သတင်းနှင့် လှုပ်ရှားမှုများ
ပဲခူးတိုင်းဒေသကြီး၊ ဒိုက်ဦးမြို့နယ် စိုက်ပျိုးရေးဦးစီးဌာန၏ ၂၀၂၂ - ၂၀၂၃ ဘဏ္ဍာနှစ် ၊ မိုးရာသီ မြေဆီလွှာ ဖွံ့ဖြိုးတိုးတက်ရေးအတွက် သစ်စိမ်းမြေသြဇာ (ပိုက်ဆံလျှော်) ကြဲပက်ပွဲကို ၃.၅.၂၀၂၂ ရက်နေ့ ၊ နံနက် ၈:၀၀ နာရီတွင် ပေါက်တပင်ကျေးရွာ တောင်သူကြီး ဦးအောင်မြင့်၏ လယ်၌ ကျင်းပ ပြုလုပ်ခဲ့ပါသည်။
ပဲခူးတိုင်းဒေသကြီး၊ စားသုံးသူရေးရာဦးစီးဌာန ၊ ပဲခူးခရိုင် ၊ ဒိုက်ဦးမြို့နယ်တာဝန်ခံ ဦးမျိုးမြင့်သည် (၁၆.၅.၂၀၂၂)ရက်နေ့ ၊ နံနက် (၁၀: ၀၀) နာရီအချိန်တွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန ၊ ဝေါမြို့နယ် ဦးစီးမှူးရုံး၌ စားသုံးသူကာကွယ်ရေး အသိပညာပေး Talk Show အစီအစဉ် ပြုလုပ် ဆောင်ရွက်ခဲ့ပါသည်။
ပဲခူးတိုင်းဒေသကြီး ၊ ဒိုက်ဦးမြို့နယ် အထွေထွေအုပ်ချုပ်ရေးဦးစီးဌာနမှ ဦးစီး၍ ဌာနဆိုင်ရာများနှင့် ပူးပေါင်း၍ ကျင်းပပြုလုပ်သော စိုက်ပျိုးရေး ၊ မွေးမြူရေးနှင့် ကုန်ထုတ်လုပ်မှု ဖွံ့ဖြိုးတိုးတက်ရေးလုပ်ငန်းများ နည်းပညာပေးဆွေးနွေးပွဲအား ၁၀.၅.၂၀၂၂ ရက်နေ့၊ နေ့လည် ၂:၀၀ နာရီအချိန်တွင် ဒိုက်ဦးမြို့နယ်၊ သရက်တောကျေးရွာ ဘုန်းကြီးကျောင်း ဓမ္မာရုံ၌ ကျင်းပပြုလုပ်ခဲ့ပါသည်။
စားသုံးသူရေးရာဦးစီးဌာန ၊ ပဲခူးတိုင်းဒေသကြီး၊ ပဲခူးခရိုင်ဦးစီးမှူးရုံးမှ ဒု-ခရိုင်ဦးစီးမှူးနှင့် တာဝန်ရှိသူများသည် (၃.၅.၂၀၂၂) ရက်နေ့၊ နံနက် (၁၀:၀၀) နာရီအချိန်တွင် ရွှေကျင်မြို့နယ်အတွင်း စက်ဆီ၊ ချောဆီနှင့် ဆက်စပ်ရေနံထွက်ပစ္စည်းများ ဖြန့်ဖြူးရောင်းချနေသည့် အရောင်းဆိုင်များတွင် အတုအပ ကုန်ပစ္စည်းများ ရောင်းချခြင်း ရှိ/မရှိ ကွင်းဆင်းစစ်ဆေးခဲ့ပါသည်။
စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ကျောက်တံခါးမြို့နယ် တာဝန်ခံနှင့် ဝန်ထမ်းများသည် (၄.၅.၂၀၂၂) ရက်နေ့၊ နံနက် (၁၀:၀၀) နာရီတွင် ကျောက်တံခါးမြို့ စည်ပင်သာယာဈေးအတွင်းရှိ ပြည်တွင်း၌ ထုတ်လုပ် ရောင်းချနေပြီး အသုံးပြုမှုအနေဖြင့်လည်း တစ်နိုင်ငံလုံး အတိုင်းအတာဖြင့် အသုံးပြုနေသည့် ကုန်စည်ဖြစ်သော ဆပ်ပြာခဲများတွင် ကပ်နှိပ်ထားသည့် ကုန်အညွှန်း အမှတ်အသားပါ အလေးချိန်ဖော်ပြချက်နှင့် အမှန်တကယ်ကိုက်ညီမှု ရှိ/မရှိကို ဈေးကွက် စောင့်ကြည့် စစ်ဆေးခဲ့ပါသည်။
