ပြည်တွင်းကုန်သွယ်မှုသတင်း

    ယခုအချိန်သည် မိုးစပါးများစိုက်ပျိုးပြီးချိန်ဖြစ်သဖြင့် ဆင်မြီးဆွဲဒေသဘက်မှ မိုးရာသီတွင်ထုတ်လုပ်သော မုန့်ကြာခွက်များကို ခေါင်းရွက်သည်၊ အထမ်းသည်များက ပြည်မြို့ရှိ ရပ်ကွက်များသို့လှည့်လည်ကာ ရောင်းချနေကြကြောင်းသိရှိရပါသည်။ ဆင်မြီးဆွဲဒေသထွက် မုန့်ကြာခွက်ကို ဆန်မှုန့်၊ ထန်းညှက်၊ နှမ်းစေ့တို့ဖြင့်ပြုလုပ်ပြီး ပုံသွင်း၍ ဆီဖြင့်ကြော်ရကြောင်းသိရပါသည်။ ဆင်မြီးဆွဲမြို့တွင် မုန့်ကြာခွက်ပြုလုပ်သူ (၅) ဦးခန့်ရှိပြီး အလုပ်ခွင်တစ်ခွင်လျှင် လူဦးရေ (၄) ဦးဖြင့်ပြုလုပ်ရကြောင်းသိရှိရပါသည်။ မုန့်ဖိုတစ်ဖိုလျှင် မုန့်ကြာခွက်အခုရေ (၁၀၀၀၀) ကျော်ထွက်ရှိပြီး ထွက်ရှိလာသောမုန့်ကြာခွက်များကို ဆင်မြီးဆွဲဒေသတွင်း၌ ဝယ်ယူစားသုံးကြပြီး အရွက်သည်များက ပြည်မြို့သို့သွားရောက်၍လည်း လှည့်လည်ရောင်းချကြကြောင်းသိရပါသည်။ ပြည်မြို့အပြင် ရွှေတောင်မြို့နှင့် လက်ပံတန်းမြို့များသို့လည်း တင်ပို့ရောင်းချကြပါသည်။ မုန့်ကြာခွက်ကို မိုးရာသီတွင်ပြုလုပ်ရခြင်းမှာ တောင်သူများ မိုးစပါးစိုက်ပျိုးပြီး အလုပ်အားနေချိန်တွင် မိသားစုတစ်နိုင်တစ်ပိုင် နေ့စဉ် ဝင်ငွေများရရှိအောင်လုပ်ကိုင်ကြခြင်းဖြစ်ပြီး မိုးစပါးရိတ်သိမ်းခါနီးတွင် ထိုလုပ်ငန်းကို လတ်စသက်ကာ မိုးစပါးများကို ရိတ်သိမ်းကြကြောင်းသိရပါသည်။ မြို့များ၊ ရပ်ကွက်များသို့လှည့်လည်ရောင်းချသော မုန့်ကြာခွက်ဈေးနှုန်းများမှာ မုန့် (၃) ခုပါ တစ်ထုပ်လျှင် (၅၀၀) ကျပ်ဖြင့်ရောင်းချကြောင်း သိရပါသည်။ လှည့်လည်ရောင်းချသူများအနေဖြင့်လည်း ဝင်ငွေများရရှိသကဲ့သို့ ထိုလုပ်ငန်းကို လုပ်ကိုင်သူများအနေဖြင့်လည်း ယခုမိုးစပါးများစိုက်ပျိုးပြီးချိန်တွင် အပိုဝင်ငွေများရရှိကြောင်းသိရှိရပါသည်။

DOCA(ပဲခူး)

