၂၀၂၄ခုနှစ်၏ ပထမ (၁၀) လအတွင်း ကမ္ဘောဒီးယားနိုင်ငံသည် ဆန်တန်ချိန် ၅၀၇,၀၂၉မတ်ထရစ်တန်အား နိုင်ငံပေါင်း (၆၆) နိုင်ငံသို့တင်ပို့ခဲ့ပြီး အမေရိကန်ဒေါ်လာ ၃၇၆.၆၃ သန်းရရှိခဲ့ကြောင်း ၇-၁၁-၂၀၂၄ ရက်နေ့တွင် ကမ္ဘောဒီးယားဆန်စပါးအသင်းချုပ် (CRF) ၏ ထုတ်ပြန်ချက်အရသိရသည်။ CRF မှ ကမ္ဘောဒီးယားနိုင်ငံသည် ဥရောပနိုင်ငံ (၂၆) နိုင်ငံသို့ ဆန်တန်ချိန် ၂၅၄,၉၄၅မတ်ထရစ်တန် တင်ပို့ခဲ့ပြီး အမေရိကန်ဒေါ်လာ ၁၉၆.၉၃ သန်း၊ ဟောင်ကောင်၊ မကာအိုနှင့် တရုတ်နိုင်ငံများသို့ ဆန်တန်ချိန် ၉၃,၁၉၇မတ်ထရစ်တန်တင်ပို့ခဲ့ပြီး အမေရိကန်ဒေါ်လာ ၆၁.၄၈ သန်း၊ အရှေ့တီမောအပါအဝင် အာဆီယံ (၇) နိုင်ငံသို့ တန်ချိန် ၁၀၀,၉၉၆မတ်ထရစ်တန်တင်ပို့ခဲ့ပြီး အမေရိကန်ဒေါ်လာ ၆၆.၆၁ သန်းနှင့် အာဖရိက၊ အရှေ့အလယ်ပိုင်းဒေသရှိနိုင်ငံများ၊ အမေရိကန်၊ ကနေဒါ၊ ဩစတေးလျနှင့်နယူးဇီလန်အပါအဝင် အခြားနိုင်ငံပေါင်း ၃၀ သို့ တန်ချိန် ၅၇,၈၉၁မတ်ထရစ်တန်တင်ပို့ခဲ့ပြီး အမေရိကန်ဒေါ်လာ ၅၁.၆၁ သန်းရရှိခဲ့ကြောင်းသိရသည်။ ပြည်ပသို့ ဆန်မွှေး ၇၃.၂၁ ရာခိုင်နှုန်း၊ ဆန်ဖြူ ၂၁.၇၁ ရာခိုင်နှုန်း၊ ပြုတ်ဆန် ၃.၀၄ ရာခိုင်နှုန်း၊ အော်ဂဲနစ်ဆန် ၁.၇၄ ရာခိုင်နှုန်းနှင့် အခြားဆန် ၀.၃၀ ရာခိုင်နှုန်းတင်ပို့ခဲ့သည်။
Source: Khmer Times
DOCA(ရန်ကုန်)