ပြည်တွင်းကုန်သွယ်မှုသတင်း

    မိတ္ထီလာခရိုင်အတွင်း စပါးကို မိတ္ထီလာ၊ ဝမ်းတွင်း၊ မလှိုင်၊ သာစည်(၄) မြို့နယ်လုံးတွင် စိုက်ပျိုးကြပြီး မနောသုခစပါးနှင့် ဧရာပဒေသာစပါးကို အဓိကစိုက်ပျိုးကြပါသည်။ ၂၀၂၃ခုနှစ်၊ ဇူလိုင်လ၊ လဆန်းပိုင်းတွင် စျေးကွက်ဖြစ်ပေါ်နေသော စပါး/ဆန်စျေးနှုန်းများမှာ မနောသုခစပါးတင်း (၁၀၀) လျှင် ၂၄၀၀၀၀၀ကျပ်၊ ဧရာပဒေသာစပါးတင်း (၁၀၀) လျှင် ၂၇၀၀၀၀၀ကျပ်နှင့် မနောသုခ (ဟောင်း) ဆန်တစ်အိတ်လျှင် ၈၅၀၀၀ကျပ်၊ ဧရာပဒေသာဆန်အဟောင်းတစ်အိတ်လျှင် ၉၅၀၀၀ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခင်နှစ်တွင် မနောသုခစပါးတင်း (၁၀၀) လျှင် ၁၀၀၀၀၀၀ကျပ်၊ ဧရာပဒေသာစပါးတင်း (၁၀၀) လျှင် ၁၃၀၀၀၀၀ကျပ်နှင့် မနောသုခဆန်တစ်အိတ်လျှင် ၃၅၀၀၀ကျပ်၊ ဧရာပဒေသာ (ဟောင်း) တစ်အိတ်လျှင် (၄၅၀၀၀) ကျပ်သာရှိခဲ့ပြီး ယခင်နှစ်နှင့်ယခုနှစ်ကာလတူဈေးနှုန်းတို့ကိုနှိုင်းယှဉ်လျှင် စပါး/ဆန်စျေးများမြင့်တက်လာကြောင်း၊ စျေးနှုန်းမြင့်တက်လာရခြင်းမှာ တောင်သူ၊ ကုန်သည်များထံတွင် စပါး/ဆန်လက်ကျန်များအနည်းငယ်သာရှိခြင်းကြောင့်ဖြစ်သည်ဟု စပါး၊ ဆန်ကုန်သည်တစ်ဦးထံမှ သိရှိရပါသည်။

DOCA(မန္တလေး)

  ပွင့်လင်းရာသီ ရာဘာအစေးခြစ်ကာလကုန်ဆုံးပြီးနောက် ရာဘာစိုက်ပျိုးတောင်သူများအနေဖြင့် မြေပြုပြင်ခြင်း၊ ခြံရှင်း/ခြုံခုတ်နှင့် အပင်ပြုပြင်ထိန်းသိမ်းခြင်းလုပ်ငန်းများ ဆောင်ရွက်နေစဉ် ကာလအတွင်း  ကရင်ပြည်နယ်အတွင်း ရာဘာထွက်ရှိမှုနှုန်းလျော့ကျခဲ့ပြီး  RSS 3 ရာဘာ ၁ပေါင်လျှင် ၁၅၀၀ ကျပ်ထိ လက်ရှိဈေးကွက်ပေါက်ဈေး ဖြစ်ပေါ်လျက်ရှိကြောင်း သိရသည်။

     ယမန်နှစ်က ကရင်ပြည်နယ်ဒေသထွက် RSS 3 ရာဘာ တစ်ပေါင်လျှင် ရာသီပိတ်ဈေး ၁၂၁၀ ရှိခဲ့ရာမှ ယခုနှစ်တွင် တစ်ပေါင်လျှင် ရာသီ၁၅၀၀ ကျပ်ထိ ဈေးနှုန်းဈေးကွက်ဖြစ်ပေါ်ခဲ့ကြောင်း သိရသည်။

DOCA(ကရင်)

  ကုလားပဲစိုက်ပျိုးထွက်ရှိမှုတွင် အိန္နိယ၊ ပါကစ္စတန်၊ တူရကီ၊ အီသီယိုးပီးယားနိုင်ငံတို့ပြီးလျှင် မြန်မာသည် ပဥ္စမမြောက် ကုလားပဲစိုက်ဧကအများဆုံးနိုင်ငံဖြစ်သည်။ ကုလားပဲသည် ကမ္ဘာတွင် တတိယအရေးကြီးသော ပဲတစ်မျိုးဖြစ်သည်။ ကုလားပဲကို မြန်မာနိုင်ငံတွင် စစ်ကိုင်းတိုင်း၊ ပဲခူးတိုင်း၊ မကွေးတိုင်း၊ မန္တလေးတိုင်း၊ ဧရာဝတီတိုင်းတို့တွင် ဆောင်းသီးနှံအဖြစ် အောက်တိုဘာနှင့် နိုဝင်ဘာလတွင်စိုက်ပျိုးကြပြီး ဇန်နဝါရီနှင့် ဧပြီလတွင်ရိတ်သိမ်းကြပါသည်။ အခြားပြည်နယ်နှင့် တိုင်းများတွင်လည်း အနည်းငယ်စိုက်ပျိုးကြပါသည်။ ကယားပြည်နယ်တွင် ကုလားပဲကို   ဒီးမော့ဆိုခရိုင်နှင့် မိုင်းလုံး၊ မထောခူ၊ မှုံပြာကျေးရွာများတွင် စိုက်ပျိုးကြပါသည်။အခြားစားဖိုဆောင်သီးနှံများမှာ အနည်းငယ်စီဈေးနှုန်းမြင့်တက်လျက်ရှိသော်လည်း ကုလားပဲဝါဈေးနှုန်းမှာ တည်ငြိမ်လျက်ရှိပါသည်။ ကယားပြည်နယ်တွင် ယခင်ဇွန်လ၊စတုတ္ထအပတ်နှင့် ယခုဇူလိုင်လ၊ ပထမအပတ်တို့အတွင်း ကုလားပဲဝါတစ်ပိဿာလျှင် (၆၄၀၀) ကျပ်ဖြင့် တည်ငြိမ်စွာအရောင်းအဝယ်ဖြစ်လျက်ရှိကြောင်း နောင်ယားဈေးအတွင်းရှိ ဈေးသည်တစ်ဦးထံမှသိရှိရပါသည်။

