စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံသူရေးရာဦးစီးဌာန၊ ကန့်ဘလူခရိုင်ဦးစီးမှူးရုံးလက်အောက်ရှိ ကျွန်းလှမြို့နယ်တာဝန်ခံရုံးအနေဖြင့် စားသုံးသူပြည်သူများအား စားသုံးသူကာကွယ်ရေးအကြောင်းများသိရှိစေရန်ရည်ရွယ်၍ စားသုံးသူကာကွယ်ရေးလုပ်ငန်းများဖြစ်သည့် ဟောပြောပွဲများ၊ စားသုံးသူပြည်သူများဘေးအန္တရာယ်ကင်းရှင်းရေး၊ ကျန်းမာရေး၊ စိတ်ကျေနပ်မှုရရှိစေရန်ရည်ရွယ်ချက်ဖြင့် ဈေးကွက်အတွင်း ရောင်းချလျက်ရှိသောကုန်စည်များတွင် ကုန်အညွှန်းအမှတ်အသားများကို ညွှန်ကြားချက်နှင့်အညီ ဖော်ပြထားခြင်းရှိ/မရှိတို့ကို မိတ်ဖက်ဌာနများနှင့်ပူးပေါင်း၍ ကွင်းဆင်းစစ်ဆေးခြင်းများ၊ ဌာန၏မျှော်မှန်းချက်ဖြစ်သည့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွား့ဖြိုးတိုးတက်စေရန်” ဆိုသည့်အတိုင်း ပြည်တွင်းကုန်သွယ်မှုလုပ်ငန်းများကိုလည်း လစဉ် ကွင်းဆင်းတွေ့ဆုံဆွေးနွေးခြင်းများဆောင်ရွက်ခဲ့ကြောင်းသိရှိရပါသည်။
ထိုသို့ဆောင်ရွက်ရာတွင် ၂၀၂၄ခုနှစ်၊ မေလ(၆-၅-၂၀၂၄)ရက်နေ့တွင် ကျွန်းလှမြို့၊ ပျဉ်းမမြိုင်ရပ်ကွက်အတွင်းရှိ “ခေတ်ကြိုက်” သောက်ရေသန့်လုပ်ငန်းရှင်နှင့် အလုပ်သများများအား စားသုံးသူအကာအကွယ်ပေးရေးအသိပညာပေးဟောပြောပွဲ(၁)ကြိမ်ကျင်းပပြုလုပ်ခြင်း၊ (၇-၅-၂၀၂၄)ရက်နေ့တွင် ကျွန်းလှမြို့၊ သစ်ရာမြိုင်ရပ်ကွက်၌ ဈေးကွက်စောင့်ကြည့်စစ်ဆေးခြင်း(၁)ကြိမ်၊ (၇-၅-၂၀၂၄) ရက်နေ့နှင့် ၂၇-၅-၂၀၂၄) ရက်နေ့တို့တွင် ကျွန်းလှမြို့ပေါ်ရှိ ဆေးနှင့်ဆေးပစ္စည်းအရောင်းဆိုင်များသို့ အဖွဲ့စုံဖြင့် ကွင်းဆင်းစစ်ဆေးခြင်း (၂)ကြိမ်၊ (၆-၅-၂၀၂၄) ရက်နေ့၊ (၂၀-၅-၂၀၂၄) ရက်နေ့နှင့် (၇-၅-၂၀၂၄) ရက်နေ့တွင် ကျွန်းလှမြို့ပေါ်ရှိ အိမ်ဆောက်ပစ္စည်းအရောင်းဆိုင်များသ၏ ဘိလပ်မြေဈေးနှုန်း/ဈေးကွက်၊ လက်ကျန်နှင့်သယ်ယူပို့ဆောင်ရေး အခြေအနေများကို တွေ့ဆုံကွင်းဆင်းစစ်ဆေးခြင်း(၃)ကြိမ်၊ (၂၇-၅-၂၀၂၄)ရက်နေ့တွင် ကျွန်းလှမြို့၊ ပျဉ်းမမြိုင်ရပ်ကွက်အတွင်းရှိ “နှင်းမိုးလှိုင်” ကိတ်နှင့်ပေါင်မုန့်မျိုးစုံလုပ်ငန်းရှင်နှင့်ကွင်းဆင်းတွေ့ဆုံပြီး ကုန်အညွှန်းအမှတ်အသားလျှောက်ထားခြင်း(၁)ကြိမ်ဆောင်ရွက်ခဲ့ပြီး စီးပွားရေးလုပ်ငန်းရှင်များအား မိမိတို့လိုက်နာဆောင်ရွက်ရမည့်တာဝန်များနှင့် ကုန်အညွန်းအမှတ်အသားပြည့်စုံစွာထည့်သွင်းဖော်ပြရန် ကုန်အညွန်းအမှတ်အသားများမပြည့်စုံပါက စားသုံးသူရေးရာဦးစီးဌာနသို့လျှောက်ထားကြရန်နှင့် လျှောက်ထားရန်အတွက် ဌာနအနေဖြင့် အခမဲ့ကူညီဆောင်ရွက်ပေးနေကြောင်းနှင့် ဟောပြောပွဲတွင်လည်း စားသုံးသူပြည်သူများ စားသုံးသူအခွင့်အရေး(၈)ချက်ကိုသိရှိနိုင်ရန်၊ စားသုံးသူအခွင့်အရေးများသိရှိပြီး အခွင့်အရေးများတောင်းဆိုတတ်စေရန်အတွက် စားသုံးသူအခွင့်အရေး (၈)ချက်နှင့် စားသုံးသူပြည်သူများလိုက်နာဆောင်ရွက်ရမည့် တာဝန်(၄)ချက်တို့ကို အကျယ်တဝင့်ဟောပြောခဲ့ပြီး အသိပညာပေးလက်ကမ်းစာစောင်များဖြန့်ဝေပေးခဲ့ကြောင်း သတင်းရရှိပါသည်။
DOCA(စစ်ကိုင်း)