    ပေါက်ခေါင်းမြို့နယ်တွင် နွေစပါးကို မတ်လတွင် စတင်စိုက်ပျိုးပြီး ၂၀၂၃ခုနှစ်၌ စိုက်ပျိုးဧကမှာ (၁၁၄၂၄) ဧကစိုက်ပျိုးကြောင်း၊ ယခင်နှစ်တွင် (၁၁၁၁၄) ဧကစိုက်ပျိုးခဲ့သဖြင့် ယခုနှစ်တွင် စိုက်ဧကများပိုမိုကြောင်း၊ နွေစပါးများကို ဇွန်လ၊ တတိယအပတ်တွင် စတင်ရိတ်သိမ်းပြီး အထွက်နှုန်းအနေဖြင့် တစ်ဧကလျှင် တင်း (၁၂၀) မှ (၁၄၀) တင်းအထိထွက်ရှိကြောင်း၊ စိုက်ပျိုးသည့်စပါးမျိုးများမှာ GW(11) စပါးမျိုးနှင့် ရတနာတိုးစပါးမျိုးတို့ကိုအများဆုံးစိုက်ပျိုးကြောင်း၊ စပါးဈေးများအနေဖြင့် GW(11) စပါး ပေါင် (၅၀) တစ်တင်းလျှင် (၁၂၅၀၀) ကျပ်နှင့် ရတနာတိုးစပါး ပေါင် (၅၀) တစ်တင်းလျှင် (၁၄၅၀၀) ကျပ်ဖြစ်၍ ယခင်နှစ်ဈေးမှာ ပေါင် (၅၀) တစ်တင်းလျှင် (၇၀၀၀) ကျပ်ဈေးဖြစ်ခဲ့သဖြင့် ယခင်နှစ်ထက် ဈေးပိုရကြောင်းနှင့် နွေစပါးအထွက်နှုန်းမှာ မိုးစပါးအထွက်နှုန်းထက် ပိုမိုထွက်ရှိသောကြောင့် နွေစပါးစိုက်တောင်သူများအနေဖြင့် အကျိုးအမြတ်များပိုမိုရရှိနိုင်မည်ဖြစ်ကြောင်း သိရှိရပါသည်။

DOCA(ပဲခူး)

   တောင်ငူမြို့ရှိ ဓာတ်မြေဩဇာဆိုင်များတွင် မြင်းပျံ၊ CP၊ MC အမှတ်တံဆိပ် ယူရီးယား(လုံးကြီး)ဓာတ်မြေဩဇာများနှင့် အာမိုအမှတ်တံဆိပ် ယူရီးယား(လုံးသေး)ဓာတ်မြေဩဇာများမှာ ၂၀၂၃ုခုနှစ်၊ ဇွန်လဆန်းတွင် တစ်အိတ်လျှင် ၈၆၅၀၀ကျပ်ရှိခဲ့ရာမှ ယခုဇူလိုင်လဆန်းတွင် ၈၅၀၀၀ ကျပ်ဖြင့် ဈေးနှုန်းဆက်လက်ကျဆင်းပြီး ဩဘာအမှတ်တံဆိပ် ယူရီးယားလုံးသေးဓာတ်မြေဩဇာမှာ ဇွန်လဆန်းတွင် တစ်အိတ်လျှင် ၇၅၅၀၀ကျပ်မှ ယခုလဆန်းတွင် တစ်အိတ်လျှင် ၈၀၀၀၀ကျပ်ဖြစ်၍ ဈေးနှုန်းအနည်းငယ်မြင့်တက်နေပါသည်။

    တရုတ်ဓာတ်မြေဩဇာဖြစ်သော တီစူပါ(သံကွင်း)မှာ ဇွန်လဆန်းတွင် တစ်အိတ်လျှင် ၉၁၅၀၀ကျပ်ရှိခဲ့ရာမှ ယခုဇူလိုင်လဆန်းတွင် တစ်အိတ်လျှင် ၈၅၀၀၀ကျပ်၊ ဩဘာကုမ္ပဏီထုတ် ရွှေကောမတ်ဓာတ်မြေဩဇာ၊ ဂျာမနီနိုင်ငံထုတ် ပိုတက်ဓာတ်မြေဩဇာ၊ အာမိုအမှတ်တံဆိပ် ကွန်ပေါင်းမြေဩဇာနှင့် ဩဘာကုမ္ပဏီထုတ် ကွန်ပေါင်းမြေဩဇာများမှာ ဇွန်လဆန်းတွင် တစ်အိတ်လျှင် ၉၅၀၀၀ကျပ်ရှိခဲ့ရာမှ ယခုဇူလိုင်လဆန်းတွင် တစ်အိတ်လျှင် ၈၉၅၀၀ကျပ်ဖြစ်၍ ဈေးနှုန်း ဆက်လက်ကျဆင်းလာခဲ့ပါသည်။

