ယခုနှစ် နိုဝင်ဘာလ နောက်ဆုံးရက်သတ္တပတ်အတွင်း ထိုင်းနိုင်ငံတောင်ပိုင်းရှိ ခရိုင် ၅ ခု၌ ရေကြီးမှုများ ပြင်းထန်စွာဖြစ်ပေါ်ခဲ့ခြင်းက ရော်ဘာထုတ်လုပ်မှုတွင် ဘတ်ငွေ တန်ဖိုး ၂၀ ဘီလီယံ အထိ ထိခိုက်မှုဖြစ်စေခဲ့သည်ဟု ထိုင်းရော်ဘာအာဏာပိုင်အဖွဲ့ (Rubber Authority of Thailand) ကပြောကြားခဲ့ကြောင်း The Nation Thailand သတင်းဌာနက ဖော်ပြပါသည်။
အဆိုပါ အာဏာပိုင်အဖွဲ့၏ ခေတ္တအုပ်ချုပ်ရေးမှူးဖြစ်သူ Sukthat Tangwiriyakul က Songkhla, Satun, Pattani, Yala နှင့် Narathiwat ခရိုင်ပေါင်း ၅ ခုတွင် ပြင်းထန်စွာ ရေကြီးမှု ကြောင့် ရော်ဘာစိုက်ခင်းဧရိယာ ရိုင် ၅ သန်း (ဧက ၁.၉၇၆၈၄ သန်း) ကျော်သည် ထိခိုက်ပျက်စီးမှု ရှိခဲ့ကြောင်း၊ ရော်ဘာတောင်သူများအနေဖြင့် နောက်ထပ် တစ်လခွဲကြာကာလအထိ ရော်ဘာ အစေးခြစ်လုပ်ငန်းကို လုပ်ဆောင်နိုင်မည်မဟုတ်ဟု ၎င်းတို့အာဏာပိုင်အဖွဲ့က တွက်ချက်ယူဆ ထားကြောင်း၊ ယင်းအခြေအနေက ဘတ်ငွေ ၂၀ ဘီလီယံအထိ ဝင်ငွေဆုံးရှုံးမှုကို ဖြစ်စေလိမ့်မည် ဖြစ်ကြောင်း၊ တွက်ချက်မှုများမှာ လက်ရှိ ရော်ဘာစေး ၁ ကီလိုဂရမ်လျှင် ၆၅ ဘတ်နှုန်းအပေါ် အခြေခံထားကြောင်း၊ ရော်ဘာအာဏာပိုင်အဖွဲ့ အနေဖြင့် ၎င်းထံ၌ မှတ်ပုံတင်ထားသော ရော်ဘာ စိုက်ပျိုးသည့် တောင်သူများသို့ ဘတ်ငွေ ၃၀၀၀ နှုန်းဖြင့် ထောက်ပံ့သွားမည်ဖြစ်ကြောင်း ပြော ကြားခဲ့ခြင်း ဖြစ်သည်။
အဆိုပါ အာဏာပိုင်အဖွဲ့၏ ခရိုင်ရုံးများသည် ရေဘေးသင့် တောင်သူများသို့ လိုအပ်သော အသုံးအဆောင်ပစ္စည်းအိတ်များ ဖြန့်ဖြူးပေးရန်အတွက် အရေးပေါ်ရန်ပုံငွေမှ ဘတ်ငွေ ၁၀၀၀၀၀ စီကို ကျခံသုံးစွဲရန် ခွင့်ပြုချက် ရရှိထားပြီးဖြစ်ကြောင်း သိရှိရသည်။
Source: The Nation Thailand, 2 Dec 2024(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)