ပြည်တွင်းကုန်သွယ်မှုသတင်း

      မြန်မာနိုင်ငံတွင် စပျစ်ကို တိုင်းဒေသကြီး/ ပြည်နယ် အနှံ့အပြား၌ အများအပြားစိုက်ပျိုးဖြစ် ထွန်းလျက်ရှိကြောင်းသိရသည်။ စပျစ်စိုက်ပျိုးရာတွင် ကိုင်းကူး/ ကိုင်းဆက်၍ စိုက်ပျိုးနည်း၊ ပင်ထောင်စိုက်ပျိုးနည်း၊ ချုံပုတ်သဏ္ဌာန်စိုက်ပျိုးနည်းနှင့် စင်တင်စိုက်ပျိုးနည်းဟူ၍ စိုက်ပျိုး လေ့ရှိကြောင်း၊ ကိုင်းဆက်စိုက်ပျိုးခြင်းသည် အပင်ပိုမို အကြမ်းခံသည်ဟုလည်းသိရပါသည်။ အများအားဖြင့် မြန်မာနိုင်ငံအလယ်ပိုင်းတွင် စင်တင်စိုက်ပျိုးခြင်းနည်းကိုသာအသုံးပြုကြပါသည်။

      စပျစ်သည် ဖေဖော်ဝါရီလတွင် စတင်ထွက်ရှိပြီး မတ်လတွင် အသီးများလှိုင်လှိုင်ထွက်ပေါ်နေပြီဖြစ်ပါသည်။ စပျစ်စိုက်ဧက(၁)ဧကလျှင် ပိဿာ(၁၅၀၀)ထွက်ရှိပြီး (၁)ပိဿာလျှင် ကျပ် (၁၀၀၀၀ မှ ၁၅၀၀၀)အထိ စျေးကွက်အတွင်း ရောင်းချရကြောင်း၊ နှစ်ရှည်ပင်ဖြစ်သည့်အတွက် အရင်းအနှီးမှာ လည်းပို၍များကြောင်း၊ ခူးဆွတ်ချိန်တွင် ခြံလုပ်သား(၁၅)ဦးခန့်ခေါ်ယူခူးဆွတ်ရပြီး လုပ်အားခနှုန်းထားမှာ တစ်ဦးလျှင်ကျပ်(၈၀၀၀)နှုန်းပေးချေရကြောင်း၊ ထွက်ရှိလာသော စပျစ်သီး များအား မကွေး၊ ချောက်၊ ရေနံချောင်း၊ စလင်း၊ ပွင့်ဖြူမြို့များမှ ကုန်သည်ပွဲစားများသည် စပျစ်ခြံအရောက် လာရောက် ဝယ်ယူကြကြောင်း နတ်မောက်မြို့ရှိ စပျစ်ခြံစိုက်ပျိုးသူ တောင်သူတစ်ဦးထံမှ သိရှိရပါသည်။

      စပျစ်သည် တစ်ကြိမ်စိုက်ပျိုးပြီး စနစ်တကျပြုစုကာ တောင်သူများနှစ်စဉ်ဝင်ငွေရရှိနိုင်သည့် အပြင်ခြံလုပ်သားများအတွက်လည်း အလုပ်အကိုင်အခွင့်အလမ်းများကိုဖော်ဆောင်ပေးနိုင်ပါသည်။ စပျစ်စိုက်ပျိုးခြင်းကို အသီးစားသုံးမှုအတွက် စိုက်ပျိုးခြင်းသာမက တန်ဖိုးမြင့်ထုတ်ကုန် ဖြစ်သောစပျစ်ဝိုင်၊ စပျစ်ခြောက်၊ စပျစ်ယိုအဖြစ်ပါထုတ်လုပ်လာကြသောကြောင့် ဈေးကွက်ဝင် သီးနှံလည်း ဖြစ်သည့်အပြင် ဈေးကွက်ဝယ်လိုအားကောင်းပြီး အကျိုးအမြတ်များစွာရရှိသည့်အတွက် တိုင်းဒေသ ကြီးအတွင်းရှိ တောင်သူများအနေဖြင့် တစ်ဖက်တစ်လမ်းမှ ဝင်ငွေပိုမိုရရှိရေးအတွက် မကွေးတိုင်းဒေသ ကြီးအတွင်းရှိ ဒေသအများအပြားတွင် စပျစ်ခြံများ စိုက်ပျိုးလျက်ရှိကြောင်း သိရှိရပါသည်။

DOCA(မကွေး)

