ပြည်တွင်းကုန်သွယ်မှုသတင်း

    ၁၁.၇.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

    မွန်ပြည်နယ် မော်လမြိုင်မြို့ရှိ  ငါးဒိုင်ဈေး၌ ရောင်းချလျက်ရှိသော ငါးအမယ်များမှာ ငါးတန်၊ ငါးရွှေကြီး ၊ ငါးမြစ်ချင်း၊ ငါးသလောက်၊  ငါးပုဏ္ဏား၊ တီးလားပီးယား၊ ကင်းမွန်(အကြီး)၊ ကကတစ်၊ ငါးကွမ်းရှပ်၊ ငါးပုတ်သင်(ငါးပျက်)၊ ငါးကြင်းဖြူ၊ ပလာတူး၊ ငါးနှပ်၊ ငါးပုလွေ၊ ပုစွန်ပျော့(အကြီး)၊ ပုစွန်ပျော့(အသေး)၊   တို့အား ရောင်းချလျက်ရှိသည်။  

    ယင်းအမယ်မျိုးစုံများ၏ ဈေးနှုန်းအခြေအနေမှာ  ငါးတန် တစ်ပိဿာလျှင် ကျပ် ၃၅၀၀၊ ငါးရွှေကြီး တစ်ပိဿာလျှင် ၁၂၀၀၀၊ ငါးမြစ်ချင်း တစ်ပိဿာလျှင် ကျပ် ၅၅၀၀ ၊ ငါးသလောက် တစ်ပိဿာလျှင် ကျပ် ၁၂၅၀၀၊  ငါးပုဏ္ဏား တစ်ပိဿာလျှင် ကျပ်၁၆၅၀၀ ၊ တီးလားပီးယား တစ်ပိဿာလျှင် ကျပ် ၈၀၀၀၊ ကင်းမွန်(အကြီး) တစ်ပိဿာလျှင် ကျပ် ၁၇၀၀၀၊ ကကတစ် တစ်ပိဿာလျှင် ကျပ် ၈၆၀၀၊ ငါးကွမ်းရှပ် တစ်ပိဿာလျှင် ၁၅၀၀၀၊ ငါးပုတ်သင်(ငါးပျက်) တစ်ပိဿာလျှင် ကျပ် ၈၂၀၀၊ ငါးကြင်းဖြူ တစ်ပိဿာလျှင် ကျပ် ၁၀၅၀၀၊ ပလာတူး တစ်ပိဿာလျှင် ၆၀၀၀၊ ငါးနှပ် တစ်ပိဿာလျင် ကျပ် ၅၀၀၀၊ ၊ ငါးပုလွေ တစ်ပိဿာလျှင် ကျပ် ၆၀၀၀ ၊ ရွှေငါး တစ်ပိဿာလျှင် ကျပ် ၄၀၀၀ ၊ ပုစွန်ပျော့(အကြီး) တစ်ပိဿာလျှင် ၁၇၆၀၀ ၊ ပုစွန်ပျော့(အသေး) တစ်ပိဿာလျှင် ကျပ် ၁၃၅၀၀ အတွင်း ဖြစ်ကြောင်း သိရသည်။

DOCA(မွန်)

   ပခုက္ကူခရိုင်၊ ပခုက္ကူမြို့မစည်ပင်သာယာဈေးတွင် ၂၀၂၃ခုနှစ်၊ ဇူလိုင်လ(ပထမပတ်)၌ ရှမ်းပြည်နယ်ဒေသမှထွက်ရှိသော ကြက်သွန်ဖြူ(ကြူကုတ်)၊ ကြက်သွန်ဖြူ(ဗမာ)နှင့်  ချင်းတက်များမှာ ဈေးကောင်းရရှိနေပါသည်။ ကြက်သွန်ဖြူ(ဗမာ)ဒိုင်ပြတ်လက်ကားဈေးမှာ အရည်အသွေးပေါ်မူတည်၍ ထိပ်စတစ်ပိဿာလျှင် ကျပ် (၆၈၀၀)၊ အလတ်စတစ်ပိဿာလျှင် ကျပ် (၅၉၀၀)၊ အနိမ့်စတစ်ပိဿာလျှင် ကျပ် (၅၅၀၀)  ဖြစ်ပြီး ကြက်သွန်ဖြူ(ရှမ်းစ)ထိပ်စတစ်ပိဿာလျှင် ကျပ် (၆၅၀၀)၊ အလတ်စတစ်ပိဿာလျှင် ကျပ် (၅၅၀၀)၊ အနိမ့်စတစ်ပိဿာလျှင် ကျပ် (၅၀၀၀) ချင်းတက်မှာ အရည်အသွေးပေါ်မူတည်၍  အနိမ့်စတစ်ပိဿာလျှင် ကျပ် (၆၅၀၀)၊ အလတ်စတစ်ပိဿာလျှင် ကျပ် (၇၀၀၀)၊ ထိပ်စတစ်ပိဿာလျှင် ကျပ် (၈၀၀၀) ဖြင့် ဥပုသ်နေ့မှလွဲ၍ နေ့စဉ် အရောင်းအဝယ်ဖြစ်နေပါသည်။

