သတင်းနှင့် လှုပ်ရှားမှုများ
ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဦးစီးမှူး ဦးစောသန်းထိုက်ကျော်သည် စက်တင်ဘာလ ၁၆ ရက်နေ့ နံနက်ပိုင်းက တောင်ငူမြို့ အမှတ်(၃)အခြေခံပညာအထက်တန်း ကျောင်း ခန်းမတွင်ပြုလုပ်သည့် အသိပညာပေးဟောပြောပွဲသို့ တက်ရောက်၍ စားသုံးသူကာကွယ် ရေးဆိုင်ရာများကို အသိပညာပေး ဟောပြောခဲ့ပါသည်။
တောင်ငူမြို့နယ် ဆင်ဆိပ်ကျေးရွာအုပ်စုရှိ အခြေခံလူတန်းစားများ စားသုံးဆီကို သက်သာသောနှုန်းထားဖြင့် ဝယ်ယူရရှိနိုင်ရေးအတွက် စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံး၏ ညှိနှိုင်းဆောင်ရွက်ချက်အရ စက်တင်ဘာလ ၁၅ ရက်နေ့ နံနက်ပိုင်းက ကံလှကျေးရွာဘုန်းတော်ကြီး ကျောင်းဝင်းအတွင်း စားသုံးဆီပိဿာ ၅၅၀ ကို ရောင်းချပေးခဲ့ပါသည်။
တနင်္သာရီတိုင်းဒေသကြီး၊ စားသုံးသူရေးရာဦးစီးဌာန မှ ဝန်ထမ်းများသည် တိုင်းဒေသကြီး အစားအသောက်နှင့်ဆေးဝါးကွပ်ကဲရေးဦးစီးဌာနနှင့် ပူးပေါင်း၍ ၂၀၂၂ခုနှစ်၊ စက်တင်ဘာလ ၂၁ ရက်နေ့ ၊ နံနက်(၁၀:၀၀)တွင် ထားဝယ်မြို့ အမှတ်(၅)အခြေခံပညာအထက်တန်းကျောင်း စုပေါင်းခန်းမ၌ စားသုံးသူကာကွယ်ရေး အသိပညာပေးဟောပြောပွဲကို ကျင်းပပြုလုပ်ခဲ့ပါသည်။
ပဲခူးတိုင်းဒေသကြီး၊ တောင်ငူခရိုင်၊ တောင်ငူမြို့နယ်တွင် ကျေးရွာအုပ်စု ၃၇ အုပ်စုရှိရာ တချို့ကျေးရွာများတွင် ကိုယ်ပိုင်လက်တွန်းထွန်စက်များ၊ ရိတ်သိမ်းချွေလှေ့စက်များဖြင့် လယ်ဧက ၇၀ အထက် ဧက ၁၀၀ အထိ စိုက်ပျိုးလုပ်ကိုင်နေသော တောင်သူကြီးများရှိပါသည်။
တောင်ငူမြို့နယ် ငါးဖယ်အင်းကျေးရွာအုပ်စု ကြံတောကျေးရွာရှိ တောင်သူကြီး ဦးစိုးနိုင် သည် လယ်ဧက ၇၀ စိုက်ပျိုးလုပ်ကိုင်နေပြီး စက်တင်ဘာနောက်ဆုံးပတ်တွင် မိုးစပါးများ ရိတ်သိမ်းတော့မည် ဖြစ်ပါသည်။
ပဲခူးတိုင်းဒေသကြီး၊စားသုံးသူရေးရာဦးစီးဌာန တောင်ငူခရိုင်ဦးစီးမှူး ဦးမျိုးအောင် ဦးဆောင်သော ဝန်ထမ်းများာသည် စက်တင်ဘာလ ၁၅ ရက်နေ့ နံနက်ပိုင်းက တောင်ငူမြို့နယ် ဆင်ဆိပ်ကျေးရွာအုပ်စု၊ ကံလှ ကျေးရွာ အောင်ရတနာ ဓမ္မဗိမာန်၌ ကျေးရွာသူကျေးရွာသားများအား စားသုံးသူကာကွယ်ရေး ဆိုင်ရာများကို အသိပညာပေး ဟောပြောခဲ့ပါသည်။
