သတင်းနှင့် လှုပ်ရှားမှုများ
( ၁၈.၁၁.၂၀၂၂ ) ရက်နေ့တွင် ပဲခူးတိုင်းဒေသကြီး၊ ညောင်လေးပင်ခရိုင်၊ ညောင်လေးပင်မြို့နယ် ၊ အမှတ်(၂) အခြေခံပညာအထက်တန်းကျောင်း၌ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ပူးပေါင်းကာ လူကုန်ကူးမှု အန္တရာယ်တားဆီးကာကွယ်ရေးနှင့် စားသုံးသူကာကွယ်ရေးဆိုင်ရာ အသိပညာပေးဟောပြောပွဲ ကျင်းပပြုလုပ်ခဲ့ကြောင်း သိရှိရပါသည်။
စစ်ကိုင်းတိုင်းဒေသကြီး၊ ရွှေဘိုခရိုင်၊ ဝက်လက်မြို့၊ အမှတ်(၂)၊ အခြေခံပညာအလယ်တန်းကျောင်းတွင် ၂၀၂၂ခုနှစ်၊ နိုဝင်ဘာလ (၁၆)ရက်နေ့၌ မြို့နယ်တာဝန်ခံဦးမျိုးအောင်သည် ကျောင်း သား/ကျောင်းသူ (၄၀)ဦးနှင့် ဆရာ/ဆရာမ(၅)ဦးအား စားသုံးသူကာကွယ်ရေးအသိပညာပေး ဟော ပြောပွဲ ဆောင်ရွက်ခဲ့ပါသည်။
ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ် စားသုံးသူရေးရာဦးစီးဌာန မြို့နယ်တာဝန်ခံ ဒေါ်ရီရီရှိန်နှင့်ဝန်ထမ်းများသည် နိုဝင်ဘာလ ၁၅.၁၁.၂၀၂၂ ရက်မှ ၁၆.၁၁.၂၀၂၂ ရက်တို့တွင် ကျေးလက်နေပြည်သူများ ဖွံ့ဖြိုးတိုးတက်စေရန် ရည်ရွယ်၍ ဖုန်းဆိုးကျေးရွာအုပ်စု ဖုန်းဆိုး ကျေးရွာ၊ ကျွန်းကုန်းကျေးရွာအုပ်စု၊ ကျွဲဘိကျေးရွာများတွင် ဌာနဆိုင်ရာပေါင်းစုံဝန်ထမ်းများမှ စုပေါင်း၍ စိုက်ပျိုးရေး၊ မွေးမြူရေး၊ ကုန်ထုတ်လုပ်ငန်းများဖွံ့ဖြိုးတိုးတက်ရေး သင်တန်းများ ကျင်းပပြုလုပ်ခဲ့ကြပါသည်။
ဖျာပုံခရိုင်၊ဘိုကလေးမြို့နယ်၊ တရားမဝင်ကုန်သွယ်မှု တိုက်ဖျက်ရေးအဖွဲ့များဖြစ်သော မြို့နယ် ထွေ/အုပ်၊ စားသုံးသူရေးရာ၊ မြန်မာနိုင်ငံရဲတပ်ဖွဲ့၊ ပြည်တွင်းအခွန်၊ စိုက်ပျိုးရေး၊ မြို့နယ်စည်ပင်သာယာ ရေး၊ဌာနတို့ပူး၍ ၂၀၂၂ခုနှစ်၊ နိုဝင်ဘာလ(၁၁)ရက်နေ့၊ နံနက်(၁၀:၀၀)နာရီအချိန်တွင် ဘိုကလေးမြို့ပေါ် ရပ်ကွက်နှင့် မြို့မဈေးအပြင်တန်းရှိ ဆေးဆိုင်များသို့ ကွင်းဆင်းစစ်ဆေးခဲ့ကြပါသည်။
ဧရာဝတီတိုင်းဒေသကြီး၊ စားသုံးသူရေး ရာဦးစီးဌာနမှ ဓနုဖြူမြို့နယ်ဦးစီးမှူး ဦးဝင်မင်းစိုးနှင့်ဝန်ထမ်းများသည်(၁၂.၁၁.၂၀၂၂) ရက်နေ့ နံနက် (၁၀:၀၀)အချိန်တွင် ဓနုဖြူမြို့နယ် နန်းတော်ကုန်း ကျေးရွာရှိ သိဒ္ဓိစံ ဆန်စက်သို့ သွားရောက်၍ ထုတ်ကုန်လုံခြုံစိတ်ချရမှု ရှိစေရေးကွင်းဆင်း စစ်ဆေးခဲ့ ပါသည်။