DOCA(ကယား)

   မြန်မာလူမျိုးတို့၏ ဟင်းလျာတိုင်းတွင် ခရမ်းချဉ်သီးသည် ဟင်းအနှစ်ပြုလုပ်ရာ၌ အသုံးများသော စားဖိုဆောင်သီးနှံတစ်မျိုးဖြစ်ပါသည်။ ဟင်းလျာအမျိုးမျိုးတွင် ချက်နည်းအမျိုးမျိုးဖြင့် ချက်ပြုတ်စားသောက်၍ရသည့်အပြင် ခရမ်းချဉ်သီးတွင် ဗီတာမင်အမျိုးမျိုး၊ ကယ်လ်ဆီယမ်နှင့် Lycopene ကြွယ်ဝစွာပါဝင်သောကြောင့် ကျန်းမာရေးအတွက်လည်း အထူးကောင်းမွန်သော သီးနှံတစ်မျိုးဖြစ်ပါသည်။

   ခရမ်းချဉ်သီးကို ကယားပြည်နယ်၊ လွိုင်ကော်မြို့နယ်ရှိ ကျေးရွာများတွင်လည်းစိုက်ပျိုးရောင်းချကြသည့်အပြင် အခြားဒေသများမှလည်း မှာယူရောင်းချလျက်ရှိပါသည်။

  ၂၀၂၃ခုနှစ်၊ ဇူလိုင်လ၊ ပထမအပတ်တွင် ဈေးကွက်အတွင်းဖြစ်ပေါ်နေသော ခရမ်းချဉ်သီးဈေးနှုန်းမှာ တစ်ပိဿာလျှင် (၁၅၀၀) ကျပ်ဖြင့် အရောင်းအဝယ်ဖြစ်လျက်ရှိပြီး ယခင်ဇွန်လ၊ ပထမအပတ်တွင် ခရမ်းချဉ်သီးဈေးနှုန်းမှာ တစ်ပိဿာလျှင် (၁၀၀၀) ကျပ်ဖြင့်ရောင်းချခဲ့ရာ ယခင်လ၊ ပထမအပတ်နှင့် ယခုလ၊ ပထမအပတ်ဈေးနှုန်းတို့ကိုနှိုင်းယှဉ်ကြည့်လျှင် ခရမ်းချဉ်သီးတစ်ပိဿာလျှင် (၅၀၀) ကျပ်ခန့်မြင့်တက်လာကြောင်း နောင်ယားဈေးရှိ ခရမ်းချဉ်သီးရောင်းချနေသော ဈေးသည်တစ်ဦးထံမှသိရပါသည်။

DOCA(ကယား)

  အာလူးသည် လူကြိုက်များ၊ လူသုံးများသော စားဖိုဆောင်သီးနှံတစ်မျိုးဖြစ်ပါသည်။ နည်းမျိုးစုံဖြင့် ချက်ပြုတ်သုံးစွဲနိုင်ပြီး အာဟာရများစွာပါဝင်ပါသည်။ အာလူးကို လွိုင်ကော်မြို့နယ်ရှိ ကုန်းသာကျေးရွာနှင့် လင်ဖုံလေးကျေးရွာတို့တွင် အများဆုံးစိုက်ပျိုးလျက်ရှိပါသည်။

  ယခုအခါ ဒေသထွက်အာလူးများမှာ ဈေးကွက်အတွင်း အနည်းငယ်သာဝင်ရောက်နိုင်ပြီး အများဆုံးရောင်းချနေသောအာလူးများကို ရှမ်းပြည်နယ်တောင်းပိုင်းရှိ ပင်လောင်း၊ အောင်ပန်း၊ ကလောနှင့် နောင်တရားမြို့တို့မှ အများဆုံးမှာယူတင်သွင်းရောင်းချလျက်ရှိပါသည်။

    ယခုဇူလိုင်လ၊ ပထမအပတ်တွင် ဈေးကွက်အတွင်းဖြစ်ပေါ်နေသော အာလူးဈေးနှုန်းမှာ တစ်ပိဿာလျှင် (၃၀၀၀) ကျပ်ဖြင့်ရောင်းချလျက်ရှိပြီး ယခင်ဇွန်လ၊ နောက်ဆုံးအပတ်တွင် အာလူးဈေးနှုန်းမှာ တစ်ပိဿာလျှင် (၃၅၀၀) ကျပ်ဖြင့်ရောင်းချခဲ့ကြောင်း၊ ဇူလိုင်လ၊ ပထမအပတ်နှင့် ဇွန်လ၊ နောက်ဆုံးအပတ်ဈေးနှုန်းနှိုင်းယှဉ်ကြည့်လျှင် (၅၀၀) ကျပ်ခန့်tm;vl;ကျဆင်းသွားကြောင်း နောင်ယားဈေးရှိ အာလူးရောင်းချသူတစ်ဦးထံမှသိရပါသည်။

DOCA(ကယား)