ကုန်သွယ်မှုသတင်းများ
ကမ္ဘောဒီးယားနိုင်ငံ၏ တိုးတက်ဖွံ့ဖြိုးလျက်ရှိသော ဆန်စပါးကဏ္ဍတွင် ရင်းနှီးမြှုပ်နှံရန်နှင့် ဆန်ပိုမိုတင်သွင်းရန်အတွက် တီမောလက်စ် သံအမတ်ကြီး Ermenegildo Kupa Lopes အား နိုဝင်ဘာ ၁၉ ရက်နေ့တွင် ဖနွမ်းပင်မြို့၌ လက်ခံတွေ့ဆုံရာတွင် ကမ္ဘောဒီးယား အထက်လွှတ်တော် ဥက္ကဋ္ဌ ဟွန်ဆန်က အဆိုပြုကမ်းလှမ်းခဲ့သည်။
သီရိလင်္ကာနိုင်ငံတွင် စားသုံးသူများ ဈေးနှုန်းသင့်တင့်စွာဖြင့် ဝယ်ယူနိုင်ရန်နှင့် ဆန်ထုတ်လုပ်မှု လိုအပ်ချက်ကို ဖြည့်ဆည်းရန်အတွက် အစိုးရ၏ ကြိုးပမ်းမှုများအနက် တစ်ခုအနေဖြင့် Nadu အမျိုးအစား ဆန်တန်ချိန် ၇၀၀၀၀ ကို တင်သွင်းသွားမည်ဟု ကူးသန်းရောင်းဝယ်မှု၊ စားနပ်ရိက္ခာဖူလုံမှုနှင့် သမဝါယမဖွံ့ဖြိုးတိုးတက်မှု ဝန်ကြီး Wasantha Samarasinghe က ကြေညာခဲ့ကြောင်း သိရှိရပါသည်။
အိန္ဒိယနိုင်ငံတွင် ၂၀၂၄-၂၅ သီးနှံရာသီနှစ်အတွင်း စိုက်ပျိုးထားရှိမှုမှ ထွက်ရှိသည့် ပဲစင်းငုံအသစ်များသည် ပမာဏအားဖြင့် နည်းပါးနေသေးသော်လည်း မဟာရဋ္ဌ၊ ကာနာတကာနှင့် တဲလန် ဂါနာ ပြည်နယ်များ၌ စတင်ဈေးကွက်ဝင်ရောက်လာပြီဖြစ်ပြီး စိုက်ပျိုးရာနယ်မြေဒေသ အသီးသီးတွင် ရင့်မှည့်မှုအခြေအနေ ကွဲပြားခြားနားချက်အရ ရှေ့လာမည့် ရက်သတ္တပတ် ၂ ပတ်ခန့်မှသာ အင်အားအပြည့်အဝဖြင့် ရိတ်သိမ်းထွက်ရှိမည်ဖြစ်ကြောင်း Hindu Business Line သတင်းဌာနက ဖော်ပြပါသည်။
ဧရာဝတီတိုင်း၊ မအူပင်ခရိုင်၊ ညောင်တုန်းမြို့နယ်တွင် အသေးစားအငယ်စားနှင့် အလတ်စား စီးပွားရေးလုပ်ငန်းများလုပ်ကိုင်လျက်ရှိပြီး၊ မြို့နယ်အတွင်း ဒေသထွက်ကုန် SME လုပ်ငန်းများဖွံ့ဖြိုးတိုးတက်စေရန်အတွက် ကွင်းဆင်းလေ့လာ စိစစ်ဆောင်ရွက်ပေးလျက်ရှိပြီး ညောင်တုန်းမြို့နယ်၊ ချောင်းစုကျေးရွာ၊ မိုးဟုတ်ကျေးရွာအုပ်စုတွင် ထုတ်လုပ်ဖြန့်ဖြူ ရောင်းချနေသော မြို့နယ်အတွင်းတပိုင်တနိုင် "ထက်ထက်" ဇီးတော်ဖီမုန့်လုပ်ငန်းတစ်ခုအား ကွင်းဆင်းလေ့လာခဲ့ကြောင်းသိရသည်။
ပဲခူးတိုင်းဒေသကြီး၊ သာယာဝတီခရိုင်၊ သာယာဝတီမြို့နယ်တွင် မြက်တံမြက်စည်းလုပ်ငန်းကို လုပ်သားအင်အား ကျား/မ (၈)ဦးခန့်ဖြင့် လုပ်ကိုင်ဆောင်ရွက်လျက်ရှိပါသည်။ မရှိမဖြစ် အိမ်သုံး ပစ္စည်းဖြစ်သည့်အတွက် အရောင်းအဝယ်ဖြစ်လျက်ရှိပါသည်။ မြက်တံမြက်စည်းပြုလုပ်ရာတွင် ကုန်ကြမ်းပစ္စည်း မြက်ကို သာယာဝတီမြို့နယ်၊ တောင်ညိုတောင်ပေါ်ကျေးရွာများမှရရှိပြီး မြက်(၂၀) ကျပ်သားခန့်ကို အလုံးလေးရှစ်လုံးခန့်လုံးရပါသည်။ ပြီးလျှင် ဆယ်ပင်ချည်ကြိုးဖြင့် ခိုင်ခန့်စွာတွဲ၍ ချည်နှောင်ကာ ၂၄လက်မခန့် ဆယ်ပင်ချည်ကြိုးဖြ
