ပဲလင်းမြွေပင်သည် ပူနွေးသော ရာသီဥတုကို ကြိုက်နှစ်သက်သောကြောင့် မြန်မာနိုင်ငံအလယ်ပိုင်းနှင့်အောက်ပိုင်းများတွင်သာ စိုက်ပျိုးဖြစ်ထွန်းပြီး တောင်ပေါ်အေးသော ဒေသ များတွင် စိုက်ပျိုး၍ မရပါကြောင်း သိရသည်။ မြွေပုံစံရှိသောကြောင့် ပဲလင်းမြွေသီး ဟုခေါ်ခြင်း ဖြစ်သည်။ ချိုတဲ့အရသာရှိပြီး ချက်စား၊ ကြော်စား ပြီး ကြက်သားအစာသွပ်ပြုလုပ်၍ ချက်စားခြင်း၊ အမဲသားအစာသွပ် ပြုလုပ်၍ ချက်စားခြင်း၊ ပုဇွန်ခြောက်ဖြင့်နှပ်စားခြင်း စသည့်ဖြင့် အမျိုးမျိုး ချက်စားကြသောကြောင့် လူကြိုက်များသော သီးနှံတစ်မျိုးဖြစ်ပါသည်။ မြင်းခြံမြို့ အေးမြသီတာ ဈေးတွင် ပဲလင်းမြွေသီး အရှည်နှစ်တောင်ခန့် တစ်ချောင်းလျှင် (၂၀၀၀)ကျပ်နှင့် တစ်တောင်ခန့် သာသာတစ်ချောင်းလျှင်(၁၅၀၀)ကျပ်ဖြင့်ရောင်းချလျက်ရှိရာ ရာသီပေါ်သီးနှံဖြစ်ပြီး နူးညံ့ချိုစိမ့် ၍ လူကြိုက်များသောကြောင့် အရောင်းအဝယ်သွက်ကြောင်းနှင့် အသီးအရွယ်အစားပေါ်မူတည်၍ ဈေးနှုန်းကွာခြားကြောင်း ကုန်စိမ်းနှင့်သီးနှံရောင်းချသောဆိုင်များမှ သိရှိရသည်။
DOCA(မန္တလေး)