ရှမ်းပြည်နယ်၊ မိုးဗြဲမြို့မှလည်းကောင်း၊ ကရင်ပြည်နယ်၊ တောင်ငူမှလည်းကောင်း၊ မွန်ပြည်နယ်၊ မော်လမြိုင်မြို့မှလည်းကောင်း ဒညင်းသီးများ ဝင်ရောက်လျက်ရှိရာ ၂၀၂၃ခုနှစ်၊ ဇွန်လ(ပထမပတ်)တွင် ဒညင်းသီး ဈေးနှုန်းမှာ ရှယ်သီး အလုံး (၁၀၀) လျှင် ၉၀၀၀ကျပ်မှ ၁၂၀၀၀ကျပ်ထိ၊ သာမန်အရွယ်အစားအကြီးမှာ အလုံး (၁၀၀) လျှင် ၆၅၀၀ကျပ်မှ ၈၀၀၀ကျပ်ထိ၊ အလတ်မှာ (၁၀၀) လုံးလျှင် ၅၀၀၀ကျပ်မှ ၆၀၀၀ကျပ်ထိနှင့် အသေး အလုံး (၁၀၀) လျှင် ၄၀၀၀ကျပ်မှ ၅၀၀၀ကျပ်ထိတို့ဖြင့် အရောင်းအဝယ်ဖြစ်လျက်ရှိပါသည်။ အခွံပါ ဒညင်းသီးတစ်ပိဿာလျှင် ၂၅၀၀ကျပ်ရှိပြီး အရွယ်အစားစုံ ၆၅လုံးမှ ၇၀လုံးခန့်အထိပါဝင်ပါသည်။ ဈေးကွက်အတွင်း ဒညင်းသီးဝင်ရောက်မှု ပိုမိုများပြားလျက်ရှိပြီး ဈေးနှုန်းကျဆင်းနိုင်ကြောင်း သိရှိရပါသည်။
DOCA(ကယား)