       ရွှေဘိုမြို့၊ အမှတ်(၁၀)ရပ်ကွက်ရှိ ကုန်းဘောင်ဈေး၌ မေလ ဒုတိယပတ်တွင်ဖြစ်ပေါ်ခဲ့သော သစ်သီးဝလံဈေးနှုန်းများမှာ ပန်းသီးတစ်လုံးလျှင် (၈၀၀)ကျပ်မှ (၂၅၀၀)ကျပ်ထိ၊ ပန်းသစ်တော်သီးတစ်လုံးလျှင် (၃၀၀၀)ကျပ်၊ မန္တလေးပွဲရုံများမှ မှာယူရောင်းချသည့် ရွှေလိမ္မော်တစ်ပိဿာလျှင် (၁၀၀၀၀)ကျပ်၊ ကျွဲကောသီးတစ်လုံးလျှင် (၂၅၀၀)ကျပ်၊ ရွှေသခွားသီးတစ်လုံးလျှင် (၈၀၀)ကျပ်မှ (၁၅၀၀)ကျပ်ထိ၊  သခွားမွှေးတစ်လုံးလျှင် (၃၀၀၀)ကျပ်၊ ဒူးရင်းသီးတစ်လုံးလျှင် (၁၁၀၀၀)ကျပ်မှ (၁၆၀၀၀)ကျပ်ထိ၊ မင်းကွတ်သီးတစ်လုံးလျှင် (၃၀၀)ကျပ်မှ (၇၀၀)ကျပ်ထိ၊ လိုင်ချီးသီးတစ်ပိဿာလျှင် (၈၅၀၀)ကျပ်၊   ရမည်းသင်းမြို့မှထွက်ရှိသည့် စပျစ်သီး(အဝိုင်းသီး) တစ်ပိဿာလျှင် (၈၀၀၀)ကျပ်၊ စပျစ်သီး (အချွန်းသီး) တစ်ပိဿာလျှင် (၁၀၀၀၀)ကျပ်၊ ဆားတောင်မြို့နှင့် ရွှေပန်းကုန်းရွာမှထွက်ရှိသည့် ငှက်ပျောသီးဖီးကြမ်းတစ်ဖီးလျှင် (၁၈၀၀)ကျပ်မှ (၂၅၀၀)ကျပ်၊ ဖရဲသီးတစ်လုံးလျှင် (၂၀၀၀)ကျပ်မှ (၃၅၀၀)ကျပ်ထိ၊ စိန်တစ်လုံးသရက်သီးတစ်လုံးလျှင် (၄၀၀)ကျပ်မှ (၁၅၀၀)ကျပ်ထိ၊ နာနတ်သီးတစ်လုံးလျှင် (၁၅၀၀)ကျပ်၊ မာလကာသီးတစ်လုံးလျှင် (၃၅၀)ကျပ်၊ ဗန်းမော်မြို့မှ မှာယူရောင်းချသည့် သစ်ကြားသီးတစ်လုံးလျှင် (၁၅၀)ကျပ်ဖြင့် အသီးသီး အရောင်းအဝယ်ဖြစ်နေကြောင်း ကုန်းဘောင်ဈေးအတွင်းရောင်းချသော သစ်သီးဆိုင်များမှ သတင်းရရှိပါသည်။

DOCA(စစ်ကိုင်း)

       မြန်မာနိုင်ငံစက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့် တိုင်းဒေသကြီး/ ပြည်နယ်အလိုက် မြို့ကြီးများ၏ စက်သုံးဆီရည်ညွှန်းလက်ကားဈေးနှုန်းများကို နေ့စဉ်ထုတ်ပြန်ပေးလျက်ရှိပါသည်။

         ရွှေဘိုမြို့တွင် စက်သုံးဆီဆိုင် (၁၉)ဆိုင်ပုံမှန်ဖွင့်လှစ်ရောင်းချလျက်ရှိပြီး ၂၀၂၄ခုနှစ်၊ မေလ ပထမပတ်၌ စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင် (၂၉၂၀)ကျပ်၊ ဓာတ်ဆီ(95)တစ်လီတာလျှင် (၃၀၃၀)ကျပ်၊ ဒီဇယ်(ရိုးရိုး) တစ်လီတာလျှင် (၂၄၉၀)ကျပ်၊ ဒီဇယ်(ပရီမီယမ်)တစ်လီတာလျှင် (၂၅၃၅)ကျပ်ဖြင့် ရောင်းချလျက်ရှိကြောင်းသိရှိရပါသည်။

      ၂၀၂၄ခုနှစ်၊ မေလ ဒုတိယပတ်တွင် စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင် (၂၇၆၅)ကျပ်၊ ဓာတ်ဆီ(95)တစ်လီတာလျှင် (၂၈၇၀)ကျပ်၊ ဒီဇယ်(ရိုးရိုး) တစ်လီတာလျှင် (၂၄၂၅)ကျပ်၊ ဒီဇယ်(ပရီမီယမ်)တစ်လီတာလျှင် (၂၄၇၅)ကျပ်ဖြင့်ရောင်းချနေသောကြောင့် ယခင်အပတ်နှင့်နှိုင်းယှဉ်ပါက ဓာတ်ဆီ(92) တစ်လီတာလျှင် (၁၅၅)ကျပ်၊ ဓာတ်ဆီ(95) တစ်လီတာလျှင် (၅၀)ကျပ်၊ ဒီဇယ် (ရိုးရိုး) တစ်လီတာလျှင် (၆၅)ကျပ်၊ ဒီဇယ် (ပရီမီယမ်) တစ်လီတာလျှင် (၆၀)ကျပ် စသည်ဖြင့်ဈေးနှုန်းအသီးသီးကျဆင်းလျက်ရှိကြောင်း စက်သုံးဆီအရောင်းဆိုင်များမှ သတင်းရရှိပါသည်။

