ပြည်တွင်းကုန်သွယ်မှုသတင်း

    သထုံခရိုင်အတွင်းရှိ မြို့နယ်များ၌ ဩဂုတ်လ၊ ဒုတိယအပတ်တွင် စပါး၊ ဆန်ဈေးနှုန်းများမှာ အတက်ဘက်သို့ဦးတည်ခဲ့ပါသည်။ သထုံခရိုင်အတွင်းမှ အခြားတိုင်းဒေသကြီးနှင့် အခြားခရိုင်မြို့နယ်များသို့ ဆန်စီးထွက်မှုနှုန်းမှာ မော်လမြိုင်သို့ (၃၄၀၀) အိတ်ခန့်၊ ကရင်ပြည်နယ်သို့ (၃၅၀၀) အိတ်ခန့်၊ စုစုပေါင်း (၆၉၀၀) အိတ်ခန့်၊ တန်ချိန်အားဖြင့် (၃၃၃) တန်ခန့်စီးထွက်ခဲ့ပါသည်။ ၂၀၂၃ခုနှစ်၊ ဩဂုတ်လ၊ တတိယအပတ်တွင် မော်လမြိုင်သို့ (၃၃၀၀) အိတ်ခန့်၊ ကရင်ပြည်နယ်သို့ (၃၅၀၀) အိတ်ခန့်၊ စုစုပေါင်း (၆၈၀၀) အိတ်ခန့်၊ တန်ချိန်အားဖြင့် (၃၂၈) တန်ခန့်စီးထွက်ခဲ့ပြီး ယခင်အပတ်နှင့်နှိုင်းယှဉ်ပါက ပုံမှန်အတိုင်း စီးထွက်ခဲ့ပါသည်။

    သထုံခရိုင်အတွင်းသို့ ဩဂုတ်လ၊ ဒုတိယအပတ်တွင် ဆန်စီးဝင်မှုနှုန်းမှာ ရန်ကုန်တိုင်းဒေသကြီးမှ (၁၂၀၀) အိတ်ခန့်၊ ပဲခူးတိုင်းဒေသကြီးမှ (၁၇၀၀) အိတ်ခန့်၊ စုစုပေါင်း (၂၉၀၀) အိတ်ခန့်၊ တန်ချိန်အားဖြင့် (၁၄၀) တန်ခန့်စီးဝင်ခဲ့ပြီး ယခုဩဂုတ်လ၊ တတိယအပတ်တွင် ရန်ကုန်တိုင်းဒေသကြီး မှ (၁၃၀၀) အိတ်ခန့်၊ ပဲခူးတိုင်းဒေသကြီးမှ (၁၇၀၀) အိတ်ခန့်၊ စုစုပေါင်း (၃၀၀၀) အိတ်ခန့်၊ တန်ချိန်အားဖြင့် (၁၄၅) တန်ခန့်စီးဝင်ခဲ့ပြီး ယခင်အပတ်နှင့်နှိုင်းယှဉ်ပါက ပုံမှန်အတိုင်း စီးဝင်လျက်ရှိပါသည်။

      သထုံခရိုင်အတွင်း ဩဂုတ်လ၊ တတိယအပတ်တွင်ဖြစ်ပေါ်နေသော စပါးဆန်ဈေးနှုန်းများမှာ ဒေသပေါက်ဈေးအနေဖြင့် ကျားပျံဟိုတယ် တင်း (၁၀၀) လျှင် (၃၀၀၀၀၀၀) ကျပ်ခန့်၊ ပေါ်ဆန်းဝါ တင်း (၁၀၀) လျှင် (၂၉၀၀၀၀၀) ကျပ်ခန့်၊ ကမာကြည် တင်း (၁၀၀) လျှင် (၂၆၅၀၀၀၀) ကျပ်ခန့်၊ ဧည့်မထ တင်း (၁၀၀) လျှင် (၂၃၀၀၀၀၀) ကျပ်ခန့်နှင့် ကျားပျံဟိုတယ် (၂၄) ပြည်ဝင် ဆန်တစ်အိတ်လျှင် (၁၁၀၀၀၀) ကျပ်ခန့်၊ ပေါ်ဆန်းဝါတစ်အိတ်လျှင် (၁၀၅၀၀၀) ကျပ်ခန့်၊ ကမာကြည်တစ်အိတ်လျှင် (၉၀၀၀၀) ကျပ်ခန့်၊ ဧည့်မထတစ်အိတ်လျှင် (၇၅၀၀၀) ကျပ်ခန့်ရှိပြီး ယခုအပတ်တွင် စပါး/ဆန်ဈေးနှုန်းမှာ အတက်ဘက်သို့ အနည်းငယ်ဦးတည်လျက်ရှိကြောင်းသိရှိရပါသည်။

