ကုန်သွယ်မှုသတင်းများ

   ၂၀၂၃ခုနှစ်၊ မေလ၊ စတုတ္ထအပတ်တွင် ရှမ်းပြည်နယ်(အရှေ့ပိုင်း)၊ ကျိုင်းတုံမြို့၊ ဈေးကွက်ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၁၃၈၀၀) ကျပ်၊ ဆင်တံဆိပ် (50)kg တစ်အိတ်လျှင် (၁၅၁၀၀)ကျပ်နှင့် စိန်တံဆိပ် (50)kg တစ်အိတ်လျှင် (၁၄၉၀၀) ကျပ်တို့ဖြစ်ပါသည်။ တာချီလိတ်မြို့ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၁၂၆၀၀) ကျပ်၊ ဆင်တံဆိပ် (50)kg တစ်အိတ်လျှင် (၁၃၈၀၀) ကျပ်နှင့် စိန်တံဆိပ် (50)kg တစ်အိတ်လျှင် (၁၃၆၀၀) ကျပ်တို့ဖြစ်ပါသည်။

  လိုင်ချီးသီးများကို မြန်မာပြည်အနှံ့အပြားတွင် စိုက်ပျိုးကြပြီး ရှမ်းပြည်နယ်(မြောက်ပိုင်း)တွင် စီးပွားဖြစ်စိုက်ပျိုးကြကြောင်းနှင့် လားရှိုးမြို့ပေါ်ရှိ အိမ်များ၌လည်း တစ်နိုင်တစ်ပိုင်စိုက်ပျိုးကြကြောင်း၊ လိုင်းချီးသီးပေါ်သောအချိန်ဖြစ်သည့်အတွက် ဈေးကွက်အတွင်း လှိုင်လှိုင်ပေါပြီး အရောင်းအဝယ်ဖြစ်နေကြောင်း သိရှိရပါသည်။