အောင်လံကုန်စည်ဒိုင်တွင် နှမ်းဈေးကွက်အနေဖြင့် (၄၅)ပိဿာဝင်(၁)အိတ်လျှင် ယခင်အပတ်(၁၇-၅-၂၀၂၃)ရက်နေ့တွင် နှမ်းနက်(စမုံ)မှာ ကျပ်(၂၈၀၀၀၀ မှ ၃၀၀၀၀၀)ဖြစ်ခဲ့ပြီး ယခုအပတ်(၂၃-၅-၂၀၂၃)ရက်နေ့တွင် ကျပ်(၂၈၅၀၀၀ မှ ၃၀၀၀၀၀)ရှိ၍ ကျပ်(၅၀၀၀)ဈေးမြင့်တက်လာပြီး (၁၁၀၀)အိတ်ခန့်အရောင်းအဝယ်ရှိပါကြောင်းနှင့် နှမ်းပြာ၊ နှမ်းဖြူ၊ နှမ်းနီတို့မှာ အရောင်းအဝယ်နည်းပါးလျက်ရှိပါကြောင်း အောင်လံကုန်စည်ဒိုင်မှ သိရှိရပါသည်။
ပဲမျိုးစုံဈေးကွက်တွင် ပဲစင်းငုံနီ(၂၀)ပိဿာဝင်(၁)တင်းလျှင် ယခင်အပတ်တွင် ကျပ်(၈၁၈၀၀) ဖြစ်ခဲ့ပြီး ယခုအပတ်တွင် ကျပ်(၈၅၂၀၀)ဖြစ်၍ ကျပ်(၃၄၀၀)ဈေးမြင့်လာကြောင်း၊ မတ်ပဲတစ်တင်းလျှင် ယခင်အပတ်တွင် ကျပ်(၆၉၅၀၀)ဖြစ်ခဲ့ပြီး ယခုအပတ်တွင် ကျပ်(၇၂၀၀၀)ဖြစ်၍ ကျပ်(၂၅၀၀)ဈေးမြင့်လာကြောင်း၊ ကုလားပဲ (H-L) တစ်တင်းလျှင် ယခင်အပတ်တွင် ကျပ်(၇၈၀၀၀)ဖြစ်ခဲ့ပြီး ယခုအပတ်တွင် ကျပ်(၈၀၀၀၀)ဖြစ်၍ ကျပ်(၂၀၀၀) ဈေးမြင့်လာကြောင်း၊ ကုလားပဲ(မြကြေး)တစ်တင်းလျှင် ယခင်အပတ်တွင် ကျပ်(၇၈၀၀၀)ဖြစ်ခဲ့ပြီး ယခုအပတ်တွင် ကျပ်(၈၁၅၀၀)ဖြစ်၍ ကျပ်(၃၅၀၀)ဈေးမြင့်လာကြောင်း၊ ပဲကြီးတစ်တင်းလျှင် ယခင်အပတ်တွင် ကျပ်(၈၈၀၀၀ မှ ၉၀၀၀၀)ထိဖြစ်ခဲ့ပြီး ယခုအပတ်တွင် ကျပ်(၉၀၀၀၀ မှ ၉၅၀၀၀)ထိဖြစ်၍ ကျပ်(၂၀၀၀မှ ၅၀၀၀) ထိ စသည်ဖြင့် အသီးသီးဈေးမြင့်လာခဲ့ပါသည်။ ဘိုကိတ်ပြာတစ်တင်းလျှင် ယခင်အပတ်တွင် ကျပ်(၄၅၀၀၀)ဖြစ်ခဲ့ပြီး ယခုအပတ်တွင်လည်း ကျပ်(၄၅၀၀၀)ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် (၃၀)ပိဿာဝင်အိတ်များဖြင့် ပဲစင်းငုံ(နီ) (၁၀၀၀)အိတ်၊ မတ်ပဲ(၃၆၀)အိတ်၊ ကုလားပဲ (H-L) (၁၂၀၀)အိတ်၊ ကုလားပဲ(မြကြေး)(၉၅၀)အိတ်၊ ဘိုကိတ်ပြာ(၂၂၅)အိတ်နှင့် ပဲကြီး(၁၃၅၀)အိတ်တို့ အရောင်းအဝယ်ရှိခဲ့ပါသည်။
မြေပဲလုံးဆံ(ဖြူ)(၁)ပိဿာလျှင် ယခင်အပတ်တွင် ကျပ်(၆၈၀၀)ဖြစ်ခဲ့ပြီး ယခုအပတ်တွင် ကျပ်(၆၇၀၀)ဖြစ်၍ ကျပ်(၁၀၀)ဈေးနိမ့် လာခဲ့ပါသည်။ မြေပဲလုံးဆံ(နီ)မှာ မြို့နယ်အတွင်း ပဲကြော်လုပ်ငန်းရှင်များနှင့် အရောင်းအဝယ်လုပ်ငန်းရှင်များတွင် အနည်းငယ်မျှသာ အရောင်းအဝယ်ရှိနေပြီး အရောင်းအဝယ်ပမာဏအနေဖြင့် မြေပဲလုံးဆံ(ဖြူ)(၁၈၀)အိတ်တို့ အရောင်းအဝယ်ရှိခဲ့ပါကြောင်း အောင်လံကုန်စည်ဒိုင် မှ သိရှိရပါသည်။
ဝါသီးနှံဈေးကွက်တွင် ဝါ(၁)ပိဿာလျှင် ယခင်အပတ်တွင် ကျပ်(၂၉၀၀မှ ၃၀၀၀)ထိဖြစ်ခဲ့ပြီး ယခုအပတ်တွင်လည်း ကျပ်(၂၉၀၀ မှ ၃၀၀၀)ထိဖြစ်၍ ဈေးနှုန်းပြောင်းလဲမှုမရှိဘဲ ဝါပိဿာချိန်(၁၀၀၀)ခန့် အရောင်းအဝယ်ရှိခဲ့ပါကြောင်းနှင့် ယခုအချိန်၌ အရောင်းအဝယ် လုပ်ငန်းရှင်များတွင် လက်ကျန်နည်းပါးနေမှုနှင့် သီးနှံမပေါ်သေးသည့်အတွက် အရောင်းအဝယ်နည်းပါးမှုရှိပါကြောင်း အောင်လံကုန်စည်ဒိုင်မှ သိရှိရပါသည်။
DOCA(မကွေး)