DOCA(မွန်)

    အောင်လံကုန်စည်ဒိုင်တွင်နှမ်းဈေးကွက်အနေဖြင့် (၄၅)ပိဿာ(၁)အိတ်လျှင် ယခင်အပတ် (၉-၈-၂၀၂၃)ရက်နေ့တွင် နှမ်းနက်(စမုံ)မှာ ကျပ်(၂၈၀၀၀၀မှ ၃၀၀၀၀၀)ဖြစ်ပြီး ယခုအပတ် (၁၅-၈-၂၀၂၃)ရက်နေ့တွင် ကျပ်(၂၉၀၀၀၀မှ ၃၁၀၀၀၀)ဖြစ်၍ ကျပ်(၁၀၀၀၀)မြင့်တက်ခဲ့ပြီး (၁၃၅၀)အိတ် အရောင်းအဝယ်ရှိခဲ့ပါကြောင်း အောင်လံကုန်စည်ဒိုင်မှ သိရှိရပါသည်။

     ပဲမျိုးစုံဈေးကွက်တွင် မတ်ပဲ ယခင်အပတ်တွင် ကျပ်(၇၄၀၀၀) ဖြစ်ပြီး ယခုအပတ်တွင် ကျပ်(၇၅၀၀၀)ဖြစ်၍ ကျပ်(၁၀၀၀)ဈေးမြင့်ခဲ့ကြောင်း၊ ကုလားပဲ(H-L) ယခင်အပတ်တွင် ကျပ် (၈၉၅၀၀)ဖြစ်ပြီး ယခုအပတ်တွင် ကျပ်(၉၁၀၀၀) ဖြစ်၍ ကျပ်(၁၅၀၀)ဈေးမြင့်ခဲ့ကြောင်း၊ ကုလားပဲ (မြကြေး) ယခင်အပတ်တွင် ကျပ်(၈၉၀၀၀)ဖြစ်ပြီး ယခုအပတ်တွင် ကျပ်(၉၀၀၀၀)ဖြစ်၍ ကျပ် (၁၀၀၀) စသည်ဖြင့် အသီးသီးဈေးမြင့်ခဲ့ပါသည်။ ပဲတီစိမ်း ယခင်အပတ်တွင် ကျပ်(၅၅၀၀၀မှ ၅၇၀၀၀)ဖြစ်ပြီး ယခုအပတ်တွင် ကျပ်(၅၂၀၀၀မှ ၅၆၀၀၀) ဖြစ်၍ ကျပ်(၁၀၀၀မှ ၃၀၀၀)ဈေးလျော့ခဲ့ကြောင်း၊ ပဲကြီး ယခင်အပတ်တွင် ကျပ်(၉၅၀၀၀မှ ၉၈၀၀၀)ဖြစ်ပြီး ယခုအပတ်တွင်လည်း ကျပ်(၉၄၀၀၀မှ ၉၅၀၀၀)ဖြစ်၍ ကျပ် (၁၀၀၀မှ ၃၀၀၀)ဈေးလျော့ခဲ့ပြီး အရောင်းအဝယ်ပမာဏအနေဖြင့် (၃၀)ပိဿာဝင် အိတ်များဖြင့် မတ်ပဲ (၂၂၀)အိတ်၊ ကုလားပဲ(H-L) (၅၅၀)အိတ်၊ ကုလားပဲ (မြကြေး) (၄၀၀)အိတ်၊ ပဲကြီး(၂၈၀)အိတ်၊ ပဲတီစိမ်း (၁၈၀၀) အိတ်တို့ အရောင်းအဝယ်ရှိခဲ့ပါသည်။

