ကုန်သွယ်မှုသတင်းများ

ပဲခူးတိုင်းဒေသကြီး၊ ပဲခူးခရိုင်၊ ပဲခူးမြို့နယ်အတွင်းရှိ တောင်သူလယ်သမားများ အနေဖြင့် ဆောင်းသီနှံမျိုးစုံကို လယ်နားချိန်ကာလ၌ စိုက်ပျိုးလျက်ရှိရာ ပဲခူးမြို့နယ်၊ မုန်တိုင်း ကျေးရွာတွင် ခရမ်းသီးနှံစိုက် တောင်သူများအောင်မြင်ဖြစ်ထွန်းပြီး နေ့စဉ် ဆွတ်ခူး ရောင်းချနေရသဖြင့် အပိုဝင်ငွေ ရရှိကာမိသားစုစားဝတ်နေရေး အဆင်ပြေလျက် ရှိကြောင်း သိရသည်။

ပဲခူးမြို့တွင် အိမ်ဆောက်ပစ္စည်းဆောက်လုပ်ရေးလုပ်ငန်းသုံး အရောင်းဆိုင်များတွင် ပုံမှန် ရောင်းဝယ်နေသော Double Rhino (ကြံနှစ်ကောင်အနီ)၊ Double Rhino (ကြံနှစ်ကောင်အစိမ်း)၊ Apache(အပါချီ)၊ SCG(ထိုင်းဆင်)၊ Max Cement(မတ်စ်) စသည့် ဘိလပ်မြေအမျိုးအစားများမှာ ပစ္စည်းပြတ်လတ်ခြင်း၊ ဈေးနှုန်းမြင့်တက်ခြင်းများဖြစ်ပေါ်နေကြောင်းသိရသည်။