စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်မှ ရွှေတောင်မြို့နယ်တာဝန်ခံနှင့် ဝန်ထမ်းများသည် (၂၃.၅.၂၀၂၃) နေ့ နံနက်ပိုင်းတွင် ရွှေတောင်မြို့နယ်ရှိ မီးလောင်အုပ်စု၊ မီးလောင်ကျေးရွာတွင် စိုက်ပျိုးလျက်ရှိသည့် ကန်စွန်းရွက် (ရွက်ချွန်းမျိုး) စိုက်ခင်းသို့ သွားရောက်၍ ကွင်းဆင်းလေ့လာခဲ့ပါသည်။
ရွှေတောင်မြို့နယ်တွင် ရွက်ချွန်းကန်စွန်းရွက် စိုက်ပျိုးသူတောင်သူ ဒေါ်လဲ့လဲ့ကြည်နှင့် တွေ့ဆုံမေးမြန်းခဲ့မှုအရ ကန်စွန်းရွက် စိုက်ပျိုးရာတွင် မျိုးစေ့ချပြီး ဘောင်တင်၍ စိုက်ပျိုးရကြောင်း၊ ကန်စွန်းရွက် စတင်စိုက်ပျိုးပြီး (၁၅)ရက်အကြာတွင် မြေဆွခြင်း၊ မြေဩဇာကျွေးခြင်းများပြုလုပ်ရကြောင်း၊ ကန်စွန်းရွက် စိုက်ပျိုးကုန်ကျစရိတ်မှာ ကန်စွန်းမျိုးစေ့တစ်ထုတ်လျှင် (၁၃၀၀၀)ကျပ်ဖြင့် ဝယ်ယူစိုက်ပျိုးရပြီး မြေဩဇာ နှင့်မြေဆွခများ အပါအဝင် စုစုပေါင်း ကုန်ကျစရိတ်မှာ (၅၀၀၀၀-၆၀၀၀၀)ကျပ် အထိ ကုန်ကျကြောင်း၊ ကန်စွန်းရွက်စတင်စိုက်ပျိုးပြီး (၁)လအကြာတွင် စတင်ခူးယူ၍ ရောင်းချကြောင်းသိရပါသည်။ ခူးဆွတ်ရရှိထားသော ကန်စွန်းညွှန့် (၁၀)ညွှန့်ကို တစ်စည်း စည်း၍ တစ်စည်းလျှင် (၂၀)ကျပ်နှုန်းဖြင့်ရောင်းချကြောင်း သိရပါသည်။ ကန်စွန်းရွက်များကို အခင်းထဲအထိ ကုန်စိမ်းဒိုင်မှ လာရောက်ဝယ်ယူကြသဖြင့် တစ်ခါခူးယူလျှင် (၅၀၀၀၀)ကျပ်ခန့် ရရှိကြောင်း သိရပါသည်။ အညွှန့်ဖြတ်ပြီး (၁၀)ရက်ကြာလျှင် အညွှန့်များကို ပြန်ခူး၍ရောင်းချရပါသည်။ ထို့ကြောင့် ကန်စွန်းရွက်တစ်ခါစိုက်ပျိုးလျှင် ရေလောင်းလိုက်၊ အစာကျွေးလိုက်ဖြင့် မိုးမကျမခြင်း ခူးယူ၍ ရောင်းချကြောင်းသိရပါသည်။
DOCA(ပဲခူး)