    မြေပဲလုံးဆံ(ဖြူ)မှာ (၁)ပိဿာလျှင် ယခင်အပတ်တွင် ကျပ်(၇၃၀၀)ဖြစ်ပြီး ယခုအပတ်တွင် ကျပ်(၇၃၅၀)ဖြစ်၍ ကျပ်(၅၀)ဈေးမြင့်ခဲ့ပြီး (၃၀)ပိဿာဝင်အိတ်များဖြင့် (၁၉၀)အိတ် အရောင်း အဝယ်ရှိခဲ့ပါကြောင်း၊ မြေပဲတောင့်(အစို)မှာ အောင်လံမြို့အတွင်း ရောင်းဝယ်မှု မရှိသေးသော်လည်း အနောက်ဘက်ကမ်း သရက်မြို့အတွင်းရှိ ကျေးရွာများမှ (၁)တင်းလျှင် ကျပ်(၂၀၀၀၀ မှ၂၃၀၀၀)ဖြင့် လာရောက်ရောင်းချလျက်ရှိနေပါကြောင်း၊ နယ်ဝင်သာရှိပြီး တစ်ခြားဒေသသို့ တင်ပို့ရောင်းချမှု မရှိသေးပါကြောင်းနှင့် နှမ်း၊ ပဲမျိုးစုံသီးနှံများအား ရန်ကုန်မြို့နှင့် မန္တလေးမြို့များသို့တင်ပို့ ရောင်းချ ရပါကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)

    ဗီတာမင်ကြွယ်ဝသောသီးနှံများတွင် ငှက်ပျောသီးအစာလည်းအပါအဝင်ဖြစ်သည်။ ငှက်ပျောသီးအမျိုးအစားများမှာ ကွဲပြားမှုရှိသော်လည်း အမျှင်ဓာတ်ပါဝင်မှုများခြင်း၊ ပိုတက်စီယမ်၊ ဗီတာမင်ဘီ၊ ဗီတာမင်စီ၊ မဂ္ဂနီစီယမ်ဓာတ်၊ ကစီဓာတ်၊ ပရိုတင်းဓာတ်နှင့် အဆီဓာတ်များပါဝင်မှုကြောင့် ကျန်းမာကြံ့ခိုင်စေပြီး တစ်နေ့တာလိုအပ်သောခွန်အားများကို ပြန်လည်ဖြည့်တင်းပေးနိုင်သောကြောင့် လူမျိုးဘာသာမရွေးစားသုံးကြသည်။

   ပခုက္ကူဒေသတွင် ပဲမျိုးစုံစိုက်ပျိုးထွက်ရှိနေသည့်အပြင် ငှက်ပျောသီးနှံကိုလည်း စီးပွားဖြစ်စိုက်ပျိုးကြသည်။ ပခုက္ကူခရိုင်အတွင်း၌ ငှက်ပျောစိုက်ဧက (၄၀၀)ကျော်ရှိပြီး ဥယာဉ်ခြံမြေများတွင်လည်းရောနှောစိုက်ပျိုးကြသည်။ ဖီးကြမ်းမျိုး၊ သီးမွှေးမျိုး၊ ရခိုင်မျိုး၊ ငှက်ပျောချဉ်မျိုး၊ တစ်သျှူးမျိုးများကိုစိုက်ပျိုးကြပြီး ထွက်ရှိလာသောငှက်ပျောများကို အခိုင်လိုက် ဒေသတွင်းနှင့် မန္တလေးမြို့ထိတင်ပို့ရောင်းချရကြောင်း သိရှိရပါသည်။

     ငှက်ပျောသီးကို သာသနာပွဲတင်ရာတွင်လည်းကောင်း၊ ငှက်ပျော်ခြောက်အဖြစ် နေလှန်း၍လည်းကောင်း၊ ငှက်ပျောပေါင်းအဖြစ်လည်းကောင်း၊ ဧည့်ခံပွဲများတွင် အချိုပွဲအဖြစ်လည်းကောင်း၊ ကောက်ညှင်းနှင့်ရော၍ ငှက်ပျောဆိုင်းထုပ်များထုပ်၍လည်းကောင်း၊ နေ့စဉ် အာဟာရအတွက်လည်းကောင်း စားသုံးနေသောကြောင့် ပိုမိုတွင်ကျယ်စွာစိုက်ပျိုးထုတ်လုပ်လာသည်ကို သိရှိရပါသည်။