   မြို့မစည်ပင်သာယာလက်လီဈေးမှာ ကြက်သွန်ဖြူ(ဗမာ)ထိပ်စတစ်ပိဿာလျှင် ကျပ် (၈၅၀၀)၊ အလတ်စတစ်ပိဿာလျှင် ကျပ် (၈၀၀၀)၊ အနိမ့်စတစ်ပိဿာလျှင် ကျပ် (၇၅၀၀)၊ ကြက်သွန်ဖြူ (ကြူကုတ်)ထိပ်စတစ်ပိဿာလျှင် ကျပ် (၈၅၀၀)၊ အလတ်စတစ်ပိဿာလျှင် ကျပ် (၇၅၀၀)၊ အနိမ့် တစ်ပိဿာလျှင် ကျပ် (၇၀၀၀)၊ ချင်းတက်မှာ အရည်အသွေးပေါ်မူတည်၍ အနိမ့်စတစ်ပိဿာလျှင် ကျပ် (၇၅၀၀)၊ အလတ်စတစ်ပိဿာလျှင် ကျပ် (၈၀၀၀)၊ ထိပ်စတစ်ပိဿာလျှင် ကျပ် (၉၀၀၀) ဖြင့် အရောင်းအဝယ်ဖြစ်နေကြောင်း မြို့မစည်ပင်သာယာဈေးသည်များနှင့် ကုန်သည်များထံမှသိရှိရပါသည်။

DOCA(မကွေး)

  ပခုက္ကူကုန်စည်ဒိုင်တွင် ပခုက္ကူဒေသမှစိုက်ပျိုးထွက်ရှိသော ပဲစဉ်းငုံနီ၊ ကုလားပဲ၊ မတ်ပဲ၊ ပဲယင်း၊ စွန်တာနီ၊ ပဲလွန်းပြာနှင့် အခြားပဲမျိုးစုံများအရောင်းအဝယ်ဖြစ်နေပါသည်။ ၂၀၂၃ခုနှစ်၊ ဇွန်လ(စတုတ္တပတ်)၏ ပဲဈေးနှုန်းများမှာ ပဲစဉ်းငုံနီတစ်တင်းလျှင် ကျပ် (၉၁၈၀၀- ၉၃၀၀၀- ၉၇၀၀၀)၊ ကုလားပဲဝါလုံးကြီး (929) တစ်တင်းလျှင် ကျပ် (၈၄၈၀၀)၊ ပဲတီစိမ်းကြီးမှာ အရည်အသွေးပေါ်မူတည်ပြီး တစ်တင်းလျှင် ကျပ် (၄၈၀၀၀-၅၇၀၀၀)၊ ပဲဇီးကွက်တစ်တင်းလျှင် ကျပ် (၄၉၁၀၀)၊ ပဲယင်းနီတစ်တင်းလျှင် ကျပ် (၇၄၃၀၀)၊ ပြောင်းဖူးစေ့ (CP)  တစ်တင်းလျှင် ကျပ် (၂၀၂၀၀)၊ ထောပတ်ပဲဖြူတစ်တင်းလျှင် အရည်အသွေးအလိုက် ကျပ် (၈၂၀၀၀-၈၅၀၀၀)၊ နှမ်းဖြူတစ်တင်းလျှင် ကျပ် (၁၁၄၀၀၀) နှင့် မန်ကျည်းတောင့်တစ်ပိဿာလျှင် ကျပ် (၈၆၀) ဖြင့် ဥပုသ်နေ့မှလွဲ၍ နေ့စဉ် ကုန်စည်ဒိုင်တွင် အရောင်းအဝယ်ဖြစ်နေပါသည်။

     ယခုတစ်ပတ်၏ အရောင်းအဝယ်ဖြစ်မှုအိတ်ရေမှာ ပဲစဉ်းငုံနီ (၁၅၀၀) အိတ်၊ ကုလားပဲဝါလုံးကြီး (929) (၃၀၀) အိတ်၊ ပဲတီစိမ်းကြီး (၁၈၀၀) အိတ်၊  ပဲဇီးကွက် (၂၅၀) အိတ်၊ ပဲယင်းနီ (၅၀၀) အိတ်၊ ပြောင်းဖူးစေ့ (CP) (၅၀၀) အိတ်၊ ထောပတ်ပဲဖြူ (၆၀၀) အိတ်နှင့် မန်ကျည်းတောင့်  ကုန်ချိန် (၁၅၀၀၀) ကျော်အရောင်းအဝယ်ဖြစ်နေပြီး တင်ပို့မှုအနေဖြင့် မြန်မာပြည်အောက်ပိုင်းနှင့် ပြည်ပနိုင်ငံများသို့တင်ပို့နေကြောင်း ကုန်သည်များထံမှသိရှိရပါသည်။

DOCA(မကွေး)

