ်၊ ရွှေ ၁၄’ (၁၃၃၅၀၀၀) ကျပ်၊ ဓာတ်ဆီ တစ်ဂါလံ (၅၀၄၀) ကျပ်၊ ဒီဇယ် တစ်ဂါလံ (၄၆၅၇) ကျပ် ဖြစ်ပေါ်လျှက်ရှိကြောင်း သိရှိရသည်။

          ယခုအပတ်ဈေးနှုန်းများမှာ ယခင်အပတ်နှင့်နှိုင်းယှဉ်လျှင် စားအုန်းဆီ​ဈေးနှုန်းနှင့် ဓါတ်ဆီ/ဒီဇယ်ဆီဈေးနှုန်းတို့မှာ အနည်းငယ်ကျဆင်းလာပြီး ဧည့်မထ(ဆန်) ၊ ပေါ်ဆန်း (ဆန်) ဈေးနှုန်းတို့မှာ ဈေးအနည်းငယ် မြင့်တက်လာ ကြောင်း တွေ့ရှိရပါသည်။

မွန်ပြည်နယ်(DOCA)

          ရှမ်းပြည်နယ်(တောင်ပိုင်း)တွင် စိုက်ပျိုးထွက်ရှိသော စိန်တလုံးသရက်သီးများသည် ၂၀၂၁ ခုနှစ် မေလနောက်ဆုံးပတ်မှစ၍ ဈေးကွက်သို့ စတင်ဝင်ရောက်နေပြီဖြစ်ကြောင်း သိရှိရပါသည်။ ဈေးကွက်အနေဖြင့် မန္တလေးတိုင်းဒေသကြီး ပုဂံ-ညောင်ဦး၊ ရန်ကုန်၊ နေပြည်တော်များသို့ တင်ပို့ရောင်းချလျက်ရှိကြောင်း၊ ယခုကာလသည် စတင်ထွက်ရှိချိန်ဖြစ်သောကြောင့် တစ်ရက်လျှင် ပျမ်းမျှ စိန်တလုံးသရက်သီး အလုံး(၅,၀၀၀) မှ (၁၀,၀၀၀)ခန့် တင်ပို့ရောင်းချနေကြောင်း၊ စိန်တလုံးသရက်သီးများကို အရွယ်အစား အလိုက် (၂၅)လုံးမှ (၃၆)လုံး ဝင်ဆန့်သည့် ဂျပ်ဖာများဖြင့် ထုပ်ပိုးကြောင်း၊ ဈေးနှုန်းအနေဖြင့် တစ်ဖာလျှင် (၁၀,၀၀၀)ကျပ်မှ (၁၂,၀၀၀)ကျပ်အထိ ရရှိကြောင်း သိရှိရပါသည်။ ဒေသတွင်းတွင် အသီး အရွယ်အစား အရည်အသွေးပေါ်မူတည်၍ တစ်လုံးလျှင် (၁၅၀)ကျပ်မှ (၄၀၀)ကျပ်အထိ ပေါက်ဈေး ရှိကြောင်းသိရှိရပါသည်။

          ရှမ်း(တောင်)မှ ထွက်ရှိသည့် စိန်တလုံးသရက်သီးများသည် မေလနောက်ဆုံးပတ်တွင် စတင် ထွက်ပေါ်ပြီး ဇွန်လဒုတိယပတ်တွင် လှိုင်လှိုင်ထွက်ပေါ်ကာ ဇွန်လနောက်ဆုံးပတ်တွင် ကုန်ဆုံးကြောင်းနှင့် ယခုလက်ရှိအချိန်တွင် Covid-19 ရောဂါအခြေအနေကြောင့် မူဆယ်ဈေးကွက်နှင့် အခြားပြည်ပ ဈေးကွက်များသို့ တင်ပို့နိုင်ခြင်း မရှိသေးပါကြောင်းသတင်းရရှိပါသည်။

ရှမ်းပြည်နယ်(DOCA)

