တောင်ငူမြို့သို့ ဒေသအသီးသီးမှ ရာသီအလိုက်သီးနှံများ တင်ပို့ရောင်းချလျက်ရှိရာ ပေါ်ဦးပေါ်ဖျားတွင် ဈေးကောင်းရသော်လည်း နောက်ပိုင်းလှိုင်လှိုင်ပေါ်လာပါက ဈေးနှုန်းကျဆင်းလာပါသည်။
ယခုအခါ ဈေးကွက်အတွင်း ဒူးရင်းသီးဈေးနှုန်းများမှာ ရှယ်သီးမှာ တစ်လုံးလျှင် ၁၀၀၀၀ ကျပ်မှ ၁၂၀၀၀ ကျပ်အထိရှိပါသည်။အပင်မှခူးဆွတ်ထားသည့် သာမန်အသီးမှာ အကြီးတစ်လုံးလျှင် ၆၅၀၀ ကျပ်မှ ၇၅၀၀ ကျပ်အထိ၊ အလတ်တစ်လုံးလျှင် ၄၅၀၀ ကျပ်မှ ၅၅၀၀ ကျပ်နှင့် အသေး တစ်လုံးလျှင် ၂၅၀၀ ကျပ်မှ ၃၅၀၀ ကျပ်အထိ ရှိပါသည်။အပင်မှ ကြွေကျသည့်အသီးမှာ အလုံးအလတ် (၃)လုံးလျှင် ၁၀၀၀၀ ကျပ်၊ အလုံးသေး (၂)လုံးလျှင် ၅၀၀၀ ကျပ်ရှိပါသည်။
လိုင်ချီးသီး(ခေါ်)နှင်းသီးမှာ ယခုအခါ အထုပ်အကြီးတစ်ထုပ်လျှင် ၂၅၀၀ ကျပ်မှ ၃၅၀၀ ကျပ်အထိရှိကြောင်း သိရပါသည်။
DOCA (ပဲခူး)