ကမ္ဘောဒီးယားနိုင်ငံတော်ဘဏ် (NBC) နှင့် Korea Deposit Insurance Corporation (KDIC) တို့သည် အာမခံငွေကာကွယ်ရေးဆိုင်ရာ နားလည်မှုစာချွန်လွှာအရ အဖွဲ့အစည်းနှစ်ခုအကြားပူးပေါင်းဆောင်ရွက်မှုကို ပိုမိုမြှင့်တင်လုပ်ဆောင်ရန် ကတိပြုထားကြောင်းထုတ်ပြန်ထားသည်။ ကမ္ဘောဒီးယားနိုင်ငံလုံးဆိုင်ရာဘဏ် Sen Sok Building တွင် NBC ၏ အုပ်ချုပ်ရေးမှူး Dr. Chea Serey နှင့် KDIC ဥက္ကဋ္ဌ Dr. Jae Hoon Yoo တို့သည် ၂၁-၁၁-၂၀၂၄ ရက်နေ့က ပြုလုပ်ခဲ့သောတွေ့ဆုံပွဲတွင် ကတိကဝတ်ပြုခဲ့ခြင်းဖြစ်သည်။ တွေ့ဆုံစဉ် နှစ်ဖက်အဖွဲ့အစည်းများအကြား ပိုမိုကောင်းမွန်သောဖွံ့ဖြိုးတိုးတက်မှုများအတွက် ပူးပေါင်းဆောင်ရွက်မှုကို ဆက်လက်မြှင့်တင်သွားမည်ဖြစ်ကြောင်း ထုတ်ဖော်ပြောကြားခဲ့သည်။ Dr. Jae Hoon Yoo မှ ပိုမိုတိုးတက်ကောင်းမွန်လာစေရန် ရည်ရွယ်ချက်များကို အကြမ်းဖျင်းဖော်ပြခဲ့ကြပြီး ထိုပူးပေါင်းဆောင်ရွက်မှုအတွက် ကိုရီးယားအစိုးရ၏ပံ့ပိုးကူညီမှုများကို အခိုင်အမာပြောကြားကာ ကမ္ဘောဒီးယားတွင် အာမခံအပ်ငွေကာကွယ်ရေးစနစ် အောင်မြင်စွာတည်ထောင်နိုင်ရန်ရည်ရွယ်၍ နောက်ထပ်ပံ့ပိုးကူညီမှုများပေးရန် အဆင့်သင့်ရှိနေကြောင်း ပြောကြားခဲ့သည်။ Dr. Chea Serey သည် ယခင်က ၎င်းတို့၏ ပူးပေါင်းဆောင်ရွက်မှုနှင့် ပံ့ပိုးကူညီမှုများအတွက် KDIC အားကျေးဇူးတင်ရှိကြောင်းနှင့် ကျွမ်းကျင်သူများအဖွဲ့သည် ဤအာမခံအပ်ငွေကာကွယ်ရေး ယန္တရား၏ အတွေ့အကြုံနှင့် အကောင်အထည်ဖော်မှုများစွာသင်ယူခဲ့ရကြောင်း ပြောကြားခဲ့ သည်။ သူမသည် KDIC ၏ နောက်ထပ်ပံ့ပိုးကူညီမှုများတိုးမြှင့်လိုသည်ဆန္ဒများကို အခွင့်အလမ်းကောင်းတစ်ခုအဖြစ်မှတ်ယူထားပြီး NBC သည် အာမခံအပ်ငွေကာကွယ်ရေးစနစ် နှင့်ပတ်သက်သည့် လုပ်ငန်းတာဝန်များကို ထမ်းဆောင်ရန်အတွက် လုပ်ငန်းဖွဲ့စည်းပုံအသစ်အား ပြင်ဆင်ထားကြောင်းပြောကြားခဲ့ကြောင်းသိရှိရပါသည်။
Source: Khmer Times
DOCA(ရန်ကုန်)