 ပခုက္ကူမြို့မဈေးအတွင်း အရောင်းအဝယ်ဖြစ်နေသောဈေးများမှာ ၂၀၂၃ခုနှစ်၊ ဇူလိုင် (ဒုတိယပတ်) တွင် ဖီးကြမ်းငှက်ပျောသီးတစ်ဖီးလျှင် (၁၃၀၀-၁၅၀၀)ကျပ်၊ ရခိုင်ငှက်ပျောသီးတစ်ဖီးလျှင် (၈၀၀-၁၀၀၀)ကျပ်၊ သီးမွှေးတစ်ဖီးလျှင် (၁၄၀၀- ၁၅၀၀)ကျပ်၊ ငှက်ပျောချဉ်တစ်ဖီးလျှင် (၈၀၀-၁၀၀၀) ကျပ်၊ တစ်သျှူးငှက်ပျောတစ်ဖီးလျှင် (၁၅၀၀-၂၀၀၀)ကျပ်ဈေးရှိခဲ့ပြီး ယခုဩဂုတ် (ဒုတိယပတ်) တွင် ဖီးကြမ်းငှက်ပျောသီးတစ်ဖီးလျှင် (၂၀၀၀-၂၅၀၀)ကျပ်၊ ရခိုင်ငှက်ပျောသီးတစ်ဖီးလျှင် (၁၀၀၀-၁၂၀၀)ကျပ်၊ သီးမွှေးတစ်ဖီးလျှင် (၁၅၀၀-၂၀၀၀)ကျပ်၊ ငှက်ပျောချဉ်တစ်ဖီးလျှင် (၁၂၀၀-၁၃၀၀)ကျပ်၊ တစ်သျှူးငှက်ပျောတစ်ဖီးလျှင်(၂၅၀၀-၃၀၀၀)ကျပ်ဖြစ်နေကြောင်း၊ ပခုက္ကူဒေသတွင် စိုက်ပျိုးမှုမရှိသော ရွှေငှက်ပျော၊ ရွှေငှက်ပျောချဉ်မျိုးများမှာလည်း တောင်ငူဘက်မှ ဝင်ရောက်လျက်ရှိပြီး ရွှေငှက်ပျောတစ်ဖီးလျှင် (၃၀၀၀-၃၅၀၀) ကျပ်ရှိပြီး ရွှေငှက်ပျောချဉ်တစ်ဖီးလျှင် (၂၀၀၀- ၂၅၀၀) ကျပ်ဈေးရှိကြောင်း၊ အရောင်းအဝယ်အနေဖြင့်လည်း ယခင်နှစ်ထက်ပို၍ အရောင်းအဝယ်ဖြစ်နေကြောင်း  ငှက်ပျောရောင်းဝယ်သူလုပ်ငန်းရှင်ထံမှသိရှိရပါသည်။

 DOCA(မကွေး)

    စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ လမ်းညွှန်ချက်နှင့်အညီ ကရင်ပြည်နယ်၊ စားသုံးဆီကုန်သည်များ၊ စားသုံးဆီလုပ်ငန်းရှင်များအသင်းနှင့် ကရင်ပြည်နယ်၊ စားသုံးသူရေးရာဦးစီးဌာနတို့ပူးပေါင်းပါဝင်ပြီး စားအုန်းဆီလက်လီဈေးကွက်အတွင်း ဖြစ်သင့်ဖြစ်ထိုက်သည့်ဈေးနှုန်းများဖြင့် ရောင်းချစေရေး၊ ဈေးနှုန်းအဆမတန်မြှင့်တင်ရောင်းချခြင်းမပြုလုပ်စေရေးနှင့် စားအုန်းဆီများကို သက်သာသောဈေးနှုန်းဖြင့် စားသုံးသူပြည်သူများဝယ်ယူစားသုံးနိုင်ရေးရည်ရွယ်၍ ရန်ကုန်အထိုင်ရည်ညွန်းလက်ဈေးနှုန်းအပေါ် သယ်ယူခကုန်ကျစရိတ်များပေါင်း၍  ၂%အမြတ်ထက်မပိုသောဈေးနှုန်းဖြင့် စားသုံးသူပြည်သူများအား လူတစ်ဦးလျှင် ၁ပိဿာနှုန်းဖြင့် (၁၄-၈-၂၀၂၃)ရက်နေ့တွင် မဲဘောင်ဈေး၊ ဇွဲမာန်လွင်အခွန်လွတ်ဈေးနှင့် ရေပေါ်ဈေးတို့တွင် လည်းကောင်း၊ (၁၅-၈-၂၀၂၃)ရက်နေ့တွင် ပါးယိုကျေးရွာ၊ တောင်ကလေးကျေးရွာနှင့် သီရိဈေးတို့တွင်လည်းကောင်း၊ (၁၆-၈-၂၀၂၃)ရက်နေ့တွင် ဗုဒ္ဓဟူးအခွန်လွတ်ဈေး၊ မာန်အောင်ဈေးနှင့် အမှတ်(၂)ရပ်ကွက်တွင်လည်းကောင်း၊ (၁၇-၈-၂၀၂၃)ရက်နေ့တွင် ဝါဆိုဦးဈေး၊ အမှတ်(၅)ရပ်ကွက် အောင်နန်းနှင့် ထီလုံကျေးရွာတွင်လည်းကောင်း၊ (၁၈-၈-၂၀၂၃)ရက်နေ့တွင် စက်ပစ်ကွင်းလမ်း၊ ဝန်ထမ်းအိမ်ရာများနှင့် ကန်သာယာရပ်ကွက်များသို့သွားရောက်၍ ဈေးကားဖြင့် တစ်ရက်လျှင် ဈေးကား(၃)စီး၊ တစ်စီးလျှင် စားသုံးဆီပိဿာ (၅၅၀)၊ လူတစ်ဦးလျှင် (၁)ပိဿာနှုန်းစီဖြင့် စားသုံးသူပြည်သူများအား ရောင်းချခဲ့ပြီး စားသုံးသူပြည်သူများကလည်း စနစ်တကျတန်းစီ၍ ဝယ်ယူအားပေးခဲ့ကြကြောင်းသိရှိရပါသည်။