          ပြည်တွင်းစပါး၊ ဆန်ဈေးနှုန်းအခြေအနေ။         ပြည်တွင်းစပါးဈေးနှုန်းအနေဖြင့် ဧည့်မထအုပ်စုဝင် (၄၆) ပေါင်ကိုက် စပါးတင်း(၁၀၀) ဈေးနှုန်းမှာ မြို့ကြီးများအလိုက် ယခုနှစ် ၂၀၂၁ ခုနှစ်၊ ဇန်နဝါရီလ ၂၈ ရက်နေ့တွင် ဖြစ်ပေါ်နေသည့် ဈေးနှုန်းမှာ ယခင်နှစ်ကာလတူများတွင် ဖြစ်ပေါ်ခဲ့သော ဈေးနှုန်းများထက် မြင့်တက်နေကြောင်း တွေ့ရှိရပါသည်။ ဆန်ဈေးနှုန်းအနေဖြင့် လည်း ဧည့်မထ ၂၅ %ဆန် (၁၀၈)ပေါင်ဝင် ဆန်(၁)အိတ်ဈေးနှုန်းမှာ မြို့ကြီးများအလိုက် ယခုနှစ် ၂၀၂၁ ခုနှစ်၊ ဇန်နဝါရီလ ၂၈ ရက်နေ့တွင် ဖြစ်ပေါ်နေသည့် ဈေးနှုန်းမှာ ယခင်နှစ်ကာလတူများတွင် ဖြစ်ပေါ်ခဲ့ သော ဈေးနှုန်းများထက် မြင့်တက်နေကြောင်း တွေ့ရှိရပါသည်။ ၂၀၁၆ ခုနှစ်နောက်ပိုင်း ဈေးနှုန်းပြန်လည် မြင့်တက်ခဲ့ ခြင်းဖြစ်ကြောင်းစိစစ်တွေ့ရှိရပါသည်။ စပါး၊ ဆန်ဈေးနှုန်းများသည် အများအားဖြင့် မိုးစပါးစတင်ထွက်ပေါ်လေ့ရှိသည့် နိုဝင်ဘာလ ဆန်းမှစတင်၍ ကျဆင်းလေ့ရှိပြီး ဖေဖေါ်ဝါရီလကုန်ပိုင်းနှင့် မတ်လဆန်းများတွင် ဈေးနှုန်းပြန်တက်လေ့ ရှိပါသည်။

          ယခုနှစ် မိုးစပါးသစ်ထွက်ပေါ်သည့်အချိန်တွင် အိမ်နီးချင်း တရုတ်နိုင်ငံ ပြည်နယ်(၄)ခု၌ ရာသီဥတု ဖောက်ပြန် မှုကြောင့် စပါးခင်းများပျက်စီးခဲ့၍ ဆန်လိုအပ်ချက်မြင့်မားနေပြီး နှစ်စဉ်တရုတ်နိုင်ငံသို့ ဆန်တင်သွင်း နေသည့် ဗီယက်နမ်နိုင်ငံကလည်း မုန်တိုင်းကြောင့် စပါးခင်းများပျက်စီးခဲ့၍ ဆန်ထွက်ရှိမှု နည်းပါးသည့်အတွက် တရုတ် နိုင်ငံသို့ တင်ပို့နိုင်ခြင်းမရှိသဖြင့် တရုတ်နိုင်ငံသည် လိုအပ်ချက်အရ မြန်မာနိုင်ငံမှ ဆန်နှင့်ဆန်ကွဲ အမြောက်အများ ဝယ်ယူနေခြင်း၊  ဆန်အပြင် ဆန်ကွဲ ဝယ်လိုအားပါကောင်းခဲ့သဖြင့် ဆန်ထွက်ပစ္စည်းဈေး ပိုမိုရရှိခဲ့ပြီး ကြိတ်ခွဲမှု တွက်ခြေကိုက်နေသည့်အတွက် စပါးရရှိရေး စက်ပိုင်များ ဈေးပေးဝယ်ယူမှုရှိခဲ့ခြင်း၊ မန္တလေးတိုင်းဒေသကြီး၊ မတ္တရာ ဘက်မှ ကုန်သည်များကလည်း နယ်ဆင်း၍ စပါးအတိုင်း ဈေးပေးဝယ်ယူမှုရှိခဲ့ခြင်း၊ ဘင်္ဂလားဒေ့ရှ်၊ မလေးရှား၊  ဖိလစ်ပိုင်နိုင်ငံတို့ကလည်း ဆန်ဝယ်ယူရန်မေးမြန်း စုံစမ်းမှုများရှိနေခြင်း၊ မြန်မာနိုင်ငံတွင်လည်း မိုးစပါးစတင် စိုက်ပျိုးချိန်၌ မိုးရေလုံလောက်စွာ မရရှိခဲ့ခြင်း၊ ရိတ်သိမ်းချိန်တွင် မိုးရွာသွန်းမှုကြောင့် စပါးများပျက်စီးမှုရှိသဖြင့် အထွက်နှုန်းလျော့နည်းနိုင်သည့် အခြေအနေတွင်ရှိနေခြင်း တို့ကြောင့် စပါး၊ ဆန်ဈေးများသည် ယခင်နှစ်များထက် မြင့်တက်နေကြောင်း တွေ့ရှိရပါသည်။ လက်ရှိဖြစ်ပေါ်နေသော စပါး၊ ဆန် ဈေးနှုန်းနှင့် နှစ်အလိုက်ဖြစ်ပေါ်ခဲ့သည့် စပါး၊ ဆန်ဈေးနှုန်းနှိုင်းယှဉ်ချက် အခြေအနေမှာ တစ်ဖက်ပါအတိုင်းဖြစ်ပါသည်-

