ကမ္ဘာပေါ်တွင် လက်ဖက်တင်ပို့မှု၌ ဗီယက်နမ်အဆင့် ၅ နေရာရပ်တည်

    ယခုနှစ် စက်တင်ဘာလကုန်တွင် ဗီယက်နမ်သည် ကမ္ဘာ့ ၅ ခုမြောက် အကြီးမားဆုံး လက်ဖက်တင်ပို့သူဖြစ်လာပြီး တန်ချိန် ၁၀၈၀၀၀ တန်တင်ပို့ရာမှ ဝင်ငွေအမေရိကန်ဒေါ်လာ ၁၈၉ သန်းရရှိခဲ့ကြောင်း သိရပါသည်။ ၂၀၂၃ ခုနှစ် တူညီသည့်ကာလနှင့် နှိုင်းယှဉ်ပါက ပမာဏ တွင် ၃၁.၉% မြင့်တက်လာပြီး တန်ဖိုးတွင် ၃၄.၂% မြင့်တက်လာကြောင်း သိရပါသည်။ ထို အချက်အလက်ကို သီးနှံထုတ်လုပ်ရေးဦးစီးဌာန၊ ဗီယက်နမ်ဥယျာဉ်ပန်းခြံအသင်းနှင့် Nothern Mountainous Agriculture and Forestry Science Institute တို့က Phu Tho ပြည်နယ်တွင် နိုဝင်ဘာလ ၅ ရက်နေ့က ကျင်းပခဲ့သော အရည်အသွေးမြင့်မားသော လက်ဖက်ကို ထုတ်လုပ်မှုနှင့် စားသုံးမှုမြှင့်တင်ရေး ကွန်ဖရန့်တွင် ရရှိခဲ့ကြောင်း သိရပါသည်။ စိုက်ခင်းဧရိယာများ အနည်းငယ် လျှော့ကျခဲ့သော်လည်း ထုတ်လုပ်နိုင်စွမ်းမြင့်တက်လာသောကြောင့် လက်ဖက်ထွက်ရှိမှုသည် လတ်တလောနှစ်များတွင် မြင့်တက်လာကြောင်း သီးနှံထုတ်လုပ်ရေးဦးစီးဌာန၏ ဒုတိယညွှန်ကြားရေးမှူးဖြစ်သူ Nguyen Quoc Manh ၏ အဆိုအရ သိရပါသည်။ ၂၀၂၂ ခုနှစ်တွင် ဗီယက်နမ်နိုင်ငံတွင်း ရောင်းချခဲ့သော လက်ဖက် တန်ချိန် ၄၈၀၀၀ သည် အမေရိကန်ဒေါ်လာ ၃၂၅ သန်းတန်ကြေးရှိပြီး ပြည်ပသို့တင်ပို့ခဲ့သော လက်ဖက်တန်ချိန် ၁၄၆၀၀၀ သည် တန်ဖိုး အမေရိကန်ဒေါ်လာ ၂၃၇ သန်းသာရှိကြောင်း သိရပါသည်။ Manh က ပြည်တွင်း လက်ဖက်စားသုံးမှု ပမာဏသည် ပြည်ပသို့ တင်ပို့သည့် ပမာဏ၏ သုံးပုံတစ်ပုံသာရှိကြောင်း၊ သို့သော် ပြည်တွင်းစားသုံးသည့် တန်ဖိုးသည် ပိုမြင့်ကြောင်းနှင့် တင်ပို့သည့် တန်ဖိုးမြှင့်တင်ရန် နည်းလမ်းများ ရှာဖွေခြင်းသည် ဗီယက်နမ်လက်ဖက်လုပ်ငန်းအတွက် ဆက်လက်စိန်ခေါ်မှု ဖြစ်နေကြောင်း ပြောကြားခဲ့ပါသည်။ ဗီယက်နမ်၏ လက်ဖက်ထုတ်ကုန်များကို နိုင်ငံနှင့် ဒေသပေါင်း ၁၀၀ ကျော်သို့ တင်ပို့လျက်ရှိပြီး အဓိက ဈေးကွက်များတွင် ပါကစ္စတန်၊ ထိုင်ဝမ်၊ ရုရှား၊ တရုတ်၊ အမေရိကန်နှင့် ဥရောပသမဂ္ဂတို့ ပါဝင်ကြောင်းအရည်အသွေးပြုပြင်ထုတ်လုပ်ရေးနှင့် ဈေကွက်ဖွံ့ဖြိုးတိုးတက်ရေးဦးစီးဌာန၏အဆိုအရ သိရပါသည်။ ဗီယက်နမ်သည် လက်ဖက်အမျိုးအစား ၁၅ မျိုးခန့် ပြုပြင်ထုတ်လုပ်လျက်ရှိပြီး အနက်နှင့် အစိမ်းရောင်လက်ဖက်မှာ အဓိက အမျိုးအစားများဖြစ်ကြောင်း သိရပါသည်။

Source : Vietnamplus

DOCA(ရန်ကုန်)