DOCA(စစ်ကိုင်း)

       မြန်မာနိုင်ငံစက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့် တိုင်းဒေသကြီး/ ပြည်နယ်အလိုက် မြို့ကြီးများ၏ စက်သုံးဆီရည်ညွှန်းလက်ကားဈေးနှုန်းများကို နေ့စဉ်ထုတ်ပြန်ပေးလျက်ရှိပါသည်။

       မုံရွာမြို့တွင် စက်သုံးဆီဆိုင် (၂၇) ဆိုင်ပုံမှန်ဖွင့်လှစ်ရောင်းချလျက်ရှိပြီး မေလ ပထမပတ်တွင် စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင် (၂၉၂၀) ကျပ်၊ ဓာတ်ဆီ (95) တစ်လီတာလျှင် (၃၀၃၀)ကျပ် ၊ ဒီဇယ်(ရိုးရိုး) တစ်လီတာလျှင် (၂၄၉၀) ကျပ်၊ ဒီဇယ်(ပရီမီယမ်) တစ်လီတာလျှင် (၂၅၃၅) ကျပ်ဖြင့် ရောင်းချရှိကြောင်းသိရှိရပါသည်။

        ယခုမေလ ဒုတိယပတ်တွင် စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင် (၂၇၆၅) ကျပ်၊ ဓာတ်ဆီ (95) တစ်လီတာလျှင် (၂၈၇၀)ကျပ် ၊ ဒီဇယ်(ရိုးရိုး) တစ်လီတာလျှင် (၂၄၂၅) ကျပ်၊ ဒီဇယ်(ပရီမီယမ်) တစ်လီတာလျှင် (၂၄၇၅) ကျပ်ဖြင့်ရောင်းချနေသောကြောင့် ယခင်မေလ ပထမပတ်နှင့်နှိုင်းယှဉ်ပါက ဓာတ်ဆီ(92) တစ်လီတာလျှင် (၁၅၅) ကျပ်၊ ဓာတ်ဆီ(95) တစ်လီတာလျှင် (၁၆၀)ကျပ်၊   ဒီဇယ် (ရိုးရိုး) တစ်လီတာလျှင် (၆၅) ကျပ်၊ ဒီဇယ် (ပရီမီယမ်) တစ်လီတာလျှင် (၆၀)ကျပ် စသည်ဖြင့် အသီးသီးဈေးနှုန်းကျဆင်းလျက်ရှိကြောင်း  စက်သုံးဆီဆိုင်များမှ သတင်းရရှိပါသည်။

DOCA(စစ်ကိုင်း)

       ပေါင်မြို့နယ်၏ ထွက်ကုန်သီးနှံတစ်မျိုးဖြစ်သည့် မင်းဂွတ်သီးများသည် အပူဒဏ်ကြောင့် အသီးများကျစ်ပြီး ပိန်လှီသွားကာ ပျက်ဆီးဆုံးရှုံးမှုများဖြစ်နေကြောင်း ဥယျာဉ်ခြံသမားများက ပြောကြားခဲ့သည်။

         မင်းဂွတ်သီးထွက်ရှိမှုအခြေအနေမှာ ယခုနှစ်တွင် များပြားသော်လည်း အပူဒဏ်ကြောင့် ပျက်ဆီးမှုများပြားခဲ့ကြောင်းသိရသည်။ တောင်ပေါ်ခြံများ၌ အပူဒဏ်ခံရမှုနည်းသော်လည်း ရွာခြံများ၌ အပင်ထိခိုက်မှုများပြီး အသီးများမှာ ရောင်းတန်းမဝင်ဘဲ ပျက်ဆီးသွားခြင်းဖြစ်ကြောင်းသိရသည်။

       လက်ရှိအချိန်တွင် မင်းဂွတ်သီးခေါင်လုံးများ၏ ပေါက်ဈေးမှာ တစ်လုံးလျှင် (၅၀၀-၆၀၀) ကျပ်ဖြစ်နေပြီး အလုံးသေးမှာ တစ်လုံးလျှင် (၁၅၀ - ၃၀၀) ကျပ်အတွင်း ဒေသတွင်းဈေးကွက်၌ အရောင်းအဝယ်ဖြစ်လျက်ရှိကြောင်းသိရှိရပါသည်။

DOCA(မွန်)