    ကော့မတ် ကွန်ပေါင်း ၁၅:၁၅:၁၅ဓာတ်မြေဩဇာမှာ ဇွန်လဆန်းတွင် တစ်အိတ်လျှင် ၉၈၀၀၀ကျပ်ရှိခဲ့ရာမှ ယခုဇူလိုင်လဆန်းတွင် တစ်အိတ်လျှင် ၉၉၀၀၀ကျပ်၊ တရုတ်အာမို ၁၆:၁၆:၈မြေဩဇာမှာ ဇွန်လဆန်းတွင် တစ်အိတ်လျှင် ၉၈၀၀၀ကျပ်ရှိခဲ့ရာမှ ယခုဇူလိုင်လဆန်းတွင် တစ်အိတ်လျှင် ၁၁၆၄၀၀ကျပ်ဖြင့် ဈေးနှုန်းအနည်းငယ်ပြန်တက်လျက်ရှိကြောင်း သိရပါသည်။

DOCA(ပဲခူး)

    တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။

     ၂၀၂၃ ခုနှစ်၊ ဇူလိုင်လ ပထမအပတ်အတွင်း ကန့်ဘလူ၊ ကျွန်းလှမြို့နယ်တွင် အခြေခံစားကုန်များဖြစ်သော ရွှေဘိုပေါ်ဆန်း တစ်ပြည် (၄၂၀၀)ကျပ်၊ ဧရာမင်း တစ်ပြည် (၄၂၀၀)ကျပ်ဖြင့် ယခင်အပတ် ထက်အနည်းငယ်သာမြင့်တက်ပြီး အရောင်းအဝယ်ဖြစ်လျက်ရှိသည်။ ကြက်သွန်နီ မြစ်သားအမျိုးအစား လက်လီဈေးမှာအကြီး /အသေးပါ်မူတည်၍တစ်ပိသာလျှင်(၁၈၀၀/၂၀၀၀/၂၃၀၀)ကျပ်ဖြင့် အရောင်းအဝယ် ဖြစ်လျက်ရှိသည်။ ကြက်သွန်ဖြူ လက်လီဈေးမှာ(ဗမာ)အလုံးကြီး တစ်ပိသာ (၁၀၀၀၀)ကျပ် ကြက်သွန်ဖြူ လက်လီဈေးမှာ (ဗမာ) အလုံး သေး တစ်ပိသာ (၈၀၀၀)ကျပ် ၊ ကြူကုတ် တစ်ပိသာ (၉၀၀၀)ကျပ် ယခင်အပတ်အတိုင်း တည်ငြိမ်ပြီး အရောင်းအဝယ်ဖြစ်လျက်ရှိပါသည်။ ဂျင်း အညံ့ တစ်ပိသာ လျှင်(၅၀၀၀) ကျပ်၊ ရှယ်စ တစ်ပိသာ (၁၀၀၀၀)ကျပ် ဖြစ်နေပြီး ယခင်အပတ်အတိုင်းတည်ငြိမ်လျက်ရှိပါသည်။ ငရုတ်သီး ခြောက် တစ်ပိသာ (၂၀၀၀၀)ကျပ် ယခင် အပတ်အတိုင်း တည်ငြိမ်လျက်ရှိကာ အရောင်းအဝယ်ဖြစ်လျက်ရှိပါသည်။ အာလူး အသေး/အကြီး အမျိုးအစားအလိုက် တစ်ပိသာ(၃၅၀၀/၃၀၀၀)ကျပ် ယခင်အပတ်ထက် တည်ငြိမ်ပြီး အရောင်းအဝယ် ဖြစ်လျက်ရှိပါသည်။