 ကုန်ဈေးနှုန်းမြင့်တက်မှုကြောင့် စားသုံးသူပြည်သူများ ဝန်ထုပ်ဝန်ပိုးမဖြစ်စေရေးနှင့် ဖြစ်သင့်ဖြစ်ထိုက်သည့်ဈေးနှုန်းအတိုင်း ဝယ်ယူရရှိနိုင်ရေးအတွက် ရောင်းသူမှ ဝယ်သူသို့ တိုက်ရိုက်ရောင်းချခြင်းဖြင့် ကရင်ပြည်နယ်အတွင်း ကုန်ဈေးနှုန်းတည်ငြိမ်ရန်နှင့် ကျဆင်းနိုင်စေရန်တို့အတွက် ကရင်ပြည်နယ်ကုန်ဈေးနှုန်းတည်ငြိမ်ရေးနှင့်ကျဆင်းရေးကော်မတီက ဘားအံမြို့၊ ကန်သာယာတွင် စနေနေ့အခွန်လွတ်ဈေးကိုလည်းကောင်း၊ အမှတ် ၉ရပ်ကွက် ကမ္မဌာန်းကျောင်းတွင် ဗုဒ္ဓဟူးနေ့၊ အခွန်လွတ်ဈေးကိုလည်းကောင်း အပတ်စဉ် ဖွင့်လှစ်ရောင်းချပေးလျက်ရှိကြောင်းသိရပါသည်။

  ဖွင့်လှစ်ရောင်းချပေးလျက်ရှိသောအခွန်လွတ်ဈေးများတွင် ကိုယ်တိုင်စိုက်ပျိုးထုတ်လုပ်သူများနှင့် အသားငါးအရောင်းဒိုင်များမှ တိုက်ရိုက်ရောင်းချပေးခြင်းဖြစ်ပြီး အရောင်းအဝယ်ဖြစ်လျက် ရှိသောဈေးနှုန်းများမှာ ဝက်သား ၁ပိဿာလျှင် ၁၃၀၀၀ကျပ်၊ အမဲသား ၁ပိဿာလျှင် ၁၄၀၀၀ကျပ်၊ ဆိတ်သား ၁ပိဿာလျှင် ၁၇၀၀၀ကျပ်၊ ကြက်သား(အိမ်ကြက်)တစ်ပိဿာလျှင် ၁၅၀၀၀ကျပ်၊ မွေးမြူရေးငါးကြင်း ၁ပိဿာလျှင် ၇၀၀၀ကျပ်၊ တီလားဗီးယား ၁ပိဿာလျှင် ၆၀၀၀ကျပ်၊ ငါးမဲလုံး ၁ပိဿာလျှင် ၆၀၀၀ကျပ်၊ ယိုးဒယားငါးခုံးမ ၁ပိဿာလျှင် ၆၀၀၀ကျပ်၊ ငါးခူ ၁ပိဿာ ၆၃၀၀ကျပ်၊ ငါးမုတ် ၁ပိဿာလျှင် ၅၀၀၀ကျပ်၊ ငါးတန် ၁ပိဿာလျှင် ၄၆၀၀ကျပ်၊ ပလာတူး ၁ပိဿာလျှင် ၆၀၀၀ကျပ်၊ ဘဲဥ ၁လုံးလျှင် ၃၀၀ကျပ်၊ ကြက်ဥ ၁လုံးလျှင် ၂၅၀ကျပ်၊ ကန်စွန်းရွက်၁စည်းလျှင် ၁၀၀ကျပ်၊ ချဉ်ပေါင်ရွက် ၁စည်းလျှင် ၁၀၀ကျပ်၊ ဂေါ်ဖီထုပ် ၁ထုပ်လျှင် ၇၀၀ကျပ်၊ ပန်းဂေါ်ဖီ ၁ပွင့်လျှင် ၅၀၀ကျပ် ၊စားသုံးဆီ ၁ပိဿာလျှင် ၅၁၀၀ကျပ် စသည်ဖြင့် ဈေးနှုန်းသက်သာစွာ ရောင်းချပေးလျက်ရှိကြောင်းသိရသည်။

   အခွန်လွတ်ဈေးများဖွင့်လှစ်ရောင်းချပေးခြင်းဖြင့် ကိုယ်တိုင်စိုက်ပျိုးထုတ်လုပ်ရောင်းချသူများမှာ ဝယ်သူထံသို့ ကြားပွဲစားမခံဘဲ တိုက်ရိုက်ရောင်းချနိုင်သောကြောင့် သီးနှံ/အသားငါးထုတ်လုပ်ရောင်းချမှုအပေါ် အမြတ်အစွန်းပိုမိုရရှိနိုင်မည်ဖြစ်ပြီး  စားသုံးသူပြည်သူများအနေဖြင့်လည်း ဈေးနှုန်းသက်သာစွာတိုက်ရိုက်ဝယ်ယူနိုင်သောကြောင့် နေ့စဉ် စားသောက်ရေးအတွက် ကုန်ကျစရိတ်ကာမိကာ ကုန်ဈေးနှုန်းကြီးမြင့်မှုကြောင့် လူမှုစီးပွားဘဝရိုက်ခတ်မှုလျော့နည်းသက်သာလာမည်ဖြစ်ကြောင်း သတင်းရရှိပါသည်။

DOCA(ကရင်)