ဗီယက်နမ်သို့ ကမ္ဘောဒီးယားမှ သီဟိုဠ်စေ့တင်ပို့မှု ၃၆ရာခိုင်နှုန်းတိုးတက်လာ

        ကမ္ဘောဒီးယားနိုင်ငံသည် ၂၀၂၄ခုနှစ်၏ ပထမဆယ်လအတွင်း ဗီယက်နမ်နိုင်ငံသို့ သီဟိုဠ်စေ့တန်ချိန် ၇၉၀,၀၀၀ ကျော်တင်ပို့ခဲ့ပြီး ဝင်ငွေ အမေရိကန်ဒေါ်လာ ၁.၁၁၀ ဘီလီယံရရှိကာ ၃၆ရာခိုင်နှုန်းတိုးလာကြောင်း သီဟိုဠ်စေ့အသင်း (CAC) မှ တာဝန်ရှိသူတစ်ဦးကပြောကြားခဲ့သည်။ ကမ္ဘောဒီးယားသီဟိုဠ်စေ့အသင်း (CAC) ၏ ဒုတိယဥက္ကဋ္ဌ  Suy Kokthean က ကမ္ဘောဒီးယားသည် ၂၀၂၄ခုနှစ်၊ ဇန်နဝါရီလမှ အောက်တိုဘာလအထိ သီဟိုဠ်စေ့တန်ချိန် ၈၄၀,၀၀၀ ထုတ်လုပ်တင်ပို့ခဲ့ပြီး ၂၀၂၃ခုနှစ်နှင့်နှိုင်းယှဉ်ပါက ၂၆ရာခိုင်နှုန်းတိုးမြင့်လာကြောင်းပြောကြားခဲ့သည်။ ကမ္ဘောဒီးယားနိုင်ငံသည် လာမည့်လေးနှစ်မှ ငါးနှစ်အတွင်း ကမ္ဘော့ထိပ်တန်း သီဟိုဠ်စေ့ထုတ်လုပ်သူဖြစ်လာလိမ့်မည်ဟု ဆက်လက်ပြောကြားခဲ့သည်။ သီဟိုဠ်စေ့စိုက်ပျိုးသည့် တောင်သူအများစုသည် သီဟိုဠ်စေ့စိုက်ပျိုးရန်အတွက် ပျိုးပင်များအား ခက်ခက်ခဲခဲဝယ်လိုအားများနေသောကြောင့် ရုံးကန်နေရကြောင်းနှင့် ရလဒ်အနေဖြင့် အရည်အသွေးမြင့် သီဟိုဠ်စေ့များ၏ ဈေးနှုန်းမြင့်မားမှုကြောင့် နှစ်စဉ် တောင်သူများ သီဟိုဠ်စေ့စိုက်ပျိုးမှုပိုများလာသည်ဟု Suy Kokthean ကရှင်းပြခဲ့သည်။ ကမ္ဘာ့ရောင်းလိုအားပြတ်လပ်မှုကြောင့် ဝယ်လိုအားတက်စေသည့် သီဟိုဠ်စေ့ဈေးနှုန်းများအားကောင်းနေခြင်းကြောင့် သီဟိုဠ်စေ့စိုက်ပျိုးမှုတိုးလာမည့်လမ်းကြောင်းများကို CAC မှတာဝန်ရှိသူက အလေးပေးပြောကြားခဲ့သည်။ သို့သော် ရာသီဥတုပြောင်းလဲမှုသည် စက်မှုလုပ်ငန်းများအတွက် အကြီးမားဆုံးစိန်ခေါ်မှုဖြစ်နေဆဲဖြစ်ကြောင်းနှင့် ပြင်းထန်သောရာသီဥတုသည် အထွက်နှုန်းကို သိသိသာသာထိခိုက်စေနိုင်ကြောင်း Suy Kokthean ကမှတ်ချက်ပြုခဲ့သည်။ CAC နှင့် စိုက်ပျိုးရေးဝန်ကြီးဌာနသည် ၎င်းတို့အတွက် လေ့ကျင့်ရေးသင်တန်းများ ပုံမှန်ပြုလုပ်ပေးသောကြောင့် တောင်သူလယ်သမားများသည် အဆင့်မြင့်စိုက်ပျိုးခြင်းနည်းစနစ်များတပ်ဆင်ထားပြီးဖြစ်သည်ဟု ဆက်လက်ပြောကြားခဲ့သည်။ ကမ္ဘောဒီးယားနိုင်ငံသည် ၂၀၂၃ခုနှစ်တွင် သီဟိုဠ်စေ့တန်ချိန် ၆၅၆,၀၀၀ တင်ပို့ခဲ့ပြီး အမေရိကန်ဒေါ်လာ ၈၃၇သန်းရရှိခဲ့သည်။

Source: Khmer Times

DOCA(ရန်ကုန်)