ယခုနှစ် ပထမ ၁၀လတွင် ကမ္ဘောဒီးယားသည် အမေရိကန်ဒေါ်လာ ၅.၅ ဘီလီယံတန်ဖိုးရှိသော ပုံသေပိုင်ရင်းနှီးမြှုပ်နှံမှုစီမံကိန်း ၃၄၆ခုကိုခွင့်ပြုခဲ့ပြီး အလုပ်အကိုင် ၂၆၆၀၀၀ ဖန်တီးနိုင်ခဲ့ကြောင်း ကမ္ဘောဒီးယားနိုင်ငံဖွံ့ဖြိုးတိုးတက်ရေးကောင်စီ (CDC) က ၅-၁၁-၂၀၂၄ ရက်နေ့တွင် ပြောကြားခဲ့ပါသည်။ စီမံကိန်းအသစ်များသည် အဓိကအားဖြင့် အဝတ်အထည်၊ ခရီးသွားအသုံးအဆောင်နှင့် ဖိနပ်ကဏ္ဍ၊ ဟိုတယ်ဖွံ့ဖြိုးတိုးတက်ရေး၊ ဟိုက်ဒရိုလျှပ်စစ်ပါဝါရုံများ၊ ရေချိုဆိပ်ကမ်းများ၊ ဆိုလာပါဝါစက်ရုံများ၊ စိုက်ပျိုးရေး၊ ဖျော်ဖြေရေးပန်းခြံများ၊ ကားတာယာစက်ရုံးများ၊ SEZ များနှင့် အခြေခံအဆောက်အအုံတို့တွင်ဖြစ်ကြောင်းသိရပါသည်။ အောက်တိုဘာလတစ်လတည်းတွင် အမေရိကန်ဒေါ်လာ ၂၂၆သန်းတန်ကြေးရှိသည့် ရင်းနှီးမြှုပ်နှံမှုစီမံကိန်း ၃၁ခုကိုဆွဲဆောင်နိုင်ကြောင်းသိရပါသည်။ တရုတ်နိုင်ငံသည် ကမ္ဘောဒီးယား၏ အကြီးမားဆုံး ပြည်ပရင်းနှီးမြှုပ်နှံသူဖြစ်ကြောင်းသိရပါသည်။ ကမ္ဘောဒီးယားနိုင်ငံ စီးပွားကူးသန်းဝန်ကြီးဌာန၏ သင့်လျော်ကောင်းမွန်သော ရင်းနှီးမြှုပ်နှံမှုဥပဒေတို့သည် ပြည်ပတိုက်ရိုက်ရင်းနှီးမြှုပ်နှံမှုများကိုဆွဲဆောင်ရာ၌ အဓိကအချက်များဖြစ်ကြောင်းနှင့် အထူးသဖြင့် တရုတ်နိုင်ငံသည် ကမ္ဘောဒီးယား၏ လူမှုစီးပွားဖွံ့ဖြိုးတိုးတက်ရေး၊ ကုန်သွယ်ရေးကြီးထွားမှုနှင့် ဆင်းရဲနွမ်းပါးမှုလျှော့ချရေးတို့တွင် ကူညီရာ၌ အလွန်အရေးပါကြောင်းပြောကြားခဲ့ပါသည်။
Source : Khmer Times
DOCA(ရန်ကုန်)