DOCA(ကရင်)

    ဆိပ်ဖြူမြို့ ကြက်သွန်နီဈေးကွက်သို့ ၂၀၂၃ခုနှစ်၊ ဩဂုတ်လ(၇)ရက် မှ (၁၄)ရက်ထိ (ဒုတိယ) ပတ်အတွင်း နေ့စဉ်ကုန်ချိန် ပိဿာ (၃)သောင်းခန့်၊ (၁)ပတ်အတွင်း စုစုပေါင်း ပိဿာ(၂)သိန်းခန့်၊ ကုန်စည်ဒိုင်တွင် ဝင်ရောက် အရောင်းအဝယ်ဖြစ်လျက်ရှိကြောင်း သိရှိရပါသည်။

      ယခု ဩဂုတ်လ(ဒုတိယ)ပတ်အတွင်း ကြက်သွန်နီ(၁)ပိဿာဈေးနှုန်းမှာ အမြင့်ဈေး ထိပ်စ (ရှယ်) ကျပ်(၂၂၅၀ မှ ၂၀၇၅)၊ အလတ်စ ကျပ်(၂၀၀၀ မှ ၁၈၀၀)၊ အနိမ့်ဈေး ကျပ်( ၁၇၅၀ မှ ၁၆၀၀) ဈေးနှုန်းအသီးသီးဖြင့် အရောင်းအဝယ်ဖြစ်ခဲ့ပါသည်။ ယခင် တစ်ပတ်တွင် ကြက်သွန်နီ ထိပ်စ အမြင့် ဆုံးဈေးမှာ (၁)ပိဿာလျှင် ကျပ်(၂၁၀၀ မှ ၁၉၅၀)ဈေးနှုန်းဖြင့် အရောင်းအဝယ်ဖြစ်ခဲ့၍ ယခု(၁)ပတ် တွင် ထိပ်စ(ရှယ်) (၁၅၀)ကျပ်၊ အလတ်စနှင့် အသေးစ (၁၀၀)ကျပ်ခန့် ဈေးနှုန်းမြင့်တက်၍ အရောင်းအဝယ် ဖြစ်ခဲ့ပါသည်။

     ဆိပ်ဖြူမြို့မှ ကြက်သွန်နီများကို ရန်ကုန်ဘုရင့် နောင်ပွဲရုံသို့ ကုန်ချိန်အများဆုံး စီးဆင်းလျက် ရှိပြီး ပြည်ပတင်ပို့မှုနည်းကြောင်း ကြက်သွန်နီ ဈေးကွက်မှ သိရှိရသည်။ ယခု ဩဂုတ်လ(ဒုတိယ) ပတ်အတွင်း ကြက်သွန်နီ စုစုပေါင်း ပျမ်းမျှပိဿာ (၃)သိန်းခန့်၊ (၁၀၀၀၀)အိတ်၊ တန်ချိန်(၄၉၀)ခန့် ကုန်စည်စီးဆင်းခဲ့ကြောင်း ဈေးကွက်မှ သိရှိရပါသည်။

      ဆိပ်ဖြူမြို့ ပတ္တမြားဈေးအတွင်းရှိ ဈေးတန်းများတွင် ကြက်သွန်နီ အရွယ်အစား အရည်အသွေးလိုက်၍ (၁)ပိဿာလျှင် လက်လီဈေး (၂၈၀၀ မှ ၂၂၀၀)ကျပ်ဈေးဖြင့် အရောင်းအဝယ်ဖြစ်ကြောင်း သိရှိရသည်။ 

DOCA(မကွေး)