ကုန်သွယ်မှုသတင်းများ
နတ်တလင်းခရိုင်၊ နတ်တလင်းမြို့နယ်အတွင်းရှိ ကျောင်းကြီးကျေးရွာ၊ အုတ်တွင်းကုန်းကျေးရွာ၊ သရက်တပင်ကျေးရွာ၊ ဝဲကြီးကျေးရွာနှင့် အခြားကျေးရွာများတွင် ပန်းဂေါ်ဖီများကို တစ်နိုင်တစ်ပိုင်စိုက်ပျိုးကြပါသည်။
၂၀၂၄ ခုနှစ်၊ နိုဝင်ဘာလအတွင်း ဧရာဝတီတိုင်းဒေသကြီး၊ ပုသိမ်မြို့နယ်အတွင်း ခရမ်းချဉ်သီး ဈေးနှုန်းကျဆင်းလျှက်ရှိပြီး ယခင်လက ခရမ်းချဉ်သီးလက္ကားဈေးနှုန်း တစ်ပိဿာလျှင် ( ၈၅၀) ကျပ်နှင့် လက်လီဈေးနှုန်း တစ်ပိဿာလျှင် (၁၀၀၀) ကျပ်ဖြစ်ပြီး ယခုအခါက ခရမ်းချဉ်သီး လက္ကားဈေးနှုန်း တစ်ပိဿာလျှင် ( ၇၀၀) ကျပ်နှင့် လက်လီဈေးနှုန်း တစ်ပိဿာလျှင် (၈၀၀) ကျပ်တို့ဖြင့် အရောင်းအဝယ်ဖြစ်လျက်ရှိကြောင်း သိရပါသည်။
၂၀၂၄ ခုနှစ်၊ နိုဝင်ဘာလအတွင်း ဧရာဝတီတိုင်းဒေသကြီး၊ ပုသိမ်မြို့နယ်အတွင်း ကြက်သွန်ဖြူ ဈေးနှုန်းအနည်းငယ်မြှင့်လျက်ရှိပြီး ဈေးနှုန်းများအနေဖြင့် ယခင်လက ကြက်သွန်ဖြူလက္ကားဈေးနှုန်း တစ်ပိဿာလျှင် ( ၁၇၀၀) ကျပ်နှင့် လက်လီဈေးနှုန်း တစ်ပိဿာလျှင် (၁၈၀၀) ကျပ်ဖြစ်ပြီး ယခုအခါ ကြက်သွန်ဖြူ လက္ကားဈေးနှုန်း တစ်ပိဿာလျှင် (၂၁၀၀) ကျပ်နှင့် လက်လီဈေးနှုန်း တစ်ပိဿာလျှင် (၂၂၀၀) ကျပ်တို့ဖြစ် အရောင်းအဝယ် ဖြစ်လျက်ရှိကြောင်း သိရပါသည်။
ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ်တွင် ဆောင်းသီးနှံအဖြစ် ပဲမျိုးစုံနှင့် အခြားသီးနှံမျိုးစုံကို စိုက်ပျိုးထုတ်လုပ်လျက်ရှိပြီး စိုက်ပျိုးရေးဆေးဆိုင်များတွင်လည်း ဆောင်းသီးနှံနှင့်ကိုက်ညီသည့် စိုက်ပျိုးရေးဆေးများကိုရောင်းချလျက်ရှိပါသည်။
ပဲခူးတိုင်းဒေသကြီး၊ ညောင်လေးပင်ခရိုင်၊ ညောင်လေးပင် မြို့မဈေးရှိ ကုန်စိမ်းအရောင်းတန်း၊ သီးနှံဆိုင်များတွင် လိမ္မော်သီးများလှိုင်လှိုင်ပေါ်၍ သီးနှံဈေးသည်များတွင်သာမက လမ်းဘေးတွင် ခင်းကျင်း၍လည်း လိမ္မော်သီးများ ရောင်းချနေသည်ကိုတွေ့ရပါသည်။