ပြည်ပသို့ ဆန်၊ ဆန်ကွဲ တင်ပို့နိုင်မှုအခြေအနေ

            ပြည်တွင်းစားသုံးပြီး ပိုလျှံသည့်ဆန်များအား ပြည်ပသို့တင်ပို့ခဲ့ရာ ၂၀၁၆-၂၀၁၇ ဘဏ္ဍာနှစ်တွင် နိုင်ငံပေါင်း ( ၅၈)နိုင်ငံသို့ ဆန်နှင့် ဆန်ထွက်ပစ္စည်း တန်ချိန်(၁.၇၅၀) သန်း၊ တန်ဖိုးအားဖြင့်(၅၅၃.၉၆၁) ဒေါ်လာသန်း၊  ၂၀၁၇-၂၀၁၈ ဘဏ္ဍာနှစ်တွင် နိုင်ငံပေါင်း( ၅၉ )နိုင်ငံသို့ တန်ချိန်(၃.၅၉၀)သန်း၊ တန်ဖိုးအားဖြင့်(၁၁၄၂.၁၅၉)ဒေါ်လာသန်း၊  ၂၀၁၈-၂၀၁၉ ဘဏ္ဍာနှစ်တွင် နိုင်ငံပေါင်း(၆၆  )နိုင်ငံသို့ တန်ချိန် (၂.၃၅၆)သန်း၊ တန်ဖိုးအားဖြင့် (၇၀၉.၆၉၃) ဒေါ်လာသန်း၊ ၂၀၁၉-၂၀၂၀  ဘဏ္ဍာနှစ်တွင်  နိုင်ငံပေါင်း( ၆၇ )နိုင်ငံသို့  တန်ချိန်(၂.၅၈၆)သန်း၊    တန်ဖိုးအားဖြင့်    ( ၇၉၄.၃၈၈)ဒေါ်လာသန်း၊ ယခုဘဏ္ဍာနှစ် ၂၀၂၀-၂၀၂၁တွင် (၁၅.၁.၂၀၂၁) ရက်နေ့ထိ နိုင်ငံပေါင်း ( ၃၃ )နိုင်ငံသို့ (၀.၇၂၈)သန်း၊ တန်ဖိုးအားဖြင့်(၂၇၅.၀၇၈)ဒေါ်လာ သန်း တင်ပို့နိုင်ခဲ့၍ နှစ်စဉ်ပျမ်းမျှ (၁.၅)သန်းမှ (၂.၅)သန်းကြား တင်ပို့နိင်ခဲ့ပြီး ၂၀၁၇-၂၀၁၈ ဘဏ္ဍာနှစ်သည် မြန်မာနိုင်ငံ၏ ဆန်တင်ပို့မှု သမိုင်းတလျှောက် နှစ်ပေါင်း(၇၀) ကာလ အတွင်း  စံချိန်တင် တင်ပို့နိုင်ခဲ့သည့် နှစ်တစ်နှစ်ဖြစ်ပါသည်။ ဧည့်မထဆန်ဖြူ တန်းမြင့်ဆန်များအပြင် ဆန်လုံးညို နှင့် ပေါင်းဆန်၊ ကောက်ညှင်းဆန်များ တစ်နှစ်ထက်နှစ်ပိုမို တင်ပို့နိုင်ခဲ့ပြီး ၊ ယခုနှစ်တွင် တန်းမြင့်ဆန်များ ပိုမို တင်ပို့နိုင်သည့်အတွက် ဈေးနှုန်းပိုမိုရရှိသည့်အပြင် တန်းမြင့်ဆန် ကြိတ်ခွဲထုတ်လုပ်ခြင်းကြောင့် ဆန်ကွဲအထွက် များသော်လည်း ဆန်ကွဲသည်လည်း ဈေးကောင်းရရှိနေသဖြင့် နိုင်ငံခြား ဝင်ငွေပိုမိုရရှိသည့် အားသာချက်ရှိကြောင်း တွေ့ရှိရပါသည်။

