ဇွန်လ စတုတ္ထပတ်တွင် သုံးခွမြို့နယ်၌ အခြေခံစားကုန်များဖြစ်သော (ကုန်ခြောက်) ပစ္စည်း အမျိုးအစားအလိုက်အနေဖြင့် ကြက်သွန်နီဆိုဒ်စုံ တစ်ပိဿာလျှင် (၁၂၀၀-၂၅၀၀)ကျပ်ထိ၊ ကြက်သွန်ဖြူ (ရှမ်းစ) တစ်ပိဿာလျှင် (၁၀၀၀၀-၁၂၀၀၀)ကျပ်ထိ၊ ငရုတ်သီးတောင့်(အရှည်) တစ်ပိဿာလျှင် (၁၀၀၀၀-၁၂၀၀၀)ကျပ်ထိ၊ ကုလားပဲခြမ်း တစ်ပိဿာလျှင် (၆၅၀၀)ကျပ်၊ မကျဉ်းသီးတစ်ပိဿာလျှင် (၁၀၀၀၀)ကျပ်၊ အိုင်အိုဒင်းဆား တစ်ထုပ်လျှင် (၁၀၀၀)ကျပ်၊ အာလူး တစ်ပိဿာလျှင် (၄၀၀၀)ကျပ်၊ သကြား တစ်ပိဿာလျှင် (၅၅၀၀)ကျပ် ဈေးနှုန်း အသီးသီးတို့ဖြင့် သုံးခွမြို့နယ် စည်ပင်သာယာမြို့မဈေးအတွင်း အရောင်းအဝယ်ဖြစ်လျက်ရှိကြောင်း သိရှိရသည်။
ယခင်အပတ်နှင့် ယခုအပတ်ဈေးနှုန်းများနှိုင်းယှဉ်ရာ၌ စားသောက်ကုန် (ကုန်ခြောက်) ပစ္စည်းများမှာ ယခင်အပတ်ဈေးနှုန်းအတိုင်းသိသာစွာ ပြောင်းလဲမှုမရှိသေးကြောင်း၊ ကုန်ခြောက် ပစ္စည်းအမျိုးအစားအလိုက် သုံးခွမြို့နယ် ဈေးကွက်အတွင်းသို့ ၁ ရက်ခြား တစ်ခါ ဘုရင့်နောင် ပွဲရုံမှ မှာယူ၍ ပုံမှန်ရောင်းချလျက်ရှိကြောင်း မေးမြန်းစုံစမ်းသိရှိရပါသည်။
DOCA (ရန်ကုန်)