   ငရုတ်သီးစိမ်း တစ်ပိသာ (၂၀၀၀)ကျပ် ယခင်အပတ်ထက် အနည်းငယ်လျော့ကျလျက်ရှိနေကြောင်း၊ ခရမ်းချဉ်သီး တစ်ပိသာ (၂၂၀၀)ကျပ် ယခင် ဇွန်လကုန်အပတ်ထက် အနည်းငယ်မြင့်တက်နေပါသည်။ ခရမ်းသီး  တစ်ပိသာ (၁၀၀၀/၈၀၀) ကျပ် ရှိပါသည်။  ပန်းဂေါ်ဖီ တစ်ပွင့်  (၂၀၀၀) ကျပ် ၊ ဂေါ်ဖီထုပ် တစ်ထုပ် လျှင်(၂၀၀၀)ကျပ် ယခင်အထက် အနည်းငယ်မြင့်တက်လျက်ရှိကြောင်း၊ ခါကြက်ဥ(တရုတ်) တစ်ပိသာ (၅၀၀၀)ကျပ် ၊ ခါကြက်ဥ (ဗမာ) တစ်ပိသာလျှင် (၄၀၀၀)ကျပ် ယခင် အပတ်အတိုင်း တည်ငြိမ်နေကြောင်း၊ သံပုရာသီး တစ်လုံးလျှင် (၁၅၀) ကျပ် မှ (၂၀၀) ကျပ် ၊ ကန်ဇွန်းရွက် တစ်စည်းလျှင် (၁၀၀) ကျပ် နှုန်းဖြင့် အရောင်းအဝယ်ဖြစ်နေပြီး  ကုန်ဈေးနှုန်းများ အနည်းငယ် မြင့်တက်လာကြောင်း ဈေးသည်များထံမှ သိရှိရပါသည် ။

      ကြက်ဥ လက်လီဈေးနှုန်းမှာ (အကြီး)တစ်လုံး (၃၀၀)ကျပ်၊ (အသေ)တစ်လုံး (၂၇၀) ကျပ် ၊ ဘဲဥ တစ်လုံး (၃၅၀)ကျပ်ရှိသည် ။  ကန့်ဘလူ၊ ကျွန်းလှမြို့တို့၏ အသား /ငါး ဈေးနှုန်းများမှာ ကြက်သား(cp) (၁၄၀၀၀ )ကျပ် မှ (၁၆၀၀၀) ကျပ် ၊ ကြက်သား(ဗမာ) (၁၈၀၀၀ )ကျပ် မှ (၂၀၀၀၀) ကျပ် ၊ ဝက်သား တစ်ပိသာ (၁၈၀၀၀) ကျပ် မှ (၂၀၀၀၀) ကျပ် ၊ အမဲသား တစ်ပိသာ (၁၁၀၀၀) ကျပ် မှ (၁၄၀၀၀) ကျပ် ယခင်မေလ နောက်ဆုံးအပတ်အတိုင်း ဝက်သား၊ ကြက်သား၊ အမဲသား ဈေးများမှာ တည်ငြိမ်လျက်ရှိကြောင်း တွေ့ရှိရပါသည်။ ငါးကြင်းအကောင်လိုက်နှင့် ငါးကြင်းခုတ်သား ဈေးမှာ တစ်ပိသာ (၈၀၀၀) ကျပ် မှ (၁၄၀၀၀) ကျပ်၊ တီလားဗီးယားငါး အသေးတစ်ပိသာ (၄၀၀၀)ကျပ် ၊ အလတ် တစ်ပိသာ (၅၀၀၀) ကျပ်၊ အကြီး တစ်ပိသာ (၆၅၀၀)ကျပ် ငါးကြင်းအကောင်လိုက်ဈေးမှာ ယခင်အပတ်ထက်(၁၀၀၀)ကျပ် ဈေးနှုန်းကျဆင်းပြီး အခြားငါးဈေးနှုန်းများမှာ ယခင်အပတ်တိုင်း တည်ငြိမ်ပြီး အရောင်းအဝယ်ဖြစ်နေကြောင်း သိရပါသည်။

        စားသုံးဆီဈေးနှုန်းမှာ မြေပဲဆီသန့် တစ်ပိသာလျှင် (၁၄၀၀၀)ကျပ် မြေပဲဆီဈေးနှုန်းဟာ ယခင်အပတ်များနှင့်အတူ ဈေးတည်ငြိမ်လျက်ရှိပါသည်။ စားအုန်းဆီ တစ်ပိသာလျှင် (၇၈၀၀)ကျပ်၊ ဆယ်ပိသာ တစ်ပုံး လျှင် (၇၇၀၀၀)ကျပ်  ယခင် အပတ်ထက် တစ်ပိသာ(၁၁၀၀)ကျပ် ပြန်လည်ကျဆင်းကာ အရောင်းအဝယ်ဖြစ်နေကြောင်း ဈေးသည်တစ်ဦးထံမှ သိရသည်။

DOCA(စစ်ကိုင်း)