        ထိုင်းနိုင်ငံသည် နှစ်ဦးပိုင်းတွင် အဆိုးဆုံးမိုးခေါင်မှုဒဏ်ခံခဲ့ရပြီး ဆန်ထုတ်လုပ်မှုထိခိုက်ခဲ့၍ ဆန်ရောင်း အားနည်းခြင်း၊ ဘတ်ငွေစျေးတက်ခြင်းကြောင့် ဆန်စျေးသည် ပြိုင်ဘက် ဗီယက်နမ်၊ အိန္ဒိယနိုင်ငံတို့ထက် ဆန်စျေး ပိုကြီးမြင့်နေခြင်းတို့ကြောင့်  လက်ရှိတွင် ရောင်းလိုအား နည်းနေဆဲဖြစ်ကြောင်း သိရှိရပါသည်။

            ဗီယက်နမ်နိုင်ငံတွင်လည်း မုန်တိုင်းကြောင့် စပါးခင်းများပျက်စီးခဲ့၍ ဆန်ထွက်ရှိမှု နည်းပါးခဲ့ခြင်း၊ ကမ္ဘာ့ကပ်ရောဂါကြောင့် စားနပ်ရိက္ခာဖူလုံရေး စိုးရိမ်မှုများရှိနေခြင်းတို့ကြောင့် လက်ရှိတွင် ဆန်ရောင်းလိုအား ကျဆင်းနေကြောင်း သိရှိရပါသည်။

အိန္ဒိယနိုင်ငံတွင် တောင်ပိုင်းပြည်နယ်များ၌ မိုးကြီးမှုကြောင့် ရိတ်လုနီးပါးစပါးများ ပျက်စီးခဲ့ရသဖြင့် စပါးရိတ်သိမ်းမှု သီတင်းပတ်အနည်းငယ်နောက်ကျခဲ့ပြီး အထွက်နှုန်းကျဆင်းနိုင်ဖွယ်ရှိသော်လည်း ယခင်နှစ် ဆန်လက်ကျန်များရှိနေသေးပြီး အခြားဆန်တင်ပို့နိုင်ငံများနှင့် နှိုင်းယှဉ်ပါက ဈေးနှုန်းလည်း ချိုသာနေသည့် အတွက် ဘင်္ဂလားဒေ့ရှ်နိုင်ငံအပြင် တရုတ်နိုင်ငံနှင့် ဗီယက်နမ်နိုင်ငံများကလည်း ဆယ်စုနှစ်များစွာအတွင်း အိန္ဒိယ ဆန်တင်သွင်းလာကြကြောင်း သိရှိရပါသည်။

            ၂၀၂၀ ခုနှစ်တွင် နိုင်ငံအတော်များများ၌ ကိုဗစ်ကပ်ရောဂါကြောင့် ဝင်ငွေကျဆင်းမှုနှင့် ကုန်စည် ထောက်ပံ့ရေးလမ်းကြောင်း ပြတ်တောက်မှုများ ဖြစ်ပေါ်နေခြင်း၊  ရေကြီးမှု၊ မိုးခေါင်မှုနှင့် မုန်တိုင်းဒဏ်များခံခဲ့ရ သဖြင့် သီးနှံများပျက်စီးခဲ့ခြင်းတို့ကြောင့်  ရိက္ခာဖူလုံမှုကိုစိုးရိမ်ပြီး ဆန်များသိုလှောင်လာကြပါသည်။ လက်ရှိ အခြေအနေတွင် ထိုင်း၊ ဗီယက်နမ်နိုင်ငံများက ဆန်လက်ကျန်နည်းနိုင်သည့် အခြေအနေတွင်ရှိနေသည့်အတွက် ရောင်းလိုအားနည်းနေပြီး၊ ဆန်တင်သွင်းရန် လိုအပ်နေသည့် တရုတ်၊ ဘင်္ဂလားဒေ့ရှ်နှင့် ဖိလစ်ပိုင်နိုင်ငံများသည် ဆန်ရောင်းအားရှိသည့် အိန္ဒိယနှင့် မြန်မာနိုင်ငံမှသာ ဝယ်ယူတင်သွင်းရမည်ဖြစ်၍ ပြည်ပဆန်တင်ပို့မှု မြင့်တက် လာနိုင်သလို  ဆန်ဈေးများလည်း မြင့်တက်လာနိုင်ကြောင်း လေ့လာသိရှိရပါသည်။