သတင်းနှင့် လှုပ်ရှားမှုများ
ပဲခူးတိုင်းဒေသကြီး ၊ စားသုံးသူရေးရာဦးစီးဌာန ၊ ညောင်လေးပင်ခရိုင် ၊ ဒိုက်ဦးမြို့နယ်၊ မြို့နယ်တာဝန်ခံနှင့် ဝန်ထမ်း များသည် ဈေးတာဝန်ခံနှင့်အတူ အောက်တိုဘာ (၂၀) ရက်နေ့ ၊ နံနက်ပိုင်းတွင် ဒိုက်ဦးမြို့မ စည်ပင်သာယာဈေး အပြင်တန်းရှိ ကုန်မျိုးစုံဆိုင်များတွင် ရောင်းချနေသော ဆပ်ပြာခဲ ၊ ဆပ်ပြာမှုန့် ၊ ဆပ်ပြာရည်များအား ကုန်အညွှန်းအမှတ်အသားများ ပြည့်စုံမှန်ကန်မှုရှိစေရေး ဈေးကွက်စောင့်ကြည့် စစ်ဆေးခြင်း လုပ်ငန်းများကို ဆောင်ရွက်ခဲ့ပါသည်။
ပဲခူးတိုင်းဒေသကြီး၊ စားသုံးသူရေးရာဦးစီးဌာန ၊ ညောင်လေးပင်ခရိုင် ၊ ဒိုက်ဦးမြို့နယ်တာဝန်ခံနှင့် ဝန်ထမ်းများသည် အောက်တိုဘာ (၂၀) ရက်နေ့ ၊ နေ့လည်ပိုင်းတွင် ပြည်တွင်းကုန်သွယ်မှု ဖွံ့ဖြိုးတိုးတက်ရေးအတွက် ကျေးရွာတစ်ရွာ ထုတ်ကုန်တစ်မျိုးထုတ်လုပ်နေသော အသေးစား ၊ အလတ်စားလုပ်ငန်းများဖြစ်သော ကျောင်းစုရပ်ကွက်ရှိ ငါးဖယ်ချဉ်လုပ်ငန်းနှင့် သံတံတားရပ်ကွက်ရှိ ငါးရံ့ခြောက်လုပ်ငန်းများ လုပ်ကိုင်နေမှုအား ကွင်းဆင်းလေ့လာခဲ့ပါသည်။
တောင်ငူခရိုင်၊ တောင်ငူမြို့နယ်၊ ငါးဖယ်အင်းကျေးရွာသည် မိရိုဖလာလုပ်ငန်းဖြစ်သော မြေအိုးလုပ်ငန်းအား လုပ်ကိုင်ကြသူ များပြားလှပါသည်။ အဓိကအားဖြင့် သောက်ရေအိုးနှင့် ပန်းအိုး အား အဓိကလုပ်ကိုင်သည်ဟုလည်း သိရှိရပါသည်။ မြေအိုးများ ပြုလုပ်ရန်အတွက် အဓိကကုန်ကြမ်းများမှာ ရွှံစေးမြေ၊ သဲ၊ မြေနီ၊ ထင်း၊ ကောက်ရိုးနှင့် စပါးခွံတို့လိုအပ်ပါသည်။
တောင်ငူမြို့နယ်၊ ဆိပ်ဖူးတောင်ကျေးရွာအုပ်စု၊ ဘုရားခြေရင်းကျေးရွာ၊ တောင်ငူ-သံတောင် လမ်းမဘေးရှိ မုန့်ဖတ်ခြောက်လုပ်ငန်းသည် အောင်မြင်သော ဒေသထွက် တန်ဘိုးမြှင့်ထုတ်ကုန် လုပ်ငန်းတစ်ခုဖြစ်ပါသည်။ လုပ်သားအင်းအား ၃၀ ဦးဖြင့် လျှပ်စစ်မီးရရှိမှုအပေါ် မူတည်ကာ တစ်နေ့လျင် ကုန်ကြမ်း ဆန်အိတ် ၅၀ အထိ ထုတ်လုပ်နိုင်သည့် လုပ်ငန်းဖြစ်ပါသည်။
တောင်ငူခရိုင်၊ အုတ်တွင်းမြို့နယ်၊ ဥယျာဉ်တော်ကျေးရွာရှိ အုန်းဆံတံမြက်စည်းလုပ်ငန်း မှ ထုတ်လုပ်ရောင်းချလျက်ရှိသော အုန်းဆံတံမြက်စည်းများသည် သုံးစွဲသူများပြားပြီး ဈေးကွက်ဝင်သည့် အတွက် ဒေသတွင်းဖြစ်သော ရေတာရှည်၊ တောင်ငူ၊ ဖြူး၊ ကျောက်တံခါး၊ ညောင်လေးပင် မြို့နယ်များအပြင် ရှမ်းပြည်နယ်အထိ ဈေးကွက်ထိုးဖောက်လျက်ရှိကြောင်း သိရှိရပါသည်။
