သတင်းနှင့် လှုပ်ရှားမှုများ

(၃.၇.၂၀၂၄)နေ့ နေ့လယ် (၁၄:၀၀)နာရီ အချိန်တွင် စားသုံးသူရေးရာဦးစီးဌာန ညောင်တုန်းမြို့နယ်ဦးစီးမှူးရုံးမှ တာဝန်ရှိ သူများသည် မြို့နယ်စည်ပင်သာယာ ရေးအဖွဲ့အစည်း အဝေးခန်းမတွင် မိတ်ဖက်ဌာနမှ တာဝန်ရှိသူများနှင့်အတူ ရပ်ကွက်နေပြည်သူ (၂၅)ဦးအား စီးပွားရေးလုပ်ငန်းရှင် လိုက်နာရမည့်တာဝန်များနှင့် စားသုံးသူအခွင့်အရေး ယှဉ်တွဲ၍ အသိပညာပေး ဟောပြော ဆွေးနွေးပွဲကို မြို့နယ်ဦးစီးမှူးရုံးတွင် ကျင်းပပြုလုပ်ခဲ့ပါသည်။

ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်၌ ဇူလိုင်လ ၁ ရက်နေ့ နံနက် ၈ နာရီက ခရိုင်စီမံအုပ်ချုပ်ရေးအဖွဲ့ဥက္ကဋ္ဌ နှင့်အဖွဲ့သည် ဓနုဖြူမြို့နယ်၊ အုန်းပင်ကွင်းကျေးရွာအတွင်း မိုး စပါးစိုက်ပျိုးနေမှုများကို ကွင်းဆင်းကြည့်ရှုခဲ့ကြသည်။ ယင်းသို့ ကွင်းဆင်းကြည့်ရှုရာ၌ အုန်းပင်ကွင်းကျေးရွာမှ တောင်သူ ဦးမင်းသူ၏ စိုက်ပျိုးမြေ ၁ ဧကတွင် ရေဆင်းစပါးမျိုးသစ်ကို လက်စိုက်နည်းဖြင့် စမ်းသပ်စိုက်ပျိုးနေမှုကို ကြည့်ရှုအားပေးခဲ့ကြောင်း သိရသည်။