ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၊ အစည်းအဝေးခန်းမတွင် ဧပြီလ (၂၃) ရက်နေ့ (၁၂:၃၀) နာရီအချိန်တွင် စားသုံးသူရေးရာ ကော်မတီ(၂/၂၀၂၄)အစည်းအဝေးအား စားသုံးသူရေးရာကော်မတီဥက္ကဋ္ဌကဦးဆောင်၍ ကျင်းပပြုလုပ်ခဲ့ပြီး စားသုံးရေးရာကော်မတီ အတွင်းရေးမှူးနှင့် ကော်မတီအဖွဲ့ဝင် စုစုပေါင်း (၈) ဦးတက်ရောက်ခဲ့ကြောင်းသိရှိရပါသည်၊၊
အဆိုပါ ကော်မတီအစည်းအဝေးအား အစီအစဉ်(၇)ရပ်ဖြင့် ကျင်းပပြုလုပ်ခဲ့ပြီး ရှေးဦးစွာစားသုံးသူရေးရာကော်မတီဥက္ကဋ္ဌမှ အဖွင့်အမှာစကားပြောကြားရာတွင် တိုင်ကြားမှုအများဆုံးလက်ခံရရှိသည့် ကုန်စည်များ၊ ထိခိုက်နစ်နာလွယ်သည့်ကုန်စည်များ၊ ဌာနဆိုင်ရာ ထိန်းချုပ်ကွပ်ကဲမှုမရှိသော ကုန်စည်အမျိုးအစားများအနက် ဦးစားပေးကုန်စည် (၁၀)မျိုးသတ်မှတ်၍ ရွေးချယ်ဆောင်ရွက်သွားမည်ဖြစ်ကြောင်း အဖွင့်အမှာစကားပြောကြားခဲ့ပြီးနောက် စားသုံးရေးရာကော်မတီအတွင်းရေးမှူးမှ လက်ရှိစားသုံးသူကာကွယ်ရေးဆိုင်ရာလုပ်ငန်းများနှင့် ရှေ့ဆက်လက်ဆောင်ရွက်မည့်အစီအစဉ်များကို Power Point ဖြင့် ရှင်းလင်းတင်ပြခဲ့ကြောင်းသိရှိရပါသည်။
ဆက်လက်၍ စားသုံးသူရေးရာကော်မတီအဖွဲ့ဝင်များမှ အသီးသီးဆွေးနွေးတင်ပြကြပြီးနောက် စားသုံးသူရေးရာကော်မတီဥက္ကဋ္ဌမှ နိဂုံးချုပ်အမှာစကားပြောကြားခဲ့ကာ အစည်းအဝေးအား (၁၄:၀၀) နာရီအချိန်တွင် ရုပ်သိမ်းခဲ့ကြောင်းသတင်းရရှိပါသည်။
DOCA(ဧရာဝတီ)